मकवानपुर ।हाल देशमा बंगालको खादीमा रहेको यास (YAAS) नामगरिएको चक्रवातको आंशिक प्रभाव रहेकाले सामान्य तथा आंशिक बदली भइ वर्षा भइरहेकाे जल तथा माैसम विज्ञान विभाग माैसम पूर्वानुमान महाशाखाले जनाएकाे छ। अहिले बागमती प्रदेशका केही स्थानहरुमा हल्का देखि मध्यम वर्षा भैरहेको छ भने प्रदेश १, प्रदेश २, तथा गण्डकी प्रदेशमा समान्य बदली र बाँकी प्रदेशमा आंशिक वदली रहेकाे छ ।
प्रदेशहरुमा मेघगर्जन/चट्याङ्ग सहित हल्का देखि मध्यम वर्षाको सम्भावना रहेको छ ।गण्डकी, बागमती र प्रदेश १ का हिमाली/ उच्च पहाडी भूभागका केहि स्थानहरुमा हल्का देखि मध्यम हिमपात/वर्षा को सम्भावना रहेकाले आवश्यक सतर्कता अपनाउन महाशाखाले अनुरोध गरेकाे छ।
३ दिनको मौसम पूर्वानुमान
जेठ १२ गते बुधबार प्रदेश १, प्रदेश २, बाग्मती, गण्डकी, लुम्बिनी प्रदेशमा सामान्य बदली र बाकी भू-भागमा आंशिक बदली रहने छ। प्रदेश १, प्रदेश २, बाग्मती, र गण्डकी प्रदेशका केहि स्थानहरूमा र बाकी प्रदेशहरुका एक वा दुइ स्थानमा मेघगर्जन/चट्याङ्ग सहित हल्का देखि मध्यम वर्षाको सम्भावना रहेको छ। प्रदेश १ को एक-दुई स्थानमा भारी वर्षाको सम्भावना रहेको छ।गण्डकी, बागमती प्रदेश र प्रदेश १ का हिमाली/ उच्च पहाडी भूभागका केहि स्थानहरुमा हल्का देखि मध्यम हिमपात/वर्षा को सम्भावना रहेको छ।
जेठ १३ गते विहीबार देशभर सामान्य देखि पूर्णतया बदली रहने छ। प्रदेश १, प्रदेश २, बाग्मती, गण्डकी, लुम्बिनी र कर्णाली प्रदेशका केहि स्थानहरूमा र बाकी प्रदेशका एक वा दुइ स्थानमा मेघगर्जन/चट्याङ्ग सहित हल्का देखि मध्यम वर्षाको सम्भावना रहेको छ। प्रदेश १, प्रदेश २, लुम्बिनी, गण्डकी तथा बाग्मती प्रदेशका एक वा दुई स्थानमा भारी वर्षाको सम्भावना रहेको छ।देशका हिमाली/ उच्च पहाडी भूभागमा हल्का देखि मध्यम हिमपात/वर्षा को सम्भावना रहेको छ।
जेठ १४ गते शुक्रबार देशभर सामान्य देखि पूर्णतया बदली रहने छ। देशका अधिकांश स्थानहरूमा मेघगर्जन/चट्याङ्ग/हावाहुरी सहित हल्का देखि मध्यम वर्षाको सम्भावना रहेको छ। प्रदेश १, प्रदेश २, लुम्बिनी, गण्डकी तथा बाग्मती प्रदेशका थोरै स्थानहरुमा भारी वर्षाको सम्भावना रहेको छ।देशका हिमाली/ उच्च पहाडी भूभागमा हल्का देखि मध्यम हिमपात/वर्षा को सम्भावना रहेको छ।
नेपाली महिला समाज पोर्चुगलको प्रथम अधिवेशन सम्पन्न
Tags: No Comments
मकवानपुर । नेपाली महिला समाज पोर्चुगलको अध्यक्षमा माया पौडेल खराल चयन भएकी छन् ।जेठ ९ गते (मे २३) भएकाे प्रथम अधिवेशनबाट जुझारु महिला खरालको अध्यक्षतामा १९ सदस्यीय नयाँ कार्यसमिति चयन भएकाे छ।
लिस्बनका लागि अवैतनिक नेपाली महाबाणिज्यदूत मकरबहादुर हमालको प्रमुख आतिथ्यतामा भर्चुअल रूपमा सम्पन्न समाजको अधिवेशनले नयाँ कार्यसमिति चयन गरेको हो। अधिवेशनले महिला समाज पोर्चुगलको ३ जना उपाध्यक्षमा सरिता शर्मा र दीपा लिम्बू (एक स्थान पछि पदपूर्ति गरिने), महासचिवमा शान्ति अर्याल अधिकारी, सचिवमा रेनु परियार र देवी घिमिरे, कोषाध्यक्षमा शोभा गिरी, सह-कोषाध्यक्षमा संगिता थापा मगर चयन भएका छन्।

त्यस्तै अधिवेशबाट सदस्यहरुमा अप्सरा बर्तौला, इन्दिरा परियार, सुमित्रा दिवाली, इन्दिरा बस्याल, सीता कडेंल सापकोटा, शान्ता ढुंगाना, रिता ढकाल ,आशा रिजाल, मनिशा दुलाल, शशी शेर्पा, रबिना भाट चयन भएकाे निर्वाचित महासचिव शान्ति अर्याल अधिकारीले बताइन् ।
यसैगरी संस्थाको प्रमुख संरक्षकमा लिस्बनका लागि अवैतनिक नेपाली महाबाणिज्यदूत मकरबहादुर हमाल, संरक्षकमा निवर्तमान अध्यक्ष निर्मला ढकाल र सल्लाहकारहरुमा निवर्तमान कोषाध्यक्ष सुशीला थापा र गीता राना रहेको महासचिव अधिकारीले जनाकारी दिइन् । सुशीला थापाको संयोजकत्वमा गीता राना र निमलामु शेपा रहेको निर्वाचन समितिले नवनिर्वाचित कार्यसमितिको घोषणा गरेकाे हाे ।

सन् 2019 march 23 मा स्थापना भएकाे महिला समाजले विदेशमा नेपाली कला, संस्कृति, साहित्य, पर्यटनको प्रबर्द्धन र संरक्षण गर्दै प्रचारप्रसार गर्ने, पोर्चुगलमा रहेका सम्पुर्ण नेपाली वा नेपाली मुलका महिलाहरुमा एकता, सद्भाव र समन्वय कायम गरी साझा हितकालागि काम गर्ने, महिलाकालागि महिला ( Women for women) भन्ने भावनाकासाथ महिलाहरुमा परेका समस्या र पीरमार्का समाधान र निराकरण गर्न पहल र प्रयास गर्ने, लैङ्गिक विभेद, सामाजिक आर्थिक असमानता, महिला हिंसा, यौन शोषण तथा कुनैपनि खालको अन्यायका विरुद्ध ससक्तरूपमा आवाज उठाउने, महिला जागरण र सशक्तीकरणकालागि अभियान संचालन गर्ने, महिलाहरुमा भएका अनुभव, सीप, कला, ज्ञान, दक्षतालाई आदानप्रदान गर्ने उदेश्यले समाज गठन गरिएकाे महासचिव अर्याल अधिकारी बताउँछिन् ।
यस्तै पोर्चुगल र अन्य देश तथा ठाउँका महिला हकहितका पक्षमा काम गर्ने राष्ट्रिय तथा अन्तर्राष्ट्रिय संघ संस्थाहरुसंग सम्बन्ध बिस्तार र सहयोग आदानप्रदान गर्ने, सीपमूलक तालिम प्रारम्भिक स्वास्थ्य शिविर नियम बमोजिम संचालन गर्ने, सामाजिकरूपमा कठिनाइ भोगिरहेका र किनारामा पारिएका महिलाहरुलाई सहयोग र उद्दार गर्ने, पोर्चुगल, नेपाल र विश्वव्यापीरूपमा हुने महिला अभियान र सशक्तीकरण आन्दोलनलाई नैतिक, भौतिक,आर्थिक सहयोग समर्थन र एक्यवद्धता जनाउने, असाहाय महिला, बालबालिका बृद्दबृद्दा र पिचाडिएको वर्ग समुदायलाई सक्दो सहयोग पुर्याउने लगायतका समाजका उदेश्यकाे रहेकाे छ ।

उद्घाटन कार्यक्रममा एनआरएनए आइसिसीका सहकोषाध्यक्ष लोक दाहाल, पोर्चुगलका नेपाली पर्यटनदूत रमेश गुरुङ एनआरएनए पोर्चुगलका अध्यक्ष तिलक गैरे, वरिष्ठ कानुनविद् राजेन्द्र शर्मा, अधिवक्ता शारदा पौडेल, नेपाल पोर्चुगिस नागरिक महिला अगुवा, जुन्ता फर्गेसियाका प्रतिनिधिहरु लगायत पोर्चुगलस्थित विभिन्न संघ-संस्थाका अध्यक्ष तथा प्रतिनिधि, पत्रकार, व्यवसायी लगायत नेपाली समुदायका दर्जनौं व्यक्तिहरूकाे आतिथ्यता रहेकाे थियाे ।
समाज स्थापनाकालदेखि संस्थालाइ महत्त्वपूर्ण सहयोग पुर्याउने गैरआवासीय नेपाली सङ्घ (एनआरएन) केन्द्रीय सहकोषाध्यक्ष लोकप्रसाद दाहाल, वरिष्ठ कानुनविद् राजेन्द्र शर्मा, अधिवक्ता शारदा पौडेल, पोर्चुगलमा पहिले नेपाली प्रचालीका इन्दिरा ब्यञ्जनकार श्रेष्ठ, सौन्दर्यकर्मी मीरा कार्की, मनोज भट्टराई र अनु क्षेत्रीलाई सम्मान समेत गरिएकाे गरेको थियो। सो अवसरमा विभिन्न महानुभावहरुलाइ सम्मान समेत गरिएको महासचिव शान्ति अर्याल अधिकारीले जानकारी दिइन् ।
समाजकी तत्कालीन अध्यक्ष निर्मला ढकालको अध्यक्षमा सम्पन्न कार्यक्रममा स्वागत मन्तव्य तत्कालीन उपाध्यक्ष माया खरेल र संचालन तत्कालीन महासचिव सरिता शर्माले गरेकी थिइन्।
मकवानपुर/ कोरोना भाइरसको महामारीको कारण बिरामी हुनेहरुको संङ्ख्या बढीरहेपछि बागमती प्रदेश सरकारले प्रदेश मातमतमा सञ्चालित थप पाँच वटा अस्पतालहरुमा अक्सिजन प्लान स्थापनाको तयारी गरेको छ ।
प्रदेश मातहतमा रहेका १३ मध्ये ६ वटा अस्पतालमा यस अघि नै सन्चालनमा रहेको छ र थप ५ अस्पतालमा पनि प्लान्ट स्थापना गर्ने तयारी गरिएको हो । प्रदेश मातहतका सबै अस्पतालहरुलाई सुबिधायुक्त बनाउने अभियान अन्तरगत अक्सिजन प्लान्ट राख्न लागिएको मन्त्री बस्नेतले बताइन् ।
बाग्मती प्रदेश मातहतका ति अस्पतालहरुमा अब अक्सिजन प्लान्ट स्थापना गर्नको लागि एक महिना समयसिमा राखेर टेन्डर आह्वान गरिएको छ । प्रदेश सरकारले मंगलबार उक्त सूचना राष्ट्रिय पत्रिका मार्फत प्रकाशन गरेको छ ।
हाललाई कोभिड महामारीलाई मध्यनजर राख्दै काम सुरु गरिए तापनि यसले दीर्घकालीन रुपमा राहत प्रदान गर्न प्रदेशको सामाजिक विकास मन्त्री सरस्वती बस्नेतले बताइन् । “अक्सिजन जस्तो प्राण वायु अन्य अन्य समयमा पनि आवश्यक परिरहन्छ, सहज उपलब्धताले व्यक्तिको ज्यान अकालमा जाँदैन” मन्त्री बस्नेतले भनिन् “अबको एक महिनामा प्रदेश अन्तरगतका सबै अस्पतालले आफैं अक्सिजन उत्पादन गर्न थाल्ने छन् ।”
प्रदेशको सामाजिक विकास मन्त्रालयले सार्वजनिक खरिद अनुगमन कार्यालय मार्फत एक महिनाको समय सिमा राखेर टेण्डर आह्वान गरेको हो । मन्त्रालयले प्रदेश मातहतमा रहेका काठमाडौंको टोखा अस्पताल, ललितपुरको बज्रबाराही अस्पताल, दोलखाको चरिकोट अस्पताल, रामेछापको रामेछाप अस्पताल, काभ्रेको मेथिनकोट अस्पताल, धादिङको धादिङ अस्पताल, सिन्धुपाल्चोकको चौतारा अस्पताल र चितवनको बकुलहर अस्पतालमा अक्सिजन प्लान्ट स्थापना गर्न लागेको मन्त्रालयले जनाएको छ।
यी अस्पतालहरुमा अक्सिजन अभाव नहोस भनेर एक महिनाभित्र प्लान्ट स्थापना गरिसक्ने मन्त्रालयले जनाएको छ । यसअघि अक्सिजन प्लान्ट नभएका अस्पतालहरुमा पनि प्लान्ट निर्माण गर्ने निर्णयअनुरुप प्लान्ट निर्माण गर्न लागेको मन्त्रालयले जानकारी दिएको छ । साथै मन्त्री बस्नेतले कोभिड विरुद्ध लड्नका लागि कुनै कसर बाँकी नराख्ने भन्दै आगामी आर्थिक वर्षको नीति तथा कार्यक्रम र बजेटमा पनि स्वास्थ्य क्षेत्रलाई प्राथमिकतामा राखेको बताइन्। यस अघि सामाजिक विकास मन्त्रालयले प्रदेशको १३ वटै जिल्लामा एक÷एक वटा पीसीआर मेसिन राख्ने निर्णय गरिसकेको छ । कोभिडको दोस्रो लहर बढेसङ्गै बागमती प्रदेश सरकारले “एक जिल्ला एक पीसीआर मेसिन” राख्ने निर्णय गरेर आवश्यक प्रक्रिया अघि बढाइ सकेको थियो
मकवानपुर । पूर्वीमध्य बंगालको खाडीमा रहेको न्यून-चापीय प्रणाली हाल चक्रवात (Cyclonic Storm) यास् (YAAS) मा परिणत भइ यास उत्तरउत्तरपश्चिम दिशा तर्फ गएकाे हुँदा यसकाे प्रभावले हाल मकवानपुर सहित देशका धेरै स्थानमा पूर्ण बदली भइ वर्षा भएकाे छ ।
चक्रवात उत्तरउत्तरपश्चिम सर्ने क्रममा मंगलबार जेठ ११ गते धेरै शक्तिशाली चक्रवात (Severe Cyclonic Storm) मा परिणत भएकाे जल तथा मौसम विज्ञान विभागकाे माैसम पूर्वानुमान महाशाखाले जनाएकाे छ । बुधबार जेठ १२ गते सम्ममा अति धेरै शक्तिशाली चक्रवात (Very Severe Cyclonic Storm) मा परिणत हुने भएकाेले उक्त चक्रवातको केही असर आउँदा केही दिनमा नेपालको अधिकांश भूभागमा समेत पर्ने सम्भावना रहेकोले सबैलाई सजक हुन मौसम सजग रहन महाशाखाले अनुरोध गरेकाे छ।
बागमती प्रदेश र प्रदेश १ का उच्च हिमाली/पहाडी भूभागका केहि स्थानहरुमा हल्का देखि मध्यम हिमपात र वर्षाको समेत सम्भावना रहेको छ । मंगलबार ११ गते अपरान्ह पछि देशका धेरै स्थानहरूमा सामान्य देखी पूर्ण बदली भई । उच्च हिमाली भूभागमा हावाहुरी समेत हुनसक्ने सम्भावना रहेकोले मंगलबार देखि केहि दिनसम्मका लागी पर्वतारोहिहरूलाई मौसम अनुसार सतर्कता अपनाई सुरक्षित रहन अनुरोध छ।

देशका धेरै स्थानहरुमा बुधबार १२ गते बाट केहि दिन हल्का देखि मध्यम वर्षाको सम्भावना छ। साथै प्रदेश १, प्रदेश २, बाग्मती प्रदेश, गण्डकी प्रदेश र लुम्बिनी प्रदेशका थोरै स्थानहरूमा भारी
वर्षा हुने पूर्वानुमान महाशाखाले जनाएकाे छ ।
बिहिबार १३ गते कर्णाली प्रदेश र सुदुर पश्चिम प्रदेश को एक-दुई स्थानमा समेत भारी वर्षाको समेत सम्भावना रहेको छ। उच्च हिमाली भू-भागहरू हिमपात र वर्षाको सम्भावना रहेकोले पर्वतारोहिहरूलाई सतर्क रहन समेत अाग्रह गरिएकाे छ।
यो सिजनमा मेघगर्जन / चट्याङ /हावाहुरी र असिना-पानीको समेत सम्भावना रहेकोले आवश्यक सतर्कता अपनाउनु महाशाखाले सवैलाइ भनेकाे छ ।
बालबालिकाको सवालमा भर्चुअल अन्तरक्रिया
Tags: No Comments
मकवानपुर/ कोरोना भाइरस (कोभिड–१९) को महामारीको समयमा मकवानपुरको विभिन्न बालगृहहरुमा बस्दै आएका बालबालिकाहरुको अवस्था बारे अन्तरक्रिया कार्यक्रम गरिएको छ ।
मकवानपुर जिल्लाका बालगृह संचालक र मानव अधिकार संरक्षण तथा मानब वेचबिखन बिरुद्धको सन्जाल का पदाधिकारीहरु विच सोमबार भर्चुअल अन्तर्कृयात्मक कार्यक्रममा गरिएको हो ।
कोरोना भाइरस (कोभिड–१९) को महामारीमा बाल्बालिकाहरुको सुरक्षा के कसरी गरिएको छ र बालबलिकाहरुको बहुआयामिक क्षेत्र लाई कसरी ब्यवस्थित गरिएको भन्ने बिषयमा छलफल तथा आगामी दिनमा बालबालिका लक्षित योजना र कार्यक्रम बनाउदा समाबेश गर्नु पर्ने विषयमाथि सुझाव प्राप्त गर्ने उद्देश्यले कार्यक्रम गरिएको थियो ।
संघीय सरकारले उपलब्ध गराउन पर्ने भ्याक्सिन लगाउन नपाउनाले कोभिडको जोखिम बढी भएको भन्दै सहभागीहरुबाटले गुनासो गरेका थिए । कार्यक्रममा मकवानपुरका ८ वटा बालगृह संचालकहरुले आ–आफ्नो बाल गृहको वर्तमान अवस्था बारे जानकारी गराएका थिए ।
हाम्रो घर बालगृहकी सन्चालक इन्दिरा डल्लाकोटीले १६ जना बाबु र ११ जना नानीलाई महामारीबाट बचाउँन बाहिरको मान्छेसँगको भेट प्रतिबन्ध गरेको बताइन् । उमेर अनुसार बालबालिकाहरुलाई खेल्ने र पढ्ने समयको व्यवस्थापन गरिएको उनले बताइन् ।
औपचारिक कक्षाहरु बन्द रहेकोले बालगृह मै आश्रित ठुलो कक्षामा अध्यनरत बालबालिकाहरुले सानो कक्षामा अध्ययनरत बालबालिकाहरुलाई नियमित सिकाइमा सहयोग गरिरहेको उनले बताइन् । यसैगरी नारी संरक्षण केन्द्रका कार्यक्रम संयोजक राम मिजारले २६ बालिका र २ बालक गरी हाल २८ जनालाई हप्तामा ३ वा ४ पटक आवश्यक बिषयमा परामर्श गर्ने गरिएको र अरितिक्त कृयाकलापमा ब्यस्त गराउँने गरिएको बताए । ‘विभिन्न उमेरका बालबालिकाको समुह बनाइ उत्प्रेरित गराउँदै कोभिड बाट बचेँर बसेका छौं’ मिजारले भने ।

यसैगरी मामाघर नेपालका अर्पण पराजुलीले बालकहरुलाई अतिरिक्त कृयाकलापमा ब्यस्त
गराउनेमा बढी ध्यान दिएको बताए । मामाघर नेपालमा हाल १८ जना बालकहरु आश्रित छन्।यसैगरी शान्ता घर बालगृहका कार्यालय प्रमुख केदार आचार्यले हाल २० जना बालिकाहरु गृहमा रहेको र उनीहरुलाई यो महामारीको कारण हालसम्म कुनै समस्या नभएको बताए ।
मानव अधिकार संरक्षण तथा मानब वेचबिखन बिरुद्धको सन्जाल का उपाध्यक्ष माया लामा,सचिब जगन्नथ सुबेदी, सदस्य कुमारी लामा, बाल कल्याण समाजका प्रकाश खतिवडा, शेयर एन्ड केयरका कृष्ण श्रेष्ठ, नारी सीप सृजना केन्द्र अध्यक्ष सरस्वती बर्तौलालगायतले संस्थाले बालबालिका केन्द्रित कार्यक्रमको बारेमा जानकारी गराएका थिए ।
सञ्जालकै सदस्य संस्था सिविन बाल हेल्प लाइन मकवानपुरका प्रमुख तथा बगमती प्रदेश बाल अधिकार समितिका सदस्य झविन्द्र ज्ञवालीले लकडाउनको अवस्थामा भएका बाल संरक्षण र उद्धारका घटना जानकारी गराएका थिए । लकडाउनको अबधिमा मकवानपुरका हेटौंडा, मकवानपुर गढी, बकैया र मनहरिमा ४ वटा हुन लागेका बाल विवाहको घटनालाई
रोक्न सफल भएको ज्ञावलीले बताए ।
बालगृह सञ्जाल मकवानपुरको अध्यक्ष समेत रहेका ज्ञवलीले बालगृहका बिषयमा सबै सरोकारवालाहरुसँग सहकार्य गरिने बताए । ज्ञावलीले बालगृहमा आश्रित बालबालिकाहरुको लागि बाल कानूनी साक्षरता कक्षा सञ्चालन गर्नु पर्ने आवश्यकता रहेको बताए । उनले कानुन अन्वेषण तथा स्रोत विकास केन्द्र (सेलर्ड) का फिल्ड अफिसर अधिवक्ता जगन्नाथ सुबेदीलाई लकडाउनको अवस्थामा बाल गृहमा बसेका बालबालिकाको निम्ती बाल कानुनी साक्षरता बारे भर्चुअल कक्षाहरु नियमित रुपमा चलाउनु आवश्यक भएकोले यस्तो कार्यक्रम गर्नको लागि अनुरोध समेत गरे ।
हेटौंडा उपनगरपालिका महिला तथा बालबालिका महाशाखा प्रमुख बिष्णु कुमारी लामिछानेले बाल गृह र अन्य संस्थाको कार्यसम्पादन र भावी योजनाको बारेमा आगामी समयको निम्ती उपयुक्त्त कार्यक्रम योजना तर्जुमाको गर्न सुझाब दिएकी थिइन् । हेटौंडा उपमहानगरपालिका महिला तथा बालबालिका महाशाखाको आयोजना र सिविन नेपाल बाल हेल्प लाइनको संयोजनमा कार्यक्रम भएको थियो । तस्बिरःझविन्द्र ज्ञावलि