मकवानपुर । मकवानपुरकाे मनहरीमा बस पल्टिदा ३५ जना घाइते भएका छन् । बुधबार बिहान ४ बजे मनहरी गाउँपालिका ७ समिडाँडामा प्रदेश २-०३-००१ ख ३६२९ नम्बरको बस आफै अनियन्त्रित भई दुर्घटना हुँदा ३५ जना घाइते भएकाे जिल्ला प्रहरी कार्यालय मकवानपुरले जनाएकाे छ ।
मनहरी ७ स्थित पुर्व पश्चिम लोकमार्गमा काठमाडौंबाट महोत्तरी तर्फ जादै गरेकाे उक्त बस आफै अनियन्त्रित भई सडकबाट १० मिटर तल खसी दुर्घटना भएकाे प्रहरीले जनाएकाे छ । बसमा ४० जना यात्रु सवार रहेकाे प्रहरीले जनाएकाे छ । बस चालक महोतरी पिपरा गाउँपालिका २ बस्ने ३७ वर्षीय जय किशोर कापरलाई प्रहरीलाई नियन्त्रणमा लिएकाे छ ।
घाइतेहरुकाे पुरानो मेडिकल कलेज चितवन, मनहरी अस्पताल र हेटौडा अस्पतालमा उपचार भइरहेकाे मकवानपुर प्रहरीले जनाएकाे छ । २८ जना पुरानो मेडिकल कलेज भरतपुरमा, ३ जना मनहरी अस्पतालमा र ४ जना हेटौडा अस्पतालमा उपचारकाे लागि लगिएकाे हाे । हेटौडा अस्पतालमा उपचारकाे लागि ल्याइएका ४ जना डिस्चार्ज भएकाे प्रहरीले जनाएकाे छ ।
बस पल्टिदा घाईते भएका हरुकाे विवरणः
पुरानो मेडिकल कलेजमा उपचार भइरहेकाे
१ जिल्ला मोहत्तरी मटियानि न.पा.७ बस्ने बर्ष २४ को हरिशंकर प्रसाद मण्डल बाया हातमा चोट सामान्य ।
२ऐ.जलेस्वर न.पा. ९ बस्ने बर्ष २४ को राज कुमार साह टाउको हात खुट्टिमा चोट सामान्य ।
३ ऐ.बस्ने बर्ष २८ को अनु राय टाउको र हातमा चोट सामान्य ।
४ ऐ बस्ने निजको श्रीमति बर्ष २१ की खुसी कुमारी पाण्डे खुट्टामा चोट सामान्य ।
५ जि.धनुषा जनकपुर उ.म.न.पा.१३ बस्ने बर्ष २० की भिमा ठाकुर दुबै खुट्टामा चोट सामान्य ।
६ जिल्ला महोत्तरी बगाह न.पा.१ बस्ने बर्ष ६१ को दिनेश चौधरी ढाड र पेटमा चोट मध्यम ।
७ (बस सहचालक) जि.मोहत्तरी जलेस्वर न.पा.२ बस्ने बर्ष २० को असख साझी टाउकोमा चोट मध्यम ।
८ जि.धनुषा जनकपुरउ.म.न.पा.९ बस्ने बर्ष ६० को सरोज झा टाउकोमा चोट मधयम ।
९ ऐ.बस्ने बर्ष ९ की समृदी झा टाउकोमा चोट मध्यम ।
१० ऐ.बस्नेबर्ष ४२ की किरण झा टाउकिमा चोट मध्यम ।
११ ऐ.बस्ने बर्ष ४७ को संजिब झा सामान्य ।
१२ देश भारत सितामणी जि.पिपराथान बस्ने बर्ष ५५ को बेचन महत्तो घाटिमा चोट मध्यम ।
१३ जि.धनुषा जनकपुर उ.म.न.पा.बस्ने बर्ष १८ को अनुप सा सामान्य ।
१४ ऐ.७ बस्ने बर्ष २८ क राजु साह टाउको रहातमा चोट मध्यम ।
१५ ऐ.बस्ने निजको श्रीमती बर्ष २५ की रुद्रानि राज बाया हातमा चोट मध्यम ।
१६ जि.धनुषा लक्षिमिहा गा.पा.१ बस्ने बर्ष ३४ को सुन्दर साह टाउकोमा चोट मध्यम ।
१७ ऐ.बस्ने निजको छोरा बर्ष ५ को बिराज साह सामान्य ।
१८ ऐ.बस्ने बर्ष १२ को राज साह हातमा चोट सामान्य ।
१९ ऐ.बस्ने बर्ष १४ की काजल साह सामान्य ।
२० ऐ. बस्ने जनकपुर उ.म.न.पा.१३ बस्ने बर्ष २७ को रामभरोस साह टाउको ढाडमा चोट मध्यम ।
२१ जि.धनुषा बटेस्वर गा.पा.३ बस्ने बर्ष ३७ को रामकृष्ण सिङ सामान्य ।
२२ ऐ. बस्ने बर्ष ५ को प्रतिक सिङ सामान्य ।
२३ ऐ.बर्ष १० की कृती सिंङ बाया कानमा चोट सामान्य ।
२४ ऐ.बस्ने बर्ष २९ को सुजित कुमार महत्तो बाया खुट्टामा चोट सामान्य ।
२५ जि.धनुषा नकराईन गा.पा.६ बस्ने बर्ष २३ को रमेश कुमार ठाकुर बाया हातमा चोट सामान्य ।
२६ ऐ मिथिला न.पा.६ बस्ने बर्ष २१ को मनोज महत्तो टाउकोमा चोट मध्यम ।
२७ जि.धनुषा घर भई हाल काठमाण्डौ बस्ने बर्ष २४ की रमा के.सी.टाउकोमा चोट मध्यम ।
२८ ऐ.बस्ने धनुषा बटेस्वर न.पा.३ बस्ने बर्ष ३३ की ईन्दिरा कुमारी महत्तो छाति र ढाडमा चोट मध्यम ।
मनहरी अस्पतालमा उपचार भइरहेका
२९ ऐ.बस्ने औराही गा.पा.१ बस्ने बर्ष ३५ को रोशन कु.यादब टाउको रघाटिमा चोट सामान्य ।
३० देश भारत प्रदेश बिहार मध्यवानि बस्ने बर्ष ४९ को श्याम कुमार ठाकुर खुट्टमा चोट सामान्य ।
३१ देश भारत बिहार प्रदेश दभंगा बस्ने बर्ष ४४ को प्रमोद कुमार शर्मा दाया कानमा चोट ।
हेटौडा अस्पतालमा उपचार भइ डिस्चार्ज भएका
३२ जि.उदयपुर उदयपुर गढि गा.पा.६ बस्ने बर्ष २० की रन्जना मगर सामान्य ।
३३ जि.काठमाण्डौ काठ्माण्डौ म.न.पा.३१ बस्ने बर्ष ६० की बिना देबी मध्यम ।
३४ ऐ.बस्ने बर्ष २२ की सोनम साह मध्यम ।
३५ ऐ.बस्ने बर्ष ३४ कि अनुपम जैसवाल सामान्य ।
मकवानपुर । देशभर पश्चिमी र स्थानीय वायुको प्रभाव रहेको छ । जसको प्रभावले देशभर आंशिक देखि साधरणतया बदली रही पहाडी भूभागका एक–दुई स्थानमा हल्का वर्षा भइरहेको जल तथा मौसम विज्ञान विभागकाे मौसम पूर्वानुमान महाशाखाले जनाएकाे छ।
महाशाखाका अनुसार मंगलबार दिउँसो कोशी प्रदेश लगायत देशको पहाडी भूभागमा आंशिकदेखि साधरणतया बदली रही बाँकी भूभागमा आंशिक बदलीदेखि मौसम मुख्यतया सफा रहने छ । कोशी प्रदेश लगायत बाग्मती प्रदेश र सुदूरपश्चिम प्रदेश देशका पहाडी भूभागका थोरै र बाँकी पहाडी भूभागका एक–दुई स्थानमा चट्याङ्ग सहित हल्का देखि मध्यम वर्षाको सम्भावना रहेको छ । देशका उच्च पहाडी तथा हिमाली भूभागका थोरै स्थानहरूमा हल्का हिमपातको सम्भावना रहेको छ ।
मंगलबार राति देशका पहाडी भूभागमा आंशिक बदली रही बाँकी भूभागमा आंशिक बदलीदेखि मौसम मुख्यतया सफा रहने छ । बागमती र गण्डकी प्रदेशका पहाडी भूभागका एक–दुई स्थानमा चट्याङ्गसहित हल्का वर्षाको सम्भावना रहेको छ ।
देशका पहाडी भूभागका एक दुई स्थानमा चट्याङ्गसहित हल्का वर्षाको सम्भावना रहेको तथा देशका उच्च पहाडी तथा हिमाली भूभागका थोरै स्थानहरूमा हल्का हिमपातको सम्भावना रहेकोले कृषि, स्वास्थ्य, पर्यटन, पर्वतारोहण, सडक तथा हवाई यातायातमा आंशिक असर पर्न सक्ने हुनाले आवश्यक सतर्कता अपनाउन महाशाखाले अनुरोध गरेको छ ।
चितवन । गजलकार विनोद अनुज चितवनकाे भरपुरमा सम्मानित भएका छन् । युवा पुस्ताका गजलकार अनुज द्वारिका नेपाल स्मृति गजल पुरस्कारबाट सम्मानित भएका हुन् ।
गजल मञ्च चितवनको नवौँ अधिवेशनकाे अवसरमा सोमबार अनुजलाई २५ हजार रूपैयाँ राशीकाे उक्त पुरस्कार प्रदान गरिएकाे हाे । अधिवेशन उद्घाटन सत्रमा गजल मञ्च चितवनका पूर्वअध्यक्ष प्रभाकर पण्डितले अनुजलाई सम्मानपत्रसहित पुरस्कारले सम्मान गरेका थिए । गजल मञ्च चितवनको अध्यक्ष रहेका बेला २०७८ साल असोजमा दिवगंत द्वारिका नेपालको स्मृतिमा गजल मञ्च चितवनले पुरस्कार स्थापना गरेको थियो ।भरतपुर- ५ आनन्दपुर घर भई हाल अस्ट्रेलियामा रहेका डिला खरेलले यो पुरस्कार सौजन्य गरेका हुन् ।
पुरस्कृत स्रष्टा अनुजले कार्यक्रममा केही गजल सुनाएका थिए । उनले पुरस्कारबापत पाएको सबै रकम भरतपुर- ४ धर्मचोक, लङ्कूमा रहेको ज्ञानज्योति पुस्तकालयको भवन निर्माणका लागि हस्तान्तरण गरेका छन् । पुस्तकालयका अध्यक्ष गोविन्द कँडेललाई अनुजले उक्त रकम कार्यक्रम स्थलमै हस्तान्तरण गरे । पुरस्कृत स्रस्टा अनुजले पुरस्कारले आफूलाई गजल क्षेत्रको विकासका लागि अझै जिम्मेवारी बनाएको बताए ।
मञ्चका अध्यक्ष लेखराम सापकोटाको अध्यक्षतामा भएकाे अधिवेशनकाे उद्घाटन सत्रलाई सम्बोधन गर्दै प्रमुख अतिथि समेत रहेका प्रभाकर पण्डितले विभिन्न कालखण्डमा गजल मञ्चमा सक्रियतापूर्वक लागेर गजलको उत्थान र संरक्षणमा भूमिका खेलेका अनुजलाई पुरस्कार प्राप्त हुनु खुसीको कुरा भएको बताए । मञ्चका संस्थापक अध्यक्ष धनराज गिरि, कविडाँडा साहित्य समाजका अध्यक्ष एलबी क्षेत्रीलगायतले मन्तव्य व्यक्त गरेका थिए ।
द्वारिका नेपाल स्मृति गजल पुरस्कार २०७९ सालमा मुक्त उदास र २०८० सालमा कमल अर्यालले प्राप्त गरेका थिए । नवौँ अधिवेशनमा पूर्वअध्यक्षहरू किसान प्रेमी, ऋषिप्रसाद लामिछाने, रमेश प्रभात, पुष्प अधिकारी अञ्जली, धनराज गिरिसहित आजीवन सदस्यहरूको उपस्थिति रहेको थियो ।

गजल मञ्च चितवनको अध्यक्षमा अनायास
गजल मञ्च चितवनको अध्यक्षमा रामकृष्ण अनायास चयन हुनु भएकाे छ । सोमबारकाे नवौँ अधिवेशनले अनायासकाे अध्यक्षतामा ८ सदस्यीय समिति निर्विरोध चयन गरेको हाे ।
मञ्च उपाध्यक्षमा कमल अर्याल, सचिवमा प्रमिला सानु, सहसचिवमा सिम्रन क्षेत्री र कोषाध्यक्षमा सरस्वती पौडेल चयन भएका छन् । त्यसैगरी सदस्यहरूमा सुमन अविरत, जीवन सुवेदी र समिता पौडेल न्यौपाने चयन भए । बाँकी सदस्यलाई आगामी बैठकबाट थप गरिने नवनिर्वाचित अध्यक्ष अनायासले बताए । आफ्नो कार्यकालमा चितवनमा राष्ट्रिय स्तरका गतिविधि गर्ने र यहाँ बसेर गजल लेखिरहेका स्रस्टालाई एकीकृत गरी गजलका कार्यक्रमहरू गरिरहने उनले जानकारी दिए ।
गजल मञ्चकाे नयाँ नेतृत्व चयन पछि यसअघिका अध्यक्ष लेखराम सापकाेटा भन्छन् ‘मैले १ वर्ष कार्यबाहक र २ वर्ष पूर्ण जिम्मेवारीसहितको नेतृत्व गर्ने अवसर पाएँ । आफ्नो कार्यकाल सफलतापूर्वक सम्पन्न गर्न सकेको ठहर मलाई छ । मेरो नेतृत्वको कार्यकालमा मलाई हरहमेसा सहयोग गर्नुहुने उपाध्यक्ष रामकृष्ण अनायास, सचिव सरगम पारु, सहसचिव प्रमिला सानुजी, कोषाध्यक्ष लक्ष्मी घिमिरे, सदस्यहरू सिम्रन क्षेत्री, अविरत सुमन, अविरल यात्री, सरस्वती पौडेल, कृष्णप्रसाद सिंखडा र सुमन अर्याल मुस्कानसहित पूर्वअध्यक्षज्यूहरू, विशिष्ट सदस्यहरू, आजीवन सदस्यहरू, सल्लाहकारहरू सबै प्रति आभारी छु । नयाँ नेतृत्वलाई हार्दिक बधाई एवम् कार्यकाल सफलताको कामना गर्दछु ।’
मकवानपुर । मकवानपुरकाे बागमती गाउँपालिकामा स्कुटरले ठक्कर दिँदा १ जनाकाे मृत्यु भएकाे छ । मृत्यु हुनेमा बागमती गाउँपालिका ४ बस्ने गंगा पहरी रहेकाे प्रहरीले जनाएकाे छ ।
सोमबार हेटौडाबाट सिन्धुली तर्फ जादैं गरेको बा.प्र.०३-००४प ७२७६ नम्बरकाे स्कुटरले बागमती ४ स्थित मदन भण्डारी लोकमार्गमा स्थानीय ४८ वर्षीय गंगा पहरी र ५ वर्षीय अनुप पहरी लाई ठक्कर दिएकाे थियाे । बाटो क्रस गर्ने क्रममा स्कुटरकाे ठक्करबाट घाईते उनीहरुकाे उपचारको लागि सीएमसी चुरेहिल अस्पताल हेटौडा ल्याइएकाेमा उपचारकाे क्रममा गंगाको मृत्यु भएको जिल्ला प्रहरी कार्यालय मकवानपुरले जनाएकाे छ ।
प्रहरीका अनुसार घाइते अनुपकाे चुरेहिल अस्पतालमा उपचार भइरहेकाे तथा स्कुटर र चालक मकवानपुर हेटौडा उपमहानगरपालिका ६ चौघडा बस्ने २६ वर्षीय अनुप कुमार क्षेत्रीलाई नियन्त्रण लिएकाे छ ।
मकवानपुर । बागमती प्रदेशकाे विभिन्न जिल्लामा भएकाे घटनामा १८ जना घाइते भएका छन् । प्रदेशकाे मकवानपुर, चितवन, नुवाकाेट, धादिङ्ग र सिन्धुपाल्चोक जिल्लfमा भएका घटनामा उनीहरु घाइते भएका हुन् ।
मकवानपुरमा भएकाे सवारी दुर्घटनामा ३ जना, चितवनमा भएकाे सवारी दुर्घटनामा १२ जना, नुवाकाेटमा भएकाे सवारी दुर्घटनामा ४ जना, धादिङ्गमा भएकाे घटनामा १ जना तथा सिन्धुपाल्चोकमा भएकाे घटनामा १ जना घाइते भएकाे बागमती प्रदेश प्रहरी कार्यालय हेटौंडाले जनाएकाे छ ।
मकवानपुरकाे हेटौंडा उपमहानगरपालिकामा ३ लेवट स्थित पुर्व-पश्चिम सडक खण्डमा लेवटबाट हेटौडा तर्फ जादै गरेको ना ५५ प ९७२५ नम्बरकाे मोटरसाइकल ले पैदल यात्री स्थानीय ५० वर्षीय मैया महतलाई ठक्कर दिदाँ उनी घाइते भएका हुन् । यसैगरी माेटरसाइकल स्थानीय ५२ वर्षीय राम कृष्ण ढुङ्गाना समेत घाइते भएकाे प्रहरीले जनाएकाे छ ।
यसैगरी हेटौडा ४ कान्तिकोलपथ सडक खण्डमा पिप्लेबाट हेटौडा तर्फ आउदै गरेको बा ६१ प १३९५ नम्बरको स्कुटर आफै अनियन्त्रित भई दुर्घटना हुदा स्कुटर चालक मकवानपुर मकवानपुरगढी गाउँपालिका ३ मक्रानचुली बस्ने अन्दाजी २५/२६ वर्षीय सरोज वाईबा घाइते भएकाे प्रदेश प्रहरीले जानकारी दिएकाे छ ।
यस्तै चितवनकाे भरतपुर महानगरपालिका २५ स्थित मिलिजुली चोकमा सिमाना चोक तर्फ बाट मिलिजुली चोक तर्फ जाँदै गरेको ना ३५प ८२६७ नम्बरकाे मोटरसाइकल र बिपरित दिशा तर्फबाट जाँदै गरेको बा. प्र.०६-००१ प ११२१ नम्बरकाे मोटरसाइकल ठक्कर खाइ दुर्घटना भएकाे हाे । दुर्घटनामा ना ३५ प ८२६७ नम्बरको चालक भरतपुर बस्ने ५२ वर्षीय प्रदिप महतो बा. प्र.०६-००१ प ११२१ नम्बरको चालक भरतपुर २४ बस्ने २२ वर्षीय बिनिता सिग्देल र साेही माेटरसाइकल पछाडी बस्ने भरतपुर ७ बस्ने १६ वर्षीय अश्रे काफ्ले घाइते भएका हुन् ।
भरतपुर ९ नं.वडा कार्यालय अगाडी प्रदेश १-०२-०४६ प ८९७४ नम्बरकाे माेटरसाइकल र प्रदेश २-०२- ००५ प ६२३० नम्बरको स्कुटर ठोकिएर भएकाे दुर्घटनामा ८९७४ नम्बरकाे चालक बारा घर भई भरतपुर बस्ने ३२ वर्षीय रमेश शाह, साेही माेटरसाइकल पछाडी बस्ने शाहकाे श्रीमती ३० वर्षीय सोनी महत्तो, निजहरुकाे छोरा ८ वर्षीय रिदम शाह तथा ६२३० नम्बरको स्कुटर चालक भरतपुर ९ बस्ने २० वर्षीय ईसान दुरा घाइते भएकाे प्रदेश प्रहरीले जनाएकाे छ ।
यस्तै भरतपुर १५ देवीचोकमा बा.प्र.००२-०३२प ८९३३ नम्बरको मोटरसाइकल र बागमती प्रदेश ०६-००३ प १७८८ नम्बरकाे स्कुटर टोक्किदा भएकाे दुर्घटनामा स्कुटर चालक भरतपुर १५ रामपुर बस्ने १६ वर्षीय हिमान्सु सिंह, मोटरसाइकल चालक भरतपुर ४ लंकु बस्ने ३१ वर्षीय कसम खरेल, मोटरसाइकल पछाडी बस्ने ३५ वर्षीय प्रतिक्षाराज खरेल घाइते भएकाे प्रहरीले जनाएकाे छ ।
भरतपुर ८ गौरीगंञ्जमा घोलपारीबाट ज्योति तर्फ जादै गरेको बा.प्र.०३ -००४प ८७२५ नम्बरको स्कुटरले विपरीत दिशाबाट आउदै गरेको साइकल लाई ठक्कर दिदा साइकल यात्री भरतपुर ८ बस्ने ७५ वर्षीय पदम बहादुर आले स्कुटर चालक स्थानीय १९ वर्षीय आशिष थापा घाइते भएका छन् ।
यसैगरी धादिङकाे गल्छी गाउँपालिका २ खरी ढुङगामा कुटपिटबाट १ जना घाइते भएका छन् । स्थानीय काले नाम बताउने व्यक्तिले मादक पदार्थ गरी गजुरी ६ जरे बस्ने २७ वर्षीय सरोज भुजेललाई बियरको बोतल प्रहार गरी घाईते बनाएकाे प्रहरीले जनाएकाे छ ।
नुवाकाेटकाे लिखु गाउँपालिका ६ खाल्टे स्थित टोखा छहरे सडक खण्डमा काठमाडौंबाट रसुवा तर्फ जादैं गरेको बा.प्र.०२०५२ प ६४३६ नम्बरको मोटरसाइकलले बा ७८ प २५८० नम्बरको मोटरसाइकल लाई ठक्कर दिंदा २५८० मोटरसाइकल चालक लिखु ६ बस्ने ६५ वर्षीय सुदन थापा मोटरसाइकल पछाडी सवार थापाको श्रीमती बर्ष ६५ वर्षीय दुर्गा थापा, ६४३६ नम्बर मोटरसाइकल चालक रसुवा आङछेदुङगा ३ बस्ने २१ वर्षीय डम्बर तामाङ घाइते भएका छन् ।
यस्तै लिखु ६ छहरे टोखा छहरे सडक खण्डमा काठमाडौंबाट ढिकुरे तर्फ जादै गरेको बा६च ६९३२ नम्बरको टोयोटा हाईलक्स गाडी र बिपरित दिशा बाट जाँदै गरेको बा.प्र.०२००३प ७१७९ नम्बरको मोटरसाइकल ठोकिएर भएकाे दुर्घटनामा माेटरसाइकल चालक नुवाकोट पञ्चकन्या १ बस्ने २१ वर्षीय रोशन राई मोटरसाइकल पछाडी सवार उक्त स्थान बस्ने २३ वर्षीय सबिन राई घाइते भएकाे प्रदेश प्रहरी कार्यालयले जनाकारी दिएकाे छ ।
यसैगरी सिन्धुपाल्चाेक साँगाचोकगढी नगरपालिका ३ बतासेमा कुटपिटबाट १ जना घाइते भएका छन् । स्थानीय ३७ वर्षीय नवराज कटुवालले मादक पदार्थ सेवन गरी ३९ वर्षीय श्रीमति पबित्रा कटुवाललाई कुटपिट गरी घाईते बनाएको प्रहरीले जनाएकाे छ ।