मकवानपुर । हेटाैँडा उपमहानगरपालिका ४ नं. वडा कार्यालयकाे आयाेजना हाजिरी जवाफ प्रतियोगिता भएको छ ।
माेहन बज्राचार्य शहरी स्वास्थ्य केन्द्रकाे व्यवस्थापनमा १ सय १३ औ अन्तरास्ट्रिय महिला दिवसकाे अवसरमा वडास्तरीय अन्तर स्वास्थ्य आमा समूहबीच हाजिरी जवाफ प्रतियाेगिता भएकाे हो । प्रतियोगितामा सफल आमा समूह प्रथम भएको छ ।
यसैगरी प्रतियाेगितामा श्रमिक, जाल्पादेवी, पञ्चकन्या र प्रगति क्रमश:द्वितीय, तृतीय र सान्त्वना भएका छन् । प्रतियोगितामा बिजेता हुदै प्रथम हुने समुहले ७ हजार, द्वितीय हुने समुगले ५ हजार, तृतीयले ३ हजार, सान्त्वनाले १ हजार तथा प्रमाण पत्र प्राप्त गरेका माेहन बज्राचार्य शहरी स्वास्थ्य केन्द्र प्रमुख निर्मला ब्लाेनले बताइन ।
४ नं. वडा अध्यक्ष नवीन सिग्देलले भाैतिक विकासकाे साथै मानवीय विकासकाे लागि अतिरिक्त क्रियाकलापकाे आवश्यकतालाई प्राथमिकतामा राख्नुपर्ने बताए । वडा सदस्य गीता त्रिपाठीकाे सभाध्यक्षता भएकाे कार्यक्रममा बाग्मती प्रदेशका पूर्व राज्यमन्त्री जुनेली श्रेष्ठको प्रमुख आतिथ्यता रहेको थियो ।
कार्यक्रममा वडा सदस्यहरू जनरल श्रेष्ठ, जग्गनाथ पाण्डे, ५ नं. वडा सदस्य रञ्जिता सिलवाल, श्रमिक माविका प्रधानाध्यापक श्रीराम दाहाल, महिला जागरण समूहकका अध्यक्ष राधिका चाैलागाईँ, सृजनशिल नेपालका अध्यक्ष शान्ता वराललगायतकाे उपस्थिति रहेकाे थियाे ।
- गोपिनी दाहाल
मकवानपुर । बाल संरक्षण, मानव बेचविखन तथा ओसारपसार विरुद्ध बनेका कानुनी प्रावधानहरु पूर्ण रुपमा कार्यन्वयन नहुँदा अपेक्षित प्रगती हासिल हुन नसकेको सरोकारवालाहरुले बताएका छन् ।
समस्यामा परेकाहरुको पहिचान गरेर समस्याबाट उद्धार गरेपछि व्यवस्थापन तथा दीगो जीवनको लागि पहल गर्ने निकाय नहुँदा पीडित प्रभावितहरुको अवस्थामा सुधार आउन नसकेको बताइएको हो ।
कानुन अन्वेषण तथा स्रोत विकास केन्द्र (सेललर्ड) ले हेटौंडामा आयोजना गरेको बाल संरक्षण र मानव बेचबिखन तथा ओसारपसारका मुद्दाहरुको सम्बन्धमा स्थानीय सञ्चारकर्मीहरु र स्थानीय सरकारबीच छलफल कार्यक्रममा यस्तो सवाल उठाइएको हो ।
मानव बेचविखन तथा ओसारपसारका विरुद्ध भएमा विद्यमान संघीय र स्थानीय कानूनहरू र यी मुद्दाहरूमा स्थानीय स्तरमा विद्यमान चुनौतीहरूका बारेमा छलफल गर्ने स्थानीय सञ्चार माध्यममा बाल संरक्षण र मानव बेचबिखन तथा ओसारपसारकासँग सम्बन्धित समाचारको प्रवृत्ति, पीडित प्रभावित मैत्री मिडिया रिपोर्टिङ र विद्यमान चुनौतीहरूबारे छलफल गर्ने उद्देश्यले आयोजित कार्यक्रममा सहभागी पत्रकारहरुले निर्वाचित जनप्रतिनिधिहरुले आफ्नो दायित्वभन्दा मतको स्वार्थ बढी राखेको पाइएको गुनासो गरेको थिए ।
स्थानीय सरकारले बालबालिकाहरुलाई बालश्रमबाट उद्धार गरेर पनि व्यवस्थापनमा चासो नदिएको कारण बालबालिकाको अवस्था सुधार हुन नसकेको सहभागीहरुले बताए । बालबालिकाहरुको सवालमा रिर्पोटिङ गर्दा आमसञ्चारले गोपनीयताको ख्याल राख्दै आचार संहिताको पालना गरेपनी सामाजिक सञ्जालले गोपनीयताको ख्याल नगर्दा आफूहरुले आक्षप खेप्नुपरेको पत्रकारहरुले बताएका थिए ।
मानव बेचबिखन तथा ओसारपसारबाट उद्धार गरिएकाहरुलाई दीगो व्यवस्थापन गर्न उनीहरुको आयआर्जन तथा सिप विकास गरी जीविका निर्वाहको आधार तय गर्न सकेमात्रै पुनस्थापनाको चरणमा टेवा पुग्ने भएकोले यसतर्फ ध्यान दिन पत्रकारहरुले सुझावसमेत दिएका छन् ।
सेलर्ड मकवानपुर र शक्ति समुहको संयुक्त आयोजनामा सुरक्षाका लागि साथ साथ परियोजना अन्तर्गत बाल संरक्षण र मानव बेचविखन बिरुद्द स्थानीय तह र संचारकर्मीहरु संगको प्रशिक्षण सरोकारवाला निकाय, संचारकर्मिहरुसंग छलफल कार्यक्रम गरिएको थियो ।
कार्यक्रममा सेलर्डका फिल्ड प्रमुख जगन्नाथ सुवेदी, पत्रकार सरिता दाहाल, तथा हेटौडा उपमहानगरपालिका महिला शाखा प्रमुख विना ठिकेले सहजिकरण गरेका थिए ।
हेटौडा उपमहानगरपालिका महिला शाखा प्रमुख विना ठिकेले गत मंसिरयता मात्रै बालश्रमबाट ७ जना बालबालिकालाई परिवारमा पुनस्थापना गरेको तर उनीहरु मध्ये केही फेरी श्रममा फर्केको बताइन् ।
कार्यक्रममा सेलर्डका सुवेदीले मानव वेचविखन सम्बन्त्री कानुनमा बेश्यावृत्तिको शब्द प्रयोग गरिनु हरेक व्यक्तिमा भएको आत्मसम्मान प्रति चोट पु¥याएको बताए । व्यक्तिको आत्मासम्मान र गोपनीयताको सवालमा सधैं ध्यान दिनुपर्ने उनले बताए । नेपालका बालगृहमा बालबालिकाहरु असुरक्षित हुने गरेको सहभागीहरुले बताए ।
यसैगरी संचारिका समूह नेपालकी बागमति प्रदेश अध्यक्ष पत्रकार सरिता दाहालले मानव बेचविखन, ओसारपसार तथा बालबालिकाको अधिकार उल्लंघनका विषयमा पत्रकारहरुले समाचार सम्प्रेषण गर्दा पत्रकार आचारसंहिता भित्र रहेर प्रसार, प्रकाशन गर्नुपर्ने, बालअधिकारको उल्लंघन र बालबालिको हित प्रतिकुल नहुने गरि सुचना प्रकाशन गर्नुपर्ने बताइन् ।
समाजप्रति संचारमाध्यमको दायित्व पुरा गर्न सदा सचेत हुनुपर्ने पत्रकार दाहालले बताइन् । विभिन्न सामाजिक संजालका कारण पत्रकार आचारसंहितामा आच आउने गरेको र यस्ता सवाल पत्रकारहरुको लागि भने चुनौतीको रुपमा रहेको उनले बताइन् ।
कानुन अन्वेषण तथा स्रोत विकास केन्द्र सेलर्ड राष्ट्रिय स्तरमा कार्यरत एक गैर सरकारी संस्था हो। यस संस्था आफ्नो स्थापना कालदेखि नै मानवअधिकारको रक्षा, कानूनी शासनको स्थापना र सबैका लागि न्यायमा पहुँच स्थापना गर्नका लागि कार्यरत रहेको सुवेदीले बताए ।
सेलर्ड नेपालका न्याय तथा फौजदारी न्याय प्रणाली, मानव अधिकार र अनौपचारीक न्याय प्रणालीका विषयमा अध्ययन अनुसन्धान तथा वकालत गर्दै महिला, बालबालिका तथा सिमान्तकृत समुदायको न्यायमा सहज पहुँचको प्रवर्धनका लागि निशुल्क कानूनी सहायता, न्याय क्षेत्रका सरोकारवालाहरुको क्षमता अभिवृद्धि जस्ता कार्यक्रमहरु संचालन गर्दै न्यायमा सबैको पहुँच स्थापना गर्ने उद्देश्यले कार्यरत रहेको सुवेदीले बताए । यस संस्था, संयुक्त राज्य अमेरिकाको विदेश विभाग अन्तर्गतको मानव बेचविखनको नियन्त्रण र अनुगमन कार्यालय तथा एक्प्याट नग्जम्बर्गको सहयोगमा र शक्ति समूह समेतको सहकार्यमा नेपाल सरकार, महिला, बालबालिका तथा ज्येष्ठ नागरिक मन्त्रालय अन्तर्गतको बाल अधिकार परिषद्सँगको संयुक्त संयोजनमा सुरक्षाको लागि साथ साथ परियोजना आगामी २०८० भदौसम्मको लागि मकवानपुरमा पनि काम गर्दै आएको छ ।
मकवानपुर । हेटौंडामा बृहत शैक्षिक प्रदर्शनी तथा सांस्कृतिक कार्यक्रम भएको छ । हेटौंडा उपमहानगरपालिका ४ नम्बर वडाको आयोजना तथा शैक्षिक गुणस्तर सुधार समिति हेटौंडा-४ को व्यवस्थापनमा कार्यक्रम भएको हो ।
माघ २० गते शुक्रबार हेटौंडा ४ रोयल पार्टी प्यालेसमा २६ वटा स्टलमा सामाजिक, गणित र विज्ञान प्रदर्शनी गरिएको थियो । हेटौंडा ४ का निजी तथा सरकारी विद्यालय तथा क्याम्पसको सहभागिता रहेको प्रदर्शनी संगै सास्कृतिक कार्यक्रम समेत भएको हो ।
शिक्षामा गुणस्तर सुधारका लागि असल र रचनात्मक प्रयत्न गर्न, शिक्षालाई प्रतिस्पर्धात्मक बनाउन, एकअर्काकाे शैक्षिक अनुभवलाई आदानप्रदान गर्न, शिक्षामा गरिएकाे आजकाे खर्च हाेईन, भाेलीकाे लागि लगानी हाे, भन्ने स्थापित गर्न,शिक्षामा बजेट, श्राेत, साधन र प्रविधिलाई प्रवर्द्वन गर्न, शैक्षिक क्षेत्रमा हामी केही न केही परिवर्तन गर्न, शैक्षिक जागरणकाे माध्यमद्वारा सामाजिक रूपान्तरण गर्ने उदेश्यले बृहत् शैक्षिक प्रदर्शनी तथा साँस्कृतिक कार्यक्रम गरिएको ४ नम्बर वडा अध्यक्ष नविन सिक्देलले बताए ।
दिनभर चलेको प्रदर्शनीको करिब १० हजार जनाले अवलोकन गरेको बताइएको छ ।

मकवानपुर । ‘मनको मान्छे’ बोलको गीतको म्यूजिक भिडियो युट्युवमा सार्वजनिक भएको छ। गीतकार तथा साहित्यकार अञ्जना पौडल ‘अनुश्रुती’ को शब्दमा रहेको गीतलाई ओएस आर डिजिटल युट्युव च्यानलले सार्वजनिक गरेको हो । म्यूजिक भिडियोमा पौडलको शब्द संगै गायक आनन्द कार्कीको स्वर तथा संगीतकार शक्ति वल्लभको संगीत रहेको छ ।
एरेञ्जर मनोहर सुनाम, मिक्सिङ र मास्टरिङ भोला पौडेलको रहेको उक्त गीतको म्यूजिक भिडियोमा विकास लामिछाने, दिपिका थापा, अनुप बोहोरा, आदित्य देव रुपाखेती र एन्थस खनालको अभिनय रहेको छ ।
भिडियोमा क्यामरा मुकेश हुमागाईं, कोरियोग्राफर राहुल बराइली, सम्पादन विनोद वम र निर्देशन कृष्णदेव रुपाखेतीको रहेको भिडियो नयाँ वर्ष २०२३ को सुरुवात संगै सार्वजानिक भएको हो ।
नेपाली साहित्यको विविध विधामा कलम चलाउदै आएकी साहित्यकार पौडेल पछिल्लो समयमा गीतकारको रुपमा समेत आफ्नो परिचयको दायरालाई फराकिलो बनाउदै छिन् । आगामी दिनमा पनि गीति लेखनलाई निरन्तरता दिदै अन्य गीतहरु पनि दर्शक श्रोतामाझ ल्याउने उनले बताइन ।
भिडियोले सार्वजनिक भएको ५ दिनमा १ लाख ३३ हजार ३ सय ७० भ्युउज पाइसकेको छ ।
मकवानपुर । बालबालिकालाई अन्य हिंसाभन्दा अनलाइनबाट हुने हिंसाको अवस्था भयावह भएको सिविन बाल हेल्प लाइनका व्यवस्थापक माधव लोहनीले बताएका छन् ।
विभिन्न सामाजिक सन्जालको प्रयोगबाट बाल शोषण तथा दुर्व्यवहार हुने गरेकोले अभिभावकले समेत बिशेष ध्यान दिनुपर्ने व्यवस्थापक लोहनीले बताए ।
अनलाइनबाट हुने बाल दुर्व्यवहार तथा शोषण जस्ता सवालबाट बालबालिकालाई जोगाउन स्थानीय तहले नागरिक समुदायलाई स्थानीय वडाहरूबाट पहल गर्नुपर्ने उनले बताए । अनलाइन बाल सरक्षणसम्बन्धी संचेतना बढाउन संचेतनामुलक सामाग्रीहरूबाट प्रचार गर्नु आवश्यक भएको व्यवस्थापक लोहनीले बताए ।
सम्बन्धित वडा मार्फत नगरपालिका भित्र रहेका सबै सामुदायिक एवं निजी आवासिय विद्यालयहरूले अनलाइन बालसंरक्षणको विषयमा आ-आफ्नो विद्यालयमा बालबालिकाहरूलाई अभिमुखीकरण गर्नका लागि निर्देश गर्ने, आफ्नो वेभसाइटमा अनलाइन बालसंरक्षणको विषयलाई प्राथमिकताका साथ राखेर अनलाइन संरक्षणको विषयलाई सबैको चासोको विषय बनाउन तर्फ लाग्नुपर्ने लोहनीले बताए ।
सिविन बाल हेल्प लाइन हेटौंडाले आयोजना गरेको ईन्टरनेट अनलाइनमा बाल संरक्षणबारे सरोकारवालासंग अन्तरक्रिया यस्तो बताइएको हो ।
“अनलाइन प्रयोगबारे जति जानकारी चाहिएको छ, त्यति जानकारी अभिभावकलाई छैन,तर बालबालिका शोषण गर्नेहरू पुर्ण रूपमा अपडेट छन्” लोहनीले भने ।
लामो समय सामाजिक सन्जालमा बस्दा सामाजिकिकरणबाट बालबालिका टाढा हुन थालेको,
बालबालिकाले प्रयोग गर्ने साइडबारे अभिभावक जानकार रहने, बालबालिकाको फेसबुकको साथी समूह चेक गर्ने, सङ्ख्या बढाउनको लागि जो पायो उसलाई साथी नबनाउने जस्ता सवालमा ध्यान दिनुपर्नेमा सहभागीहरूले बताएका थिए ।

अनलाइन शोषणबारे उजुरी काठमाडौमा मात्रै हुने भएकोले न्यायको लडाइमा समस्या हुने गरेको अधिकारकर्मीहरूले बताए ।
अनलाइन बाल संरक्षणबारे मनोसामाजिक परामर्शको पाटोमा मकवानपुरमा पनि काम भइरहेको सिविन जिल्ला कार्यालय प्रबन्धक झबिन्द्र ज्ञावलीले बताए । “परामर्श दिन गरेका छौ, उजुरी दर्तामा भने समस्या छ” ज्ञावलीले भने । बालविवाह भएका मध्ये ९९ प्रतिशत कारण अनलाइन रहेकोे उनले बताए ।
सिविनले सन् २००८ देखि अनलाइनमा बाल संरक्षणबारे काम गर्दै आएको छ । कार्यक्रममा सिविनका अध्यक्ष माधव प्रधानको समेत उपस्थिती रहेको थियो ।
साइबर अपराध गरेमा विधुतीय कारोबार ऐन २०६३ मा भएको व्यवस्था कसुरको मात्रा र प्रयोजन अनुसार ५ वर्षसम्म कैद वा ५० हजार रुपैयाँदेखी २ लाख रुपैया सम्म वा दुवै कारबाही हुने व्यवस्था छ ।
कार्यक्रममा सामाजिक विकास मन्त्रालय बागमती प्रदेश, प्रदेश मानव अधिकार आयोग, इन्सेक, माइती नेपाल, हिमराइट्स, राडो नेपाल, नगरपालिकालगायतका प्रमुख तथा प्रतिनिधिको सहभागीता रहेको थियो ।