मकवानपुर । मकवानपुरका महिला साहित्यकारहरूको संस्था आँचल साहित्य कला पुञ्ज मकवानपुरले हेटौँडा उपमहानगरपालिका वडा नम्बर २, चौकीटोलमा रहेको ओम वृद्धाश्रममा विभिन्न खाद्यान्न सामाग्री सहयोग गरेको छ ।
हिन्दु महिलाहरूको महान पर्व हरितालिका तीजकाे अवसरमा आँचलले वृद्धाश्रमलाई खाद्यान्न सहयोग गरेको हो ।
आँचल मकवानपुरकी अध्यक्ष भावना सापकोटाले आश्रममा रहेका वृद्धवृद्धालाई बिहानकाे खाजा दूध, पाउरोटीका साथै दाल, चामल, नुन, तेल, तरकारी, गेडागुडीलगायत विभिन्न खाधन्नका साथै सरसफाईका लागि आवश्यक पर्ने साबुन, सर्फ मन्जन जस्ता सामान सहयोग गरेको जानकारी दिइन् ।
कार्यक्रममा आँचल साहित्य कला पुञ्ज मकवानपुरका कार्यसमिति सदस्य एवम् आँचलका आजीवन सदस्यहरू, ओम वृद्धाश्रमकाे सञ्चालकहरूकाे उपस्थिति रहेकाे थियाे ।
आँचलले हरेक वर्ष फरक फरक किसिमको सिर्जनात्मक तथा सचेतनामूलक तीज कार्यक्रम गर्दै आइरहेकाे छ ।

