मकवानपुर /बागमती प्रदेशको राजधानी हेटौंडाबाट संघीय राजधानी काठमाडौ पुग्ने दुरी अझै छोटो हुने भएको छ । यो मार्ग बनेपछि हेटौंडाबाट काठमाडौ ६४ किलोमिटर मात्रै हुनेछ ।
हालको सबैभन्दा छोटो मार्ग कुलेखानी–फाखेलको ७८ किमिभन्दा पनि छोटो मार्ग अब बन्ने भएको हो । हेटौंडाबाट काठमाडौं जोड्ने सबैभन्दा छाटो मार्ग शुक्रबार शिलन्यास गरिएको छ । मकवानपुरको इन्द्रसरोवर गाउँपालिका ५ देखि संघीय राजधानी काठमाडौंको सतुङ्गलसम्म जोड्ने सतुङ्गल–मातातिर्थ–देउराली–कुलेखानी सडक शुक्रबार शिलन्यास गरिएको हो ।
बागमती प्रदेशका भौतिक पुर्वाधार मन्त्री रामेश्वर फुयाँलले शिलन्यास गरे । सडक खण्डको मकवानपुर तर्फमा १२ करोड ३९ लाखमा आह्वान गरेका ठेक्कामा कविन्द्र निर्माण सेवाले ७ करोड ३ लाख ६६ हजारमा सम्भौता गरेको हो । २०७७ असार १७ गते सम्झौता भएको उक्त योजना २०७९ असार १६ गतेसम्ममा सकाउनु पर्ने सम्झौतामा उल्लेख छ । सडक कम्तिमा ८ मिटर चौडाई हुनेछ । मकवानपुर तर्फको सडक पुर्वाधार विकास कार्यालय चितवनले हेर्नेछ भने काठमाडौं खण्डको सडक पुर्वाधार कार्यालय ललितपुरले हेर्नेछ ।
सडक पुर्वाधार विकास कार्यालय ललितपुरका कार्यालय प्रमुख दिपक कुमार दासका अनुसार यो सडक खण्ड बनेपछि संघीय राजधानी काठमाडौं देखि प्रदेश राजधानी हेटौंडासम्मको सबैभन्दा छोटो दुरी हुनेछ ।
सडक खण्डको मकवानपुर तर्फको शुक्रबार शिलन्यास गर्दै बागमती प्रदेशका भौतिक मन्त्री रामेश्वर फुयाँलले सरकार विकास र समृद्धिमा लागेको बताए । उनले नेकपाका नेताहरुले जनता सामु गरेका बाचाहरु पुरा हुँदै गएको भन्दै प्रदेश सरकार र संघीय सरकारले गरेको विकास हेर्न ग्रामिण क्षेत्रमा गए थाहा हुने बताएका हुन् ।

नेकपा सरकारले समाजवाद पुग्न हरदम प्रयास गरिरहेको भन्दै सरकारले लिएको ‘सुखी नेपाली समृद्ध नेपाल’को लक्ष्यलाई पुरा गरेर छोड्ने बताए । यस्तै कार्यक्रममा बागमती प्रदेश सभा सदस्य कुमारी मोक्तानले आफ्नो निर्वाचन क्षेत्रमा आफुले बोलेका कुराहरु पुरा हुँदै जाँदा खुसी लागेको बताईन् ।
सरकारले सानादेखि ठुला योजनाहरुमा समेत काम गर्दै आएको भएता पनि केहि ठेकेदार, डोजरवालाहरुले जनतालाइै किनबेच गर्न खोजेको बताईन् । चुनावमा गाउँमा गएर ठेकेदार नेताहरुले ट्रिपर, डोजरदेखि दूई चार लाख रुपैयाँको लोभ देखाएर भड्काउँदैमा जनता नभड्किने बताईन् ।
इन्द्रसरोवर गाउँपालिका अध्यक्ष जिवन लामाको अध्यक्षतामा भएको कार्यक्रमा संविधान सभा सदस्य सुभाष चन्द्र ठकुरी, गाउँपालिकी उपाध्यक्ष उमा लामालगायतले मन्तव्य व्यक्त गरेका थिए ।
स्वरोजगार बन्न सहायता
Tags: No Comments
मकवानपुर/६५ वर्ष उमेरका उनी फर्निचरका सामग्री बनाउन तल्लिन छन् । उनी अर्थात मकवानपुर गढी–३ का गुणनिधि दाहाल । उनले ४१ वर्षदेखि फर्निचर व्यवसाय गर्दै आएका हुन् । परम्परागत औजारको सहायताले फर्निचर निर्माण गर्दै आएका उनी अब आधुनिक हतियारको सहायताले सहज तरिकाले काम गर्न पाउँदा खुसि छन् ।
स्वरोजगार बन्नको लागि बीउँपूजि स्वरुप उनलाई राडो नेपालमार्फत २५ हजार बराबरको आधुनिक सामग्री सहयोता प्राप्त भएपछि ढल्कदो उमेरमा काममा सहजता महसुस गर्ने भएका हुन् । ‘बुहारी (तुलसा) पनि मेरो काममा सघाउँछिन, उनैको नाममा यि औजार सहयोग प्राप्त भएको हो’ उनले भने ।
स्वरोगार बन्नको लागि हौसला मिलेको छ गढी ३ कै युवा नवराज अर्याललाई । गाई फार्म सञ्चालन गर्दै आएका उनले भिरालो जग्गामा तरकारी खेति गर्ने मनासाय बनाए । तर पानीको समस्या देखियो । ३ सय मिटर तल खोल्साको पानी माथि तानेर जम्मा गर्दै भिरालो जग्गा रसिलो बनाएर तरकारी फलाउने उनको रहरलाई पनि राडो नेपालले सहजिकरण गरिदिएको छ ।
उनैको आवश्यकता अनुसार पाइप र पानी तान्ने मिसेन खरिदको लागि २५ हजार बराबरको सामग्री किन्न सहयोग गरेपछि उनी अहिले गाई पालनसँगै तरकारी खेतिमा लागि परेका छन् । उनले १६ रोपनी जग्गा भाडामा लिएर तरकारी खेती सुरु गरेका छन् ।
शुक्रबार जिल्ला समन्वय समिति मकवानपुर उपप्रमुख भगवति पुडासैनी, गढी गाउँपालिकाका अध्यक्ष विदुर हुमागाईं, वडा ३ का वडा अध्यक्ष भागवत घिमिरे, गाउँपालिकाका प्रमुख प्रशासकीय अधिकृत रामकुमार पुडासैनी, राडो नेपालका कार्यवाहक अध्यक्ष रामजी सापकोटालगायतको टोलीले स्थानीयहरुको स्वरोजगारमुलक पेशा/व्यवसायको अनुगमन गरेको छ ।
राली इन्टरनेशनल नेपालको आर्थिक सहयोग मकवानपुरगढी गाउँपालिकाको समन्वय र राडो नेपालको सामाजिक तथा प्राविधिक सहयोगमा आइ.सी.एस वाई सी.आर कार्यक्रम अन्तर्गत कोभिड -१९ प्रभावित मकवानपुरगढी गाउँपालिका भित्र ६० घर परिवारहरुलाई उद्यममा प्रेरित गर्ने उदेश्यले प्रति परिवार बढीमा २५ हजारका दरले उनीहरुले नै रोजेको उद्यमको लागि सहयोग गरिएको राडो नेपाल मकवानपुरका कार्यक्रम संयोजक विष्णु धितालले बताए ।

कोभिड –१९ बाट प्रभावित भएर आय आर्जनमा परेको नकारात्मक असरले गर्भवती तथा सुत्केरी महिलाहरुमा पोषिलो खाना खाने सन्देश सहित सोहि गाउँपालिकाको विकट वडाहरु १ र ८ मा रहेका सबै सुत्केरी तथा गर्भवतिहरुलाई पोषण किट वितरण गरिएको राडो नेपालका कार्यवाह अध्यक्ष रामजी सापकोटाले बताए । यि दुई वडाका १ सय ३० घर परिवारलाई पोषण किट वितरण गरिएको फिल्ड अफिसर रोशन खनालले बताए ।
यसैगरी सोहि गाउँपालिकाको ४ वटा विद्यालयहरुमा सरसफाईको लागि ह्याण्ड वासिङ्ग स्टेशन (हात धुने स्थान) वितरण गरिएको तथा मनहरि गाउँपालिकामा रहेको कोभिड अस्पतालको लागि करिव १ लाख बराबरको स्वास्थ्य सामग्री वितरण गरिएको कार्यवाहक अध्यक्ष सापकोटाले बताए ।
गाउँपालिकाले युवाहरुलाई स्वरोजगार बनाउने अभियानमा अन्तरगत विभिन्न कार्यक्रम गरेको र यस्ता कार्यक्रमले युवाहरुलाई प्रोत्साहन गर्दै आएको अध्यक्ष हुमगाईले बताए । ‘स्थानीय सरकारको जिम्मेवारीको काममा गैससहरुले सहयोग गर्दा हामीले समन्वय गरेका हौ, हामी चाहन्छौ सबै युवाहरु आफ्नो ठाउँमा स्वरोजगार बनुन्’ वडा अध्यक्ष घिमिरेले भने ।
वडा वडामा कृषि प्राविधिक तथा जेटिएहरु खटाइएपछि पालिका भित्र स्वरोजगारको लागि फर्म दर्ता हुने क्रमपनि बढेको गाउँपालिकाका प्रमुख प्रशासकीय अधिकृत पुडासैनीले बताए । चालु आर्थिक वर्षको साउन यतामात्रै १५० वटा फर्महरु दर्ता भइसकेको उनले बताए ।
मकवानपुर/मकवानपुरको मनहरी गाउँपालिकाले डेढ दर्जन क्रसर तथा बालुवा उद्योगलाई जरीबाना तिराउने भएको छ । गाउँपालिकाले स्टक प्रमाणित भएको भन्दा बढी परिमाणको ग्रेबल थुपारिएको पाइएपछि जरीबाना तिराउने भएको छ ।
मनहरी गाउँपालिकाले गाउँपालिकाभित्रका डेढदर्जन क्रसर उद्योग तथा बालुवा प्रशोधन उद्योगहरुलाई जरिबाना गर्दै राजश्व असुली गर्ने निर्णय गरेको गाउँपालिका अध्यक्ष एकराज उप्रेतिले बताए । गाउँ कार्यपालिकाको बुधवार भएको बैठकले जिल्ला समन्वय समिति मकवानपुरको निर्देशन बमोजिम राजश्व संकलन गर्ने निर्णय गरेको हो । प्रति घनमिटर ६७ रुपिया ५० पैसाको दरले राजश्व संकलन गरिने छ । सो रकम बराबरको जरिबाना तिर्न व्यवसायीहरु पनि सहमत भएको बताइएको छ ।
गाउँपालिकाका प्रमुख कार्यकारी अधिकृत देवराज चौलागाईंका अनुसार कुल १ लाख ८२ हजार घनमिटर ग्रेबल बापतको जरिबाना रकम उठाइने छ । जस अन्तरगत १ करोड २४ लाख ७ हजार ४ सय रुपियाँ जरीबाना उठ्ने छ । साथै उक्त परिमाणको प्रशोधनपछि निकासी हुँदा निकासी कर पनि थपिनेछ ।
गाउँपालिकामा लामो समयपछि बसेको बैठकले मनहरी अस्पतालको डिपिआर तयार गरी एकमहिनाभित्र ठेक्का प्रक्रिया थाल्ने निर्णय गरेको छ । त्यसैगरी जग्गा नापी गरी लालपुर्जा बितरणका लागि भूमि सम्बन्धी समस्या समाधान आयोगले पठाएको कार्यविधि अनुसार तत्कालै गाउँपालिका तह र वडातहमा आयोग गठन गरी प्रक्रिया अघि बढाउने र गाउँपालिकामा कर्मचारीको बन्दोबस्त भूमिसम्बन्धी डेस्क सञ्चालन गर्ने निर्णय भएको छ ।
गाउँपालिकाले अघिल्लो महिना मनहरी गाउँपालिका ६ नं वडामा उद्घाटन गरेको गाउँघर क्लिनिकमा तत्कालै जनशक्ति उपलब्ध गराएर नियमित स्वास्थ्य सेवा प्रवाह गर्ने निर्णय समेत गरिएको छ । बैठकले गाउँपालिकाको काम कारबाही तथा उपाध्यक्ष मनिला बिष्टका सम्बन्धमा बाहिर आएका समाचारहरुका बारेमा ध्यानाकर्षण जनाउँदै अप्रमाणित समाचारका कारण मनहरीबासीमा पर्न गएको भ्रमबाट मुक्त हुन सबैमा आग्रह समेत गरेको चौलागाईले जानकारी दिए ।
‘भूमि सम्बन्धी समस्या जनताकाे हैन सरकारकाे हाे’
Tags: No Comments
मकवानपुर/ भूमि सम्बन्धी समस्या जनताकाे मात्रै नभइ सरकारकाे मुख्य समस्या भएकाे बताइएकाे छ । बागमती प्रदेशका मूख्यमन्त्री डोरमणि पौडेलले विहिबार हेटाैंडामा भएकाे कार्यक्रममा यस्ताे बताएका हुन् । भूमि समस्या समाधानका लागि आयोगलाई बागमती प्रदेश सरकारले पूर्ण सहयाेग गर्ने पनि उनले बताएका छन् ।
हेटौंडामा आयोजित स्थानिय तह र आयोगबीचको समझदारी पत्र हस्ताक्षर कार्यक्रममा बोल्दै मूख्यमन्त्री पौडेलले आयोगले भूमिहीनको समस्या समाधान गर्नेमा विश्वस्त रहेको बताए । जनतालाई सडकमा नाङ्गो हिडाएर समृद्ध नआउने भन्दै उनले तीन तहका सरकारका बिच अहिले समन्वयको अभाव रहेको बताए ।
कार्यक्रममा बागमती प्रदेश सभाका प्रमुख प्रतिपक्ष दलका नेता इन्द्र बानियाले भूमि सम्बन्धी समस्या प्रत्येक स्थानीयत तहकाे समस्या भएकाे बताए । ‘केही गडबड भएमा तपाइहरू नै त्यसकाे जिम्मेवार हुनुहुने छ, चनाखाे भएर काम गर्नुस् र जनताकाे समस्या समाधान गर्नुस्’ कार्यक्रममा बानियाँले भने ।
भुमि सम्बन्धी समस्या समाधान आयोगका अध्यक्ष देवीप्रसाद ज्ञवालीले देशभर भुमि सम्बन्धी समस्या राष्ट्रिय समस्या भएको बताए । किसान र भूमिहीनको समस्या समाधान नहुनु भनेको राष्ट्रिय समस्या रहेको बताउदै आयोग भुमिहीनहरुको समस्या समाधानमा लागि परेको उल्लेख गरेका छन् ।
उनले विगतमा देखि हालसम्म भुमि सम्बन्धी समस्या समाधानका लागि १३ वटा आयोजना गठन भएको तर पनि समस्या समाधान नभई टडकारो अवस्थामा रहेकोले हाल भुमि सम्बन्धी ऐन २०२१ को ८ औ संसोधन र नियमावलीको १८ औ सम्बोधनको क्रममा रहेको बताए । जनताले हातमा सेतो पुर्जा छ भन्ने गरेको तर विगतमा आयोग गठन भएपछि सेतो पुर्जा रातोमा परिणत हुन नसकेकोले आफ्नो नेतृत्वको आयोग भुमिहीनहरुलाई रातो पुर्जा दिलाउन लागिपरेको बताए । ।
भुमि सम्बन्धी समस्या समाधान आयोगको आयोजना र बागमती प्रदेश भुमि व्यवस्थापन कृषि तथा सहकारी मन्त्रालयको समन्वय तथा व्यवस्थापनमा भएको समझदारीपत्रमा हस्ताक्षर र अभिमुखीकरण कार्यक्रममा बागमती प्रदेशका ९ जिल्लाका २८ स्थानीयतहका प्रमुख,उपप्रमुख र प्रशासकीय अधिकृतको सहभागीता रहेको थियो ।
भूमि सम्बन्धि समस्या समाधान आयोग र स्थानीय तहका पदाधिकारी बिच समझदारी पत्रमा हस्तान्तरण र अभिमुखिकरण कार्यक्रम बागमती प्रदेशको राजधानी हेटौंडामा सुरु भएको छ ।
भूमी ब्यवस्थ्य कृष्ण तथा सहकारी मन्त्रालय बागमती प्रदेश को आयोजनामा सुरु भएको कार्यक्रममा प्रदेशको २८ वटा स्थानीय तहहरूको प्रमुख उपप्रमुख्हरूको उपस्थिति रहेको छ ।
कार्यक्रम प्रदेशका मुख्यमन्त्री डोरमणी पौडेल, प्रमुख प्रतिपक्षी दलका नेता इन्द्रबहादुर बानियाँ, भूमी सम्बन्धि समस्या समाधान आयोग सदस्यहरु लगायतको उपस्थिति रहेको छ ।
कार्यक्रम आज दिनभर चल्ने बताईएको छ ।