नेपाल पत्रकार महासङ्घले कोरोना भाइरसको समाचार सम्प्रेषण सम्बन्धी सूचना जारी गरेकाे छ । पत्रकार र संचार माध्यमका लागि जारी सूचनाकाे पालना गर्न पत्रकारलाई आग्रह गरेको छ।
विश्व स्वास्थ्य सङ्गठन (डब्लूएचओ)ले तयार गरेको स्वास्थ्यसम्बन्धी मापदण्डका आधारमा सूचना जारी गरिएको महासङ्घले जनाएको छ। जसमा कोरोनासम्बन्धी समाचार सम्प्रेषण गर्दा ध्यान दिनुपर्ने कुरा उल्लेख गरिएको छ।
महासङ्घले कोरोना सम्बन्धी समाचार लेख्दा त्रसित बनाउने गरी नलेख्न आग्रह गरेको छ भने यसलाई कुनै देश, क्षेत्र वा समुदायसँग जोडेर नलेख्न पनि सचेत गराएको छ।
पत्रकारमा कोरोना सङ्क्रमण बढ्न थालेपछि महासङ्घले सूचना जारी गरेकाे हाे । अहिलेसम्म देशभर ६ सय ८० जना पत्रकार सङ्क्रमित भइसकेका छन् भने ७ जना पत्रकारकाे मृत्यु भएको छ।

