मकवानपुर । हेटौंडा उपमहानगरपालिकाले हेटौंडा–१६, हटियामा माटो परीक्षण प्रयोगशाला स्थापना गरिएको छ । हेटाैडा उपमहानगरपालिकाले प्रयाेगशाला स्थापना गरेकाे हाे । सोमबार उपमहानगरपालिकाका मेयर हरिबहादुर महतले प्रयोगशालाको उद्घाटन गरेका छन् ।
करिब ५ लाखकाे लागतमा प्रयोगशाला स्थापना गरिएको हेटौंडा उपमहानगरपालिकाकाे आर्थिक विकास महाशाखाले जानकारी दिएकाे छ । प्रयाेगशालालाई आवश्यक थप उपकरण तथा जनशक्ति ब्यवस्थापनमा उपमहानगरपालिले थप सहयोग गर्ने भएकाे छ । प्रयाेगशालामा किसानहरुले आफ्नो खेतबारीमो माटो निशुल्क रुपमा परिक्षण गर्न सक्नेछन् ।
मकवानपुर । नेपाल कम्युनिष्ट पाटी (एमाले) मकवानपुरका निर्विरोध निर्वाचित सदस्यहरुले साेमबार पद तथा गोपनियताको सपथ लिएका छन् । यस अघी पदाधिकारी र केही सदस्यहरुले मात्र सपथ लिएका थिए । कोरोना संक्रमणका कारण हुन नसकेकाे सपथग्रहण काेराेना संक्रमणकाे जाेखिम कम भएसँगै साेमबार भएकाे हाे ।
एमाले मकवानपुरको गत पुस २३–२५ गते हेटौँडामा सम्पन्न ११ औँ जिल्ला अधिवेशनबाट निर्विराेध भएका सदस्यहरुको सपथ ग्रहण करिब डेढ महिना भएको हो । एमाले मकवानपुर अध्यक्ष एकालाल श्रेष्ठले निर्वाचित सदस्यहरुलाई सपथग्रहण गराएका हुन् ।
अधिवेशनले अध्यक्ष, उपाध्यक्ष, सचिव र उप–सचिव दुइ जना सहित १ सय ५ सदस्यीय जिल्ला कमिटि निर्वाचित गरेको थियो । तर कोभिडको कारण सपथग्रहण रोकिएको थियो । गत माघ ११ गते जिल्ला पार्टीको कामलाई सहज बनाउ पदाधिकारी सहित अधिवेशनमा पदाधिकारीबाट आफ्नो उम्मेद्वारी फिर्ता लिएकाहरुको सपथग्रहण गरिएको थियो ।

सपथग्रहण लगतै एमाले मकवानपुर कमिटीको बैठकले जिल्ला कमिटीका सदस्यहरु मनोनित गर्ने निर्णय गरेको छ । मनोनित गरिएकाहरुलाई बागमती प्रदेश कमिटी र केन्द्रीय कमिटीमा सिफारिस गरिने र त्यहाँबाट स्वीकृती भएर आएपछी सपथग्रहण गराइने अध्यक्ष श्रेष्ठले जानकारी दिए । यसैगरी बैठकले एमाले मकवानपुरले आफ्ना पार्टीका गतिबिधिहरुलाई जिल्लाका १० वटै स्थानीय तह, प्रत्यक वडासंगै टोलटोलमा पु¥याउने भएकाे छ ।
सपथग्रहण कार्यक्रममा नेकपा एमालेका केन्द्रीय सदस्य एवम् मकवानपुर इन्चार्ज रामेश्वर राना, केन्द्रीय सदस्य जुनेली श्रेष्ठ, भारती पाठक, एमाले पूर्व केन्द्रीय सदस्य एवम् पुर्व मुख्यमन्त्री डोरमणी पौडेल, प्रदेश कमिटीका सदस्यहरु अनन्त पौडेल, बलराम बल, रामचन्द्र राई, रघुनाथ खुलाल, एकराज उप्रेती, अणराज जर्गामगर, कमल विष्ठ, पद्मा पौडेल, भगवती पुडासैनी लगाएतका नेताहरुको आतिथ्यता रहेको थियो ।
मकवानपुर । बागमती प्रदेशको वन तथा वातावरणमन्त्री विशाल खड्काले थाहा दर्शनलाई व्यवहारमा अनुशरण गर्नुपर्ने बताएका छन् । रेडियो थाहासञ्चार ९९.६ हेटौंडाको १४ औ वार्षिकोत्सवका अवसरमा आयोजित पर्यावरण प्रर्वद्धनकाे लागि साइकल ¥याली कार्यक्रममा बोल्दै मन्त्री खड्काले रुपचन्द्र विष्टको थाहा दर्शनलाई विश्व्यापी रुपमा अनुशरण गर्नुपर्ने बताएका हुन् ।
‘पर्यावरणको विषय हरेक नागरिकको जीवनसँग जोडिएको हाे’ मन्त्री खड्काले भने– ‘पछिल्लो समय वातावरण तथा पर्यावरण बिग्रदै आएको भन्दै यसलाई सफा र सुरक्षित गर्न सबै तहबाट एकजुट भएर लाग्नु पर्छ ।’ हरेक राजनीतिक दलले पर्यावरणलाई आफ्नो मुद्दा बनाउनुपर्नेमा समेत उनले बताए । निष्पक्ष रुपमा जनताको आवाज प्रशारण प्रर्वाह गर्दै आएको रेडियो थाहासञ्चारले सामाजिक उत्तरदायित्वको रुपमा पर्यावरणको लागि साईकल ¥याली गरेकोमा उनले रेडियोको वार्षिकोत्सवको शुभकामना समेत दिए ।
त्यस्तै कार्यक्रमको विशिष्ट अतिथि वन तथा वातावरण मन्त्रलायको सचिव यज्ञनाथ दाहालले सामादुयिक वन महासंघले उठाएको तेहोरो करको समस्या समाधान गर्न मन्त्रालय तत्पर रहेको बताए । रेडियोको प्रबन्धक अरुणराज सुमार्गीले नेपालमा पर्यावरणको बारेमा तीनै तहको सरकारसँग समन्वय गरेर प्रवर्द्धन गर्न आवश्यक रहेको बताए । निष्पक्ष र एकरुपता रहनु रेडियोको विशेषता रहेको र सोही अनुसार काम गरिरहेको उनले बताए ।
कार्यक्रममा हेटौंडा उपमहानगरपाकिा–६ का वडा अध्यक्ष अर्जुन प्रसाद चौलागाँई,गढी गाउपालिका–२ का वडा अध्यक्ष बखानसिंह पाख्रिन,नेपाल पत्रकार महांसंघ बागमती प्रदेश उपाध्यक्ष रुपेश दुलाल लगायतले मन्तव्य व्यक्त गरेका थिए ।
रेडियोले प्रत्यक वर्ष साताव्यापी कार्यक्रमको आयोजना गरी वार्षिक उत्सव मनाउदै आएको छ। कार्यक्रम रेडियोका प्रबन्धक अरुणराज सुमार्गीको अध्यक्षतामा भएको हाे ।
मकवानपुर । हेटाैडामा बिन्दाबासिनी मिडिया प्रालिद्वारा सञ्चालित रेडियो थाहा सञ्चारकाे १४ औ वार्षिकोत्सव सुरु भएकाे छ । रेडियाे स्थापनाकाे १४ वर्ष पुरा गरि १५ औ वर्षमा प्रवेश गरेको उपलक्ष्क्ष्यमा सप्ताहाव्यापी कार्यक्रम आयाेजना हुने भएकाे छ ।
रेडियाेकाे साताव्यापी कार्यक्रम अन्तरगत आइतबार पहिलाे दिन पर्यावरण प्रर्वद्धनको लागि साइकल ¥याली आयाेजना गरिएकाे छ । हेटौंडा–४ अजरअमर रोड स्थित रेडियो परिसरबाट सुरु भएको साइकल ¥याली मकवानपुरगढी गाउँपालिका वडा नम्बर २ शिखरकटेरीमा पुगेर समापन गरिएको थियो । कार्यक्रममा राईडर्स क्लवका अध्यक्ष विकास ताम्राकार, सस्थापक अध्यक्ष दिपेन्द्र चन्द ठकुरीले मन्तव्य व्यक्त गरेका थिए ।
वार्षिकोत्सवको दोस्रो दिन फागुन २ गते साेमबार रक्तदान कार्यक्रम आयाेजना गरिने भएकाे छ । कार्यक्रमको तेस्रो दिन हुने रुपचन्द्र विष्ट र अहिलेको राजनीतिक परिवेश विषयक अन्तरक्रिया कार्यक्रमको रेडियोले प्रत्यक्ष प्रशारण गर्नेछ भने फागुन ४ गते दुग्ध उत्पादन क्षेत्रको अवसर र चुनौती विषयक अन्तरक्रिया हुने रेडियोका स्टेशन म्यानेजर मणिराज गौत्तमले जानकारी दिए । कार्यक्रममा प्रदेशको कृषि तथा पशुपंक्षी विकास मन्त्री बसुन्धरा हुमागाँई ,मन्त्रालयका सचिव, किसान तथा अन्य सरोकारवालाहरुको उपस्थिती रहने समेत गाैतमले बताए ।

यसैगरी फागुन ५ गते सडक दुर्घटना न्युनिकरण नहुनुमा जिम्मेवारी कस्को भन्ने विषयमा माध्यामिक विद्यालयस्तरीय वक्तृत्वकला कार्यक्रम हुनेछ । ६ गते कोरोना रोकथाम तथा नियन्त्रणमा सरोकारवालाहरुको भूमिका विषयक अन्तरक्रिया हुनेछ भने अन्तिम दिन फागुन ७ गते थाहा सम्मान तथा १४ औ वार्षिकोत्सव समापन समारोह एवम् साहित्य सम्मेलन हुने स्टेशन म्यानेर गौतमले जानकार। भनाई छ ।
रेडियोले प्रत्यक वर्ष साताव्यापी कार्यक्रमको आयोजना गरी वार्षिक उत्सव मनाउदै आएको छ। कार्यक्रम रेडियोका प्रबन्धक अरुणराज सुमार्गीको अध्यक्षतामा भएको हाे ।
मकवानपुर । जिल्ला बक्सिङ संघ मकवानपुरलाई म्याट सहयोग गरिएको छ । हेटौंडा उपमहानगरपालिका कार्यालय, १४ नम्बर वडा अध्यक्ष दीपक खड्का र बक्सिङ खेलका पूर्व प्रशिक्षक ध्रुवलाल श्रेष्ठले संघलाई करिब १ लाख ५० हजार रुपैयाँ बराबरको ६८ वटा म्याट सहयोग गरेका छन् ।
आइतबार हेटौंडा–४ स्थित कभर्डहलमा बक्सिङ संघका अध्यक्ष दिपेश जोशीलाई १४ नम्बार वडा अध्यक्ष खड्काले म्याट हस्तान्तरण गरेका हुन् । वडाध्यक्ष खड्काले ८० हजार रुपैयाँको ३६ वटा म्याट सहयोग गरेका हुन् । यसैगरी पुर्व प्रशिक्षक श्रेष्ठले ४० हजार रुपैयाँको २० वटा म्याट सहयाेग गरेका हुन भने र हेटौंडा उपमहानगरपालिकाले ३० हजार रुपैयाँको १२ वटा म्याट सहयोग गरेको हो ।
म्याट हस्तान्तरण कार्यक्रममा मकवानपुर जिल्ला खेलकुद विकास समितिका कार्यालय प्रमुख खुशराज दाहाल, जिल्ला बक्सिङ संघका द्वितीय उपाध्यक्ष सुशील घिमिरे, सचिव भाजु श्रेष्ठ, युनिक बक्सिङ क्बलका अध्यक्ष गोकुल मोक्तान, प्रशिक्षक लालबहादुर पौडेल लगायतको उपस्थिति रहेको थियो ।