मकवानपुर । मकवानपुरमा शनिबार काेराेना संक्रमण पुष्टि भएका ३ जनाकाे मृत्यु भएकाे छ ।
शनिबार बिहान १ जना तथा बेलुका २ जना गरी ३ जनाकाे काेराेना संक्रमितकाे मृत्यु भएकाे हाे । शनिबार विहान थाहा नगरपालिका ५ का काेराेना संक्रमित ६५ वर्षीय पुरूष सैनिक अस्पताल छाउनी काठमाडाैं उपचारकाे लागि लगिएकाेमा मृत्यु भएको हो । बैशाख २० गते गरिएको एन्टिजेन परिक्षणमा उनलाइ कोरोना संक्रमण पुष्टि भएको थियो ।
यसैगरि शनिबार साँझ थप २ जना काेराेना संक्रमितको मृत्य भएको छ । काेराेना संक्रमण पुष्टि भइ हेटौंडा अस्पतालमा उपचारत हेटौंडा ५ का ६५ वर्षीय पुरुष र बाराका ३४ वर्षीय पुरुष रहेको हेटौंडा अस्पतालले जनाएकाे छ ।
यसैगरि शनिबार जिल्लामा थप १ सय ६१ जनामा कोरोना पुष्टि भएको छ । पछिल्लो २४ घण्टामा पीसीआर र एन्टीजेन गरेर २ सय ३३ जनामा गरिएको परीक्षणमा १ सय ६१ जनामा कोरोना देखिएको स्वास्थ्य कार्यलय मकवानपुरले जनाएको छ ।
शनिबार पुष्टि हुनेमा १ सय ३७ जना हेटौंडा उपमहानगरपालिकाका रहेका छन् । यस्तै ११ जना थाहा नगरपालिकाका, ६ जना मनहरी गाउँपालिकाका, ४ जना मकवानपुरगढीका, २ जना बागमती गाउँपालिकाका र १ जना राक्सिराङ गाउँपालिका रहेको स्वास्थ्य कार्यलयले जनाएको छ । यो संगै मकवानपुरमा हालसम्म कोरोना पुष्टि हुनेको संख्या ५ हजार २ सय ८४ जना पुगेको छ ।
यस्तै शनिबार थप ९ जना संक्रमित संक्रमण मुक्त भएका छन् । हेटौंडाका ६ जना आइसाेलेसनमा उपचार पछी र ३ जना हाेम आइसोलेसनबाट कोरोना संक्रमण मुक्त भएका हुन् । यो संगै मकवानपुरमा कोरोना संक्रमण मुक्त हुनेकाे संख्या ३ हजार ९ सय ३७ पुगेको छ ।
नेपाल पत्रकार महासङ्घले कोरोना भाइरसको समाचार सम्प्रेषण सम्बन्धी सूचना जारी गरेकाे छ । पत्रकार र संचार माध्यमका लागि जारी सूचनाकाे पालना गर्न पत्रकारलाई आग्रह गरेको छ।
विश्व स्वास्थ्य सङ्गठन (डब्लूएचओ)ले तयार गरेको स्वास्थ्यसम्बन्धी मापदण्डका आधारमा सूचना जारी गरिएको महासङ्घले जनाएको छ। जसमा कोरोनासम्बन्धी समाचार सम्प्रेषण गर्दा ध्यान दिनुपर्ने कुरा उल्लेख गरिएको छ।
महासङ्घले कोरोना सम्बन्धी समाचार लेख्दा त्रसित बनाउने गरी नलेख्न आग्रह गरेको छ भने यसलाई कुनै देश, क्षेत्र वा समुदायसँग जोडेर नलेख्न पनि सचेत गराएको छ।
पत्रकारमा कोरोना सङ्क्रमण बढ्न थालेपछि महासङ्घले सूचना जारी गरेकाे हाे । अहिलेसम्म देशभर ६ सय ८० जना पत्रकार सङ्क्रमित भइसकेका छन् भने ७ जना पत्रकारकाे मृत्यु भएको छ।
मकवानपुर । उपप्रधानमन्त्री ईश्वर पोखरेलले नेपालले कोभ्याक्स सुविधा अन्तर्गत पाउने कोभिड–१९ विरुद्वको खोप सक्दो छिटो उपलब्ध गराइदिन संयुक्त राष्ट्र संघलाई अनुरोध गरेका छन् ।
नेपालस्थित संयुक्त राष्ट्रसंघीय आवासीय संयोजक सारा बेस्लो न्यान्तीसँग शुक्रबार भएको टेलिफोन संवादमा उपप्रधानमन्त्री पोखरेलले विश्व स्वास्थ्य संगठन (डब्ल्यूएचओ)बाट पाउने कोभ्याक्स अन्तरगतको खोप सक्दो छिटो नेपाल ल्याउनका लागि सहजीकरण गरिदिन आग्रह गरेका हुन् ।
‘भाइरसको फैलावट रोक्ने एउटै मात्र उपाय भनेको खोप हो, त्यसकारण नेपालले कोभ्याक्स अन्तरगत प्राप्त गर्ने खोपमा संयुक्त राष्ट्रसंघको सहजीकरणको अपेक्षा गरेको छ,’ उपप्रधानमन्त्री पोखरेलले आग्रह गरे– ‘यसका साथै भेन्लिटेलर, पीपीई, अक्सिजन सिलिण्डर, अक्सिजन कन्सेन्ट्रेटर, मोबाइल अक्सिजन प्लान्ट, औषधि, खोप र खोपसँग सम्बन्धित सामाग्री, अस्थायी अस्पताल स्थापनाका लागि आवश्यक पूर्वाधार र आवश्यक विज्ञ जनशक्ति लगायतका विषयमा नेपालले सहयोगको अपेक्षा गरेको छ ।’
नेपालीहरुलाई खोप सुविधा उपलब्ध गराउन नेपाल सरकारले कुटनीतिक पहल गरिरहेको उपप्रधानमन्त्री पोखरेलले जानकारी गराए । उपप्रधानमन्त्री पोखरेलले भने – ‘कोरोनाविरुद्वको खोप विश्वकै नागरिकहरुको सार्वजनिक चासोको वस्तु हो भन्ने हामी विश्वास गर्छौ, खोप कुन देशको हो भन्ने कुराले मानवीय ऐक्यबद्धतालाई असर गर्नुहुँदैन् ।’ जवाफमा संयुक्त राष्ट्रसंघकी नेपालस्थित संयोजक साराले आफ्नोतर्फबाट खोप ल्याउन सक्दो सहयोग गर्ने प्रतिबद्दता जनाएकाे पाेखरेलका प्रेस सल्लाहकार गणेश पाण्डेले बताए । बस्नेतका अनुसार साराले सहयोगका लागि आवश्यक छलफल गर्न छिट्टै उपप्रधानमन्त्री पोखरेललाई भेट्ने चाहना पनि व्यक्त गरेकाे जानकारी दिए ।
कोभ्याक्स अन्तरगत नेपालले २० प्रतिशत जनसंख्यालाई पुग्ने कोभिशिल्ड खोप पाउनुपर्नेमा अहिलेसम्म ३ लाख ४८ हजार डोजमात्र प्राप्त गरेको छ । नेपाल सरकारले खरिद गरेको २० लाखमध्ये १० लाख डोज नेपाल आइसकेको छ भने बाँकी १० लाख डोज खोप अझै आउन बाँकी छ । यसैगरी, भारत सरकारबाट १० लाख डोज, भारतीय सेनामार्फत नेपाली सेनालाई १ लाख डोज र चीनबाट ८ लाख डोज खोप नेपालले प्राप्त गरेको छ ।
मकवानपुरमा थप १५ जना काेराेना भाइरस संक्रमण मुक्त
Tags: No Comments
मकवानपुर । मकवानपुरमा शुक्रबार थप १५ जना काेराेना भाइरस संक्रमण मुक्त भएका छन् । कोरोना मुक्त भइ डिस्चार्ज हुनेमा घरमा उपचाररत १० जना र आइसोलेसनमा उपचाररत ५ जना गरी १५ जना हेटौंडा उपमहानगरपालिकाका रहेका छन् । यो संगै मकवानपुरमा कोरोना भाइरस मुक्त हुनेकाे संख्या ३ हजार ९ सय ३१ पुगेको छ ।
यसै गरी पछिल्लो २४ घण्टामा थप १ सय ७४ जनामा कोरोना भाइरस संक्रमण पुष्टि भएको छ । पछिल्लो २४ घण्टामा पीसीआर र एन्टीजेन परीक्षणबाट ३ सय १८ जनामा गरिएको परीक्षणबाट थप १ सय ७४ जनामा संक्रमण पुष्टि भएको स्वास्थ्य कार्यलय मकवानपुरले जनाएको छ ।
काेराेना पुष्टि हुनेमा सबैभन्दा बढी १ सय १३ जना हेटौंडा उपमहानगरपालिकाका रहेका छन् । यसैगरि कैलाश गाउँपालिकाका ३५ जना, मनहरी गाउँपालिकाका १२ जना,थाहा नगरपालिकाका १२ जना,ईन्द्रसरोब र बकैैयाका एकएक जनाका रहेका छन् । यो संगै जिल्लामा कोरोना पुष्टि हुनेको संख्या ५ हजार १ सय २४ पुगेको कार्यलयले जनाएको छ ।
यसैगरि पछिल्लो २४ घण्टामा मकवानपुरको हेटौंडा अस्पतालमा एक कोरोना संक्रमितको मृत्यु भएको छ । मृत्यु हुनेमा रौतहट जिल्लाका ३८ वर्षीय पुरुष रहेका छन् । मकवानपुरमा हालसम्म ४२ जनाको मृत्यु भएकाे स्वास्थ्य कार्यलयले जनाएको छ ।
मकवानपुरमा विहीबार सम्म १ हजार १ सय ५३ जना संक्रमित उपचाररत रहेका छन् । जस मध्ये १ हजार ९९ संक्रमित घरमै र ५४ जना संक्रमित (हेटौंडा अस्पतालमा २९ र गौरिटारमा २२ जना) आइसोलेसनमा उपचाररत रहेका छन् ।
नेपालमा शुक्रबार थप २ हजार ९सय ५ जना कोरोना संक्रमण मुक्त
नेपालमा पछिल्लाे २४ घण्टमा थप २ हजार ९ सय ५ जना कोरोना मुक्त भएका छन् । यो संगै नेपालमा कोरोना मुक्त हुनेकाे संख्या २ लाख ९५ हजार ३ सय ९५ पुगेको स्वास्थ्य तथा जनसंख्या मन्त्रालयले जनाएको छ ।
यसैगरि पछिल्लो २४ घण्टामा नेपालमा थप ९ हजार १ सय ९६ जनामा कोरोना पुष्टि भएको छ । यो संगै नेपालमा कोरोना पुष्टि हुनेको संख्या ३ लाख ७७ हजार ६ सय ३ पुगेको मन्त्रालयले जनाएको छ ।
नेपालमा कोरोनाको कारण थप ५० जनाको मृत्यु भएको छ । यो संगै नेपालमा कोरोनाको कारण मृत्यु हुनेको संख्या ३ हजार ५ सय ५७ पुगेको स्वास्थ्य मन्त्रालयले जनाएको छ ।
मकवानपुर । नेपालमा पछिल्लो २४ घण्टामा थप २ हजार ७ सय ७ जना कोरोना संक्रमित संक्रमणमुक्त भएका स्वास्थ्य तथा जनसंख्या मन्त्रालयले जनाएकाे छ ।
मन्त्रालयका अनुसार देशभरका विभिन्न अस्पतालमा उपचाररत तथा हाेम अाइसाेलेसनमा रहेका उनीहरु संक्रमणमुक्त भएका हुन्। योसँगै कोरोना संक्रमणमुक्त हुनेको संख्या २ लाख ९२ हजार ४ सय ९० पुगेको छ।
यस्तै पछिल्लो २४ घण्टामा ९ हजार ७० जनामा कोरोना भाइरस संक्रमण पुष्टि भएको छ । मन्त्रालयका अनुसार २० हजार ३ सय ६७ पीसीआर परीक्षणमा ८ हजार ९ सय ७० जना र ७ सय ७५ एन्टिजेन परीक्षणमा १ सय जना गरी ९ हजार ७० जनामा काेराेना संक्रमण पुष्टि भएको हो ।
पछिल्लो २४ घण्टामा कोरोना भाइरस संक्रमणका कारण ५४ जनाको मृत्यु भएको मन्त्राललयले जनाएकाे छ ।