मकवानपुर । देशभर काेराेना भाइरसकाे संक्रमण बढे सँगै यसकाे बिमा गर्नेहरू पनि थपिए । तर काेराेना भाइरस पुष्टि भएपछि बिमा गरेकाे बिमा कम्पनी मार्फत दाबी गरे पनि अहिलेसम्म बिमा वापतकाे रकम नपाएकाे गुनासाे काराेना भाइरस संक्रमण भइ निकाे भएकाहरूकाे छ । बिमा कम्पनीहरूले आवश्यक कागजात सहित केन्द्रीय कार्यालयमा पठाउने र त्याे विषयमा केन्द्रीय कार्यालयले नै निर्णय गर्ने भन्दै जवाफ दिने गरेकाे बिमितहरू बताउँछन् ।
देशभरबाट काेराेना बिमा गर्नेकाे सङ्ख्या लाखाैं रहे पनि काेराेना संक्रमण पश्रचात पाउनु पर्ने बिमा रकम पाउन सकेकाे छैनन् । काेराेना पाेजेटिभ भएकाे २ महिना बढी हुँदा समेत बिमा दाबि रकम हाल सम्म प्राप्त गरेकाे नेपाली काँग्रेस हेटौंडा उपमहानगरका सभापति आनन्दराम पराजुलीले बताए । कोरोना जीतेर आफ्नो कार्यमा फर्किसकेका उनले कोरोना बिमाको रकम आउने भएपिछ बिमा बराबरको १ लाख रकम विभिन्न संघसंस्थालाई सहयोग गरिसकेका छन् । पराजुली त प्रतिनिधि पात्र मात्र हुन बिमा दाबि भुक्तानीकाे कागजात पेश गरेर हालसम्म दाबि रकम भुक्तानी नपाउने हजाराै रहेका छन् ।
कोरोना संक्रमण भएर २ महिना बित्दा पनि बिमा रकम नपाएकी हेटौंडाकी पत्रकार कुमारी स्याङ्बो पनि हुन् । उनकाे नेपाल पत्रकार महासंघ बागमती प्रदेशबाट युनाइटेड इन्स्योरेन्समा बिमा गरिएको थियो । बिमा दाबि भुक्तानीको लागि पेश गरेको भए पनि बिमा बापतको रकम पाउने आश मरिसकेको उनी बताउँछिन ।
कोरोना संक्रमित करिब ९० प्रतिशत बिमितले भुक्तानी पाएका छैनन् । आवश्यक सबै कागजात पुगे पनि लामो समयसम्म दाबि भुक्तानी नपाएका अधिकांश हेटौंडाका बिमितले बिमा रकम पाउने आश मारिसकेका बताउँछन् । कोरोना बिमा मापदण्ड–२०७७ मा आवश्यक कागजात पुगेका बिमितले बढीमा सात दिनभित्र भुक्तनी पाइसक्नुपर्ने प्रावधान छ ।
यसै बीच बिमा समितिले कोरोना बिमाको दाबि भुक्तानी सात दिन भित्रै गर्न बिमा कम्पनीहरुलाई निर्देशन दिएको छ । समितिले सबै निर्जीवन बिमा कम्पनीहरुलाई मंगलबार सर्कुलर जारी गर्दै कोरोना बिमाको दाबि भुक्तानी ७ दिनभित्र गर्न निर्देशन दिएको हो ।
अर्थमन्त्रालयले पनि कोरोना बिमाको दाबि भुक्तानीमा ढिलाई गरेको भन्दै बिमा समितिलाई पत्र लेखेर सात दिन भित्र दाबि भुक्तानी दिने व्यवस्था मिलाउन पत्र काटेको थियो । त्यस अनुसार समितिले सात दिन भित्र दावी भुक्तानी दिने व्यवस्था मिलाउन निर्नेशन दिएकाे हाे ।
अर्थमन्त्री विष्णुप्रसाद पौडेलको उपस्थितिमा अर्थमन्त्रालयमा मंगलबार बसेको बैठकले कोरोना बिमाको दाबि गरेका सबै बिमितहरुलाई एक हप्ताभित्रै दाबि भुक्तानी दिने समेत निर्णय गरेको थियाे । दाबि भुक्तानीको समन्वय र अनुगमन बिमा समितिले गरी दाबी भुक्तानीको दैनिक प्रतिवेदन अर्थ मन्त्रालयमा पठाउने पर्ने निर्णय बैठकले गरेको छ । कोरोना बिमाको दाबि भुक्तानीमा ढिलाई भएको चौतर्फी आलोचना भएपछि अर्थमन्त्रालयमा छलफलभएपछि समितिले उक्त निर्देशन दिएको बताइएकाे छ ।

मकवानपुर । निजामती कर्मचारीहरूको आधिकारिक ट्रेड युनियन निर्वाचन, २०७७ प्रमुख निर्वाचन अधिकृतको कार्यालयले निजामती कर्मचारीहरूको आधिकारिक ट्रेड युनियनको निर्वाचन कार्यक्रम सार्वजनिक गरेको छ।
प्रमुख निर्वाचन अधिकृतको कार्यालयले मंगलबार कार्य तालिका सार्वजनिक गर्दै निर्वाचन आगामी मङ्सिर २७ गते शनिवारका दिन हुने जनाएकाे छ । साथै आगामी कात्तिक २५ गतेदेखि निर्वाचन कार्यक्रम नसकिँदासम्म मतदानमा सहभागी हुने कर्मचारीको सरुवा वा काज सरुवा गर्न रोक लगाएको छ ।
प्रमुख निर्वाचन अधिकृतको कार्यालयले मन्त्रालयहरूलाई पठाएको पत्रमा भनिएको छ ‘निर्वाचन सम्पन्न नभएसम्म निजामती सेवा ऐन २०४९ को दफा ५३(२) (क) र निजामती कर्मचारीको आधिकारिक ट्रेड युनियनको निर्वाचन सम्बन्धी विनियमावली २०६९ को विनियम १०(१) बमोजिम मतदाता हुने कर्मचारीको कात्तिक २५ देखि सरुवा/काज सरुवालगायत कार्य नगर्न नगराउन र सरुवा भइसकेको भए रमाना नगर्न नगराउन अनुरोध गरिन्छ ।
निजामित कर्मचारीहरू आधिकारिक ट्रेड युनियनकाे निर्वाचन गत असोज २४ गते हुने गरी निर्वाचन कार्यक्रम सार्वजनिक गरी सबै तयारी गिरएकाे भए पनि अन्तिम अवस्थामा नेपाल सरकारले मङ्सिर २७ गतेलाई सार्दै प्रमुख निर्वाचन अधिकृतको कार्यालयबाट नियुक्त सबै विभागीय र जिल्लाका निर्वाचन अधिकृतहरूलाई २०७७ मङ्सिर २७ गते हुने अर्को निर्वाचनसम्म निरन्तरता दिने निर्णय गरेको थियो ।
प्रमुख निर्वाचन अधिकृत कलानिधि पौड्यालद्वारा हस्ताक्षर गरी प्रकाशित निर्वाचन कार्यतालिका अनुसार मङ्सिर २७ गते शनिवारका दिन निर्वाचन हुने छ । मङ्सिर १० मा मतदाता नामावली प्रकाशन गर्ने र २७ गते शनिवार बिहान ९ बजेदेखि ५ बजेसम्म मतदान कार्य हुनेछ । तालिकामा उल्लेख छ । यस अघी नै निर्वाचनकाे सबै तयारी पुरा भइ सकेकाेले अब ताेकिएकाे मितिमा निर्वाचन गर्न समस्या नरहेकाे तर सरकारले नै रोक्न चाहेको अवस्थामावाहेक अन्य कारणले निर्वाचन नहुने या स्थगित हुने अवस्था देखिदैन अव छैन ।


मकवानपुर । आज मंगलबार सुन तथा चाँदीको मूल्य वृद्धि भएकाे छ । सुन तोलामा ४०० रुपैयाँले बढेको नेपाल सुनचाँदी व्यवसायी महासंघले बताएकाे छ ।
महासंघका अनुसार छापावाला सुन प्रतितोला ९५ हजार ४०० रुपैयाँ र तेजाबी सुन प्रतितोला ९४ हजार ९०० रुपैयाँमा कारोबार भइरहेको छ । गत आइतबार र सोमबार सुन प्रतितोला ९५ हजार रुपैयाँ तोकिएको थियो ।
यसैगरी चाँदीको भाउ पनि मंगलबार बढेको छ । मंगलबार चाँदी ५ रुपैयाँले वृद्धि भएकाे छ । चाँदी प्रतितोला एक हजार २ सय १० रुपैयाँमा खरिद बिक्री भएकाे महासंघले जनाएकाे छ । सोमबार चाँदी प्रतितोला एक हजार २०५ रुपैयाँमा किनबेच भएको थियो ।
मकवानपुर । मकवानपुरमा ६१ जना कोरोना भाइरस संक्रमित थपिएको छ । पछिल्लो २४ घण्टामा यहाँ थप ६१ जनामा कोरोना पुष्टि भएको हो ।
सोमबार संकलन गरिएको १ सय ४२ जनाको स्वाब परीक्षणमा थप ६१ जनामा कोरोना संक्रमण पुष्टि भएको हो । पुष्टि हुनेमा सबैभन्दा बढी ५३ जना हेटौंडा उपमहानगरपालिकाका रहेका छन् । यसैगरि बकैया गाउँपालिका,मनहरी गाउँपालिका, भीमफेदी गाउँपालिका र हेटौंडा बस्ने जिल्ला बाहिरका २/२ जना रहेका हेटौंडा उपमहानगरपालिकाका स्वास्थ्य शाखाले जानकारी दिएको छ ।
मकवानपुर । अहिले नेपालमा उल्लेखनीय मौसमी प्रणाली नरहेकाे जल तथा मौसम विज्ञान विभाग मौसम पूर्वानुमान महाशाखाले जनाएकाे छ ।
हाल प्रदेश न १, गण्डकी प्रदेश, कर्णाली प्रदेश र सुदुर पश्चिम प्रदेश देशका पहाडी भूभागमा आंशिक बदली र बाँकी भू-भागमा मौसम सामान्यतया सफा रहेको छ महाशाखाले जानकारी दिएकाे छ ।
महाशाखाका अनुसार आज कार्तिक १७ गते साेमबार प्रदेश न १ र कर्णाली प्रदेशमा आंशिक देखि सामान्य बदली तथा वाग्मती प्रदेश, गण्डकी प्रदेश, लुम्बिनी प्रदेश र सुदुर पश्चिम प्रदेशका पहाडी क्षेत्र तथा प्रदेश न २ मा आंशिक बदली रही अन्य भू-भागमा मौसम सामान्यतया सफा रहनेछ । प्रदेश न १ र कर्णाली प्रदेशका थोरै स्थानहरुमा तथा गण्डकी प्रदेश, लुम्विनी प्रदेश र सुदुर पश्चिम प्रदेशका पहाडी भूभागका एक दुइ स्थानमा हल्का बर्षाको सम्भावना रहेकाे छ ।
यसै गरी कार्तिक १८ गते साेमबार देशभर पहाडी भूभागहरुमा आंशिक देखि समान्य बदली रही अन्य भू-भागमा मौसम सामान्यतया सफा रहनेछ । देशका पहाडी भू-भागहरुमा १/२ स्थानमा हल्का बर्षाको सम्भावना छ । यस्तै कार्तिक १९ गते बुधबार देशभर पहाडी भूभागहरुमा आंशिक देखि सामान्य बदली रही अन्य भू-भागमा मौसम सामान्यतया सफा रहनेछ महाशाखाले जनाएकाे छ ।
महाशाखाका अनुसार आगामी २४ घण्टाका लागि माैसमकाे कारण कुनै खतरा रहेकाे छैन ।