बस र ट्रक ठोकिंदा ४४ जना घाइते
Tags: No Comments
मकवानपुर । मकवानपुरकाे हेटौंडा उपमहानगरपालिका बस्तिपुरमा बस र ट्रक ठोकिंदा ४४ जना घाइते भएका छन् ।
सोमबार बिहान १ बजेर ४० मिनेटमा हेटौंडा १९ स्थित पुर्व पश्चिम सडक खण्डमा काठमाडौबाट काकरभिटा तर्फ आउदै गरेको बा.प्र.०३-००१ ख २५५६ नम्बरको यात्रु बाहक बसले ना ७ ख ५८३८ नम्बरको ट्रकलाई पछाडिबाट ठक्कर दिएकाे प्रहरीले जनाएकाे छ ।
बसमा सवार मध्ये ४४ जना घाईते भएकाेमा उपचारको लागि चुरेहिल अस्पताल र हेटौंडा अस्पतालमा ल्याइएको छ भने बस, ट्रक, ट्रक चालक प्रहरी चौकी नेवारपानीको नियन्त्रणमा रहेको बताइएकाे छ ।
घाइतेहरुकाे विवरणः
१) जिल्ला उदयपुर रौता गापा वडा नम्बर १ बस्ने अन्दाजी वर्ष २७ को प्रदीप मगर बायाँ खुट्टामा चोट अवस्था मध्यम
२) जिल्ला दोलखा गौरीशंकर गाउँपालिका वडा नम्बर ३ कुचल डाँडा बस्ने अन्दाजी वर्ष ३४ को सागर तामाङ टाउको र दाहिने हातमा चोट अवस्था मध्यम
३) जिल्ला काठमाडौँ महालक्ष्मी महानगरपालिका वडा नम्बर ७ बस्ने अन्दाजी वर्ष ४६ को नारायणी गुरुङ टाउकोमा चोट अवस्था हेर्दा सामान्य देखिएको
४) जिल्ला मोरङ कानेपोखरी गाउँपालिका वडा नम्बर ६ रमाटोल ३६ कि यशोदा फतार टाउकोमा चोट अवस्था मध्यम
५) जिल्ला मोरङ इटहरी नपा वडा नम्बर १ बस्ने अन्दाजी वर्ष २६ को टिकाराम भट्टराई टाउकोमा चोट अवस्था मध्यम
६) जिल्ला सिन्धुपाल्चोक दोरम्बा गाउँपालिका वडा नम्बर ६ गैरीचोक बस्ने अन्दाजी वर्ष ४९ को बाबुलाल तामाङ टाउकोमा चोट अवस्था मध्यम
७) जिल्ला लमजुङ मर्स्याङ्दी गाउँपालिका वडा नम्बर ६ डाँडाटोल बस्ने अन्दाजी वर्ष ४३ को मदन घले शरीरको विभिन्न भागमा बाहिरी चोट अवस्था हेर्दा सामान्य देखिएको
८) ऐ ऐ बस्ने अन्दाजी वर्ष ३८ राखी घले टाउकोमा सामान्य चोट अवस्था हेर्दा सामान्य देखिएको
९) जिल्ला मोरङ बेलबारी नगरपालिका वडा नम्बर ८ डालीटोल बस्ने अन्दाजी वर्ष १८ को ज्योति ठाकुर दाहिने खुट्टामा चोट अवस्था मध्यम
१०) ऐ ऐ बस्ने अन्दाजी वर्ष ४० कि देवकी ठाकुर बायाँ खुट्टामा चोट अवस्था हेर्दा सामान्य देखिएको
११) जिल्ला काभ्रे बेथानचोक गाउँपालिका वडा नम्बर ४ पाल्पाटोल बस्ने अन्दाजी वर्ष ३५ को (AHC) रश्मिला श्रेष्ठ (कार्यरत HQ) नाक चोट अवस्था हेर्दा देखिएको सामान्य देखिएको
१२) बस्ने अन्दाजी वर्ष ३५ को (AHC) राजकुमार श्रेष्ठ (कार्यरत HQ) नाखमा चोट अवस्था हेर्दा सामान्य देखिएको
१३) ऐ ऐ बस्ने अन्दाजी वर्ष ८ को रिदिन श्रेष्ठ आँखामा चोट अवस्था हेरेर सामान्य देखिएको
१४) ऐ ऐ बस्ने अन्दाजी वर्ष ४ को डियान श्रेष्ठ अवस्था हेर्दा सामान्य देखिएको
१५) जिल्ला मोरङ पत्थरी सनिचरी नगरपालिका वडा नम्बर १० बस्ने राजन विश्वकर्मा खुट्टामा चोट अवस्था हेर्दा सामान्य देखिएको
१६)ऐ ऐ बस्ने अन्दाजी वर्ष ४७ को लक्ष्मी विश्वकर्मा शरीरको विभिन्न भागमा बाहिरी चोट अवस्था हेर्दा सामान्य देखिएको
१७)ऐ ऐ बस्ने अन्दाजी वर्ष ८ को अनिष्का विश्वकर्मा शरीरको विभिन्न भागमा बाहिरी चट अवस्था हेर्दा सामान्य देखिएको
१८) जिल्ला काठमाडौँ महानगरपालिका वडा नम्बर २ सामाखुसी बस्ने अन्दाजी वर्ष ४८ को आरती विश्वकर्मा बायाँ खुट्टामा चोट अवस्था हेर्दा सामान्य देखिएको
१९) ऐ ऐ बस्ने अन्दाजी बर्ष २६ को सौरभव विक शरीरको विभिन्न भागमा बाहिरी चोट अवस्था हेर्दा सामान्य देखिएको
२०) जिल्ला मोरङ कानेपोखरी गाउँपालिका वडा नं ६ शिव राई टोल बस्ने अन्दाजी वर्ष २९ को अन्जना माझी दायाँबायाँ दुईटै खुट्टामा चोट अवस्था हेर्दा सामान्य देखिएको
२१ जिल्ला पाँचथर याम्बर गाउँपालिका वडा नम्बर ४ आलमपुर बस्ने अन्दाजी वर्ष ४७ को ऋतु वर्णन कोइराला दाहिने खुट्टामा चोट अवस्था हेर्दा सामान्य देखिएको
२२) जिल्ला झापा बुद्धशान्ति गाउँपालिका वडा नं ५ आचार्य टोल बस्ने अन्दाजी वर्ष ५४ को तेजप्रसाद आचार्य टाउकोमा चोट अवस्था हेर्दा मध्यम देखिएको
२३) जिल्ला ताप्लेजुङ शेखर जङ्गा गाउँपालिका वडा नम्बर ५ पेताङ बस्ने अन्दाजी वर्ष २२ को कैलाश पुडाशैली शरीरको विभिन्न भागमा बाहिरी चोट अवस्था हेर्दा सामान्य देखिएको
२४) जिल्ला सुनसरी इटहरी उम नपा वडा नम्बर १ कञ्चनटोल बस्ने अन्दाजी वर्ष २९ को सन्तोष खतिवडा टाउकोमा चोट अवस्था हेर्दा मध्यम देखिएको (सहचालक )
२५) जिल्ला झापा बुद्धशान्ति नगरपालिका वडा नम्बर ५ बस्ने अन्दाजी वर्ष ४८ को सिता आचार्य बायाँ खुट्टामा चोट अवस्था हेर्दा सामान्य देखिएको
२६) जिल्ला मकवानपुर हे उ म नपा वडा नम्बर ४ कर्रा बस्ने अन्दाजी वर्ष ४८ को सुभाष चन्द्र बिडारी छातीमा भित्री चोट अवस्था हेर्दा सामान्य देखिएको
२७) जिल्ला मकवानपुर हेटौडा ८ कमाने बस्ने अन्दाजी वर्ष ४० को बाबुलाल लामिछाने दाहिने खुट्टा र टाउकोमा चोट अवस्था हेर्दा गम्भीर देखिएको (चालक)
२८) जिल्ला मोरङ सनसरी नपा वडा नम्बर २ बस्ने अन्दाजी वर्ष ४४ को विद्या दाहाल बायाँ खुट्टामा चोट अवस्था हेर्दा सामान्य देखिएको
२९) जिल्ला भोजपुर भोजपुर नपा वडा नम्बर ५ boksing बस्ने अन्दाजी वर्ष २९ को राजन न्यौपाने माया खुट्टामा सामान्य चोट अवस्था हेर्दा सामान्य देखिएको
३०) जिल्ला सुनसरी इटहरी नपा वडा नं ३ तालतलैया बस्ने अन्दाजी वर्ष ३२ को बिमला भुजेल बायाँ हातमा चोट अवस्था हेर्दा सामान्य देखिएको
३१) जिल्ला इलाम चुलाचुली गापा वडा नं १ बस्ने अन्दाजी वर्ष ४० को चन्द्रबहादुर फियाक बाया खुट्टामा चोट अवस्था हेर्दा सामान्य देखिएको
३२) जिल्ला झापा बुद्ध शान्ति गाउँपालिका वडा नम्बर ४ बस्ने अन्दाजी वर्ष ३६ को प्रकाश लिम्बु शरीरको विभिन्न भागमा बाहिरी चोक अवस्था हेर्दा सामान्य देखिएको
३३)ऐ ऐ बस्ने अन्दाजी वर्ष ११ को प्रणिक लिम्बू शरीरको विभिन्न भागमा बाहिरी चोट अवस्था हेर्दा सामान्य देखिएको
३४ ) जिल्ला झापा भोजपुर नपा, वडा नं ८ वर्ष ३५ को सुनिल श्रेष्ठ दुवै खुट्टामा चोट अवस्था हेर्दा सामान्य देखिएको
३५) जिल्ला सुनसरी इटहरी उ म न पा वडा नं ३ सिद्धान्त टोल बस्ने अन्दाजी २३ को लीलाबहादुर तामाङ बायाँ खुट्टामा सामान्य चोट
३६.जिल्ला इलाम सन्तकपुर गा.पा.२ संतकपुर बस्ने बर्ष २९ को राजेश गुरुङ दाहिने खुट्टा,नाकमा चोट अवस्था समान्य
३७.जिल्ला झापा बिर्तामोड न.पा. ८ बस्ने बर्ष अं. ४ को रन्जित किस्कु दाहिने खुट्टामा चोट अवस्था समान्य
३८. ऐ. को श्रीमति बर्ष अं. ३२ कि मिना टुडु टाउको र दुबै खुट्टामा चोट अवस्था मध्यम
३९.जिल्ला धनकुटा धौबिसे गा.पा.०५ बोदे टोल बस्ने बर्ष अं. २५ को प्रबिन माझि चोट पटक नरहेको
४०.जिल्ला सप्तरी राजबिराज न.पा.१२ दमापति टोल बस्ने अं. २६ को माधव कुमार यादब अवस्था समान्य
४१.जिल्ला सप्तरी राजबिराज न.पा राहुल यादब को श्रीमती अं. ३४ बर्षको पिन्कि यादब दाहिने खुट्टामा चोट अवस्था गम्भीर रहेको
४२.निजकै छोरि बर्ष अं. १० कि रिचा यादब दुबै खुट्टामा मा चोट अवस्था समान्य
४३.निजकै छोरा बर्ष अं. 5 को आरव यादब मुख र दाहिने खुट्टामा चोट अवस्था समान्य
४४.जिल्ला झापा शिवसतासि गा.पा.०८ झिलझिले टोल बस्ने बर्ष अ २१ को रोभन तामाङ दाहिने खुट्टामा र मुखमा चोट अवस्था अवस्था समान्य
मकवानपुर । बागमती प्रदेश स्वास्थ्य मन्त्रालय र मदन भण्डारी प्रतिष्ठान मार्फत हालसम्म सम्पन्न कार्यहरुकाे समिक्षा गरिएकाे छ । मन्त्रालयकाे आयोजना तथा पत्रकार महासंघ मकवानपुरकाे समन्वयमा हेटौंडामा भएकाे कार्यक्रममा स्वास्थ्य मन्त्री किरण थापाले स्वास्थ्य क्षेत्रमा पछिल्लो समय स्वास्थ्य क्षेत्रमा रफ्तारमा काम भइरहेकाे बताए ।
कार्यक्रममा मन्त्रालयका सचिव सुमित्रा गौतमले मन्त्रालयकाे कामकाे समिक्षात्मक प्रस्तुतिकरण गरेकी थिइन् । कार्यक्रममा नेपाल पत्रकार महासंघ केन्द्रिय अध्यक्ष निर्मला शर्मा, उपाध्यक्ष नितु पण्डित, महासचिव रामप्रसाद दाहाल, केन्द्रिय प्रतिनिधिहरु, बागमती प्रदेश समिति अध्यक्ष कृष्ण सारु मगरलगायत उपस्थित थिए ।
मन्त्रालयले प्रस्तुत गरेकाे कार्य समिक्षा बुदाँगत रुपमाः
१) निःशुल्क रक्तसञ्चार कार्यक्रम सञ्चालन कार्यविधि संसोधन गरी निःशुल्क रक्तसञ्चार सेवालाई प्रभावकारी रुपमा कार्यान्वयन गरिएको। नेपाल रेडक्रस सोसाइटीसँगको साझेदारीमा गरिब तथा विपन्न नागरिकहरूको लागि निःशुल्क रक्तसञ्चार सेवा प्रादेशिक अस्पतालहरुवाट उपलब्ध हुने व्यवस्था मिलाइएको।
२) मुख्यमन्त्री जनता स्वास्थ्य कार्यक्रम सञ्चालन कार्यविधि २०७९ लाई संसोधन गरी प्रदेशका सबै वडाहरुमा नसर्ने रोगको स्क्रिनिङ गर्ने र नसर्ने रोगका संभावित बिरामीहरुलाई उपचारको व्यवस्था मिलाइएको।
३) प्रदेश स्वास्थ्य सहजकर्ता परिचालन कार्यविधि २०८२ तयार गरी सबै जिल्लाहरुमा निश्चित मापदण्ड अनुसार स्वास्थ्य सहजकर्ता परिचालनको व्यवस्था मिलाइएको।
४) स्वास्थ्य संस्था दर्ता, नविकरण तथा स्तरउन्नति सम्बन्धी निर्देशिका परिमार्जन गरी ऐन, नियमावली र मापदण्डबमोजिम स्वास्थ्य संस्थाको अनुमति, नवीकरण, स्तरोन्नति गरिएको।
५) प्रदेश जनसङ्ख्या नीतिको मस्यौदा स्वीकृतिको प्रक्रियामा रहेको।
६) प्रदेशभित्र रहेका हेटौडा उपमहानगरपालिका, चन्द्रागिरी नगरपालिका मेलाम्चि नगरपालिकालाई स्वास्थ्य सहरको अवधारणा कार्यान्ययनको प्रक्रिया अगाडि बढाइएको।
७) प्रदेशका हरेक जिल्लाका कम्तिमा एक वटा स्वास्थ्य संस्थालाई नमूना स्वास्थ्य संस्थाको रुपमा विकास र विस्तार गर्ने प्रक्रिया शुरुवात गरिएको।
८) भक्तपुर, सिन्धुली, बकुलहर र धादिंग अस्पतालमा नर्सिङ प्रमाणपत्र तह कार्यक्रम सञ्चालन गर्ने प्रक्रियाको लागि प्रारम्भिक क्रियाकलापहरु सञ्चालन गरिएको।
९) भक्तपुर अस्पतालमा डाइलाइसिस सेवाको सुरुवात गरिएको।
१०) आयुर्वेद तथा वैकल्पिक चिकित्सालय, मकवानपुरमा अन्तरङ्ग सेवा सञ्चालनको लागि तयारी गरिएको।
११) आयुर्वेद औषधी उत्पादन केन्द्रबाट अश्वगन्धा, सितोपलादि, आमलकि, अविपत्तिकर, त्रिफला, निम्वादि, विल्वादि, हिङ्गवाष्टक, महासुदर्शन, पुष्यानुग गरी १० प्रकारका चूर्ण आयुर्वेद औषधी उत्पादन र निःशुल्क वितरण भएकोमा चालु आ.व.बाट थप ११ प्रकारका औषधिहरु उत्पादनको प्रक्रिया अगाडि बढाइएको।
१२) सबै प्रादेशिक अस्पतालहरुमा EMR लागू गर्न आवश्यक आवश्यक पूर्वाधारको तयारी गरीएको। सिन्धुली, सिन्धुपाल्चोक र धादिङ्ग अस्पतालमा इलेक्ट्रोनिक मेडिकल रेकड्रिड प्रणाली कार्यान्वयन गरिएको।
१३) मन्त्रालय र मातहतका सबै कार्यालयहरुमा GIOMS लागू गरिएको।
१४) सबै प्रादेशिक अस्पतालहरुको सेवा अनुगमन गर्नको लागि मन्त्रालयमा डिजिटल Information Real Time Dashboard स्थापना र सञ्चालन गरिएको।
१५) स्थानीय तहसँग समन्वय गरी स्वास्थ्य तालिम केन्द्रबाट ग्रामीण क्षेत्रमा कार्यरत स्वास्थ्यकर्मीलाई तालिम दिई स्वास्थ्य आपूर्ति व्यवस्थापन केन्द्रबाट जिल्लाका अतिदुर्गम बटा गाउँपालिकामा पोर्टेबल अल्ट्रासाउण्ड मेसिन उपलब्ध गराइएको।
१६) मदनभण्डारी स्वास्थ्य विज्ञान प्रतिष्ठानमा MD/MS का ७ वटा कार्यक्रमहरू (Anesthesiology, MDGP, General Surgery, Internal Medicine, Obs and Gynae, Ortho, Pediatrics) मा ८ जनालाई भर्ना गरी अध्ययन अध्यापन भइरहेको यसपटक २७ जना र MBBS कार्यक्रम अन्तरगत ५० जना विद्यार्थिहरुलाई अध्यापन शुरु गरिएको। साथै अध्यापनको नयाँ भवन निर्माणको शिलन्यास गरिएको। मदन भण्डारी स्वास्थ्य विज्ञान प्रतिष्ठान अन्तरगतको ३ बटा उसक सहितको भवन उद्घाटन गरीएको। साथै भवन निर्माण, औजार उपकरण खरिद र अस्पताल सेवा सुदृढीकरणको लागि २२ करोड रुपैयाँको व्यवस्था मिलाइएको।
१७) सीमान्तकृत्त, लोपोन्मुख, आश्रममा आश्रित, अपाङ्गता ख वर्गका व्यक्ति, महिला सामुदायिक स्वास्थ्य स्वयंसेविका र श्रमजीवि पत्रकारहरुको लागि स्वास्थ्य बिमा गर्ने प्रक्रिया अगाडी बढाइएको।
१८) बाढी पहिरोबाट प्रभावितहरुको निःशुल्क उपचारको व्यवस्था मिलाइएको।
१९) जेन-जी आन्दोलन पश्चात तुरुन्त मातहतका कार्यालयहरुसँग निरन्तर भर्चुअल बैठक गरी कर्मचारीहरुको मनोवल उच्चा राख्न निरन्तर निरन्तर रुपमा भर्चुअल बैठक तथा समन्वय गरिएको।
२०) जेन-जी आन्दोलनका १०५ जना घाइतेहरुको निःशुल्क उपचार गरिएको र सबै प्रादेशिक अस्पतालहरुमा जेन जि क्लिनिक सञ्चालन गरिएको।
२१) जेन-जी आन्दोलनका कारण मन्त्रालय सञ्चालनको भवन पूर्ण रुपमा क्षति भएकोले कार्यालय सञ्चालनको लागि भुटनदेवी माध्यमिक विद्यालयको प्राङ्गणमा बनेको भवनमा कार्यालय सञ्चालनको व्यवस्थापन मिलाइएको।
२२) क्यान्सर रोग लागेका विपन्न नागरिकहरुलाई प्रदेश सरकारले उपलब्ध गराउने थप रु ५० हजार उपचार सहुलियतको लागिको १७ वटा अस्पतालहरुसँग संझौता गरिएको।
२३) हृदयघात रोग रोकथाम, नियन्त्रण, निदान र विरामीहरुलाई रु १ लाख १५ हजार सम्मको उपचारमा सहुलियत प्रदान गर्नको लागि गंगालाल राष्ट्रिय हृदय रोग केन्द्र, काठमाण्डौ, भरतपुर अस्पताल, मनमोहन कार्डियोथोरासिस तथा भास्कुत्तर सेन्टर, काठमाण्डौसँग सम्झौता गरिएको र १३ वटा प्रादेशिक अस्पतालहरुमा रगत पातलो गर्ने औषधि उपलब्ध गराइएको।
२४) आपूर्ति व्यवस्थापन केन्द्र मार्फत प्रदेशको लागि आवश्यक औजार उपकरण, निःशुल्क उपचारको लागि आवश्यक औषधि, कडा रोगको लागि आवश्यक औषधि आदिको विद्युतीय खरिद प्रक्रियाबाट खरिद गरिद गर्ने प्रक्रिया अगाडी बढाइएको।
२५) प्रदेशका विभिन्न कार्यालयहरुमा रहेका औजार उपकरणको Inventory Management को लागि Nick Simon सँग सम्झौता गरिएको।
२६) नीजि-सरकारी साझेदारीमा ल्यान्स क्लवसँग समन्वय गरी रामेछाप, धादिङ, नुवाकोट र बकुलहर रत्ननगर अस्पतालमा ४ लाख डलर बराबरको डायलाइसिस मेसिन हस्तान्तरण गरिएको।
२७) विश्व स्वास्थ्य संगठनको सहयोगमा बकुलहर रत्ननगर अस्पतालमा प्रयोगशात्ता सम्बन्धी सामाग्रीहरु हस्तान्तरण गरिएको।
२८) सबै जिल्लाहरुमा जनस्वास्थ्य कार्यालयहरुले आ.व. २०८०/८१ मा सम्पादन गरेका स्वास्थ्य कार्यक्रमहरुको समिक्षा र मातहतका सबै ४५ वटै कार्यालयहरुको वार्षिक एवं अर्धवार्षिक प्रगति समीक्षा तथा योजना तर्जुमा गोष्ठीको सम्पन्न गरिएको।
२९) प्रदेशका विभिन्न जिल्लाका दुग्रम स्थानहरुमा एकिकृत जनस्वास्थ्य अभियान सञ्चालन गरी विशेषज्ञ उपचार सेवा प्रदान गरिएको।
३०) सिन्धुली जिल्लामा सिन्धुली अस्पताल र फिक्कल आधारभूत अस्पताल तथा ललितपुर जिल्लाको कोन्जोसोम आधारभूत अस्पतालको भवन उद्घाटन गरी प्रभावकारी रुपमा स्वास्थ्य सेवा प्रदान गरीएको।
३१) अस्पताल सुधार योजना समिति गठन भइ कार्य अगाडि बढेको छ।
३२) मुख्यमन्त्री जनता स्वास्थ्य कार्यक्रमसँग सामञ्जस्यता हुने गरी “मेरो स्वास्थ्य, मेरो जिम्मेवारी एक घण्टा, मेरा लागि” कार्यक्रम समुदायस्तरमा सञ्चालन भइरहेको।
३३) मानसिक स्वास्थ्य समस्या भएका विरामीहरुलाई प्रदेशका १३ वटै अस्पतालमा निःशुल्क मानसिक चिकित्सकिय उपचार सेवा प्रदान गरिएको।
३४) मदन भण्डारी स्वास्थ्य विज्ञान प्रतिष्ठान हेटौडा अस्पतालमा Antimicrobial Stewardship Committee गठन गरी Antibiotic को समुचित प्रयोग गर्न प्रवर्धन गरिएको।
३५) धादिङको खनियाबास गा.पा. अन्तर्गत खनियावास ग्रामिण अस्पतालमा जन्मिएको एक नवजात शिशुको गम्भीर स्वास्थ्य अवस्था देखिएपछि मिति २०८२/११/०६ गते निःशुल्क हवाइ उद्धार गरी कान्ती बाल अस्पताल, काठमाडौं पुर्याइएको र रामेछाप जिल्लाको मन्यलि नगरपालिका बडा नं. १ बाट एक जना सुत्केरी महिला र नवजात शिशुलाई निःशुल्क हवाइ उद्धार स्वी तथा प्रसुति अस्पताल, थापाथलि काठमाडौं पुन्याइएको।
३६) प्रादेशिक योग समिति गठन भई योग, ध्यान, प्रणायामलाई नियमन गरी व्यवस्थित बनाउने कार्य भइरहेको
३७) सामाजिक सेवा इकाइमार्फत विपन्न / असहाय/बेवारिसे, विपद्का घाइतेलगायतका लक्षित वर्ग निःशुल्क उपचारको व्यवस्थापन गरिएको।
३८) ड्रग एण्ड टक्सीकोलोजी केन्द्रको स्थापना तथा प्रादेशिक अस्पतालहरूमा विशेषज्ञ/विशिष्टीकृत आँखा र रोबोटिक्स शल्यक्रिया सेवासहित अन्य सेवाहरूको विकास गर्ने कार्य प्रकृयामा रहेको।
३९) प्रदेश अस्पतालहरु मार्फत ६५ वर्ष माथिका जेष्ठ नागरीकहरुलाई निःशूल्क दन्त सहायता सामाग्री (CDD/RPD) सहयोग प्रदान गरिएको।
४०) जनस्वास्थ्य कार्यालय र स्वास्थ्य तालिम केन्द्रको सहकार्यमा स्थानीय तहहरुका स्वास्थ्यकर्मीहरुलाई प्रशामक सेवा (Palliative care) सम्बन्धी तालिम प्रदान गरिएको र स्थानीय तहहरुमा सो सेवा सूचारु भइरहेको।
४१) प्रादेशिक अस्पताल, आयुर्वेद तथा वैकल्पिक चिकित्सालय र स्थानीय स्वास्थ्य संस्थाहरुमा न्युनतम् सेवा मापदण्ड र क्लिनिकल अडिट गरी सेवाको गुणस्तर सुदृढ गरिएको ।
४२) प्रादेशिक स्वास्थ्य विपद् पूर्व तयारी तथा प्रतिकार्य योजना अद्याविधिक भइरहेको। ७ वटा जिल्लामा जिल्ला स्तरीय स्वास्थ्य विपद् पूर्व तयारी तथा प्रतिकार्य योजना तयार भएको। सर्भिलेन्स प्रणाली सुदृढीकरण तथा महामारी नियन्त्रणका लागि प्रादेशिक, जिल्ला स्तरीय एवं स्थानीय तहका द्रुत प्रतिकार्य समूह (RRT) परिचालन गरिएको। प्रदेशभित्र रहेका अस्पतालमा आपत्कालीन अवस्थाको व्यवस्थापनको पूर्वतयारी स्वरुप Drill अभ्यास गरिएको।
प्रख्यात भारतीय पार्श्व गायिका आशा भोसलेको आइतबार निधन भएकाे छ। कार्डियक अरेस्टका कारण उपचारका लागि भर्ना गरिएकी भोसलेको मुम्बईस्थित ब्रीच क्यान्डी अस्पतालमा ९२ वर्षको उमेरमा आइतबार निधन भएको हो।
भारतीय सङ्गीत जगतको एक ठूलो हस्तीको रूपमा उनको नाम गनिन्थ्यो र पार्श्व गायिकाको रूपमा उनले धेरै अविस्मरणीय गीतहरू दिएकी छन्। भाेसलेले भारतीयसहित नेपाली तथा अन्य विभिन्न भाषाका गीतमा आवाज भरेकी छिन् ।
काे हुन् आसा भाेसले ?
आशा भोसलेको जन्म ८ सेप्टेम्बर १९३३ मा महाराष्ट्रको ‘सांगली’मा भएको हो। यिनको पिता दीनानाथ मंगेसकर प्रसिद्ध गायक एवं नायक थिए। जसले शास्त्रीय सँगीतको शिक्षा एकदम सानो उमेरमा नै आशालाई दिएका थिए । भोसलेले मात्र ९ वर्षको उमेरदेखि नै गायन यात्रा सुरु गरेकी थिइन्। पिता दीनानाथ मंगेशकरको निधनपछि परिवारको आर्थिक जिम्मेवारी सम्हाल्न उनले दिदी लता मंगेशकरसँगै गीत गाउन र अभिनय गर्न थालेकी थिइन्।
सन् १९४३ मा मराठी फिल्मबाट पार्श्व गायन सुरु गरेकी उनले १९४८ को फिल्म ‘चुनरिया’ बाट हिन्दी सिनेमामा पाइला टेकेकी थिइन्। आफ्नो बहुमुखी प्रतिभाका कारण गजल, भजन, पप र शास्त्रीय संगीतमा जादुमयी स्वर दिएकी आशा ताईको नाममा विश्व कीर्तिमान समेत रहेको छ। सन् २०११ मा गिनीज बुक अफ वर्ल्ड रेकर्ड्सले उनलाई संगीतको इतिहासमा विश्वमै सबैभन्दा बढी स्टुडियो रेकर्डिङ गर्ने कलाकारको रूपमा मान्यता दिएको थियो।
सुविख्यात गायिका आशा भोसलेले भारतीय २० भन्दा बढी भाषा र विदेशी भाषाहरूमा समेत गरी १२ हजार भन्दा बढी गीत गाएकी छन्। ‘दम मारो दम’, ‘चुरा लिया है तुमने जो दिल को’ र ‘पिया तू अब तो आजा’ जस्ता उनका कालजयी गीतहरू आज पनि उत्तिकै लोकप्रिय छन् । उनले स्वर दिएका नेपाली गीतहरमा ‘यो हो मेरो प्राणभन्दा प्यारो माइतीघर’, ‘गैरीखेतको शिरै हान्यो’, ‘मोहनी लाग्ला है’ लगायत थुप्रै नेपाली हिट कालजयी छन् ।
१६ वर्षको उमेरमा आफ्नो ३१ वर्षीय प्रेमी ‘गणपत राव भोसले’ (१९१६-१९६६) सँग घरबाट भागेर पारिवारिक इच्छाको विरूद्ध विवाह गरिन्। गणपत राव लता जीको निजी सचिव थिए। यो विवाह असफल रहयो। पति एवं उनको भाइहरूको नराम्रो व्यवहारको कारण यस विवाह दु:खान्त भयो। १९६० को आसपास विवाह विच्छेद पछि आशा आफ्नो आमाको घरमा दुई बच्चाहरू र तेस्रो गर्भस्थ शिशु (आनन्द) सँग फर्किइन। १९८० ई.मा आशाले ‘राहुल देव वर्मन’(पञ्चम) सँग विवाह गरिन्। यो विवाह आशाले राहुल देव वर्मनको अन्तिम अबस्थासम्म सफलतापूर्वक निभाइन्।
गायन क्षेत्रमा चम्किएपनि उनको नीजि जीवन भने सुखद रहेन । विवाहपछि आशा भोसलेले धेरै कठिनाइहरूको सामना गर्नुप¥यो र उनी घरेलु हिंसाको सिकारसमेत भइन् । उनी जीवनबाट यति निराश भइन् कि आफूलाई समाप्त गर्न चाहन्थिन् । सन् १९६० मा उनी पहिलो पतिसँग अलग भइन् ।
जब आशा भोसलेको पहिलो विवाह टुट्यो, उनी आफ्ना तीन सन्तान (हेमन्त, वर्षा र आनन्द) सँग परिवारमा फर्किइन्, तब बिस्तारै दूरी कम हुन थाल्यो । आशा भोसलेले दोस्रो विवाह संगीतकार आरडी बर्मनसँग गरिन्। दुवैको पहिलो भेट १९५६ मा भएको थियो। उनीहरूको गहिरो मित्रता र संगीत यात्रा फिल्म ‘तीसरी मञ्जिल’ (१९६६) को समयमा सुरु भयो।
लगातार काम गर्दै जाँदा उनीहरूको मित्रता बिस्तारै प्रेममा बदलिन थाल्यो । आशा भोसले र आरडी बर्मन (पञ्चम दा) को आफ्नै सन्तान थिएनन्। आरडी बर्मनले एक दिन मौका पाएर आशासमक्ष विवाहको प्रस्ताव राखे । आशाले तुरुन्तै स्वीकार गरिन्, तर बर्मनकी आमाले विवाह अस्वीकार गरिन् ।
उनले बर्मनलाई भनिन्, यदि यो विवाह भयो भने मेरो लाशमाथि मात्र हुनेछ । बर्मनकी आमाले अस्वीकार गर्नुको कारण आशा उनीभन्दा ६ वर्ष जेठी थिइन् र तीन सन्तानकी आमा थिइन् । त्यसपछि बर्मनले चुपचाप आमाको कुरा माने। तर जब बर्मनका पिता एसडी बर्मनको निधन भयो, आमाको मानसिक अवस्था बिग्रियो ।
आमाको अवस्था सुधारका लागि बर्मनले १९८० मा आशा भोसलेसँग विवाह गरे । आशा भोसलेले ५० देखि ९० को दशकसम्म ओपी नैयर, आरडी बर्मन, खय्याम र बप्पी लहरीजस्ता धेरै संगीतकारसँग काम गरिन्। धेरै सदाबहार गीत गाइन्। भोसलेकाे अन्तिम संस्कार सोमबार गरिने भएकाे छ ।
मकवानपुर । नेपाल पत्रकार महासंघ बागमती प्रदेश समितिले जिरी घोषणा पत्र जारी गरेकाे छ । महासंघ प्रदेश समिति प्रदेश समिति अन्तर्गतका जिल्ला अध्यक्ष तथा प्रदेशस्तरीय पत्रकार सङ्गठनका अध्यक्ष एवं प्रतिनिधिको उपस्थितिमा दोलखाको पर्यटकीय नगरी जिरीमा दुइ दिनकाे बैठकपछि जिरी घोषणा पत्र जारी गरेकाे हाे ।
चैत २७ गतेबाट सुरु बैठक शनिबार सकिएकाे हाे । महासंघ बागमती प्रदेश समितिले जिरी घोषणा पत्रमा साना तथा स्वरोजगारमुखी सञ्चारमाध्यमको हित र प्रवर्धनका लागि पूर्ण समानुपातिक विज्ञापन नीति कार्यान्वयन गर्न माग गरेको छ । यस्तै महासंघले संविधानले सुनिश्चित गरेको प्रेस तथा अभिव्यक्ति स्वतन्त्रतालाई नियन्त्रण गर्ने कुनै पनि गतिविधि नगर्न पनि सरकारलाई ध्यानाकर्षण गराएको छ ।
‘जिरी घोषणा पत्र’मा सरकारी विज्ञापन प्रकाशन–प्रसारणमा देखिएको अनियमितता र भ्रष्टाचार नियन्त्रणका लागि सरकारले थालेका प्रयासको स्वागत गर्दै विकृतिहरूको निष्पक्ष छानबिन गर्न माग समेत गरेकाे छ ।
यस्तो छ जिरी घाेषणा पत्रः
नेपाल पत्रकार महासंघ बागमती प्रदेश समिति, प्रदेश समिति अन्तर्गतका जिल्ला अध्यक्षहरू तथा प्रदेशस्तरीय पत्रकार सङ्गठनका अध्यक्ष एवं प्रतिनिधिहरूको उपस्थितिमा दोलखाको पर्यटकीय नगरी जिरीमा मिति २०८२ चैत्र २७-२८ मा सम्पन्न बैठकपछि जारी गरेको जिरी घोषणा पत्र :
- सरकारी विज्ञापन प्रकाशन–प्रसारणमा देखिएको अनियमितता तथा भ्रष्टाचार नियन्त्रणका लागि सरकारले चालेका प्रयासहरूको स्वागत गर्दै यसभित्रका विकृतिहरूको निष्पक्ष छानबिन गर्न माग गर्दछौं।
- श्रमजीवी पत्रकारहरूले सञ्चालन गरेका साना तथा स्वरोजगारमुखी सञ्चारमाध्यमहरूको हित र प्रवर्द्धनका लागि पूर्ण समानुपातिक विज्ञापन नीति कार्यान्वयन गर्न माग गर्दछौं।
- स्थानीय स्तरमा प्रवाह गरिने सूचना तथा जनचेतनामूलक सन्देशहरू स्थानीय सञ्चारमाध्यममार्फत नै प्रकाशन–प्रसारण हुने व्यवस्था मिलाउन तीनै तहका सरकारको ध्यानाकर्षण गराउँछौं।
- संविधानले सुनिश्चित गरेको प्रेस तथा अभिव्यक्ति स्वतन्त्रतालाई नियन्त्रण गर्ने कुनै पनि क्रियाकलाप नगर्न सरकारसँग आग्रह गर्दछौं।
- प्रदेश सरकारका निकायमा दर्ता भएका सञ्चारमाध्यम सम्बन्धी विद्यमान अन्योलता अन्त्य गर्न प्रदेश र संघीय सरकारबीच समन्वय गरी तत्काल समस्या समाधान गर्न ध्यानाकर्षण गराउँछौं।
- बागमती प्रदेश सरकारलाई सञ्चार रजिस्ट्रार कार्यालय कायम राख्न आग्रह गर्दछौं।
- जोखिमपूर्ण रिपोर्टिङका क्रममा व्यक्तिगत सुरक्षामा ध्यान दिँदै बदलिँदो समय र जनअपेक्षाअनुसार व्यवसायिक, जिम्मेवार र स्वतन्त्र पत्रकारिताको उच्चतम अभ्यास गर्न सम्पूर्ण सञ्चारकर्मीहरूलाई अपिल गर्दछौं।
- नेपाल पत्रकार महासंघ आम श्रमजीवी पत्रकारहरूको अभिभावक तथा संरक्षक बन्नुपर्नेमा पछिल्ला घटनाक्रमले यसलाई पुष्टि गर्न नसकेको देखिन्छ। महासंघको गरिमा उकास्नुपर्ने विषयहरूमा देखिएको अन्योलताले प्रदेश, जिल्ला तथा आम श्रमजीवी पत्रकारमा नकारात्मक असर परिरहेको हुँदा यसतर्फ केन्द्रीय समितिको गम्भीर ध्यानाकर्षण गराउँछौं।
- प्रकृति तथा वातावरणीय सन्तुलन कायम राख्न आदिवासी जनजाति र स्थानीय समुदायले पुस्तौँदेखि प्रयोग गर्दै आएको ‘रैथाने ज्ञान’ लाई विज्ञानसम्मत ढङ्गले अभिलेखीकरण गरी नीति–निर्माण तहसम्म पुर्याउन प्रतिबद्ध छौं।
- जलवायु परिवर्तनबाट सबैभन्दा बढी प्रभावित महिला, दलित, गरिब तथा सीमान्तकृत समुदायको आवाजलाई समाचारको केन्द्रमा राख्नेछौं। साथै, प्रभावित समुदायको न्यायका पक्षमा काम गर्न सम्बन्धित निकायहरूको गम्भीर ध्यानाकर्षण गराउँछौं।
- पर्यटकीय नगरी जिरी तथा यस क्षेत्रका महत्वपूर्ण प्राकृतिक सम्पदामा जलवायु परिवर्तनले पारेको प्रभाव न्यूनीकरणका लागि तीनै तहका सरकारसमक्ष आवश्यक पहल गर्न ध्यानाकर्षण गराउँछौं।
- नेपाल पत्रकार महासंघ बागमती प्रदेशको बैठक तथा दोलखाको पर्यटकीय नगरी जिरीमा जलवायु परिवर्तनसम्बन्धी सञ्चारकर्मीको क्षमता अभिवृद्धि कार्यक्रम सम्पन्न गर्न सहयोग पुर्याउने वन तथा वातावरण मन्त्रालय, बागमती प्रदेश सरकार; नेपाल पत्रकार महासंघ दोलखा शाखा; तथा स्थानीय पर्यटन व्यवसायीहरूलाई हार्दिक आभार व्यक्त गर्दछौं।
मकवानपुर । सिस्नुपानी नेपाल मकवानपुरले २ जना हास्यव्यङ्ग्य सर्जकलाई नगरसहित सम्मान गर्ने भएकाे छ । नेपाली हास्यव्यङ्ग्य सिर्जनामा महत्वपूर्ण योगदान पुर्याउने अग्रज तथा नवप्रतिभा गरी २ जनालाई सिस्नुपानी मकवानपुरले सम्मान गर्न लागेकाे हाे ।
यस वर्ष गणेशकुमार पौडेल हास्यव्यङ्ग्य सम्मान २०८२ सम्मानबाट नरनाथ लुइँटेललाई सम्मान गरिने भएकाे छ । सिस्नुपानी नेपाल तथा हास्यव्यङ्ग्य अनलाइन फित्कौली डटकममा आवद्ध रहेका लुइँटेललाई २५ हजार राशीकाे उक्त पुरस्कारबाट सम्मान गरिने अध्यक्ष सम्प्रस पौडेलले जानकारी दिए ।
यसैगरी हास्यव्यङ्ग्य कलाकार सीता न्यौपानेलाई आरसी रिजाल हास्यव्यङ्ग्य सम्मान २०८२ बाट सम्मान गरिने भएकाे छ । स्ट्याण्ड अप कमेडीका कलाकार न्यौपानेलाई २० हजार राशीकाे उक्त पुरस्कारबाट सम्मान गरिने पौडेलले बताए । १९ बैशाख २०८३ मा हेटौंडामा दुवै जनालाई एक कार्यक्रमकाे आयोजना गरी सम्मान गरिने बताइएकाे छ । अग्रज तथा नवप्रतिभासमेतलाई २ जना स्रस्टाहरूलाई सिस्नुपानी नेपाल मकवानपुरले हरेक वर्ष सम्मान समर्पण गर्दै आइरहेको छ ।
हास्यव्यङ्ग्य विशेष प्रतियोगितात्मक प्रहसन कार्यक्रम
यसैगरी आगमी बैशाख १९ गते हास्यव्यङ्ग्य विशेष प्रतियोगितात्मक प्रहसन कार्यक्रम समेत हुने भएकाे छ । सिस्नुपानी नेपाल मकवानपुरको आयोजना र हेटौंडा उपमहानगरपालिकाको प्रवर्धनमा हुने उक्त कार्यक्रममा मकवानपुर जिल्लाभित्र अध्ययनरत कक्षा १२ सम्मका विद्यार्थीहरू प्रतियोगितामा सहभागी हुन सक्ने अध्यक्ष पौडेलले जानकारी दिए ।
उक्त कार्यक्रममा विद्यालयको पत्रसहित प्रत्येक समूहमा २ जनादेखि बढीमा ५ जनासम्म सहभागी जनाउन पाउने छन् । आफूलाई आवश्यक सामग्रीहरू सहभागी समूहले नै व्यवस्थापन गर्नुपर्ने प्रतियोगितामा सामाजिक, राजनीतिक, आर्थिक तथा प्रशासनिक वेथितिलगायतका समसामयिक विषयहरूमाथि सभ्यरूपमा हास्यव्यङ्ग्य गर्न सकिने उनले बताए ।
आफूले प्रस्तुत गर्ने विषयवस्तु पूर्व जानकारी गराउनु पर्ने तथा ७ बैशाखसम्म सहभागी हुनु पर्ने प्रहसन कार्यक्रममा निर्णायकद्वारा कार्यक्रमको १ हप्ता अगाडि सहभागी समूहकाे पूर्वतयारी प्रस्तुति अवलोकन पछि उत्कृष्ट समूहलाई प्रतियोगितामा सहभागी गराइने बताइएकाे छ ।
प्रहसन कार्यक्रम प्रथम हुने समूहले नगद १५ हजार र सम्मानपत्र तथा द्वितीय हुने समूहले नगद १० हजार र सम्मानपत्र प्राप्त गर्ने छन् । यस्तै तृतीय हुने समूहले नगद ७ हजार र सम्मानपत्र र प्रोत्साहन पुरस्कार नगद ४ हजार प्रदान गरिने आयोजकले जनाएकाे छ ।