मकवानपुर । सभामुख अग्निप्रसाद सापकोटाले समानुपातिक निर्वाचन प्रणालीबाट प्रतिनिधिसभा सदस्य चयन भएकी सिरहाकी जानकीदेवी रामलाई प्रतिनिधिसभा सदस्यको पद तथा गोपनियताको सपथ गराएका छन् । सिंहदरबारस्थित संसद सचिवालयमा सभामुख अग्निप्रसाद सापकोटाले उनलाई शपथ गराएका हुन् ।
नेकपा (एमाले) की सानु शिवाको निधनपछि रिक्त समावेशी दलित कोटामा निर्वाचन आयोगले राम निर्वाचित भएको जानकारी चैत १९ गते संसद् सचिवालयलाई जानकारी गराएको थियो । सांसद सानु शिवाको निधन भएपछि नेकपा एमालेले उनको ठाउँमा जानकीदेवीलाई सांसद निर्वाचित गर्न निर्वाचन आयोगमा पत्राचार गरेको थियो । एमालेको पत्राचारपछि आयोगले उनलाई सांसद निर्वाचित गरेको थियो । सांसद शिवाको गत असोज २८ गते निधन भएपछि समानुपातिकतर्फको पद रिक्त भएको थियो ।
संसद्को पहिलो बैठकमा भाग लिनुअघि सभामुखबाट शपथ लिनुपर्ने संवैधानिक व्यवस्था छ ।कार्यक्रममा सभामुख सापकोटाले संघीय सांसद, प्रतिनिधिसभाको प्रतीक चिह्न (लोगो) प्रदान गरी सफल कार्यकालका लागि बधाई ज्ञापन गरेका छन् ।
मकवानपुर । मकवानपुरको भीमफेदीमा ट्रक र मोटरसाइकल एक आपसमा ठोक्किदा १ जनाकाे मृत्यु भएको छ भने २ जना घाइने भएका छन् । त्रिभुवन राजपथ अन्तर्गत भिमफेदी गाउँपालिका वडा नम्बर १ सानुटारमा ट्रक र मोटरसाइकल ठाेक्किएर दुर्घटना हुँदा मोटरसाइकल चालकको मृत्यु भएको छ ।
शनिबार राति भैसैबाट हेटौंडा तर्फ आउदै गरेको ना ५ख ८१२९को डब्बावाल ट्रक र विपरीत दिसाबाट आउदै गरेको ना १९ प ८९६ नम्बरको मोटरसाइकल एक आपसमा ठक्करखाई दुर्घटनाग्रस्त हुँदा मोटरसाइकल चालकको ज्यान गएको हो ।
मृत्यु हुनेमा हेटौंडा उपमहानगरपालिका वडा नंबर ५ बस्ने २४ बर्षीय अनिश खड्का रहेको जिल्ला प्रहरी कार्यालय मकवानपुरले जनाएकाे छ । दुर्घटनामा ट्रक तथा मृतक मोटरसाइकल चालकको शव ५० मिटर तल राप्ती खोलामा झरेको थियो । दुर्घटनामा ट्रकका दुई जना घाइते भएको जनाइएको छ।
घाईते हुनेहरुमा ट्रक चालक जितपुरसिमरा उपमहानगरपालिकाका ३२ वर्षीय मधु विष्ट र ट्रकधनी भीमफेदी-२ बस्ने २८ वर्षीय सुरेश घलान रहेका छन् । विष्टलाई थप उपचारको लागि चितवन रिफर गरिएको छ भने घलानको उपचार हेटौंडा स्थित चुरेहील अस्पतालमा भईरहेको जिल्ला प्रहरी कार्यलय मकवजानपुरले जनाएको छ । मृतक खड्काकाे शव पोस्टमार्टमका लागि हेटौंडा अस्पतालमा राखिएको प्रहरीले जनाएको छ ।
मकवानपुर । बागमती गाँउपालिका खेलकुद विकास समितिकाे आयाेजनामा मकवानपुरको बागमतीमा जारी चौथो बागमती गोल्डकपमा थ्रीस्टार क्लब ललितपुर बागमती युवा क्लब सर्लाही हराउँदै फाइनल प्रवेश गरेकाे छ ।
शनिबार भएको दाेस्राे सेमिफाइनलमा टाइबेकर मार्फत थ्रीस्टार बागमती सर्लाहीलाई ५–३ गाेल अन्तरले जीत निकाल्दै फाइनल प्रवेश गरेको हाे । थ्रीस्टार र बागमती क्लब बीच भएकाे सेमिफाइनल खेलमा निर्धारित समयमा दुबै टाेलीबाट कुनै गाेल हुन नसके पछी खेल टाइबेकरमा धकेलिएकाे थियाे । टाइबेकरमा बागमतीका विजय घलानले प्रहार गरेकाे बल पाेलबारमा ठाेकिएर फर्किएकाे थियाे ।
उपाधिका लागि चैत २३ गते थ्रीस्टार क्लव ललितपुरले र अफ्रिकन रुट्का क्यामरूनसँग फाइनलमा प्रतिस्पर्धा गर्नेछ । खेलमा उत्कृष्ट प्रदर्शन गरेका थ्रीस्टार क्लबका डिफेन्डर जर्सि नं. १९ का जीवन गुरूङ म्यान अफ दि म्याच घोषित भए । उनले ५ हजार रुपैयाँ प्राप्त गरेका छन् ।

खेलकुद स्वास्थ्यका लागि खेलकुद राष्ट्रका लागि भन्ने नाराका साथ संचालित प्रतियोगितामा प्रथम हुनेलाई ८ लाख, द्वितीय हुनेलाई ४ लाख, सर्वोत्कृष्ट खेलाडीलाई ५१ हजार, बिधागत उत्कृष्ट खेलाडीलाई प्रतिखेलडी १०/१० हजार, म्यान अफ दि म्याचलाई प्रती खेलाडी ५/५ हजार प्रदान गरिने छ ।

प्रतियाेगितामा बागमती खेलकुद विकास समिति, नव जनजागृती युवा क्लब सिमरा, थ्रि स्टार क्लब, मकवानपुर–११, एपीएफ क्लब, हिमालयन शेर्पा क्लब, जाउलाखेल युथ क्लब, बागमती युवा क्लब सर्लाही, विर्तामोड युनाईटेड र अफ्रिकन रुट् एसोसिएसन, क्याम्रुन सहभागीता जनाएका छन् ।
मकवानपुर । स्वतन्त्र जनदवाव अभियानले शनिबार नेकपा माओवादी केन्द्र मकवापुरलाई ज्ञापन पत्र बुझाएकाे छ । पूर्वाधार बिकास कम्पनी लिमिटेडले जनताबाट उठाएको रकम फिर्ता गर्ने अभियान अन्तर्गत अभियानले केन्द्र मकवापुरलाई ज्ञापन पत्र बुझाएकाे हाे ।
स्वतन्त्र जनदवाव अभियानका संयोजक अनिलकुमार खातीले जनताले खसीबोका, कुखुरा बेचेर लगाएको लगानी काम नहुने भएपछि फिर्ता गर्नुपर्ने बताए । माओवादी केन्द्र मकवापुर अध्यक्ष प्रेम बहादुर पुलामीलाई ज्ञापन पत्र बुझाउदै खातीले भने ‘नेपाल पूर्वाधार कम्पनीले जनताकाे रकम फिर्ता नगरेकाे र प्रदेश सरकारले त्यसमा ध्यान नदिई आफैले हेटौडा–भिमफेदी–कुलेखानी–काठमाडौ सुरुङमार्गको निर्माण गर्ने भनेर उद्घोष गर्नु लाजमर्दो कुरा हाे ।’
ज्ञापन पत्र बुझ्दै अध्यक्ष पुलामीले सुरुङ मार्ग पनि नबन्ने वातावरण भएकाेले जनताको जनतालाइ नै फिर्ता हुनुपर्ने बताए । उनले फास्ट ट्रयाक तथा अन्य सडकको कारण पनि अब सुरुङ मार्गको सान्दर्भिकता समाप्त भएको बताए ।
भौतिक पूर्वाधार मन्त्रालयमा ज्ञापन पत्र पेश
यस्तै स्वतन्त्र जनदवाव अभियानले पूर्वाधार बिकास कम्पनी लि. ले जनताबाट उठाएको रकम फिर्ता गर्ने चलाएकाे अभियान अन्तर्गत भौतिक पूर्वाधार विकास मन्त्रालय बागमती प्रदेशमा चैत २० गते शुक्रबार ज्ञापन पत्र पेश गरेको छ ।
मन्त्री रामेश्वर फुयाँललाई ज्ञापन पत्र बुझाउदै स्वतन्त्र जनदवाव अभियानले जनताको रकम दुरुपयोग हुन नहुने र त्यसको सुरक्षाको प्रत्याभुत सरकारले गराउनुपर्ने माग गरेका छन् । ज्ञापन पत्र बुझ्दै मन्त्री फुयाँलले सडकको स्तरोन्नती गरेर जम्मा ३.२१७ किमि मात्रै सुरुङ बनाउन थालेको बताए । उनले नेपाल पूर्वाधार कम्पनीले उठाएको रकमको सम्बन्धमा नेपाल सरकारले अध्ययन समिति गठन गरेको बताए । समितिले प्रतिबेदन बुझाएपछि सुरूङ मार्गका सम्बन्धमा थप निर्णय लिनु पर्ने बताए ।

स्वतन्त्र जनदवाव अभियानले जसपा मकवानपुर र उद्याेग बाणिज्य संघलाइ यस अघी नै ज्ञापन पत्र बुझाएकाे छ । २०७० कात्तिक २५ गते नेपाल पूर्वाधार कम्पनीले काम सम्पन्न गर्ने गरी हेटौडा–भिमफेदी–कुलेखानी–काठमाडौ सुरुङ मार्गको शिलान्यास भएकाे थियाे । शिल्यान्यास भएकाे ९ बर्षमा समेत निर्माणका काम शुरु भएकाे छैन । सरकार समेत मुकदर्शक बनेकोले जनताको २३ करोडभन्दा धेरै रकम फसेको छ ।
साथै नेपाल पूर्वाधार बिकास कम्पनीले सुरुङमार्ग निर्माण गर्न मकवानपुरका तत्कालिन जिबिस, हेटौडा उपमहानगरपालिका, मकवानपुर उद्योग बाणिज्य संघलगायत बिभिन्न संघ–संस्था र धेरै जनताको सेयर लगानी लगानी परेको छ ।
मकवानपुर । बागमती युवा क्लब सर्लाहीकाे आयाेजनामा प्रदेश २ कै प्रतिष्ठित तथा सर्वाधिक पुरस्कार राशी भएको राजर्षि जनक कप फुटबल प्रतियोगीता आज शनिबार बाट सुरु हुने भएकाे छ । मकवानपुरको पिप्ले युवा क्लब, हेटाैडाले प्रतियोगीता सहभागिता जनाएको छ ।
आयोजक बागमती युवा क्लबले सार्वजनिक गरेको खेल तालिका अनुसार प्रतियोगिताको उद्घाटन खेल पिप्ले युवा क्लबले खेल्न छ । सन्तोष श्रेष्ठ स्मृति खेल मैदानमा सञ्चालन हुने प्रतियोगिताको चैत २१ गते शनिबारकाे उद्घाटन खेलमा पिप्ले युवा क्लब चन्दागिरी नगरपालिका काठमाडौंसंग भिड्ने भएकाे हाे ।
पिप्ले युवा क्बले पहिलो खेलमा जित निकालेको खण्डमा प्रतियोगिताको सेमिफाइनलमा स्थान बनाउनेछ । मकवानपुरमा खेलकुद क्षेत्रमा छुट्टै पहिचान बनाएको पिप्ले युवा क्बलले राजर्षि जनक कपमा सहभागिता जनाएकाे र उद्घाटन खेल जित्ने क्लबका प्रशिक्षक सुविन घिमिरले बताए ।
प्रतियोगितामा दुई विदेशी टिम, ‘ए’ डिभिजनका क्लब, मोफसलका टिमहरू र आयोजक बागमति यूवा क्वल सहित १० टिमको सहभागिता रहने आयोजक बागमती युवा क्लबले जनाएको छ । प्रतियोगिताको विजेताले १० लाख १ हजार र उप विजेताले ५ लाख ५ हजार नगद पुरस्कार प्राप्त गर्ने छन् ।
प्रदेश २ कै सर्वाधिक धनराशीको प्रतियोगिताको फाइनल खेल चैत ३० गते हुनेछ ।