मकवानपुर । नेकपा एमालेका केन्द्रिय उपाध्यक्ष सुवास नेम्वाङको निधनपछी एमाले मकवानपुरले पार्टी कार्यालयमा शोक पुस्तिका राख्ने भएको छ ।
एमाले केन्द्रिय कार्यालयमा आज श्रद्धाञ्जली कार्यक्रम राखिने र जिल्ला पार्टी कार्यालयमा शोक पुस्तिका राखिने तयारी भएको बताइएको छ । अन्य कार्यक्रम बारे नेतृत्वसंग छलफल भइरहेको जिल्ला सचिब नवीन सिग्देलले बताए ।
नेकपा एमालेका उपाध्यक्ष नेम्वाङको बिहान १ बजे हृदयघातको कारण निधन भएको थियो।
हृदयघातपछि उनलाई त्रिवि शिक्षण अस्पताल, महाराजगञ्ज पुर्याइएको थियो तर चिकित्सकहरुले उनको निधन भएको घोषणा गरेका थिए ।
पूर्वसभामुख समेत रहेका नेम्वाङ २०५६ सालयता इलामबाट लगातार चुनाव जितेर सांसद् रहँदै आएका थिए । उनी हाल नेकपा एमाले संसदीय दलको उपनेता समेत थिए ।
उनी जनआन्दोलन ०६२– ०६३ सँगै पुनस्थापित संसदका सभामुख बनेका थिए । २०६४ र २०७० मा पनि इलामबाट चुनाव जितेर संविधानसभाको अध्यक्ष भएका थिए । चारपल्ट सभामुख बन्दा उनी सधैं सर्वसम्मत भएका थिए ।
मकवानपुर । स्वतन्त्रता अभियान नेपालले बालश्रम, बाध्यकारी श्रम तथा मानव बेचविखन निवारणमा नेपाल सरकारको प्रतिवद्धतालाई समर्थन तथा उन्मुलनका लागि सहयोग पुर्याउने उदेश्यले मकवानपुरमा प्रदेश स्तरीय छलफल कार्यक्रम गरेको छ ।
स्वतन्त्रता अभियानले प्रदेश तहमा दीयाे विकासकाे लक्ष्यबारे ८ दशमलब ७ उपसमिति विस्तार तथा बालश्रम, बाध्यकारी श्रम र मानव बेचविखन निवारणका लागि परिचालन गर्ने र नेपाल सरकारको अलायन्स ८ दशमलब ७ संकल्पलाई सहयोग पुयाउने उद्देश्यले कार्यक्रम गरिएको हो ।
कार्यक्रममा बाल कल्याण समाज मकवानपुरका अध्यक्ष प्रकाश खतिवडाले नेपालमा भएका कानून कार्यन्वयनको पाटो फिलतो भएको कारण पनि बालबालिकाको सवालमा सोचेजस्तो प्रगती हासिल गर्न नसकिएको बताए ।
मनोरञ्जन क्षेत्रमा कार्यरत बाललिकाको अवस्था अत्यन्तै दयनीय भएको भन्दै अध्यक्ष खतिवडाले यो पाटोमा सरकार र सरोकारवालाहरुले धेरै काम गर्न बाँकी रहेको बताए । कार्यक्रममा स्वतन्त्र अभियानकी अधिवक्ता सामना बरालले श्रमिक बालबालिको अवस्थाबारे कार्यपत्र प्रस्तुत गरेकी थिइन् ।

स्वतन्त्रता अभियान नेपालले ट्रेड युनियन, बालश्रम विरुद्धको क्षेत्रमा कार्यरत संजालहरुका प्रतिनिधि, सञ्चारकर्मी तथा नागरिक समाज संस्थाका प्रतिनिधिबीच छलफल कार्यक्रम आयोजना गरिएको हो ।
नेपाल सरकार दिगो विकास लक्ष्य ८ दशमलब ७ लाई पुरा गर्ने उद्देश्यले एक पक्ष राष्ट्रको रुपमा रहेकोले सबै प्रकारका बालश्रम तथा दास प्रथाहरुको उन्मुलन प्रतिबद्ध रहेको छ ।
नेपाल सरकारले बालश्रम, बाध्यकारी श्रम, मानव बेचविखन तथा आधुनिक दासत्वको क्षेत्रमा भएका कार्यहरुको समीक्षा तथा निवारणका लागि संयुक्त योजनाहरुको निर्माण, एकिकृत तथा समन्वयात्मक ढङ्गमा काम गर्नको लागि श्रम, रोजगार तथा सामाजिक सुरक्षा मन्त्रालयको मातहतमा राष्ट्रिय समन्वय समिति गठन गरिएको छ ।
बाल कल्याण समाज मकवानपुर, युवाका साथ साथ आवाज नेपाल, युथ क्लब नारायणगढ, सरोकार समाज नेपाल, स्वतन्त्र अभियान नेपाल, ग्लोबल मार्च, राष्ट्रिय बाल संरक्षण सञ्जाललगायतको संयुक्त आयोजनामा कार्यक्रम गरिएको हो ।
कार्यक्रममा बागमती प्रदेश ट्रेय युनियनका उपाध्यक्ष अर्जुन अर्यालले मनाेरञ्जन क्षेत्रकाे बालश्रमिकमाथि सरकार खासै उदार नभएकाे गुनासाे गरे । कार्यक्रममा गैसस बागमती प्रदेश अध्यक्ष आरती पाठक, हिमराइट्स मकवानपुर कार्यक्रम संयोजक कुमारी वाइबालगायत बालबालिकाको क्षेत्रमा सरोकार राख्ने विभिन्न निकायका प्रतिनिधिहरुको उपस्थिती रहेको थियो ।

मकवानपुर । मकवानपुरका महिला साहित्यकारहरूको संस्था आँचल साहित्य कला पुञ्ज मकवानपुरले हेटौँडा उपमहानगरपालिका वडा नम्बर २, चौकीटोलमा रहेको ओम वृद्धाश्रममा विभिन्न खाद्यान्न सामाग्री सहयोग गरेको छ ।
हिन्दु महिलाहरूको महान पर्व हरितालिका तीजकाे अवसरमा आँचलले वृद्धाश्रमलाई खाद्यान्न सहयोग गरेको हो ।
आँचल मकवानपुरकी अध्यक्ष भावना सापकोटाले आश्रममा रहेका वृद्धवृद्धालाई बिहानकाे खाजा दूध, पाउरोटीका साथै दाल, चामल, नुन, तेल, तरकारी, गेडागुडीलगायत विभिन्न खाधन्नका साथै सरसफाईका लागि आवश्यक पर्ने साबुन, सर्फ मन्जन जस्ता सामान सहयोग गरेको जानकारी दिइन् ।
कार्यक्रममा आँचल साहित्य कला पुञ्ज मकवानपुरका कार्यसमिति सदस्य एवम् आँचलका आजीवन सदस्यहरू, ओम वृद्धाश्रमकाे सञ्चालकहरूकाे उपस्थिति रहेकाे थियाे ।
आँचलले हरेक वर्ष फरक फरक किसिमको सिर्जनात्मक तथा सचेतनामूलक तीज कार्यक्रम गर्दै आइरहेकाे छ ।
मकवानपुर । मकवानपुरकाे हेटौडामा वीपी काेइरालाकाे अर्धकदकाे प्रतिमा अनावरण गरिने भएकाे छ । जननायक तथा पूर्व प्रधानमन्त्री वीपी काेइरालाकाे अर्धकदकाे प्रतिमा अनावरण गर्न नेपाली कांग्रेस वरिष्ठ नेता शेखर कोइराला हेटौंडा आउने भएका छन् ।
भदौ २४ गते हेटौडा ११ स्थित वीपी बाटिकामा निर्माण गरिएकाे वीपीकाे प्रतिमा अनावरण गरिने कार्यक्रम रहेकाे तथा उक्त प्रतिमा अनावरण गर्न काेइराला हेटौडा आउने नेपाली कांग्रेस मकवानपुरले जनाएकाे छ । कांग्रेस मकवानपुरकाे आयोजना तथा वीपी विचार समाज मकवानपुरको संयोजनमा वीपीकाे १ सय १० औं जन्मजयन्तीकाे अवसरमा प्रतिमा अनावरण कार्यक्रम हुने शुक्रबार हेटौडामा पत्रकार भेटघाट मार्फत जानकारी गराइएकाे हाे ।
वीपी विचार समाज मकवानपुरले २४ गते नै वीपीको विचारको सान्दर्भिकताको विषयमा वीपी विचार विषयक गोष्ठी समेत आयाेजना गर्ने भएकाे छ । कांग्रेस मकवानपुर सभापति बुद्ध लामाका अनुसार नेता डा. कोइरालाले जिल्लाका नेता तथा कार्यकर्ताहरुलाई राष्ट्रिय राजनीति तथा कांग्रेसकाे पछिल्लाे समयकाे रणनीतिको विषयमा जानकारी दिने छन् ।
मकवानपुर । छाँयादेवी स्मृति मानव अधिकार सम्मान–२०८० बाट मानव अधिकारकर्मी तथा उपप्राध्यापक कृष्णप्रसाद दाहाल सम्मानित भएका छन् । नेपाल मानव अधिकार संगठन मकवानपुरले शुक्रबार सम्मान अधिवक्ता समेत रहेका दाहाललाई सम्मान गरेकाे हाे ।
नेपाल मानव अधिकार संगठन मकवानपुरकाे सातौं वार्षिक साधारण सभामा सम्मान कार्यक्रम समेत आयोजना गरी दाहाललाई नगदसहित सम्मान गरिएकाे थियाे । दाहाललाई प्रमुख अतिथि तथा जिल्ला समन्वय समिति मकवानपुरका प्रमुख ललितबहादुर घलानले नगदसहित सम्मान गरेका थिए ।
कार्यक्रममा संगठनका प्रदेश अध्यक्ष एवम् जिल्ला अदालत बार एशोसिएसन मकवानपुरका अध्यक्ष अप्सरा बस्नेतले महिला विरुद्धको भेदभाव सम्बन्धी कार्यपत्र प्रस्तुत गरेकी थिइन् । यसैगरी संगठनका कोषाध्यक्ष तेजकुमारी थापाले आर्थिक प्रतिवेदन र अध्यक्ष शर्मिला श्रेष्ठले प्रगति प्रतिवेदन प्रस्तुत गरेकी थिइन् ।
संगठन अध्यक्ष शर्मिला श्रेष्ठको सभाध्यक्षतामा भएको कार्यक्रममा राष्ट्रिय मानव अधिकार आयोग बागमती प्रदेश कार्यालयका अधिकृत लोकनाथ घिमिरे, वरिष्ठ अधिवक्ता केशवप्रसाद काफ्ले, संगठनका संस्थापक अध्यक्ष कृष्णप्रसाद दाहाल, संगठनका प्रदेश अध्यक्ष अप्सरा बस्नेत, गैसस महासंघ मकवानपुरका अध्यक्ष रमिला सापकोटा लगायतले मन्तव्य व्यक्त गरेका थिए ।