मकवानपुर / हेटौंडा उपमहानगरपालिका -५ को ढुङ्गेधारालाई पर्यटकीय क्षेत्रको रुपमा विकास गर्न चासो देखाईएको छ ।
मकवानपुरको धार्मिक पर्यटकीय स्थलको रुपमा रहेको यो क्षेत्रमा खासै चर्चामा नरहेपछी स्थानीय तहले यस्तो चासो प्रकट गरेको हो । अब यहाँ रहेको ढुङ्गे धाराको महत्त्व तथा दुर्गा देवीको दरबारको रुपमा विकास गरिने भएको छ ।
ढुङ्गेधारा पर्यटन विकास मन्चको अध्यक्ष इश्वर ढुङ्गानाले जिल्लाको नयाँ पर्यटकीय क्षेत्रको पहिचानसहित, हरेक उमेर समुहको लागि बस्ने, हिड्डुल गर्ने पार्क, ठुलो शिवको मुर्तीलगायत भौतिक संरचना निर्माण गरिने बताए ।
अहिले ढुङ्गेधारा पर्यटकको गन्तब्य भएको भन्दै अध्यक्ष ढुङ्गानाले देश बिदेसबाट पनि भक्तजन, पर्यटक आउने संरचना बनाइने बताए । हेटौंडा-५ नम्बर वडा कार्यलयको सहयोगमा मन्दिरको पर्खाल, सिँढी निर्माण लगायतको काम भइरहेको छ ।
सनिबार ढुङ्गेधारा पर्यटन विकास मन्चको आयोजनामा भएको बडादशैं, दीपावलि, नेपाल सम्बत तथा छ्ट पर्बको अवसरमा सुभकामना आदानप्रदान कार्यक्रममा हेटौंडा उपमहानगरका मेयर हरिबहादुर महतले पर्यटकीय क्षेत्रको विकासमा उपमहानगरले पनि सहयोग गर्ने प्रतिबद्धता ब्यक्त गरे ।
कार्यक्रम हेटौंडा -५ का वडा अध्यक्ष राजेश बानियाँले वडा कार्यालयको तर्फबाट पनि सकेको सहयोग गर्ने बताए । कार्यक्रममा ढुङ्गेधाराको विकासको लागि स्थानीयस्तरबाटै सहयोग जुटेको अध्यक्ष ढुङ्गानाले बताए । नेपाली कांग्रेस हेटौडा ५ कमिटीका कमल राईले सात हजार सात सय रुपैयाँ, भुतपुर्व सैनिक मिलन बचत तथा ऋण सहकारी संस्थाको अध्यक्ष सुधिर थापाले १५ हजार रुपैयाँ र शिव थापाले चार हजार एक सय रुपैयाँ ढुङ्गेधारा पर्यटन विकास मन्चलाई सहयोग गरेका थिए ।
मकवानपुर । गतवर्ष भएको मकवानपुर गोल्डकप तेस्रो संस्करणकाे आय व्यय विवरण सार्वजनिक गरिएकाे छ । जिल्ला फुटबल संघ मकवानपुरको आयोजनामा भएकाे स्थानीय तह सहिद स्मृति अन्तराष्ट्रिय फुटबल प्रतियोगिता (मकवानपुर गाेल्डकप)-२०७७ मा भएको आम्दानी तथा खर्च सार्वजनिक गरेको हो ।
संघले पत्रकार सम्मेलन गरी जिल्लामा रहेको १० वटै पालिका, विभिन्न व्यक्ति तथा संस्था र टिकटबाट ८१ लाख ३७ हजार ६ सय ९२ रुपैयाँ आम्दानी गरेको जनाएकाे छ । जसमध्य ६९ लाख ७७ हजार ९ सय २६ रुपैयाँ खर्च भएकाे र ११ लाख ५९ हजार ७ सय ६६ रुपैयाँ बचत गरेको संघले जनाएको छ ।
देशका चर्चित १० टिमको सहभागिता रहेको प्रतियोगितामा त्रिभुवन आर्मी क्लब प्रथम हुँदै नगद र रनिङशिल्ड प्राप्त गर्दा आयोजक मकवानपुर-११ उपविजेता बनेको थियो। प्रतियोगितामा सर्वोत्कृष्ट हुन सफल खेलाडी अमिर श्रेष्ठलाई बुलेट बाइक उपहार प्रदान गरिएको थियो। प्रतियोगिता गत वर्ष फागुन २७ देखी चैत ७ सम्म प्रतियोगितामा भएको थियो ।
कार्यक्रममा संघका अध्यक्ष टिकाराम लामा, महासचिव युनाल मल्ल, सहिद स्मृति गोल्डकप प्रतियोगिताका संयोजक प्रताप विष्ट, संघका पदाधिकारी लगाएतको उपस्थिती रहेको थियो ।
मकवानपुर । प्रहरी दिवस २०७८ काे अवसरमा हेटाैंडामा रक्तदान गरिएकाे छ । बागमती प्रदेश प्रहरी कार्यालय हेटौंडाको आयोजनामा ६६ औं प्रहरी दिवस २०७८ अवसर पारी रक्तदान कार्यक्रम गरिएकाे हाे ।
असाेज १५ गते विहीबार नेपाल रेडक्रस सोसाईटी हेटौंडा शाखासँगको समन्वयमा रक्तदान कार्यक्रम गरिएको प्रदेश प्रहरी कार्यालयले जनाएकाे छ । बागमती प्रदेश प्रहरी कार्यालय र सो अन्तर्गतका जिल्ला प्रहरी कार्यालय मकवानपुर, दंगा नियन्त्रण प्रहरी गण, सशस्त्र प्रहरी गण रातोमाटेमा कार्यरत ७२ जना प्रहरी कर्मचारीहरुले रक्तदान गरेका छन् ।
नेपाल प्रहरी स्थापनाको अवसर पारी हरेक बर्ष मनाईने प्रहरी दिवसमा बागमती प्रदेश प्रहरी कार्यालय हेटौंडाले समेत बिभिन्न कार्यक्रमहरु आयाेजना गरदै आएकाे छ । प्रहरी दिवसकै अवसरमा प्रदेश प्रहरी कार्यालय हेटौंडाले खेलकुदका विभिन्न गतिविधि, सार्वजनिक महत्वका स्थलहरुको सरसफाई, वृक्षारोपण, हेटौंडामा रहेका वृद्धाश्रमहरुमा फलफुल वितरण गर्ने लगायतका कार्यक्रम संचालन गर्ने तय भएको प्रदेश प्रहरी कार्यालयका प्रवक्ता प्रहरी उपरीक्षक नवराज अधिकारीले जानकारी दिए ।
आगामी असोज २० गते ६६ औं प्रहरी दिवस २०७८ मनाईदै छ ।

मकवानपुर । मकवानपुर प्रहरीले लागु औषध वीनरेक्सहित हेटाैडामा १ जना पक्राउ गरेकाे छ । प्रहरीले हेटौंडा–५ का २५ बर्षीय सोम बहादुर थोकरलाई वीनरेक्स ४८ बोत्तलसहित विहीबार पक्राउ गरेको छ ।
विहीबार हेटौंडा–१५ स्थित रातोमाटे हुँदै हेटौंडा बजारतर्फ आइरहेको ना २४ प २२१० नम्बरको मोटरसाइकलमा सवार थोकरले वीनरेक्स बिक्रि बितरण गर्ने ल्याईरहेको छ भन्ने सूचना प्रहरीले पाएकाे थियाे । सूचनाकाे आधारमा जिल्ला प्रहरी कार्यालय मकवानपुरबाट खटिएकाे प्रहरीले टोलीले थोकरलाई हेटौंडा–४ स्थित चिल्ड्रेन पार्कबाट वीनरेक्स १ सय मिलिटिर लेखिएको ४८ बोतलसहित पक्राउ गरेको मकवानपुर प्रहरी प्रवक्ता जयश्वर रिमालले जानकारी दिए ।
थोकरलाई पक्राउ पछी थप अनुसन्धान भइरहेको जिल्ला प्रहरी कार्यालय मकवानपुरले जनाएको छ ।
मकवानपुर । हेटाैडामा असोज १६ गते शनिबार मुटुरोग सम्बन्धि निःशुल्क शिविर हुने भएकाे छ । मदन भण्डारी स्वास्थ्य विज्ञान प्रतिष्ठानको आयोजनमा हेटौंडा अस्पतालमा मुटुरोग सम्बन्धि निःशुल्क शिविर हुने भएको हाे ।
शहिद गगांलाल राष्ट्रिय हृदयकेन्द्र,बासबारी काठमाडौंका मुटु रोग विशेषज्ञ सहित ७ जना डाक्टर र ४ जना प्राबिधिक सहित ११ जनाको टिमले मुटुरोग सम्बन्धी शिविरमा सहजिकरण गर्ने भएका छन् । शिविरमा करिब पाँच सय जनालाई उपचार गर्ने प्रतिष्ठानले जनाएकाे छ ।
शिविरमा मुटुरोगको परीक्षणसंगै ल्याबमा परीक्षण, औषधि समेत निःशुल्क उपलब्ध गराइने बताइएकाे छ ।
