मकवानपुर । मकवानपुरमा शनिबार काेराेना संक्रमण पुष्टि भएका ३ जनाकाे मृत्यु भएकाे छ ।
शनिबार बिहान १ जना तथा बेलुका २ जना गरी ३ जनाकाे काेराेना संक्रमितकाे मृत्यु भएकाे हाे । शनिबार विहान थाहा नगरपालिका ५ का काेराेना संक्रमित ६५ वर्षीय पुरूष सैनिक अस्पताल छाउनी काठमाडाैं उपचारकाे लागि लगिएकाेमा मृत्यु भएको हो । बैशाख २० गते गरिएको एन्टिजेन परिक्षणमा उनलाइ कोरोना संक्रमण पुष्टि भएको थियो ।
यसैगरि शनिबार साँझ थप २ जना काेराेना संक्रमितको मृत्य भएको छ । काेराेना संक्रमण पुष्टि भइ हेटौंडा अस्पतालमा उपचारत हेटौंडा ५ का ६५ वर्षीय पुरुष र बाराका ३४ वर्षीय पुरुष रहेको हेटौंडा अस्पतालले जनाएकाे छ ।
यसैगरि शनिबार जिल्लामा थप १ सय ६१ जनामा कोरोना पुष्टि भएको छ । पछिल्लो २४ घण्टामा पीसीआर र एन्टीजेन गरेर २ सय ३३ जनामा गरिएको परीक्षणमा १ सय ६१ जनामा कोरोना देखिएको स्वास्थ्य कार्यलय मकवानपुरले जनाएको छ ।
शनिबार पुष्टि हुनेमा १ सय ३७ जना हेटौंडा उपमहानगरपालिकाका रहेका छन् । यस्तै ११ जना थाहा नगरपालिकाका, ६ जना मनहरी गाउँपालिकाका, ४ जना मकवानपुरगढीका, २ जना बागमती गाउँपालिकाका र १ जना राक्सिराङ गाउँपालिका रहेको स्वास्थ्य कार्यलयले जनाएको छ । यो संगै मकवानपुरमा हालसम्म कोरोना पुष्टि हुनेको संख्या ५ हजार २ सय ८४ जना पुगेको छ ।
यस्तै शनिबार थप ९ जना संक्रमित संक्रमण मुक्त भएका छन् । हेटौंडाका ६ जना आइसाेलेसनमा उपचार पछी र ३ जना हाेम आइसोलेसनबाट कोरोना संक्रमण मुक्त भएका हुन् । यो संगै मकवानपुरमा कोरोना संक्रमण मुक्त हुनेकाे संख्या ३ हजार ९ सय ३७ पुगेको छ ।
नेपाल पत्रकार महासङ्घले कोरोना भाइरसको समाचार सम्प्रेषण सम्बन्धी सूचना जारी गरेकाे छ । पत्रकार र संचार माध्यमका लागि जारी सूचनाकाे पालना गर्न पत्रकारलाई आग्रह गरेको छ।
विश्व स्वास्थ्य सङ्गठन (डब्लूएचओ)ले तयार गरेको स्वास्थ्यसम्बन्धी मापदण्डका आधारमा सूचना जारी गरिएको महासङ्घले जनाएको छ। जसमा कोरोनासम्बन्धी समाचार सम्प्रेषण गर्दा ध्यान दिनुपर्ने कुरा उल्लेख गरिएको छ।
महासङ्घले कोरोना सम्बन्धी समाचार लेख्दा त्रसित बनाउने गरी नलेख्न आग्रह गरेको छ भने यसलाई कुनै देश, क्षेत्र वा समुदायसँग जोडेर नलेख्न पनि सचेत गराएको छ।
पत्रकारमा कोरोना सङ्क्रमण बढ्न थालेपछि महासङ्घले सूचना जारी गरेकाे हाे । अहिलेसम्म देशभर ६ सय ८० जना पत्रकार सङ्क्रमित भइसकेका छन् भने ७ जना पत्रकारकाे मृत्यु भएको छ।
- अङ्कुर चन्द
साँझको समय अँध्यारो भइसकेको थियो । पूर्णिमा बार्दलिमा बसेर रमाइरहेकी देखेर म पनि सँगै बस्न गए । निलो आकाशमा सेता कपासका भुवाजस्ता बादलका टुक्राहरू निस्फिक्री उडिरहेका थिए । ताराहरूको चकमन्नताले आकाश सुन्दर बगैंचा जस्तै देखिरहेको थियो । जुनको आगमन अझै सुन्दर थियो ।ताराहरु एकटकले चियाइरहेका थिए । सेता बादलका टुक्राहरू पनि सुकिला भएर घरी यता घरी उता ओहोरदोहोर गरिरहेका थिए त्यहि जुनको सुन्दरता हेर्न सायद ।
यो दृश्यले मोहित भएकी पूर्णिमाले भनिन ” हेर्नु न कति सुकिला भएर यी बादलका भुवाहरु जुन हेर्न निस्किरहेका । आहा कति स्वच्छन्द छन् ,कति शान्त छन्, निष्प्रभि दौडिरहेका छन्” । मैले मनमनै भने यि सुकिलाहरु बाहिर मात्रै सुकिला हुन् भित्र त कालो पालेर बसेका हुनसक्दछन् । उनी जुन, तारा, सुकिला भुवाजस्ता बादलको बखान गर्दा गर्दै आकाशमा बलिष्ठ , कालो रूपि डरलाग्दो आकृतिको अचानक पदार्पण भयो । उनी हेर्दाहेर्दै विचलित भइन् ।
सुन्दर जुनको खोजी गरिन् , ताराहरूको खोजी गरिन् ती सुकिला सेता भुवाहरुको खोजी गरिन् । निलो आकाशको खोजी गरिन् ।अह देखिनन् । जुनको सुन्दरता र यौबन् देखेर यताउती भौतारिरहेका तिनै सुकिला सेता बादलहरू एकीकृत भई ताराहरुले नदेखुन भनी सिंगो आकाशलाई कालो कालो पर्दा ले छेकेर जूनलाई आफ्नो बाहुपासमा अठ्याएर लियो । जुन चिच्यायो होला करायो होला तर चट्याङको आवाजले निरिह बनाइदियो । बलिन्द्र आँशुका धारा चुहाइरहेको आकासकाे दृश्य हेर्दै पूर्णिमाको गहभरी आशुकाे ताल बनिसकेको थियो।
कञ्चनपुर
मकवानपुर । बागमती प्रदेश प्रहरी कार्यालयको मुख्यालय भवनको शनिबार शिलन्यास गरिएको छ । आन्तरिक मामिला तथा कानून मन्त्रालय बागमती प्रदेशका सचिव मदन भुजेलले एक कार्यक्रमवीच भवन शिलन्यास गरेका हुन् । आन्तरिक मामिला तथा कानून मन्त्रालयको आर्थिक सहयोगमा बागमती प्रदेश प्रहरी कार्यालयको परिसरमा भवन निर्माण गर्न लागिएको हो ।
नेपाल प्रहरी समायोजन भई निकट भविश्यमा प्रदेश प्रहरीको रुपमा रहने भएकोले हालको संरचना अपुग हुने र बागमती प्रदेश प्रहरीको प्रधान कार्यालयको रुपमा विकास गर्नुपर्ने भएको हुँदा उक्त भवनको निर्माण कार्य सुभारम्भ गरिएको बागमती प्रदेश प्रहरी कार्यालयले जनाएकाे छ । बागमती प्रदेश प्रहरी हाल संघ अन्तर्गत रहेता पनि बागमती प्रदेश सरकारले भवन निर्माण लगायत शान्ति सुरक्षासंग सम्बन्धीत प्रत्यक्ष सरोकार राख्ने विषयहरुमा सहयोग गर्दै आईरहेको बागमती प्रदेश प्रहरी कार्यालयका प्रहरी उपरीक्षक राज कुमार सिलवालले बताए ।
सिलवालका अनुसार ३ वर्षमा निर्माण सम्पन्न गर्ने लक्ष्यका साथ कुल लागत ३२ करोड लागतमा भवन निर्माण गर्न लागिएकाे हाे । १ हजार ३ सय १८ स्क्वायर मिटरमा भवन निर्माण हुने छ । चालु आर्थिक वर्षको लागि मन्त्रालयबाट ५ करोड निकाशा भएकोमा टेण्डर प्रकृया सम्पन्न गरी निर्माण कम्पनीसंग सम्झौता समेत भई निर्माण कार्य प्रारम्भ भएको प्रहरी उपरीक्षक सिलवालले जानकारी दिए ।

आन्तरिक मामिला तथा कानुन मन्त्रालय बागमती प्रदेशको सहयोगमा हालसम्म बागमती प्रदेश (उपत्यका बाहेक) अन्तर्गत ३४ वटा प्रहरी ईकाई निर्माण सम्पन्न भईसकेका छन् । १२ वटा प्रहरी ईकाई निर्माणाधिन र चालु आर्थिक वर्षमा बागमती प्रदेश प्रहरी कार्यालयको मुख्यालय समेत गरी थप २१ वटा प्रहरी ईकाई निर्माणको लागि सम्झौता भई निर्माण कार्य प्रारम्भ भईसकेको छ । हालसम्म ६७ वटा प्रहरी ईकाईहरु निर्माणको लागि आन्तरिक मामिला तथा कानून मन्त्रालय बागमती प्रदेशबाट सहयोग प्राप्त भएकाे सिलवालले जनाकारी दिए ।
मकवानपुर । हेटौडा जेसीजले कोरोना महामारी नियन्त्रणका लागि फ्रन्ट लाइनमा खटिएका स्वास्थ्यकर्मीहरुका लागि एक सय काटुन पानी र १० काटुन जुस सहयाेग गरेकाे छ ।
हेटौँडा जेसीजका अध्यक्ष लिसेन बस्नेतसहितको टाेलीले शुक्रबार मदन भण्डारी स्वास्थ्य विज्ञान प्रतिष्ठान, हेटौँडा अस्पतालका रजिष्ट्रार राजेश प्रसाईलाई उक्त सहयोग हस्तान्तरण गरेको हो ।
कोरोना महामारीका क्रममा २४ सै घण्टा संक्रमित बिरामीको उपचार र संक्रमण नियन्त्रणमा खटिएका स्वास्थ्यकर्मीहरुका लागि सो सहयोग हस्तान्तरण गरिएको कार्यक्रम संयोजक विजय श्रेष्ठले जानकारी दिए । विभिन्न सामाजिक कार्य गर्दै आएको हेटौंडा जेसीजले आगामी दिनमा पनि यस्ता सहयोगहरुलाई निरन्तरता दिने जनाएको छ ।
आवश्यकता अनुसार अन्य स्वास्थ्यकर्मी, सुरक्षाकर्मीसहित समस्यामा परेका व्यक्तिहरुलाई सहयोग गर्ने हेटौँडा जेसीजका अध्यक्ष बस्नेतले प्रतिवद्धता व्यक्त गरे । हेटौडा अस्पताल संचालक समितिका पदाधिकारी र जेसीज सदस्यहरुको उपस्थितिमा सहयोग हस्तान्तरण गरिएको थियो ।