- सम्झना घिमिरे
मकवानपुर /मकवानपुर ग्याँस व्यवसायि संघले भोलि शनिबार देखि एक हप्ताको लागि खुद्र पसलबाट ग्याँस विक्री बन्द गर्ने भएको छ । यो हप्तासम्म सुरक्षाको उचित व्यवस्था गरी ग्यासँ विक्री डिलरहरुबट मात्र ग्याँस सिलिण्डर विक्री वितरण गर्ने भएको हाे ।
यस अघि डिलरहरुले सब डिलरहरुलाई ग्याँस वितरण गर्दै आएको तथा ग्राहकको घरघरमा होमडेलिभरी गर्दै आएकोमा अबकाे एक हप्तासम्मका लागि याे सेवा बन्द गर्दै डिलरबाट मात्र विक्री गरिने तयारी थालिएको ग्याँस व्यवसायी संघका जिल्ला अध्यक्ष दिलिश गोबिन्द जोशिले जानकारी गराउनुभयो । “मकवानपुर जिल्लामा कोरोना भाइरसको संक्रमण व्यापक रुपमा फैलिएको कारण व्यवसायिहरुले हालसम्म सब डिलर तथा खुद्रा पसलहरुबाट समेत विक्री वितरण गरिरहेको कार्यलाई तत्कालका लागि बन्द गर्ने निर्णय गरेको हो” उहाँले भन्नुभयो ।
अबको केही दिन उपभोक्ताहरुको मागलाई आवश्यकताका आधारमा उचित सुरक्षाको सम्पुर्ण मापदण्ड पुरा गरी आउने ग्राहकहरुलाई सेवा सहज रुपमा उपलब्ध गराउने संघका सचिव केशव मुडभरीले बताउनु भयो । मकवानपुर जिल्लामा खाना पकाउने ग्यासको डिलरहरु मात्रै ७२ वटा रहेका छन् । सामान्य अवस्थामा दैनिक १ हजार ३ सय ओटा सिलिण्डर विक्री हुने गरेकोमा लकडाउन तथा निषेधाज्ञाको समयमा घरायसी ग्राहकहरुबाट ग्याँसको माग बढ्ने गरेको तर बढी खपत हुने क्षेत्र होटलहरु बन्द भएको कारण खपत घटेको संघका सचिव मुडभरीले बताउनु भयो ।
हेटौंडा । मकवानपुरकाे बागमती गाँउपािलकामा एक महिलाको बेवािरसे शव फेला परेको छ ।बागमती गाउँपालिका वडा नंबर ५ काे लिला वन स्थित बागमती नदी किनारमा पानीमा डुबेको अवस्थामा अन्दाजि ३०-३५ वर्षीया महिलाको शव फेला परेको जिल्ला प्रहरी कार्यालय मकवानपुरका प्रवक्ता इन्द्र बहादुर रानाले बताउनु भयाे ।
जिल्ला प्रहरी कार्यालयबाट प्रहरी निरीक्षक सहितको प्रहरी टोलीले घटनास्थलमा पुगी कानुनी प्रक्रिया पुरा गरि शवलाई परिक्षणको लागि हेटौंडा अस्पताल ल्याइराखेकाे प्रहरीको भनाई रहेको छ । शवको पहिचान नभएको प्रहरीले जानकारी दिएकाे छ । महिलाको हुलिया अनुहार चेप्टो, वर्ण गहुँगोरो, मंगोलियन जस्तो देखिने, उचाई ५ फिट ४ ईन्च रहेको छ । उक्त शवबारे विस्तृत अनुसन्धान गरिरहेको प्रवक्ता रानाले जानकारी दिनु भयाे ।
“झोलुङ्गे पुल बन्यो अब उद्यमतिर लाग्नु होस्”
Tags: No Comments
मकवानपुर / मकवानपुरगढी गाउँपालिका वडा नम्बर ४ को वाईबा डाँडा र वडा नम्बर ५ को कालिवनको सिमानमा झोलुङ्गे पुल निर्माण भएपछि स्थानीयले आफूहरुले विगतमा भोग्दै आएको विविध समस्या अब टरेको भन्दै खुसी व्यक्त गरेका छन् । संघीय झोलुङ्गे पुल क्षेत्रगत कार्यक्रम अन्तरगत ४७ लाख ८५ हजार ४ सय ७७ र स्थानीयको तर्फबाट ९५ हजार ७ सय ८५ लगानीमा पुल निर्माण गरिएको हो ।
निर्माण सम्पन्न पुलको उद्घाटन गर्दै मकवानपुर गढी गाउँपालिकाका अध्यक्ष बिदुर हुमागाइले स्थानीयलाई अब ब्यवसायिक उत्पादन गरे उद्यमतिर लाग्न स्थानीयवासीलाई अनुरोध गुर्नभयो । “अब खोलको समस्या टरेको छ, कृषि पशुपालन वा लघु तथा मझौला उद्योग सञ्चालन गर्नुहोस्”अध्यक्ष हुमगाईले भन्नुभयो । विद्यार्थी, वृद्धहरुको लागि झोलुङ्गे पुल बरदान बन्ने उहाँँले बताउनु भयो । गाउँपालिकाले भौतिक, आर्थिक, सामाजिक विकासलाई समान प्राथमिकता दिदै आएको र जनताको हितको लागि स्थानीय सरकारले काम गर्दै आएको उद्घाटन कार्यक्रममा गाउँ पालिका अध्यक्ष हुमगाईंले बताउनु भयो । मकवानपुरगढी गाउँपालिका मानव बस्तिको लागि अति उपयोगी भएकोले नजिक रहेको हेटौंडा बजारमा केही धुर घडेरी किन्न मरिहत्ते नगर्न अनुरोध गर्दै उहाँले भन्नुभयो “अब धुरको लागि बजार खोज्ने हैन,यहि विकास गर्ने र बिगाहामा रमाउने हो ।” गाउँको सबै क्षेत्रमा बाटो पुर्याउने लक्ष्यसाथ स्थानीय सरकारले काम थालेकोले सबै किसानहरुलाई बिस्तारै बिस्तारै ब्यवसायिकतातर्फ लाग्न उहाँ आग्रह गर्नु भयो ।

कार्यक्रममा गढी गाउँपालिका ४ का वडा अध्यक्ष रामप्रसाद तिमल्सिनाले आफूहरू निर्वाचित भएर आएपछि ३ जना स्थानीयको त्यही खोला तर्ने क्रममा मृत्यु भएको स्मरण गर्दै अब ती पीडादायी दिन सकिएकोमा खुसि व्यक्त गर्नुभयो । “हेर्दा नजिक थियौ,तर सामरी खोलाको कारण कालिवन र वाईवाडाँडावासी बिच समस्यामा एकसाथ हुन सकेका थिएनौ,अब हामी एकै गाउँका जस्ता भयौ” वडा अध्यक्ष तिमल्सिनाले भन्नुभयो । “पारी पहिरोले पुरिदा वारिबाट टुलुटुलु हेरेर बस्ने,वारि खोलाले घर बगाउँदा पारिबाट टुलुटुलु हेरेर बस्नुपर्ने बाध्यता थियो, खोला तरेर उद्दारमा जान सकिन्नथ्यो,अब हर दुखसुख सँगसँगै हुनेछौ” उहाँले भन्नुभयो ।

हेर्दा एउटा सामन्य पुल भएपनी यससँगै धेरै आवश्यकताहरु टरेको गढी गाउँपालिका ५ का वडा अध्यक्ष जितबहादुर घिमिरेले बताउनु भयो । गढी ५ को धादिङमा रहेको शारदा माध्यमिक विद्यालय आउने विद्यार्थी तथा वडा ५ मै रहेको पसल, मेल, घट्ट, सबै सेवाको लागि धाउनेहरुलाई सामरी खोला बाधक बन्दै आएकोमा अब समस्याको समाधान नभएको वडा अध्यक्ष घिमिरेले बताउनु भयो ।
कुल १ सय १९ मिटर लामो झोलुङ्गे पुल निर्माणमा सामाजिक संस्था राडो नेपाल मकवानपुरले सामाजिक तथा प्राबिधिक सहजीकरण गरेको थियो । पुल शिलान्यास गरेको ८५ दिनमा काम सम्पन्न भएको राडो नेपालका कार्यक्रम संयोजक बिष्णु धितालले बताउनु भयो । पुल उद्घाटन कार्यक्रममा गाउँ कार्यपालिका सदस्य निर्मला बिक, वडा ५ को वडा सदस्य उषा नेपाली, वडा ४ को वडा सदस्य संगिता नेपाली, वडा नम्बर ५ को टोल विकास समितिका अध्यक्ष थलनाथ घिमिरे, सिमल्टार टोल विकास संस्थाका अध्यक्ष जयराम तिमल्सिना, शारदा माविका पुर्व शिक्षक तथा कालिवनका समाज सेवि भरत सन्जेल, पत्रकार महासंघ मकवानपुर उपाध्यक्ष सरिता दाहल, पत्रकार श्रीराम अर्जुनलगायतको उपस्थिति रहेको थियो ।

पुल निर्माण उपभोक्ता समितिको अध्यक्ष बिनोदमान गोलेको अध्यक्षतामा उद्घाटन कार्यक्रम भएको राडो नेपालका सामाजिक सहजकर्ता राजन दाहालले बताउनु भयो । कार्यक्रम उपभोक्ता समितिका सचिव बिषमकुमार नगरकोटिले स्थानीयको आवश्यकतालाई झोलुङ्गे पुलले धेरै हदसम्म सम्बोधन गरेको बताउनु भयो । कोरोना संक्रमणपछिको लकडाउनमा धेरै समस्या झल्दै पुल निर्माण सम्पन्न गरिएको राडो नेपालमा सामाजिक सहजकर्ता दाहालले बताउनु भयो ।

चितवन । हेटाैडा उपमहानगरपािलका वडा न १५ की सीता लाेफचन डिम्डुङले५ किलो ५० ग्राम तौलको बच्चालाई जन्म दिएकी छन् ।
मकवानपुरको हेटौंडा उपमहानगरपालिका–१५ शिखरपानीकी ३० वर्षीया डिम्डुङ आइतबार स्वास्थ्य जाँचका लागि भरतपुर स्थित चितवन मेडिकल अस्पताल आउनु भएको थियो । तत्कालै भिडियो एक्स–रे गर्दा बच्चाको तौल साँढे ४ किलो भन्दा बढी देखिएपछि चिकित्सकहरुले शल्यक्रिया गर्नुपर्ने निर्णय गरेका थिए ।
हेटाैडा अस्पतालमा स्वास्थ्य जाचकाे लागि गएका डिम्डुङलाइ अस्पतालले चितवन मेडिकलकाे लागि रिफर गरेकाे थियाे । डिम्डुङले सोमबार विहान शल्यक्रियामार्फत बच्चा(छोरी) लाई जन्म दिएको अस्पतालका स्त्री तथा प्रसुती रोग विशेषज्ञ डा.वसन्त शर्माले बताउनु भयाे । डा. शर्माकाअनुसार भिडियो एक्स–रे गर्दा साँढे ४ किलो भन्दा बढी तौलको बच्चा देखिए अप्रेसन गर्नुपर्ने अन्तर्राष्ट्रिय मान्यता छ । आमा र बच्चा दुवैको स्वास्थ्य अवस्था राम्रो छ ।
तेश्रो सन्तानको जन्म दिएकी सीताको पहिलो बच्चा ११ वर्षका छन् । उनी जन्मिदा ४ किलो १ सय ग्रामका थिए । दोश्रो बच्चा ४ किलो ९ सय ग्रामको जन्मिए । अघिल्ला दुवै बच्चा अपरेशन नगरी जन्मिएका थिए । करिब ५ वर्ष देखि उक्त अस्पतालमा काम गर्दै आएका डा.शर्माले यति धेरै तौलको बच्चा अहिलेसम्म नदेखेको बताए । “यसअघि ४ किलो आठ सय ग्रामसम्मका बच्चा त देखेको हो तर ५ किलो भन्दा बढी तौल भएको बच्चा त पहिलो पटक देखियो”, उहाँले भन्नुभयाे।
नेपालमा सामान्यतया बच्चा ठूलो जन्मनुको कारण वंशाणुगत देखिएको डा.शर्माले बताउनु भयाे । ‘यद्यपी मधुमेहलगायतका समस्याका कारण पनि बच्चाको तौल बढी हुनसक्छ’, उहाँले भन्नुभयो । यी महिलाको भने वंशाणुगत तथा शारीरिक अवस्थाका कारण ठूलो बच्चा जन्मिएको उहाँको आंकलन छ । डिम्डुङको तौल ११० किलो र उचाई ५ दशमलव ६ फिट छ ।
नेपालमा औषतमा २ देखि ३ किलोग्रामको बच्चा जन्मिने गरेका छन् । डा.शर्माकाअनुसार विश्वभरको तथ्यांकमा ५ किलोग्राम माथीका बच्चा २० हजार जनामा एक जना जन्मन्छन् ।
मकवानपुरमा भाेली रातीबाट निषेधाज्ञा
Tags: No Comments
मकवानपुर / कोरोना संक्रमण बढेसँगै जोखिम उच्च भएको भन्दै मकवानपुरमा बसेको कमाण्ड पोष्टको बैठकले सोमबार राती १२ बजेबाट निशेधाज्ञा जारी गर्ने भएको छ । हेटौंडा उपमहानगपालिका क्षेत्रमा कोरोना संक्रमण बढ्दै गएपछि आकस्मिक बैठकले बजार क्षेत्र केन्द्रीत निशेधाज्ञा जारी गर्ने निर्णय गरेको हो ।
प्रमुख जिल्ला अधिकारी प्रमुख जिल्ला अधिकारी दिपकराज नेपालका अनुसार बजार क्षेत्रमा मानिसको चाप हुने भएकाले हेटौंडा उपमहानगरपालिका र मनहरी गाउँपालिकाको मनहरी बजार क्षेत्र केन्द्रित गरेर निशेधाज्ञा जारी गर्ने निणय गरेको हो । उपमहानगरको १४ वटा वडामा संक्रमण देखिएपछि उच्च सतकर्ता अपनाउन सर्बसाधारणलाई प्रशासनले आग्रह गरेको छ ।
मकवानपुुरमा २५ गते मात्रै २३ जनामा कोरोना पुष्टि भए संगै जिल्ला प्रशासन कार्यलय मकवानपुरले संक्रमण जोखिमलाई मध्यनजर गर्दै साउन ३२ गतेसम्म हेटौंडा उपमहानगरपालिका र मनहरी गाउँपालिकाको राजमार्ग क्षेत्रमा निषेधज्ञा जारी गर्ने निर्णय गरेको हो । कमाण्ड पोष्टले गरेको निर्णयपछि भोलि बस्ने जिल्ला सुरक्षा समितिको बैठकले बाँकि निर्णयहरु सार्वजानिक गर्ने प्रजिअ नेपालले बताए ।
प्रशासनले अत्यावश्यक बाहेक घरबाट बाहिर ननिस्कन आग्रह गरेको छ । पछिल्लो दिनहरुमा मकवानपुरमा संक्रमितको संख्या बढ्दै गएको छ । अहिले हेटौंडा अस्पतालको आइसोलेसन वार्डमा ४० जना संक्रमित रहेका छन् ।

बकैयाको सेवा बन्द
गाउँपालिकाको एक जनामा कोरोना संक्रमण पुष्टि भएसँगै मकवानपुरको बकैया गाउँपालिकाले सबै सेवा बन्द गरेको छ । पालिकामा कार्यरत कर्मचारीको परिवारको सदस्यमा कोरोना सङ्क्रमण पुष्टि भएको उल्लेख गर्दै अर्को सूचना जारी नभएसम्मका लागि पालिकाले सेवा प्रवाह बन्द गर्ने जनाएको हो । गाउँपालिकाका प्रमुख प्रशासकीय अधिकृत लक्ष्मण पुडासैनीले आईतबारसूचना जारी गर्दै गाउँपालिकाले प्रदान गर्ने सम्पूर्ण सेवाहरु बन्द गरिएको जानकारी गराएका हुन् ।