मकवानपुर / संघीय सरकारले खरकाे छाना मुक्त अभियान थाले पनि याे अभियानले नछाेएकाे मकवानपुर जिल्ला हेटाैंडा उपमहानगरपालिका – १५ बंगेरीका विपन्न नागरिकलकाे समस्या सम्बाेधन गर्न नगर प्रमुख नै गाउँमा पुगेपछी स्थानीय खुसी भएका छन् ।
कुहिएकाे खरले छाएकाे घरमा समस्या झेल्दै आएकाहरुलाई उपमहानगरपालिकाले जस्तापाता वितरण गरेपछी उनीहरु खुसी भएका हुन् । यस अघि खानेपानीकाे व्यवस्थापन, विद्यालय निर्माणमा सहयाेग गरेकाे स्थानीय सरकारले घरकाे छाना छाउन सहयाेग गरेकाे हाे ।
उपमहानगरपालिले बंगेरीका ११ परिवार चेपाङ र तामाङलाई घर छाउनका लागि जस्तापाता वितरण गरेको हाे । उपमहानगरपालिकाकाे विकट स्थानमा बसाेबास गर्दै आएका उनीहरुलाई जनता आवास कार्यक्रम अन्तरगत घर निर्माणमा सहयाेग प्रप्त भएकाे थियाे । तर छाना छाउने जस्ता अपुग भएपछी उपमहानगरपालिका नगर प्रमुख हरिबहादुर महतले बुधबार जस्तापाता वितरण गरेका हुन् ।

‘कुहीएकाे खरको छाना पानी परेपछी सबै घरभित्र पस्थ्याे, अब घर पनि पक्कि छाना पनि जस्ताकाे भयाे’ विष्णु प्रजाले भने । बंगेरीका पन्च भोम्जन, कुमार बल, सृजना प्रजा, राजकुमार थिङ, प्रितिमान प्रजा, बसन्ती पाख्रिन, सूर्यबहादुर प्रजा, निर्मल प्रजा, तिर्थराज प्रजा, विष्णु प्रजा र दोर्जे बललाई घरको छाना छाउनका लागि जस्तापाता सहयोग गरिएको हो ।
नगरपालिकाले यहाँ यस अघि खानेपानी, बालबालिका पढ्नका लागि बिद्यालय खोल्नमा सहयाेग गरिसकेकाे थियाे । पानी स्कुल र घरकाे छाना समेत भएपछी स्थानीय सरकारले आफूहरुलाई माया गरेकाे आभाष भएकाे निर्मल प्रजाले बताए । सबै क्षेत्र सुविधाले पछाडी परेकाे याे बस्तिमा स्वास्थ्य जानकारीहरु सचेतनाका सवालहरु ध्यान पुर्याउनु पर्ने महतले बताए ।

यस क्षेत्रमा पहिलो प्राथमकितामा पर्ने खानेपानी, सडक, बिद्यालयसंगै अहिले भने जस्तापाता सहयोग गरिएको उनले बताए । सामान्य पूर्वाधारका समस्या देखिबाट खहरे खोलाको पानी पिउनुपर्ने बषौ देखिको बाध्यता यस क्षेत्रका नागरिकले वषौदेखि भोग्दै आएका थिए ।

याे बस्तिमा रहेका ४० जना बालबालिकाहरु पढ्नका लागि बिद्यालय खेलीएपछी अहिले बिद्यालय जान थालेको विष्णु प्रजाले बताए ।
अब यस क्षेत्रमा स्वास्थ्याेपचारकाे समस्या भएकाेले शिविर राखेर स्वास्थ्य जाँचकाे प्रवन्ध मिलाउने नगरप्रमुख महतले बताए । जस्ता वितरण कार्यक्रममा उपमहानगरपालिका स्टाेर शाखा प्रमुख बसन्त सिटाैला, सञ्चारकर्मीहरुलगायतकाे समेत उपस्थिति थियाे ।
मकवानपुर । मकवानपुरे गायिका चन्द्रादेवी लामा बलको ‘सम्झेर ल्याउँदा’ गीतको अफिसियल म्युजिक भिडियो सार्वजनिक भएको छ । म्युजिक भिडियो सोमबार हेटौंडामा कार्यक्रम आयोजना गरी सार्वजनिक गरिएको हो ।
म्युजिक भिडियो निषाद संगीत पाठशालाका प्रशिक्षक रमेश तिमल्सिनाले औपचारिक रुपमा सार्वजनिक गरेका हुन । म्युजिक भिडियो सार्वजनिक कार्यक्रममा बोल्दै गायिका लामाले गीतमा जीवनका भोगाईहरु समावेश गरिएको बताईन् । गीतमा गायिका चन्द्रादेवी लामाका बुवा एवम् मकवानपुरे समाजसेवी तथा लेखक देवेन्द्र लामाको शब्द र संगीत रहेको छ । भिडियोमा गायिका लामासहित नारायण प्रसाद गौतम र निवेदिका गौतमले अभिनय गरेका छन् ।
म्युजिक भिडियोलाई मकवानपुरे कलाकार तथा निर्देशक विक्रम लुङ्वाले निर्देशन तथा सम्पादन गरेका हुन् भने धन पाख्रिनले छायाँकन गरेका छन् । म्युजिक भिडियो युट्युबमार्फत पनि सार्वजनिक भएकाे गायिका लामाले बताईन् । गीतलाई सरगम स्टुडियोमा अर्पण थिङले मिक्सिङ तथा रेकर्डिङ गरेका हुन् । गीतमा आगा लामाले संगीत संयोजन गरेका छन् । शिक्षिका समेत रहेकी गायिका लामा सामाजिक सेवामा समेत सक्रिय छिन् ।
मकवानपुर । मोटरसाइकल चोरी गर्ने २ जनालाई मकवानपुर प्रहरीले पक्राउ गरेको छ । पक्राउ पर्नेहरुमा सिन्धुली मरिण गाउँपालिका वडा नम्वर ३ बस्ने २३ वर्षीय टोपबहादुर वाईवा र सोही ठाउँ बस्ने २० वर्षीय अरुण मोक्तान रहेको जिल्ला प्रहरी कार्यालय मकवानपुरका प्रहरी निरीक्षक राजकुमार सापकोटाले जानकारी दिए ।
बागमती गाउँपालिका वडा नम्वर २ राईगाउँ बस्ने छबिलाल बक्जनको बा.प्र.०३–००३ प ३१३० नं. को २२० सि.सि. को पल्सर मोरटसाइकल चोरी गर्ने उनीहरुलाई पक्राउ गरिएकाे हाे । वाईवा र माेक्तानलाई ईलाका प्रहरी कार्यालय फापरबारी मकवानपुरबाट खटिएको प्रहरी टोलीले बागमती–४ बाट पक्राउ गरेको हो ।
बम्जनले आइतबार बिहान आफ्नो घर अगाडी पार्किङ गरी राखेको मोटरसाइकल चोरी भएको सूचना प्राप्त हुन साथ खोजतलास गर्दा उनीहरुको साथबाट बरामद भएपछि नियन्त्रणमा लिएको प्रहरी निरीक्षक सापकोटाले बताए । पक्राउ परेका दुबै जानलाई सोमबार मकवानपुर जिल्ला अदालतबाट म्याद अनुमती थप गरी आवश्यक अनुसन्धान गरिरहेको प्रहरीले जनाएकाे छ ।
मकवानपुर /भेटेरेनरी अस्पताल तथा पशु बिज्ञ केन्द्र हेटौंडाले मकवानपुरका ३ जना कृषकलाई जिल्ला स्तरीय राष्ट्रपति उत्कृष्ट कृषक पुरस्कारबाट सम्मानित गरेको छ ।
केन्द्रले कृषि क्षेत्रमा अनरवत योगदान गरेकोमा जिल्लाको थाहा नगरपालिका –४ थाहा पाैरखी कृषी प्रालीकी बरी बल, मनहरी गाउँपालिका–४ खड्का बहुउद्देशीय कृषी फार्म कम्पनी प्रालीका पवन खड्का र हेटौंडा उपमहानरपालिका–३ का सिमलथली उन्नत बाख्रा उत्पादन फार्मका गोबिन्द प्रसाद सुवेदीलाई नगद सहित सम्मान गरेको हो ।

केन्द्रले सोमबार आयोजना गरेको स्थानीय तहमा पशु सेवा शाखा प्रमुख एवम् प्रतिनिधिहरूसँग चौमासिक प्रगति समिक्षा तथा अन्तरक्रिया कार्यक्रममा उनीहरुलाई सम्मान गरेको हो । सुवेदी बाख्रा पालक किसान हुन् भने खड्का माछा पालक किसान हुन् । यसैगरी बल किबी खेती गर्दै आएकी छन् ।
किबि खेती गर्दै आएकी थाहा नगरपालिका – ४ कि बलले ६ प्रजातीका ४ हजार बोट किबि लगाउंदै आएको र पर्याप्त बजारीकरणको अभावमा थप परिकार बनाउने तयारीमा लागेको बलले बताइन् । असिनाको कारण किबिमा क्षति बढी भएको र बाली बीमा गर्न नसकेको कारण समस्या भएको उनले बताइन् । यसैगरी माछा पालक किसानले आफ्नो व्यवसायलाई पर्यटनसँग जोडेर अगाडी बढाउने गरी लगानी बढाउँदै लागेको बताए ।

यसैगरी बाख्रा पालक किसान सुवेदीले आफूहरुले बाख्रा पालन थालेपछि आफ्नो वरपर समुदायमा रहेका निम्न आयस्तरको किसानहरुलाई समेत व्यवसायिक बन्नको लागि सहयोग गर्दै आएको बताए ।
कार्यक्रममा विज्ञ केन्द्रका प्रमुख सुशिल केसीले केन्द्रको चौमासिक प्रगति विवरण प्रस्तुत गरेका थिए । गाेष्ठीका केन्द्रका पशु विकास अधिकृत ध्रब डिसी, लेखा शाखा प्रमुख बिनिता सिंह, सहायत स्तर पाँचाै प्रदीप सापकाेटा, विभिन्न स्थानीय तहहरुकाे पशु शाखा प्रमुखहरुकाे उपस्थिति रहेकाे थियाे ।
यसैगरी सोही कार्यक्रममा जिल्लाको विभिन्न स्थानीयमा पशु सेवा शाखाको जिम्मेवारीमा रहेका प्रमुखहरुलाई पशुसेवा बारे समसामयिक जानकारी प्रदान गरिएको थियो । पशुलाई लगाइने आदर्श खोपमा हुनुपर्ने गुणलगायतको बारेमा केन्द्रका पशु डाक्टर ब्रज किशोर ठाकुरले जानकारी गराएका थिए ।

छोटो समयमै प्रतिरोध गर्ने शक्ति उत्पन्न गर्ने गुण हुनुपर्ने, उचित तापक्रम व्यवस्थापन गर्ने, तरल खोप लगाउने तरिका, खोप स्थानान्तरण गर्दा वातावरण सन्तुलन गर्ने बारे पशु चिकित्सक डा ठाकुरले जानकारी गराएका थिए ।
मकवानपुर । हेटौंडा उपमहानगरपालिका १ नकौलीमा रहेकाे कालिका आधारभूत बिधालयकाका बिद्यार्थीलाई स्वीटर वितरण गरिएको छ । तामाङ समुदायको बालबालिका अध्ययन गर्ने उक्त बिधालयका १ सय ७० जना विद्यार्थीलाई न्यानाे कपडा स्वीटर वितरण गरिएको हो ।
सन अफ लाईफका सदस्य एवं स्वास्थकर्मी राजु गुरुङ्गको सहयोग तथा हेटौंडा उपमहानगरपालिका १ का अध्यक्ष सबिन न्यौपानेको समन्वयमा विद्यार्थीलाई स्वीटर प्रदान गरिएको हो । कार्यक्रममा वडा अध्यक्ष सबिन न्यौपानेले जाडोको समयमा न्यानो कपडाको अभावमा बिद्यार्थीहरु समयमा बिधालय नआउने समस्या समाधान हुने बताए । न्यानो कपडा वितरण गर्दै सहयोगी राजु गुरुङ्गले सस्थाले जिल्लाका विभिन्न बिधालयमा सहयोग पुर्याउदै आएको बताए ।
कार्यक्रममा बिधालयका प्रधानाध्यापक सुकदेव काफ्लेले आर्थिक अवस्था नाजुक रहेका विद्यार्थीहरु जाडोकै कारण बिधालय अनुपस्थित भैरहेका अवस्थामा सहयोगीदाताबाट बिद्यार्थीहरुलाई न्यानो कपडा सहयोगले राहत महसुस भएको भन्दै सहयोगीदातालाई धन्यवाद व्यक्त गरे ।