मकवानपुर । पर्यटन प्रर्वद्धनका लागि थाहा फोटो प्रर्दशनी शुक्रबारबाट शुरु भएको छ । काठमाडौंको बसन्तपुरको कालभैरव डवलीमा शुरु फोटो प्रदर्शनीको नेपाल सरकारका संस्कृति, पर्यटन तथा नागरिक उड्यन मन्त्री जीवनराम श्रेष्ठले उद्धघाटन गरेका थिए ।
प्रदर्शनी उद्घघाटन गर्दै मन्त्री श्रेष्ठले नेपाल सरकारले जारी गरेको ७३ बुँदे पर्यटन विकासको कार्ययोजनालाई समेटेर थाहा नगरलाई विकास गर्ने बताए ।
थाहा नगरपालिका प्रमुख बिष्णुबहादुर बिष्टले नगरलाई चिनाउन प्राकृतिक सुन्दरता, ऐतिहासिक संरचना, सभ्यता र संस्कृति, जीवनशैली, स्वच्छ र सफा वातावरणका तस्विरहरु राखिएकोे बताए । थाहा फोटो प्रर्दशनी ०७९ को पहिलो दिन करिब ३ हजारले अवलोकन गरेको आयोजकले जनाएको छ । प्रदर्शनी उपत्यकाका विभिन्न संघ संस्था, शैक्षिक संस्थाहरु, पर्यटन व्यवसायी, ट्राभल एजेन्सी र आम नागरिकलाई लक्षित गरी गरिएको कार्यक्रम संयोजक ईन्द्र बहादुर श्रेष्ठले जानकारी दिए ।

प्रदर्शनीमा थाहा र ईन्द्रसरोबरका करिव एक सय तस्विरहरु रहका छन् । नेपाल पर्यटन बोर्डले प्रबर्धन गरेको फोटो प्रदर्शनीको ब्यवस्थापन फरक ढंगले गरेको छ । प्रर्दशनीमा थाहा र इन्द्रसरोबरको विभिन्न विधाका करिब एक सय तस्वीरहरु अवलोकनको लागि राखिएको छ । यसैगरी तस्वीरको बारेमा जानकारी खुल्ने लेख समेत राखिएका छन ।
कात्तिक २० गतेसम्म हुने प्रदर्शनी हरेक दिन बिहान १० बजेदेखि दिउँसो ४ बजेसम्म अवलोकन गर्न सकिने छ । कार्यक्रमम स्थलमा फोटोबारे जानकारी दिन सूचना केन्द्र र स्वयंसेवकहरुको समेत व्यवस्था गरिएको छ ।प्रर्दशनीमा थाहा नगरपालिका र इन्द्रसरोवर गाउँपालिका क्षेत्रको प्राकृतिक सुन्दरता, हिमश्रृङखलाको दृश्यावलोकन, एतिहासिक मठमन्दिर, पार्टी पौवा, सम्यता संस्कृती, धार्मीक क्षेत्र मेलाजात्रा, ग्रामिण जिवनशैली, स्वच्छ तथा सफा वातावरणको फोटोहरु राखिएको नगरप्रमुख बिष्टले बताए ।
संयोजक ईन्द्र बहादुर श्रेष्ठको अध्यक्षतामा भएको उद्घाटनमा थाहा नगरपालिकाका उपप्रमुख भरत गोपाली, ईन्द्रसरोबर गाउँपालिकाका अध्यक्ष देवकृष्ण पुडासैनी, राष्ट्रिय सभाका पूर्व सांसद रामनारायण बिडारी लगायतको सहभागिता थियो ।

मकवानपुर । सत्ता गठबन्धनकाे तर्फबाट मकवानपुर क्षेत्र नं. १ प्रदेश सभा ख का उम्मेदवार आनन्दराम पराजुली मकवानपुरमा सान्त्वना खाेज्दै घरदैलाे कार्यक्रममा व्यस्त छन् । नेपाली काँग्रेस हेटौडाका पूर्व नगर सभापती आगामी निर्वाचनमा प्रदेश सभा ख सदस्यमा विजयी हुने उत्साहका साथ चुनावी प्रचारप्रसारमा घरघर पुगेर मतदातकाे आशिर्वाद लिन व्यस्त छन् ।
मतदाता शिक्षा दिन नसकेकै कारण २०७४ सालकाे स्थानीय तह निर्वाचनमा हेटाैडा उपमहानगरपालिकाकाे मेयरमा थोरै मतले पराजित भएका कांग्रेस नेता पराजुली यस पटक जनताकाे प्रतिनिधि चुनिनेमा विश्वस्त रहेका छन् । अघिल्लाे स्थानीय तहकाे निर्वाचनमा हेटाैडा उपमहनागरपालिकामा नेकपा माओवादी केन्द्रसँगकाे चुनावी तालमेल भएकाेमा मतदाता शिक्षाकाे कमीले उनी परानीत भएका थिए । मकवानपुरे जनतामा परिचित उनी अहिले हेटौडा उपमहानगरकाे १२ वडाकाे प्रतिनिधित्व रहने प्रदेश सभामा उम्मेदवार भएर प्रचार प्रसारमा व्यस्त छन् ।
गत स्थानीय निर्वाचनमा हेटौंडा उपमहानगरपालिकाको मेयरकै टिकट पाउनसक्ने नेताको रुपमा गनिएका उनी गठबन्धनका कारण नेकपा (एस) को भागमा परेपछि चित्त बुझाउँदै गठबन्धनलाई जिताउने अभियानमा सक्रिय रहेका थिए । अहिले कांग्रेसले प्रदेशसभा सदस्य पदको टिकट दिएपछि उनीमाथि ‘न्याय’ भएको र ‘जित सुनिश्चित’ रहेको भन्ने मतदाताहरु पनि रहेका छन् । ‘अघिल्लो पटक हेटौंडा उपमहानगरपालिकाको मेयर पदमा चुनाव लडेकोले पनि मलाई यो पटक धेरै सहज भएको छ’, उनी भन्छन्, ‘मतदाताको साथ, सहयोग, सद्भाव र हौसलाले थप उर्जा मिलेको छ । माहौल निकै राम्रो छ, गठबन्धनको जित सुनिश्चित भैसकेको छ ।’ उनलाई अहिले कांग्रेससहित गठबन्धनमा रहेका दल नेकपा माओवादी केन्द्र, नेकपा (एस), जनमोर्चा लगायतको दलको पनि साथ रहेको छ ।
उनी गठबन्धन बाहिर रहेका पार्टीका नेता कार्यकर्ताको पनि रोजाई बनिरहेका छन् । ‘म कांग्रेसको कार्यकर्ता हुँ । म निरन्तर पार्टीलाई मजबुत बनाउन र यहाँका जनताको सुखदुःखमा साथै रहेको छु । पराजुलीले शुक्रबार हेटौंडा ५ र २ नम्बर वडाको घरदैलाे अभियानको क्रममा पनि मतदाताको धेरै साथ र सहयोग पाएको बताए । पटक पटक चुनाव जितेको एमालेका उम्मेदवारहरुले कुनै एजेण्डा नै नभएपछि अनेक अफवाह र भ्रम फैलाइरहेका उनले बताए । हामी त्यसलाई चिर्दै अघि बढेका छौं ।’
कांग्रेसकै पनि एउटा समूह तपाईंको विरुद्धमा छ भनिन्छ नि ? भन्ने प्रश्नमा उनले यो सब विरोधीले चलाएको अनावश्यक झुटो हल्ला मात्र भएको बताए । ‘कांग्रेस ठूलो पार्टी हो, यहाँ एकसेएक नेताहरु रहेका छन् । टिकटका लागि मसहित अन्य नेताहरुको पनि दावेदारी थियो । दावेदारी हुनु स्वभाविक पनि हो’, उनले भने, ‘टिकट मेरो नाममा आयो । अहिले सबै नेताहरु मकवानपुरमा गठबन्धनका उम्मेदवारलाई जिताउने अभियानमा लागेका छौं ।
‘एकजनाले मात्रै हार्दा पनि गठबन्धनप्रति विश्वास नहुने, पार्टीमै समस्या आउने हुनसक्छ भन्ने बिषयमा हामी क्लियर छौ ।’ पराजुलीले भने ‘गठबन्धन र कांग्रेसभित्र कुनै समस्या रहेकाे छैन ।’
मकवानपुर । मकवानपुरमा वर्ड फ्लु राेग नियन्त्रणकाे पूर्व तयारी थालिएकाे छ । विहीबार जिल्ला प्रशासन कार्यालय मकवानपुरमा जिल्ला वर्ड फ्लु राेग नियन्त्रण प्राविधिक समितिकाे वैठक बसी आवश्यक तयारी थालिएकाे हाे ।
बैठकलाई नियमित गराउदै पुर्व तयारी सधै तयारी अवस्थामा राख्न प्रमुख जिल्ला अधिकारी राजेन्द्रदेव पाण्डे निर्देशन दिए । चिसाे माैसम सुरु भएसँगै पंक्षी तथा पंक्षीजन्य पदार्थबाट सर्ने संक्रामक राेग वर्ड फ्लु संक्रमण फैलिने भएकाेले पूर्व तयारी थालिएकाे भेटेरीनरी अस्पताल तथा पशु विज्ञ केन्द्र मकवानपुरले जनाएकाे छ । केन्द्रका अनुसार मंसिरपछि पंक्षी फार्महरूमा नियमित अनुगमन गर्ने तयारी गरिएको छ ।
प्रमुख जिल्ला अधिकारी अध्यक्ष रहने प्राविधिक समितिकाे वैठकले संक्रामक राेग वर्ड फ्लुबाट बच्नकाे लागि कुखुरा व्यवसायी संघसँगकाे सहकार्यमा भेटेरीनरी अस्पताल तथा पशु विज्ञ केन्द्रले जनचेतनाकाे काम अघि बढाउने निर्णय गरेकाे छ । यसैगरी, वर्ड फ्लु भई नष्ट गरिएका पंक्षी तथा पंक्षीजन्य पदार्थकाे राहत उपलब्ध गराउन सम्बन्धित निकायमा सिफारिस गर्ने समेत निर्णय बैठकले गरेकाे भेटेरीनरी अस्पताल तथा पशु विज्ञ केन्द्रका पशु चिकित्सक डा. ब्रजकिशोर ठाकुरले जानकारी दिए ।
मकवानपुर जिल्लामा मात्रै ५ लाखको हाराहारीमा पंक्षी ब्यवसायी रहेको बताइएको छ । कुखुरा व्यवसायी संघका गाेकुलनाथ पाैडेलका अनुसार दानाको मुल्य बढेपछि व्यवसायी बिस्थापित हुँदै गएका छन । व्यबसायीलाई राज्यले यसबर्ष मात्रै ५७ करोड ६४ लाख राहत प्रदान गरेको पौडेलले बताए । पाउनु पर्ने सबै राहत अझै उपलब्ध गराइसकेको छैन । राहत भन्दा खोप सस्तो हुने भएपनी नेपालमा कुखुरामा लगाउने खोप सरकारले उपलव्ध गराएको छैन ।
वर्ड फ्लु राेग नियन्त्रण पूर्व तयारी बैठकमा प्रमुख जिल्ला अधिकारी पाण्डे,सहायक प्रमुख जिल्ला अधिकारी हरिदत्त कडेंल, पशु चिकित्सक ठाकुर, प्रहरी उपरीक्षक वामदेव गौतम, राष्ट्रिय अनुसन्धान जिल्ला कार्यालयका उप अनुसन्धान निरीक्षक पप्पु शर्मा पौडेल, प्रमुख सेनानी सुभाष चन्द्र महत, गणपती सशस्त्र प्रहरी उपरीक्षक नेत्र बहादुर कार्की, हेटौडा अस्पतालका अस्पताल व्यवस्थापक सुरेन्द्र देव वडु, जिल्ला समन्वय समितिका शाखा अधिकृत सुनिता गजुरेल, नेपाल रेडक्रस साेसाइटीका रामजी प्रसाद खतिवडा, कुखुरा व्यवसायी संघका गाेकुलनाथ पाैडेललगायतका सराेकारवालाहरुकाे उपस्थिति रहेकाे थियाे ।
मकवानपुर । मकवानपुरमा २९ जना डेंगु संक्रमित थपिएका छन । पछिल्लो २४ घण्टामा जिल्लामा २९ जनामा डेंगु संक्रमण पुष्टि भए संगै संक्रमितको संख्या ५ हजार ९ सय ६५ पुगेको स्वास्थ्य कार्यालय मकवानपुरले जनाएको छ ।
कार्यालयका अनुसार उक्त संख्या गत साउन महिनादेखिको हो । संक्रमित मध्ये २ हजार ९ सय ६ जना पुरुष र २ हजार ३ सय ५९ जना महिला रहेका छन् । जिल्लाको १० स्थानीय तहमध्ये सबैभन्दा धेरै डेंगु संक्रमित हेटौंडा उपमहानगरपालिकामा रहेका छन् । उपमहानगरपालिकामा २ हजार २ सय ५२ जना पुरुष र १ हजार ८ सय १६ जना महिला गरी ४ हजार ६८ जनामा डेंगु संक्रमण पुष्टि भएको स्वास्थ्य कार्यालयले जनाएको छ ।
यस्तै, डेंगु संक्रमण पुष्टि हुनेमा मनहरी गाउँपालिकामा ४ सय २२ जना पुरुष र ३ सय ७४ जना महिला गरी ७ सय ९६ जना, थाहानगरपालिकामा १ सय ३ जना पुरुष र ६४ जना महिला गरी १ सय ६७ जना, मकवानपुरगढी गाउँपालिकामा ४३ जना पुरुष र २८ जना महिला गरी ७१ जना, भीमफेदी गाउँपालिकामा १८ जना पुरुष र २२ जना महिला गरी ४० जना रहेका छन् ।
यसैगरी, बकैया गाउँपालिकामा १५ जना पुरुष र २५ जना पुरुष गरी ४० जना, राक्सिराङ गाउँपालिकमा १६ जना पुरुष र ४ जना महिला गरी २० जना, बागमती गाउँपालिकाका ४ जना पुरुष र ३ जना महिला गरी ७, कैलाश गाउँपालिकाका ५ जना पुरुष र ३ जना महिला गरी ८ जना, हाल ठेगाना नखुलेका १४ जना पुरुष र १९ जना महिला गरी २९, अन्य जिल्लाका १२ जना पुरुष र ४ जना महिला गरी १६ जनालाई संक्रमण पुष्टि भएको स्वास्थ्य कार्यालयले जनाएको छ ।
कार्यालयका अनुसार, जिल्लामा संक्रमणका कारण हालसम्म हेटौंडा उपमहानगरपालिकाका १ जनाको मृत्यु भएको छ ।
मकवानपुर । नेपाल पत्रकार महासंघ मकवानपुरको साधारणसभा स्थगित भएकाे छ । महासंघ मकवानपुरका पूर्व अध्यक्ष कौशल पाण्डेको निधन प्रति महासंघले शोक व्यक्त गर्दै १७ औं साधारणसभा स्थगित गरिएको हो ।
महासंघ मकवानपुरकाे साधारणसभा कात्तिक १९ गते शनिबार हुने गरी कार्यक्रम तय गरिएकाे थियो । महासंघ मकवानपुरको बुधबार बसेकाे कार्यसमिति बैठकले पूर्व अध्यक्ष पाण्डेको निधनमा शोक प्रस्ताव पारित गरेकाे हाे । साथै बैठकले शाेकका कारण कात्तिक १९ गते तय भएकाे साधारणसभा स्थगित गर्दै यही कात्तिक २५ गते साधारणसभा गर्ने गरी निर्णय समेत गरेको छ। शोककै कारण कात्तिक २१ गतेलाई निर्धारण गरिएको एडभान्स पत्रकारिता तालिमसमेत स्थगित गरिएको महासंघ मकवानपुरका अध्यक्ष मणिराज गौतमले जानकारी दिए ।
पाण्डेको निधनको शोकमा महासंघ मकवानपुरले बुधबार श्रद्धाञ्जलीसभाको समेत आयोजना गरेको छ । श्रद्धाञ्जली सभामा पत्रकार महासंघका केन्द्रीय सदस्य सुनिल खड्का, महासंघ बागमती प्रदेशका निवर्तमान अध्यक्ष प्रताप विष्ट र नवराज शर्माले पाण्डेको व्यक्तित्व र पत्रकारितामा गरेको योगदानको चर्चा गरेका थिए ।
कार्यक्रममा पत्रकार महासंघ बागमती प्रदेशका उपाध्यक्ष रुपेश दुलाल, महासचिव कृष्ण सारुमगर, महासंघ मकवानपुरका अध्यक्ष गौतम, महासंघ मकवानपुरका निवर्तमान अध्यक्ष हरि हुमागाई, प्रेस चौतारी नेपाल बागमती प्रदेश महासचिव प्रकाश दाहाल, स्वतन्त्र पत्रकार संघका केन्द्रीय सचिव सुरेश श्रेष्ठ, प्रेस सेन्टर नेपाल मकवानपुरकी अध्यक्ष अन्जली थापा, प्रेस युनियन मकवानपुरका अध्यक्ष पोष्टराज अधिकारी (कुमार), स्वतन्त्र पत्रकार संघ मकवानपुरका अध्यक्ष गोकुल अधिकारीलगायतकाको उपस्थिति रहेको थियो ।
महासंघ मकवानपुरका पूर्व अध्यक्ष पाण्डेको ७५ वर्षको उमेरमा गत कात्तिक १० गते निधन भएको थियो । महासंघको नेतृत्वमा बुधबार नै पाण्डेको परिवारलाई भेट गरी समवेदनासमेत प्रकट गरेको छ ।
