हेटौंडामा गायिका मुक्तानसहित ६ जना सम्मानित
Tags: No Comments
मकवानपुर । मातृभूमि साहित्य समाज मकवानपुरले सुगम संगीतकी वरिष्ट गायिका कुन्ती मुक्तानसहित एकै मञ्चमा ६ जना व्यक्तिलाई सम्मान गरेकाे छ । मातृभूमिले मकवानपुरकाे शनिबार आयोजना गरेकाे ‘स्रष्टा सम्मान, परिचर्चा एवम् रचना वाचन कार्यक्रम’ मा विभिन्न क्षेत्रमा योगदान पुर्याउने ६ जनालाई सम्मान तथा पुरस्कृत गरेकाे हाे । (more…)
मकवानपुर । मकवानपुरकाे हेटौंडा ११ थानाभर्याङमा सुरक्षाजाँचका लागि खटिएका ट्राफिक प्रहरीलाई घाइते बनाएर भागेको कारसहित चालकलाई मकवानपुर प्रहरीले नियन्त्रणमा लिएको छ ।
बिहीबार राजमार्गमा सुरक्षाजाँचका लागि हेटौँडा–११, थानाभ¥याङस्थित ट्राफिक प्रहरी कार्यालय अगाडि जाँचका लागि खटिएको प्रहरीसँग भाग्ने क्रममा कारको सिसामा अल्झिएर झण्डै १० मिटर टाढासम्म प्रहरी जवानलाई घिसारेको प्रहरीको भनाइ छ । मापसे जाँच गर्ने ब्रेथलाइजर पनि कारमै छुटेको थियो ।
नवलपुरबाट हेटौँडा बजारतर्फ आउँदै गरेको कारका चालकको मापसे जाँच गर्न खोज्दा भागेको कारलाई प्रहरीले शुक्रबार चितवन जिल्लाको भरतपुर महानगरबाट बा ६ च ८४०९ नम्बरको कार र चालक हेटौँडा–५, गर्दोइ बस्ने ४६ वर्षीय बासुदेव आचार्यलाई नियन्त्रणमा लिएको जिल्ला प्रहरी कार्यालय मकवानपुरले जनाएको छ ।
प्रहरीले आचार्यको साथबाट ब्रेथलाइजर मेसिन पनि बरामद भएको छ । प्रहरीले आचार्यलाई हिरासतमै राखेर थप अनुसन्धान गरिरहेको जनाएको छ ।
मकवानपुर । बागमती प्रदेश, भौतिक पूर्वाधार निर्माणमा विश्वव्यापी मान्यता प्राप्त ‘युनिभर्सल डिजाइन’ (सर्वसुलभ डिजाइन) को निर्देशिका निर्माण गर्ने मन्त्री स्तरीय निर्णय गरेको छ ।
अब बन्ने प्रदेशका सबै सरकारी भवन, सडक र सार्वजनिक स्थलहरू अपाङ्गता भएका व्यक्ति (विशेष वर्ग), ज्येष्ठ नागरिक, बालबालिका र सबै लिङ्गका लागि सहयोगी बिना नै सहजै प्रयोग गर्न सकिने गरी निर्माण गरिनेछ । २०८२ पुस १४ मा भौतिक पूर्वाधार विकास मन्त्री डा. दिनेशचन्द्र देवकोटाको मन्त्रीस्तरीय निर्णयसँगै प्रदेशले आफ्नै ‘सार्वजनिक पूर्वाधार सर्वसुलभ डिजाइन निर्देशिका’ बनाउने प्रक्रिया सुरु गरेको हो । यो निर्देशिका लागू भएपछि बागमती प्रदेश अपाङ्गमैत्री र सर्वसुलभ पूर्वाधार निर्माणमा देशकै अग्रणी प्रदेश बन्ने देखिएको छ ।
मन्त्री डा.देवकोटाका अनुसार यो योजना केवल अपाङ्गता भएका व्यक्तिका लागि मात्र नभई समाजका हरेक वर्गका लागि हो । “हामीले बनाउने सडक र भवनहरूमा वृद्धवृद्धा, केटाकेटी र विशेष वर्ग (अपाङ्गता भएका व्यक्ति) ले कसैको सहारा बिना हिँडडुल गर्न पाउनुपर्छ भन्ने हाम्रो दृष्टिकोण हो,” मन्त्री देवकोटाले भन्नुभयो, “सडकमा बाटो काट्दा दृष्टिविहीनहरूलाई समेत सहज हुने गरी विश्वव्यापी रूपमा प्रचलित ‘युनिभर्सल डिजाइन’ को ग्लोबल कन्सेप्टलाई हामीले कार्यगत निर्देशिका मार्फत लागू गर्दैछौं ।”
मन्त्री देवकोटाले यो निर्देशिका प्रदेश सरकारका मन्त्रालय र मातहतका निकायमा मात्र सीमित नहुने बताए । “प्रदेश सरकारले यो निर्देशिका क्याबिनेटबाट स्वीकृत गरेपछि आफ्ना संरचनामा अनिवार्य लागू गर्नेछ,” उनले भने । यसका साथै बागमती प्रदेशका ११९ वटै स्थानीय तहलाई पनि यो निर्देशिका बमोजिम पूर्वाधार निर्माण गर्न हामी अनुरोध गरेकाे उनले बताए ।
मन्त्रालयका सचिव ई .ईश्वर चन्द्र मरहठ्ठाका अनुसार यो निर्देशिकाले र्याम्प, लिफ्ट, रेलिङ र दृष्टिविहीनहरूका लागि विशेष संकेतहरूलाई अनिवार्य गर्नेछ । “अहिले कार्यदलले यसको ड्राफ्टमा काम गरिरहेको छ । आगामी आर्थिक वर्षदेखि बन्ने सबै सार्वजनिक भवन र अफिस बिल्डिङहरूमा यी सुविधाहरू अनिवार्य राखिनेछ,” सचिव मरहठ्ठाले भने ।
मन्त्रालयका आवास, भवन तथा सहरी विकास महाशाखा प्रमुख एवं कार्यदल संयोजक ई. भूपेन्द्र कुमार यादवको अध्यक्षतामा ११ सदस्यीय विशेषज्ञ कार्यदल (टास्क फोर्स) गठन गरिएको छ । यस कार्यदलमा इन्जिनियरिङ्ग अध्ययन संस्थान पुल्चोक क्याम्पसका सिभिल र आर्किटेक्ट विभागका प्रतिनिधिहरू, अपाङ्ग महासंघका नेतृत्व वर्ग र महिला अपाङ्गता भएका प्रतिनिधिहरू र अटिजम सोसाईटीका प्रतिनिधिहरु समावेश छन् । कार्यदलले ३ महिनाभित्र निर्देशिकाको अन्तिम मस्यौदा बुझाउने संयोजक यादवले जानकारी दिए ।
धेरैमा नयाँ मापदण्ड अपनाउँदा निर्माण लागत बढ्ने त्रास भए पनि त्यस्तो नहुने संयोजक यादवले त्यस्तो नहुने बताए । उनका अनुसार भएकै संरचनाको लम्बाई–चौडाईमा थोरै परिमार्जन गर्ने, र्याम्पहरूलाई व्यवस्थित गर्ने र डिजाइनलाई वैज्ञानिक बनाउने काम मात्र गरिनेछ । “लागत बढ्ने भन्दा पनि भएकै कुरालाई व्यवस्थित र सबैको पहुँचमा पुर्याउने उनले बताए ।
निर्देशिका निर्माणमा विज्ञ सदस्यहरू सुदर्शन सुवेदी (कानूनविद् तथा पूर्वअध्यक्ष, अपाङ्ग महासंघ), जगदीश अधिकारी (निर्देशक, नेपाल अपाङ्ग मानव अधिकार केन्द्र), निर्मला धिताल (अध्यक्ष, अपाङ्गता भएका महिलाहरूको महासंघ) र मुकुन्दहरि दाहाल (डाउन सिन्ड्रोम विज्ञ), प्राविधिक टोलीमा इन्जिनियरिङ्ग अध्ययन संस्थान पुल्चोक क्याम्पसको आर्किटेक्ट र सिभिल इन्जिनियरिङ्ग विभागका प्रतिनिधिहरू जस्ता विज्ञहरूले परामर्श दिनु हुनेछ भने ‘सीआरएस नेपाल’ ले प्राविधिक सहयोग गर्ने संयोजक यादवले जानकारी दिए ।

मकवानपुर । आगामी फागुन २१ गते हुने राष्ट्रिय सभा सदस्य निर्वाचनका लागि हेटौँडामा निर्वाचन अधिकृतको कार्यालय स्थापना भएको छ । निर्वाचन कार्यतालिका अनुसार बुधबार हेटौँडा ५ स्थित बागमती प्रदेश निर्वाचन आयोगको कार्यालयमा स्थापित निर्वाचन अधिकृतको कार्यालयको उद्घाटन गरिएको हो ।
जिल्ला अदालत मकवानपुर न्यायाधीश तथा निर्वाचन अधिकृत गीता श्रेष्ठले कार्यालयको उद्घाटन गरिन् । आगामी माघ ११ गते राष्ट्रिय सभा सदस्य निर्वाचन हुँदैछ । राष्ट्रिय सभामा बागमती प्रदेशबाट एक जना महिला र एक जना अन्य गरी २ जनाको पद रिक्त छ ।
निर्वाचान आयोगका अनुसार निर्वाचन अधिकृतका कार्यालय हेटौँडाले पुस २२ गतेसम्ममा अन्तिम मतदाता नामावली प्रकाशन गर्नेछ भने पुस २३ गते बिहान १० बजेदेखि दिउँसो ३ बजेसम्म मनोनयन दर्ता गर्ने कार्यतालिका रहेको छ ।
नाम दर्ता भएकाे सूचिबाट पुस २७ गते दिउँसो ३ बजेसम्म उम्मेदवारले नाम फिर्ता लिन पाउनेछ । पुस २८ गते उम्मेदवारहरुलाई चुनाव चिन्ह प्रदान गरिने भन माघ ११ गते मतदान हुने छ । मतदान कार्यक्रम बिहान ९ बजेदेखि दिउँसो ३ बजेसम्म हुनेछ । मतदानका लागि हेटौँडा ४ स्थित भूटनदेवी माध्यमिक विद्यालयमा दुई वटा मतदान केन्द्र तोकिएको छ ।
बागमती प्रदेश सभाका १ सय ९ जना सदस्यहरु र प्रदेशका १ सय १९ वटा स्थानीय तहका २ सय ३८ जना प्रमुख र उपप्रमुख गरी कुल ३ सय ४८ जना मतदाता सहभागी हुनेछन् । निर्वाचन कार्यालयका अनुसार साेही दिन मतदान सम्पन्नपछी मतदानस्थल भुटनदेबी माविमै मतगणना हुनेछ ।
निर्वाचन अधिकृतको कार्यालय उद्घाटनमा मकवानपुर जिल्लामा प्रमुख जिल्ला अधिकारी वसन्त अधिकारीलगायतको उपस्थिति रहेकाे थियो ।