मकवानपुर । मकवानपुरको राक्सिराङ गाउँपालिकामा भदौ २२ गते मंगलबार सार्वजनिक विदा हुने भएकाे छ ।
गाउँपालिकाका अध्यक्ष राजकुमार मल्लले सोमबार सूचना जारी गर्दै चेपाङ जातिको महान पर्व छोनाम न्वागीको अवसरमा मगलबार सार्वजनिक विदा दिने जनाएका हुन् । चेपाङ समुदायको बाहुल्यता रहेको गाउँपालिकामा छोनाम न्वागी पर्वलाई महत्वका साथ मनाउने गरिएको सूचनामा उल्लेख गरिएकाे छ ।
न्वागी पर्व कोभिड–१९ संक्रमणलाई मध्यनजर गर्दै स्वास्थ्य सुरक्षाका मापदण्ड एवम् भौतिक दुरी कायम गरी भिडभाड नगरी मनाउन अध्यक्ष मल्लले आग्रह समेत गरेका छन् ।
मकवानपुर । नेपाली कांग्रेस हेटौडा १८ को सभापतिमा राजेन्द्रराज बानियाँ चयन भएका छन् । हेटौडा १८ को १४ औं वडा अधिवेशनबाट राजेन्द्रराज बानियाँ सभापतिमा सर्बसम्मत चयन भएका हुन् ।
आईतबार भएको अधिबेशनबाट उपसभापतिमा पुरुषोत्तम अधिकारी र गोर्कण सुबेदी,सचिवमा युवराज खतिवडा र बेन्जन थापा, सहसचिवमा मनिल थापा र रजनी श्रेष्ठ चयन भएका छन । १८ नं. वडाबाट नेपाली काग्रेस मकवानपुरका जिल्ला कोषाध्यक्ष गोपीलाल बिक,जिल्ला सहसचिब रामबाबु बानिया,जिल्ला सदस्य शुसान्त कुमार क्षेष्ठ लगायत २८ जना क्षेत्रिय प्रतिनिधि सर्बसम्मत चयन भएका छन् ।
१८नम्बर वडामा नेपाली कांग्रेसको क्रियाशिल सदस्य दुई सय ७६ जना रहेका छन । याे वडा नेपाली काग्रेस मकवानपुरका सभापती ईन्द्रबहादुर बानियाको वडा समेत हो ।
मकवानपुर । हेटाैडा ११ मा रहेका त्रिभुवन माविमा शिक्षकहरूको स्वागत तथा बिदाइ कार्यक्रम भएको छ । सरस्वती आधारभूत विद्यालय त्रिभुवन माविमा एकिकृत भएपछि त्रिभुवन माविमा आउनु भएका नयाँ शिक्षकहरू तथा अन्य विद्यालयबाट सरुवा भई आउनु भएका शिक्षकहरूलाई कार्यक्रममा स्वागत गरिएको छ ।
सरस्वती आधारभूत विद्यालयबाट आउनु हुने शिक्षकहरू सिता सापकोटा तथा रिता लामिछाने र कार्यालय सहयोगी कमली थापालाई विद्यालयमा स्वागत गरिएको छ । यसै गरी श्री कालिका मावि नामटारबाट सरुवा भई आउनु भएका मावि सामाजिक शिक्षक राम कुमार बर्तौला, नयाँ नियुक्ति हुनुभएका बाल विकास शिक्षक मनिषा पौडेल र कार्यालय सहयोगी भवानी बस्ताकोटीलाई पनि कार्यक्रममा स्वागत गरिएको हो ।
विद्यालयका प्रधानाध्यापक नारायण प्रसाद भण्डारीको सभाध्यक्षता तथा विद्यालय व्यवस्थापन समितिका अध्यक्ष दिवस पराजुलीको प्रमुख आतिथ्यतामा भएको कार्यक्रममा सेवा निवृत्त हुनु भएका विद्यालयका पूर्व प्रधानाध्यापक समेत रहनु भएका शिक्षक केदार प्रसाद बिडारी र शिक्षक प्रेम शर्मा सापकोटालाई बिदाइ गरिएको छ ।
बिंडारीले त्रिभुवन माविमा २० वर्ष प्रधानाध्यापक भई काम गरेका थिए भने सापकोटाले पनि लामो समय विद्यालयमा सेवा गरेका थिए । कार्यक्रमका प्रमुख अतिथि पराजुलीले त्रिभुवन मावि भौतिक रुपमा र शैक्षिक रुपमा सबल रहेकाले त्यसको निरन्तरताका लागि सधैँ विद्यालय प्रयत्नशील रहेको बताएका छन् ।
विद्यालयका सहायक प्रधानाध्यापक हस्तलाल श्रेष्ठले स्वागत मन्तव्य राखेकाे कार्यक्रममा सम्मानित हुनुहुने शिक्षकहरूलाई दोसल्ला, टोपी तथा कदर पत्रका साथ प्रधानाध्यापक नारायण भण्डारी र व्यवस्थापन समितिका अध्यक्ष दिवस पराजुलीले सम्मानित गरेका थिए । विद्यालयका विज्ञान शिक्षक सुवास खनालले सहजीकरण गरेकाे उक्त कार्यक्रममा विद्यालयको शिक्षक अभिभावक सङ्घकी सदस्य देवकी लामिछाने, विद्यालय व्यवस्थापन समितिका सदस्यहरू र विद्यालयका शिक्षकहरूको उपस्थिति रहेको थियो ।
मकवानपुर । मकवानपुरमा पूर्व जनमुक्ति सेना (पिएलए) संघ संगठित भएकाे छ । नेकपा माओवादी केन्द्र सम्बद्ध पूर्व जनमुक्ति सेना पिएलए संघ नेपाल तथा जनयुद्ध जनक्रान्तिका घाइते अपाङ्ग योद्धा संगठनको संयुक्त भेला गर्दै सगठित भएका हुन् ।
आइतबार भएकाे भेलाले पूर्व पिएलए संघको संयोजकमा धनप्रकाश मगर र सह सयाेजकमा बच्छु खड्का गोलेलाई चयन गरेको छ । त्यस्तै सुर्यकला तिमल्सिनालाई जनयुद्ध जनक्रान्तिका घाइते अपाङ्ग संघ नेपाल मकवानपुरका संयोजक र सह–संयोजकमा विज्ञान स्याङ्तानलाई चयन गरेको छ । पुर्व पिएलए वटालियन कमान्डर सन्तबीर लोको सभाध्यक्षमा भएको भेलामा नेकपा माओवादी केन्द्र बागमती प्रदेश कमिटी सदस्य ओम घलान प्रदिपको प्रमुख आतिथ्यता रहेको थियो ।
भेलामा नेकपा माओवादी केन्द्र बागमती प्रदेश कमिटी सदस्य सर्केस घलान, वाइसीएल केन्द्रीय सदस्य तथा मकवानपुर जिल्ला इन्चार्ज सुमन पाख्रिन, जनयुद्ध जनक्रान्तिका घाइते अपाङ्ग संघ नेपाल केन्द्रीय कृष्ण सुवेदी, जिल्ला कमिटी सचिवालय सदस्य लक्ष्मी माझी, बद्रि स्याङ्तान,वाइसीएल जिल्ला अध्यक्ष राज कुमार मोक्तान लगायतका उपस्थिति रहेको थियो ।
मकवानपुर । हेटौंडा उपमहानगरपालिका वडा नम्बर–१८ हर्नामाडी स्थित गुम्बाडाँडामा तीज बिशेष कार्यक्रम भएको छ । हिन्दु नारीहरुकाे पर्व तीजकाे अवसरमा अखिल नेपाल महिलासंघ हेटौंडा–१८ वडा कमिटीको आयोजनामा कार्यक्रम गरिएकाे हो ।
कार्यक्रमको उद्घाटन् गर्दै हेटौंडा उमहानगरपालिकाका मेयर हरि बहादुर महतले गरेका थिए । कार्यक्रममा लोक गायक बद्री पंगेनीले गायनमा स्थानीय महिलाहरुले नाचेर साथ दिएका थिए । गायक पंगेनीसँगै प्रतिमा अर्याल र भूमिका गिरीले लोक भाकामा आफ्ना गित प्रस्तुत गरेका थिए ।
कार्यक्रममा हेटौंडा–१८ का वडा अध्यक्ष अनिल बानियाँ, नेकपा एमाले मकवानपुरका नेता कमल विष्ठ, मेयर महतका राजनीतिक सल्लाहकार नरहरी महत, अखिल नेपाल महिलासंघका केन्द्रीय सदस्य पद्मा पौडेल लगायतकाको उपस्थिति रहेको थियो ।