- गीताश्री शर्मा
मङ्गलीको सधैं मुखमा सुपारी च्याप्ने बानी । भात खाइसक्या छैन, सुपारी मुखा हाल्नै पर्ने । सौदा-पात जाँदा उबारेको पैसाले दुइ-चार टुक्रा भए पनि सुपारी किनेर थैलीमा हालेकै हुने। मेला-पात जाँदा मुखमा आधा कप्टेरो नै चेपेको हुन्थ्यो । सुपारी उनको अभिन्न मित्र, एक-अर्काका पर्याय ।
मङ्गलीका पति हर्कमानको समय प्रायः हल गोरुसँगै मेलापातमै बित्थ्यो । कहिले आफ्नो त कहिले पर्मा वा दैनिक रोजगारीमा । हलगोरु नै उनको आयस्रोत भने हुन्छ। हर्कमानले गाउँ-घर, छरछिमेक रिझाएर राखेका छन् , पर्खेर भा’पनि हर्कमान नै चाहिने । मङ्गली र हर्कमानको सानो चिटिक्क परेको सानो घर र चारपाथी धानको बिउ जाने खेत छ । यसो साग- सब्जी रोप्नलाई गोडाचारेक सुख्खा बारीका पाटा भनौं कोठेबारी पनि छ । कमेरो र रातो माटोले पोतेको घरलाई दिनैपिच्छे सिकुवा र मझेरी हरियो गोबरले लिप्ने गर्थिन्। माटोले बनाएको दुइमुखे चुल्होमा दाल-भात सब्जी मिलिक्कै पाक्थ्यो । हर्कमानले हिउँदमा बारीमै चिरेका दाउराले वर्षभरि पुगिहाल्थ्यो।
हर्कमान र मङ्गलीकी मुटु एउटै छोरी झुमा, एघार वर्षकी पढ्नमा असाद्धै राम्री र बाठी थिइन् । गाउँकै विद्यालयको पाचौं श्रेणीमा पढ्थिन् । ईश्वर वन्दनापछि सधैँ मदिरा सेवन गर्दा जीउमा पुग्ने नोक्सानी, गुटका खाँदा गर्ने असर, धुम्रपानले हुने हानी र बिमारी बारे,स्वास्थ्य सम्बन्धी शिक्षा, खानपान र सरसफाई विषयमा विद्यार्थीहरूले छोटा-छोटा निबन्धात्मक टीकाटिप्पणी दिनुपर्ने नियम थियो। झुमाले यी कुरा ध्यान दिएर सुन्थिन् अनि आफ्नो पालोमा बोल्ने पनि गर्थिन् ।
स्कूलबाट आएपछि छोरी झुमाले आमालाई भनिन्,”आमा,तपाईं किन सधैं सुपारी खानुहुन्छ? स्वास्थ्यको लागि राम्रो होइन त !”
मङ्गलीले अँध्यारो अनुहार पार्दै भनिन्, ” नानी ! म न सुर्ती खान्छु , न बंगाली खान्छु, न पान , न मदिरा नै सेवन गर्छु ! मैले खाने अम्मल भनेको यही सुपारी मात्र त हो।”
” सुपारी तपाईंलाई साह्रै मनपर्छ ?” बालखा छोरी झुमाले निर्दोष प्रश्न गरिन् ।
अप्ठ्यारो मान्दै आमाले भनिन् , “तिमीलाई जति चक्लेट मनपर्छ । “
“छोड्न सक्नु हुन्छ आमा ? ” झुमाले सोधिन् ।
“तिमीले मिठाई छोड्न सक्छ्याै भने म पनि सुपारी छाेड्न सक्छु।”
” त्यसो’भा आजदेखि तपाईं सुपारी छोड्नुहोस् म चकलेट ! ” झुमाका निर्दोष आँखाले आमालाई हेरिन्, आमाले पनि छोरीलाई एकटक लगाएर मायालु नजरले हेरिन् अनि अँगालोमा कसिन् ।
आज पूरा दुइ महिना भएछ, झुमाले चकलेट मुखमा हालेकी छैनन् । जन्मदिनमा साथीभाइले ल्याइदिएका मिठाई पनि सबै स्कूलमा लगेर बाँडिदिइन् । मङ्गली सौदापात गर्न जाँदा दोकानेले पनि , ” दिदी! सुपारी कतिको दिउँ ? “भनेर सोध्न छोडेको छ ।
मङ्गलीले सुपारीको स्वाद भुलिन् । सुपारीको तलतल पनि लाग्न छोड्यो । एकदिन अनायसै आमाले बजारबाट आउँदा चकलेट,टफी र केही मिठाईहरू बोकेर आएकी थिइन् । झुमा होमवर्क गर्दै सिकुवामा बसेकी रहिछन् । ” नानी, यतिका दिन मिठाई नखाँदा तिमीलाई कस्तो कस्तो लागेको छैन ? ” झुमाले टाउको उठाएर मायालाग्दो नजरले आमालाई हेरेर भनिन् , “तपाइँलाई सुपारीको तलतल लागेको छ कि छैन ? “
” छैन छोरी, मैले त सुपारीको स्वाद पनि भुलिसकें, तलतल त परैजाओस् । लु भन छोरी ! मलाई सुपारी खान किन दिइनौ ? “
बिहानमात्र स्कूलमा झुमाले सुपारी र गुट्काबाट हुने हानी र असरबारे दिएको वक्तव्य आमालाई हुबहू सुनाइन् , आमा-छोरी खुशीले गदगद् भइरहेका थिए, अघि आमाले बजारबाट ल्याएका मिठाईहरू झोलाबाट निकालेर नाबालक छोरीका हातमा राखिदिएर बलियो अँगालोमा बाँधेर छोरीका गालामा म्वाई खाइन् । हर्कमान आफ्नो दैनिकी सकेर टुप्लुक्क आइपुगे ।
गान्तोक, सिक्किम
मकवानपुर । मकवानपुर प्रहरीले हेटाैडाबाट १९ नेवारपानीबाट सालको काठसहित ३ जनालाई पक्राउ गरेको छ।
असार १२ गते राती ईलाका प्रहरी कार्यालय नेवारपानी मकवानपुरबाट खटिएको प्रहरी टोलीले ना ४ख ५५०१ काे ट्रिपरबाट ५१.६० क्युफिट चिरान सालको काठसहित ३ जनालाई पक्राउ गरेको जिल्ला प्रहरी कार्यालय मकवानपुरले जनाएकाे छ ।
पूर्वपश्चिम लोकमार्ग सडकखण्डमा मनहरीबाट हेटौडा तर्फ आउँदै गरेको ना ४ख ५५०१ नं. को ट्रिपर गाडीलाई रोकेर चेकजाँच गर्दा ५१.६० क्युफिट अबैध सालको काठ फेला परेको जिल्ला प्रहरी कार्यालयका प्रवक्ता प्रहरी नायव उपरीक्षक जयश्वर रिमालले जानकारी दिए ।
पक्राउ पर्नेमा गाडी चालक मकवानपुरको मनहरी गाउँपालिका ७ बिजौना का २५ वर्षीय बाबुलाल मोक्तान, उक्त ट्रिपरमा सवार सोही स्थानका २६ वर्षीय राजु प्रजा र २६ वर्षीय निशान प्रजा रहेको प्रवक्ता रिमालले बताए ।
काठ, ट्रिपर र मानिस नियन्त्रणमा लिईआवश्यक कारवाहीको लागि डिभिजन वन कार्यालय राप्ती,मनहरी पठाईएको मकवानपुर प्रहरीले जनाएको छ ।
मकवानपुर । अभिनेत्री तथा मोडल सन्ध्या केसी विवाह गरेकी छिन् । अभिनेत्री केसी गत शुक्रवार आफ्नो प्रेमी आभूषण ज्योति कंसाकारसँग कानुनी रुपमा विवाह गरेकी हुन् । बिगत दुई वर्षदेखि यी अभिनेत्री आभूषणसँग प्रेम सम्बन्धमा थिइन् ।
आफुहरुको कानूनी विवाह भएको उनले सामाजिक सञ्जालमा मार्फत खुलासा गरेकी छिन् । अदालतबाट विवाहको प्रकृया पुरा गरेपछि उनले श्रीमानसँगका केही तस्विरहरु सार्वजिनक गर्दै विवाह गरेको जनाएकी हुन् ।
सन्ध्याले फेसबुकमा लेखेकी छन्, ‘हामीले विवाहित जोडीको रुपमा एक सुन्दर यात्रा सुरु गर्न हात मिलाएका छौं । म आभूषणसँग विवाहको खबर सार्वजनिक गर्दा रोमाञ्चित महसुस गर्दैछु । धार्मिक रुपमा हामी एक हुन बाँकी छ, जुन हामी स्थिति सहज भएपछि गर्नेछौं । त्यतिन्जेल तपाईंहरूको स्नेह र आर्शिवाद चाहन्छौं । आजदेखि हामी एक्लै हिँड्ने छैनौं । हाम्रो हृदय हाम्रो आश्रय हुनेछ ।’
अभिनेता अनमोल केसीको जोडी बनेर पाँच वर्ष अघि नेपाली चलचित्र ‘ड्रिम्स’सबाट नायिकाको रुपमा सन्ध्याले डेब्यु गरेकी थिईन् । सन्ध्याले ‘कमलेको बिहे, पण्डित बाजेको लौरी, कथा काठमाण्डू’ लगायतका फिल्ममा पनि अभिनय गरिसकेकी छन् । उनले केही म्यूजिक भिडियोमा पनि अभिनय गरेकी छन् ।
मकवानपुर । कोरोना भाइरस संक्रमण पुष्टि भएका जिल्ला समन्वय समिति मकवानपुरकी सदस्य सानीकान्छी स्याङ्तानको निधन भएको छ । राक्सिराङ गाउँपालिकामा वडा सदस्य पदमा निर्वाचित भइ जिसस मकवानपुरमा सदसय रहेकी स्याङ्तानको आइतबार बिहान मृत्यु भएकाे हाे ।
जिसस सदस्य स्याङ्तानकाे आज विहान आफ्नै घरमा मृत्यु भएको राक्सिराङ गाउँपालिकाका प्रवक्ता रामकृष्ण प्रजाले जानकारी दिए । स्याङ्तानलाई १ महिना अघि काेराेना संक्रमण पुष्टि भएको थियो । संक्रमण पुष्टि भएपछी विभिन्न अस्पतालमा उपचार गर्दा समेत संक्रमण मुक्त नभएपछि केहिदिन अघि घर ल्याइएकाेमा आज बिहान निधन भएको प्रवक्ता प्रजाले बताए ।
काेराेना संक्रमण भए पछी उनी केहि दिन घरमै रहेकाेमा स्वास्थ्यमा समस्या भएपछी केहि हप्ता गाउँपालिकाको आइसोलेसन बसेकी थिइन । स्वास्थ्यमा थप समस्या देखिएपछि हेटौंडा अस्पताल रिफर गरिएकोमा उपचारकाे क्रममा थप सुधार नभए पछी भरतपुर रिफर गरिएको थियो । भरतपुरमा समेत उपचारकाे क्रममा काेराेना निकाे नभएपछी घरमा ल्याईएको प्रजाले बताए । प्रजाका अनुसार सदस्य स्याङ्तानमा अन्य दिर्घ रोग थिएन ।
स्याङ्तान २०७४ सालकाे स्थानीय तहकाे निर्वाचनमा नेकपा एमालेबाट राक्सिराङ गाउँपालिका वडा नंबर ३ मा महिला सदस्यमा निर्वाचित भएकी हुन् ।
मकवानपुर । जेसीआई हेटौडा लेडिको आयोजनामा हार्दिक वधाई एवं शुभकामना कार्यक्रम भएको छ। जेसीआई हेटौडा लेडिले कार्यक्रममा वागमती प्रदेश प्रदेश युवा परिषद उपाध्यक्षमा नियुक्त भएका सन्तोष चौलागाईंलाई वधाई एवं शुभकामना दिएकाे हाे ।
आई हेटौडा लेडिले समग्र युवाहरुको क्षेत्रमा युवालाई समेटेर सीप प्रवर्दनमा उद्यमशिलता लगायतका कार्यमा युवाको प्रत्यक्ष सहभागीतामा छलफल गर्ने कार्यन्वयन गराउने, युवा शक्ती वैदेशिक स्वरोजगारमा जाँदा विज्ञको रुपमा जान सकिनेसम्मका युवा जनशक्ती तयार गर्न सक्षम भएकाेले कार्यक्रममा जेसीज परिवार लाई उपाध्यक्ष चौलागाईंले धन्यवाद दिए ।
शाखा अध्यक्ष जेसी प्रतिमा श्रेष्ठ को सभाध्यक्षमा तथा यशोदा गौतमको संयोजकत्वमा भएको कार्यक्रममा पूर्व अध्यक्ष जेसी रश्मी वस्नेत, नगर खेलकुद विकास समिति अध्यक्ष चन्द्र शाही, मकवानपुर उधोग वाणिज्य संघ सदस्य नरेन्द्र भण्डारी, कृष्ण लामिछाने, किशन घिसिङ, लेडी जेसीजका पदाधिकारी एवं सदस्यहरुको उपस्थिति रहेको थियो।