मकवानपुर । मकवानपुरकाे हेटौंडामा नर्सिङ दिवसको अवसरमा प्रजनन स्वास्थ्य शिविर संचालन गरिएकाे छ । हेटौंडा उपमहानगरपालिका–१५ चुरीयामाईमा राष्ट्रिय नर्सिङ दिवसको अवसर पारेर प्रजनन स्वास्थ्य शिविर सञ्चालन गरिएको हाे ।
हेटौंडा उपमहानगरपालिकासँगको सहकार्यमा नेपाल नर्सिङ संघ मकवानपुरले आयोजना गरेको प्रजनन् स्वास्थ्य (भिआइए) परीक्षण गरिएको हो । शिबिरमा हेटौंडा १५ चुरीयामाईका १ सय ५७ जनाले सुबिधा लिएका थिए । शिविरमा आएका मध्य ८७ जनाको (भिआइए) परिक्षणमा ४ जनामा समस्या देखिएको संघका अध्यक्ष गंगाकुमारी दाहालले जानकारी दिइन् ।
उनका अनुसार १ जनामा रिङ्ग राखिएकाे को छ । बुधबार बिहानबाट सुरु भएको शिविरले महिलाहरुलाई परेको समस्या गाउँमै पुगेर निराकरणको प्रयास भएको अध्यक्ष दाहाले बताइन् ।
एक दिन सञ्चालन भएको शिविरको हेटौंडा उपमहानगरपालिकाका नगर प्रमुख मीनाकुमारी लामाले उद्घाटन गरेकी हुन् । शिविरको उद्घाटन गर्दै नगर प्रमुख लामाले आफूलाई परेको स्वास्थ्य समस्या नलुकाउन आग्रह गरीन् । समस्या लुकाउँदा पछि आफैलाई समस्या हुने भन्दै परिवारसँग खुलेर कुरा गर्दै रोगबाट बच्न सुझाब दिइन् । घरमा भन्न नसक्दा घेरै महिलाहरु रोगको शिकार भएको भन्दै समस्या बताउनका लागि उपमहानगरपालिकाले गाउँगाउँमा यस्ता शिविर सञ्चालनका लागि सहकार्य गरेको बताइन् ।
संघ मकवानपुरका अध्यक्ष गंगाकुमारी दाहालको अध्यक्षतामा भएको उद्घाटन कार्यक्रममा हेटौंडा १५ नम्बर वडा अध्यक्ष सुनिल मोक्तान, चुरियामाई स्वास्थ्य चौकी प्रमुख धनेश्वर शाह, हटिया अस्पतालका प्रमुख अनन्त बास्कोटा, चुरियामाई माविका प्रधानाध्यापक भिमसेन तिमल्सिना लगायतको उपस्थिति रहेकाे थियाे ।
मकवानपुर । बागमती प्रदेशभित्र बसोबास गर्ने महिलालाई सुरक्षित मातृत्व र प्रजनन स्वास्थ्यसम्बन्धी हक सुनिश्चित गर्न प्रदेश सरकारले प्रसुतिसम्बन्धि जटीलतामा विरुद्ध लड्न सहकार्य गर्ने भएको छ । तर झण्झटीलाे सिमाकाे कारण सर्वसाधारणकाे पहुँच पुग्नेमा भने शंका रहेकाे छ ।
प्रदेश सरकारले झण्डै ४ महिनाअघि मन्त्रीपरिषद्बाट स्वीकृत कार्यविधि कार्यान्वयनको प्रव्रिmया सुरु गरेको छ । गर्भवती तथा ज्यान जोखिममा परेका सुत्केरीलाई हेलिकोप्टरबाट तोकिएको अस्पतालमा लैजान हवाई सेवा सुरु गर्ने भएको हो ।
हवाई सेवा प्रदायक संस्थालाई हवाई उद्धार सेवा प्रदान गर्नका लागि प्रस्ताव आह्वान गरी सूचीकृत गर्नुपर्ने कार्यविधिमा उल्लेख छ । सूचीकृत भएको हवाई सेवा प्रदायक संस्थाबाट प्रक्रिया अपनाई प्रस्ताव माग गर्ने, प्रस्ताव स्वीकृत गर्ने र सम्झौता गर्नुपर्ने हुन्छ । प्रदेश सरकारले गर्भवती तथा प्रसूति अवस्थामा ज्यान जोखिममा परेकाहरुको लागि निःशुल्क हवाई उद्धार गर्न कार्यविधि कार्यान्वयमा ल्याएको हो ।
प्रदेश सरकारले चालु आर्थिक वर्ष गर्भवती र सुत्केरी अवस्थाका ज्यान जोखिममा परेका महिलाको निःशुल्क हवाई उद्धार गर्ने गरी नीति तथा कार्यक्रम र बजेटमा गरेको व्यवस्था प्रदेशको स्वास्थ्य मन्त्रालयले कार्यान्वयन गर्ने भएको हो । निःशुल्क हवाई उद्धार सेवाले बागमती प्रदेशका १३ जिल्लामध्ये काठमाडौँ र ललितपुरबाहेक ११ वटा जिल्लाका स्थानीय तहलाई समेट्ने भएको छ । गर्भवती तथा प्रसूति अवस्थामा ज्यान जोखिममा परेका महिलाका लागि निःशुल्क हवाई उद्धार सेवासम्बन्धी कार्यविधि प्रदेश राजपत्रमा प्रकाशित भएसँगै कार्यक्रम कार्यान्वयनमा आउनेभएको हो ।
उक्त काम सम्बन्धी कार्यविधि गत भदौमा पारित भएको थियो । प्रदेश सरकारले ज्यान जोखिममा परेका गर्भवती तथा सुत्केरीका लागि निःशुल्क हवाई उद्धार सेवासम्बन्धी कार्यविधि २०८० मन्त्रीपरिषद्बाट स्वीकृत गरेको थियो । प्रदेशको स्वास्थ्य मन्त्रालयका सूचना अधिकारी डा. रविन भुसालले यसअघि बनेको कार्यविधिमा समिति निर्माणलगायतका केही विषय छुट भएकाले कार्यान्वयमा ढीलाइ भएको बताए । अहिले कार्यविधिको समेत नाम परिवर्तन गरी छुटेका विषय समेटेर नयाँ कार्यविधि बनाइएको उनले बताए ।
गर्भवती तथा ज्यान जोखिममा परेकाहरुलाई हेलिकोप्टरबाट अस्पतालमा पुर्याउन हवाई उद्धार सेवा प्रदायक संस्थाको छनोट गर्नुपर्ने व्यवस्था अनुसार बोलपत्र आह्वान गर्ने तयारी गरिएको प्रदेशका स्वास्थ्यमन्त्री उत्तम जोशीले बताए । “बोलपत्र आह्वानपछि प्रतिस्पर्धाका आधारमा छनोट भएका हवाई उद्धार सेवा प्रदायक संस्थासँग सम्झौता गरी निःशुल्क उद्धार सेवा सुरु हुने छ” मन्त्री जोशीले भने ।
कार्यविधिमा यसअघि समन्वय समितिको व्यवस्था भए पनि ती समिति कसको नेतृत्वमा बन्ने स्पष्ट व्यवस्था नभएकोले संशोधनपछि प्रदेश स्वास्थ्य मन्त्रालय अन्तर्गतको स्वास्थ्य निर्देशनालयका निर्देशकको संयोजकत्वमा हवाई उद्धार सेवा समन्वय समिति गठन गर्ने व्यवस्था गरिएको जोशीले बताए ।
सरकारी स्वास्थ्य संस्था वा अस्पतालबाट सेवा लिइरहेका र सो स्वास्थ्य संस्था वा अस्पतालमा महिलाको उपचार सम्भव नभई तत्काल आकस्मिक उपचार गरी ज्यान जोगाउनुपर्ने भनी स्वास्थ्यकर्मी वा चिकित्सकबाट प्रेषण र सिफारिस भएका महिलाले हवाई सेवा उद्धार सेवा प्रदान गरिने छ ।
ज्यान बचाउनको बनाइएको कार्यविधिको सिमा भने झण्झटिलो भएकोले सेवा लिन समस्या हुनसक्ने देखिएको छ । हवाई उद्दार गर्नेको लागि तोकिएको सिमा पार गर्न समय लाग्ने भएकोले सर्वसाधारणको पहुँच पुग्नेमा नै शंका गरिएको छ ।
बिरामीलाई हवाइमार्फत उद्धार गर्न सडक यातायात अवरुद्ध भई तत्काल एम्बुलेन्समार्फत प्रेषण गरिएको स्वास्थ्य संस्था वा अस्पतालसम्म लैजान अन्य विकल्प नरहेको अवस्थामा र प्रादेशिक अस्पतालमा रहेका विशेषज्ञ चिकित्सकले महिलाको ज्यान जोखिममा रहेको र हवाई उद्धारमार्फत ज्यान जोगाउन सकिन्छ भनी सिफारिस भएको अवस्थामा महिलाले हवाई सेवा उद्धार सेवा पाउने कार्यविधिमा व्यवस्था गरिएको छ । हवाई उद्धार सेवा सञ्चालनका लागि स्वास्थ्य निर्देशनालयले गर्भवती तथा ज्यान जोखिममा परेका सुत्केरी महिलाको हवाई सेवाबाट उद्धार गर्ने प्रव्रिmयाका लागि स्थानीय तहलाई समन्वय गर्ने गरी कार्यविधिमा जिम्मेवारी तोकिएको छ । यो प्रक्रिया लामो भएकोले कार्यान्वयमा जटीलता देखिएको अभियानकर्मीहरु बताउँछन् ।
कार्यविधिले स्थानीय तहलाई हेलिप्याड अध्यावधिक गरिराख्ने, स्वास्थ्य संस्था वा अस्पतालबाट हेलिप्याडसम्म पुग्ने सडक दुरुस्त राख्ने, हवाई सेवाबाट उद्धार गरिएकी गर्भवती तथा सुत्केरी महिलाको साथमा यात्रा गर्ने स्थानीय तहका स्वास्थ्यकर्मीको भ्रमण खर्च तथा अन्य खर्चको सोधभर्ना गर्नेलगायतका काममा समन्वय र सहजीकरण गर्नुपर्ने भनेको छ । साथै ज्यान जोखिममा परेका गर्भवती तथा सुत्केरी महिलालाई प्रेषण (सिफारिस) का लागि परोपकार प्रसूति तथा स्त्री रोग अस्पताल, काठमाडौँ, त्रिविवि शिक्षण अस्पताल काठमाडौँ, भरतपुर अस्पताल चितवन, धुलिखेल अस्पताल काभ्रेपलाञ्चोक र बागमती प्रदेशका प्रादेशिक अस्पताल गर्न सकिने गरी तोकिएको छ ।
यि सबै कदम पार गर्न समय लाग्ने र सामान्य व्यक्तिको पहुँच पुग्नेमा शंका गरिएको हो । मन्त्रालयका सूचना अधिकारी भुसालका चालु आवमा यस कार्यक्रमका लागि ४० लाख रुपियाँ बजेट विनियोजन गएिको छ । उडान गर्दाको समय, अवतरण गरेको समय, उडान अवधिलगायतका विवरणका आधारमा हवाई सेवा प्रदायक संस्थाले भुक्तानी पाउने छ । उद्धारको व्रmममा महिला वा नवजात शिशुको मृत्यु भएमा आकस्मिक दुर्घटना मानिने कार्यविधिमा उल्लेख छ । आकस्मिक दुर्घटनामा महिला र नवजात शिशुको मृत्यु हुन गएमा कसैले कुनै प्रकारको क्षतिपूर्ति दाबी गर्न पाउने छैन ।
मकवानपुर । मकवानपुरकाे हेटौडा उपमहानगरपालिका पदमपाेखरीमा स्वास्थ्य शिविर सञ्चालन गरिएकाे छ । शुक्रबार उपमहानगरपालिकाले पालिका स्तरको अस्पताल उद्घाटनसँगै पदमपोखरीमा निः शुल्क स्वास्थ्य शिबिर सञ्चालन गरिएको हाे ।
शिविरमा २ सय ६६ महिला र १ सय ७१ जना पुरुष गरी ४ सय ३७ जनाले सेवा लिएको सिनियर अहेब शेरबहादुर व्लोनले जानकारी दिए । शिविरमा सेवा लिन आएका मध्य ३ सय ५० जनालाई आँखाको, १ सय ८ जनालाई ल्याव २३ जना मानसिक सेवा प्रदान गरिएको उनले बताए ।
हेटौंडा उपमहानगरपालिका १३ पदमपोखरीमा चिकित्सक डाक्टरको सुबिधा सहित गाउँमै उपचार सेवा प्रदान गर्नका लागि हेटौंडा उपमहानगरपालिकाले अस्पतालको सुरुवात गरेको छ । सुक्रवार हेटौंडा उपमहानगरपालिकाका नगर प्रमुख मीनाकुमारी लामाले अस्पतालको उद्घाटन गरेकी हुन् । चिकित्सक सहितको सुबिधा दिने उद्देश्य सहित पालिकाले नगरको दुई ठाउँमा अस्पताल सञ्चालन गरेको नगर प्रमुख लामाले बताइन् ।
यस अघि गत पुष १७ गतेबाट चिकित्सक सहितको सुबिधा दिन हेटौडा १६ चिसापानीमा अस्पताल सञ्चालनमा आएकाे छ । अस्पतालले आकस्मिक सेवा सहित अन्य सामान्य उपचार सेवा दिदै आएको छ । पालिकाले सञ्चालन गरेको ५ वेडको अस्पतालले स्थानीयलाई आफ्नै गाउँठाउँबाटै स्वास्थ्य सुविधा पुग्ने बताइएकाे छ । हेटौडा १३ र १६ मा रहेकाे स्वास्थ्य चौकीबाट प्रदान गर्दै आएकाे सुबिधालाई केहि बिकसित गर्दै अस्पताल सञ्चालनमा ल्याइएको उपमहानगरपालिकाले जनाएकाे छ ।
१३ नम्बरका वडा अध्यक्ष पेम्बा लामाको अध्यक्षतामा भएको कार्यक्रममा हेटौंडा उपमहानगरपालिकाका बित्त व्यवस्थापन महाशाखा प्रमुख अनिरुद्र नेपाल, सामाजिक विकास महाशाखाका प्रमुख भिमप्रसाद तिमल्सिना सहित स्थानिय संघ सस्थाका प्रतिनिधी, वडा स्तरीय राजनितिक दलका प्रतिनिधीलगायतकाकाे उपस्थिति रहेकाे थियो ।
पतन्जली मकवानपुरको आयोजनामा दिव्यभोज
Tags: No Comments
मकवानपुर । मकवानपुरको हेटौंडा ६ चौघडामा दिव्यभाेज कार्यक्रम गरिएको छ ।
पतन्जली याेग समिति मकवानपुरकाे आयाेजना तथा पतन्जली याेग महिला समिति, युवा समिति, युवा नगर समिति, युवा ग्राम समितिकाे संयाेजनमा चाैघडास्थित शान्ति पार्कमा दिव्यभाेज कार्यक्रम गरिएको हो ।
दिव्यभाेजमा फलफूल, उमाारिएकाे गेडागुडी र पतन्जलीकाे स्पेशल जडिबुटिको दिब्य पेय, फापरकाे पिठाेकाे जेरी, सादा र स्वास्थ्यवर्द्धक खानाहरु समावेश गरिएकाे थियाे । पतन्जली याेग समिति मकवानपुरले हरेक वर्ष दिव्य भाेजकाे आयाेजना गर्ने गरेकाे जिल्ला अध्यक्ष रामकृष्ण थापाले बताए ।
नेपालीकाे सस्कृतिलाई सरल किसिमले जगेर्ना गर्दै साेहार्द पूर्ण रुपमा मनाउने गरेकाे पतन्जली याेग समितिले आउँदो माघ १ गते सर्वाेत्तमकाे उत्पादनकाे शख्खरबाट वनेकाे चाकु सामुहिक रुपमा खाने कार्यक्रम पनि तय भएकाे उनले जानकारी दिए ।
संविधानसभा सदस्य अनन्त पौडेल, सर्वोत्तम संचिति बचत ऋण सहकारी संस्थाका अध्यक्ष तथा पतन्जली योग समिति बागमती प्रदेश सदस्य धुर्व पौडेल, ७ नम्बर वडाका पूर्व वडाध्यक्ष राजन थापा, जिल्लास्थित विभिन्न सेन्टरका याेग प्रशिक्षक, सह प्रशिक्षक, याेग साधक साधिकाहरुकाे उपस्थितिमा दिव्यभोज आयोजना गरिएको थियाे ।
मकवानपुर । हेटौडा उपमहानगरपालिका वडा नम्बर–३ बसामाडीमा निःशुल्क स्वास्थ्य शिविर भएको छ । बसामाडी स्वास्थ्य चौकी हेटौडा–३ को आयोजना तथा ३ नम्बर वडा कार्यालयको आर्थिक सहयोगमा एक दिने निःशुल्क स्वास्थ्य शिविर भएको हो ।
स्वास्थ्य शिविरमा सुगर तथा प्रेसर चेकजाँच, स्वास्थ्य परीक्षण, स्वास्थ्य शिक्षाका साथमा निःशुल्क औषधि समेत वितरण गरिएको थियो । बसामाडी स्वास्थ्य चौकीमा भएकाे शिविरमा वडामा बसोबास गर्ने ४० जनाले इसीजी सेवा, ८० जनाले सुगर चेकजाँच सेवा र २ सय १५ जनाले निःशुल्क स्वास्थ्य परीक्षण सेवा लिएकाे स्वास्थ्य चौकी प्रमुख सुष्मा गौतमले जानकारी दिइन् । शिविरमा निःशुल्क औषधीकाे सेवा समेत उपलब्ध गराइएकाे थियाे ।
शिविरमा ३ नम्बर वडा अध्यक्ष ढलक बहादुर थापा, वडा सदस्य हर्क बहादुर पाख्रिन, वडा सचिव महेन्द्र चापागाई, स्वास्थ्य चौकी ब्यबस्थापन समितिका पदाधिकारीलगायतकाे उपस्थिति रहेको थियो ।
