खुल्ला सहसचिवमा इन्दिरा न्याैपानेकाे उम्मेद्वारी घाेषणा
Tags: No Comments
मकवानपुर । नेपाली कांग्रेसको १४ औँ महाधिवेशनको चुनावी सरगर्मी सुरु भएको छ । महाधिवेशनले उत्साह छाएको बेला स्थानीय क्षेत्रमा उम्मेदवारी घोषणा गर्न थालिएको छ । बिगतमा भन्दा यो बर्ष युवा पुस्ताको सक्रियता बढेको छ । यसै बीचमा कांग्रेस मकवानपुरकी सदस्य इन्दिरा न्यौपालेले आसन्न जिल्ला अधिवेशनमा सह–सचिव पदमा उम्मेदवारी घोषणा गरेकी छिन् ।
धमाधम उमेद्धवारी घोषणा भैरहेको बेला नेतृ न्यौपानेले १४ औ महाधिवेशनमा उनले जिल्ला सहसचिव पदमा उमेद्धवारी दिने घोषणा गरेकी हुन् । न्यौपानेले ट्रेड युनियन र तरुणदल हुदै जिल्ला सदस्य भैसकेकाले महिलाको सहभागीताकाे लागि सहसचिवमा खुल्ला तर्फ उम्मेद्धवारी रहने बताइन् । २०५३ सालदेखि कांग्रेस रहेर राजनीतिमा निरन्तर सक्रिय रहँदै आएकी न्यौपाने असोज १० गते हुने जिल्ला तहको निर्वाचनमा सह–सचिव पदमा उम्मेदवारी दिने तयारीमा गरेकाे बताउँछिन् ।
न्यौपानेले महिलालाई सधै कोटा प्रणालीमा मात्र सिमित हुने परम्परालाई तोड्दै आफुले खुल्ला तर्फ सहसचिव पदमा उम्मेद्धवार दिन लागेको बताएकी हुन्। यस अघि नेतृ न्यौपानेले महिला संघको सचिवमा एक कार्यकाल, तरुणदल महिला बिभागको केन्द्रिय सदस्यमा एक कार्यकाल, कांग्रेस मकवानपुर जिल्ला सदस्यमा कार्यकाल भूमिका निर्वाह गरिसकेकी छिन् । यो संगै बिभिन्न संघसंस्थाको नेतृत्व तहमा आफ्नो भूमिका निर्वाह गरीसकेको बताउदै नेतृ न्यौपानेले यस पटक सहसचिवमा विजयी गराउन सम्पुर्ण कांग्रेस जनमा आग्रह समेत गरेकी छन् ।
आफु सधै महिलाहरुको पक्षमा आवाज उठाउदै उनीहरुकै हकहित र अधिकारका लागि लड्दै आएको बताउदै जिल्ला तहको पदाधिकारीमा पुग्न सके अझ ससक्त भूमिका निर्वाह गर्ने आफनो उद्देश्य रहेको न्यौपाने बताउँछिन् । गैरसरकारी संस्था मकवानपुरको जिल्ला कोषाध्यक्ष भएर दुई कार्यकाल काम गरेको अनुभवसँगै महिला ससक्तिकरण तथा गरिवी निवारण समुह नेपाल मार्फत मकवानपुरका करीब १० हजार महिलाहरुलाई स्वरोजगार बनाउन आफूले भूमिका निर्वाह गरेको नेतृ न्यौपानेले बताइन् ।
लामो समय नेपाली कांग्रेस र पार्टी कै हकहित तथा संगठन बिस्तारमा अहोरात्र खटिएको अनुभवलाई जिल्ला सहसचिव मार्फत अझ सकृय हुन आफुमा प्रेरणा मिल्ने उनकाे भनाई रहेकाे छ । अर्काको आशिर्वाद लिएर भन्दा खुल्ला रुपमा प्रतिष्पर्धाबाट निर्वाचनमा भाग लिई नेतृत्व गर्न आफुलाई मन पर्ने भएकाले उनले खुल्ला तर्फको सहसचिव पदमा आफुले उमेद्धवारी दिने बताउँछिन्।
नेपाली कांग्रेस पार्टीकाे आगामी मंसिरमा हुने १४ औं महाधिवेशनको उत्साह कार्यकर्ताहरुमा छाएको हाे । मकवानपुर जिल्लाका वडा तहमा आईतबार निर्वाचन सम्पन्न भैसकेको छ । नेपाली कांग्रेस नेताहरुलाई गाउँपालिका/नगरपालिका र जिल्ला तहको निर्वाचन कार्यक्रमले छोएको छ । अहिले कांग्रेस नेताहरु आ-आफनो उमेद्धवारी घोषणा गर्ने र प्यानल बनाएर निर्वाचनको तयारी गरीरहेका छन् ।
मकवानपुर जिल्ला सभापतिमा अहिलेसम्म आधिकारीक घोषणा कसैले गरेको छैन । जिल्ला उपसभापतिमा होमनाथ गौतमले उम्मेद्धवारी घोषणा गरेका छन् । नगरसभापतिमा राजेश बानियाँ र उत्सव इटेनीलेले घोषणा गरेका छन् ।
मकवानपुर । मकवानपुरका २ प्रमुख, २ उपप्रमुख सहित ३९ जना जनप्रतिनिधिले नेकपा एमाले छाेडेका छन् । हेटौंडा-५ स्थित प्रदेश निर्वाचन कार्यालय अनुसार मकवानपुरमा २ जना प्रमुख र २ जना उपप्रमुख सहित सहित ३९ जना जनप्रतिनिधिले एमाले त्याग गर्दै समाजवादीमा सनाखत गरेका छन्।
सनाखत गर्नेहरुमा मकवानपुरको कैलाश गाउँपालिका अध्यक्ष टंक मोक्तान, ईन्द्रसरोबर गाउँपालिका अध्यक्ष जीवन लामा, हेटौंडा उपमहानगरपालिकाकी उपप्रमुख मिना लामा र मनहरी गाउँपालिकाकी उपाध्यक्ष मनिला विष्ट सहित जिल्लाका विभिन्न स्थानीय तहका केही वडा अध्यक्षहरु र केही वडा सदस्यहरु रहेका छन् ।
नेकपा एमाले (एकिकृत माक्सवाद लेलिनवाद) बाट विजयी भएका प्रदेश तथा स्थानीय जनप्रतिनिधिलाई निर्वाचन आयाेगले दल रोज्न दिएको समय सकिएको छ । नेकपा एमालेबाट माधव नेपाल समूहले नेकपा एकिकृत समाजवादी पार्टी निर्वाचन आयाेगमा दर्ता गरेपछी दल राेज्न समय सिमा ताेकिएकाे थियाे ।
निर्वाचन आयोगले गएको भदौ १५ गतेदेखि भदाै २२ गते मंगलबार ५ बजेसम्म नेकपा एमालेबाट विजयी भएका जनप्रतिनिधिहरुलाई माधव नेपाल नेतृत्वको नयाँ पार्टी नेकपा एकीकृत समाजवादी रोज्न समय दिएको थियो ।
यसैगरि प्रदेश निर्वाचन कार्यालय अनुसार बागमती प्रदेशमा १३ जना प्रदेश सदस्यहरुले नयाँ पार्टी समाजवादीमा सनाखत गरेका छन् ।
मकवानपुर । देशभर थप १ हजार ८ सय ९७ जनामा कोरोना भाइरस संक्रमण पुष्टि भएको छ । पछिल्लो २४ घण्टामा ११ हजार ६ सय ९ पीसीआर परीक्षण गर्दा १ हजार ४ सय ८८ जना र ४ हजार ३७० एन्टिजेन परीक्षण गर्दा ४ सय ९ गरी १ हजार ८ सय ९७ जनामा कोरोना भाइरसको संक्रमण देखिएको स्वास्थ्य तथा जनसंख्या मन्त्रालयले जनाएको छ । याेसँगै नेपालमा कोरोना संक्रमितको कुल संख्या ७ लाख ७० हजार ७ सय ७९ पुगेको छ ।
यस्तै पछिल्लो २४ घण्टामा कोरोना संक्रमणबाट २० जनाको मृत्यु भएको छ । याेसँगै काेराेना सक्रमणकाे कारण मृत्यु हुनेको संख्या १० हजार ८ सय ५८ पुगेको छ । उक्त समयमा १ हजार ७ सय ४३ जना काेराेना निको भएका छन् । याे सँगै हालसम्म ७ लाख २८ हजार ९ सय २८ जना संक्रमणमुक्त भएकाे मन्त्रालयले जनाएकाे छन् ।
मन्त्रालयका अनुसार हाल देशभर सक्रिय संक्रमितको संख्या ३० हजार ९७३ जना रहेका छन् । जसमध्ये २८ हजार ९११ जना होम आइसोलेसनमा रहेका छन् भने २ ६२ जना संस्थागत आइसोलेसनमा रहेका छन् । कोरोना संक्रमित मध्ये ५ सय १२ जना आईसीयू र १ सय ६३ जना भेन्टिलेटरमा उपचाररत् छन् ।
मकवानपुर । ‘तपाईंको मास्क खोई ?’ कार्यक्रम अन्तर्गत पछिल्लो २४ घण्टामा ७ हजार ५ सय ७५ जनालाई नि:शुल्क मास्क वितरण गरिएको छ । कोभिड-१९ संक्रमणको रोकथाम तथा जोखिम न्यूनीकरणका लागि नेपाल प्रहरीद्वारा संचालित कार्यक्रम अन्तर्गत गत वैशाख ६ गतेदेखि हालसम्म जम्मा ११ लाख २ हजार ३ सय २२ जनालाई नि:शुल्क मास्क वितरण गरिएको छ ।
नयाँ भेरियन्ट सहितको कोभिड-१९ को संक्रमण बढ्दै गएको संक्रमण रोक्न तोकिएको सुरक्षा मापदण्डलाई दुरुस्त रुपमा कार्यान्वयनका लागि नेपाल प्रहरीले ‘संक्रमणबाट आफू बचौँ र अरुलाई पनि बचाऔँ’ भन्ने नारा सहित ‘तपाईंको मास्क खै ?’ लगायतका विभिन्न सचेतनामूलक कार्यक्रमलाई अभियानकै रुपमा सञ्चालन गरिरहेको छ ।
कोभिड-१९ रोकथाम तथा नियन्त्रणका लागि स्थानीय प्रशासनद्वारा जारी गरिएको निषेधाज्ञा उल्लंघन गर्ने २७ जनालाई २ हजार ७ सय रुपैयाँ जरिवाना गरिएको छ । सो क्रममा स्वास्थ्य मापदण्ड उल्लंघन गर्ने १ हजार २ सय ६६ जनालाई रोकी सम्झाई बुझाई छाडिएको छ । साथै देशभर सञ्चालित माईकिङ, प्लेकार्ड, पर्चापम्प्लेट सहितको ७२ वटा सचेतनामूलक कार्यक्रम अन्तर्गत ८ हजार २ सय ३२ जनालाई सचेत गराइएको छ ।
नेपाल कम्युनिस्ट पार्टी (एकीकृत समाजवादी)ले नेताको जिम्मेवारी बाँडफाँड गरेको छ । एकीकृत समाजवादी पार्टीले जारी गरेको अन्तरपार्टी निर्देशन–१ मा नेताको जिम्मेवारी बाँडफाँड गरिएको उल्लेख गरिएको छ ।
पार्टीले सात सदस्यीय स्थायी कमिटी गठन गरेको छ । तत्कालीन एमाले र माओवादी केन्द्रबीच पार्टी एकीकरण भएर नेकपा बनेपछि स्थायी कमिटीमा रहेका नेता एकीकृत समाजवादी पार्टीको स्थायी कमिटीमा राखिएको छ । स्थायी कमिटीमा अध्यक्ष माधवकुमार नेपाल, वरिष्ठ नेता झलनाथ खनाल, मुकुन्द न्यौपाने, डा. बेदुराम भुसाल र प्रमेश हमाल स्थायी कमिटी सदस्य रहेका छन् ।
यस्तै पार्टीको दैनिक कार्य सम्पादन गर्नका लागि डा. बेदुराम भुसालको संयोजकत्वमा सचिवालय गठन भएको छ । सचिवालयको सदस्यमा प्रमेश हमाल, राजेन्द्र पाण्डे, डा. गंगालाल तुलाधर, डा. विजय पौडेल, जयन्ती राई र जीवनराम श्रेष्ठ रहेका छन् । पार्टीको प्रचार विभाग प्रमुख एवं प्रवक्तामा जगन्नाथ खतिवडा चयन भएका छन् ।
यसैगरी पार्टी केन्द्रीय कार्यालय सचिवको जिम्मेवारी डा.गंगालाल तुलाधरलाई दिइएको छ । एकीकृत समाजवादी पार्टीले प्रदेशको पार्टी कामलाई संयोजन गर्नका लागि प्रदेश इन्चार्ज समेत तोकेको छ ।
प्रदेश १ मा घनेन्द्र बस्नेत, प्रदेश २ मा धर्मनाथ साह, बाग्मती प्रदेशमा केदार न्यौपाने गण्डकी प्रदेशमा केशवलाल श्रेष्ठ, लुम्बिनी प्रदेशमा भागवत विश्वासी, कर्णाली प्रदेशमा प्रकाश ज्वालालाई प्रदेश इन्चार्ज तोकिएको छ । सुदूरपश्चिम प्रदेशको इन्चार्जपछि तय गरिने अध्यक्ष नेपालद्वारा जारी अपानीमा उल्लेख गरिएको छ ।
यस्तै उपत्यका विशेष प्रदेश कमिटीको इन्चार्जमा विश्वनाथ प्याकुरेल, सम्पर्क विशेष प्रदेश कमिटीको इन्चार्जमा विजय गुरुङ, मोर्चा इन्चार्जमा डा. विजय पौडेल चयन भएका छन् ।
प्रवास क्षेत्रको इन्चार्जमा श्रीप्रसाद शाह, अदालत र निर्वाचन आयोगसम्बन्धी काम हेर्ने जिम्मेवारीमा राजेन्द्र पाण्डे, विजय पौडेल र रामकुमारी झाँक्रीलाई तथा संसदीय कामको जिम्मेवारीमा विरोध खतिवडा, कल्याणी खड्का, जीवनराम श्रेष्ठ र ठगेन्द्र पुरीलाई जिम्मेवारी दिइएको छ ।
दस्तावेज मस्यौदा कमिटी गठन
यसैगरी अपानीमा राजनीतिक प्रतिवेदनलगायतका दस्तावेजको मस्यौदा गर्नका लागि वरिष्ठ नेता झलनाथ खनालको संयोजकतत्वमा मस्यौदा समिति गठन भएको छ । निकट भविष्यमा आयोजना गरिने पार्टीको राष्ट्रिय सम्मेलनमा प्रस्तुत गरिने राजनीतिक प्रतिवेदनलगायतका दस्तावेज मस्यौदा दस्तावेज मस्यौदा कमिटी गठन गरिएको छ ।
समितिको सदस्यमा डा. बेदुराम भुसाल, प्रमेश हमाल, राजेन्द्र पाण्डे, डा. गंगालाल तुलाधर, डा. विजय पौडेल, प्रकाश ज्वाला, जगन्नाथ खतिवडा, केशवलाल श्रेष्ठ, सावित्रा भुसाल, रामकुमारी झाँक्री, राजेन्द्र राई र गणेश विक रहेका छन् । यसै समितिले तयार गरेको दस्तावेजअनुसार निर्वाचन आयोगमा पेस गरिएका दस्तावेज समेत परिमार्जन गर्ने काम गरिनेछ ।
पार्टी गठनको यस्तो छ कारण
‘नेपाली कम्युनिस्ट आन्दोलनलाई निरंकुश एवं स्वेच्छाचारी प्रवृत्ति, व्यक्तिवादी अहंकारवाद, गुटबन्दी र दक्षिणपन्थी अवसरवादको भासमा डुब्नबाट बचाउन र क्रान्तिकारी धारको रक्षा एवं विकास गर्नका लागि यसको पुनर्गठन र रूपान्तरण गर्ने उद्देश्यले गरिएको ऐतिहासिक विद्रोहबाट नेपाल कम्युनिस्ट पार्टी (एकीकृत समाजवादी)को उदय भएको छ’ एकीकृत समाजवादीले अपानीमा उल्लेख गरेको छ ।
नेकपा (एमाले) को २०७१ साल असारमा सम्पन्न नवौं राष्ट्रिय महाधिवेशनले मुलुकमा आएको राजनीतिक परिवर्तनमा टेकेर समाजको आर्थिक–सामाजिक एवं सांस्कृतिक रूपान्तरण गर्दै समाजवादका आधार निर्माण गर्ने कार्यदिशा तय गरेको थियो । तर, उक्त महाधिवेशनबाट पार्टीको केन्द्रीय अध्यक्षमा निर्वाचित केपी ओलीबाट महाधिवेशनको दिशानिर्देशअनुरूप काम नभएको आरोप लगाइएको छ ।
ओलीले पार्टीका नीति, सिद्धान्त र विचार सबै परित्याग गरेको आरोप एकीकृत समाजवादी पार्टीले आरोप लगाउँदै पार्टीलाई विधि र पद्धतिअनुसार होइन स्वेच्छाचारी ढंगले चलाएको उल्लेख गरेको छ ।
कम्युनिस्ट पार्टी नीति प्रधान हुनुपर्नेमा नेता प्रधान बनाएको र व्यक्तिवादी अहंकारवाद हावी भएको निष्कर्ष एकीकृत समाजवादी पार्टीको रहेको छ । पार्टीलाई दक्षिणपन्थी अवसरवादको दलदलमा धकेल्दै लगिएको, आफूहरूले उक्त गलत विचार र व्यवहारविरुद्ध अन्तरपार्टी संघर्ष चलाउँदै अध्यक्ष नेपालले जनाएका छन् ।
‘२०७५ जेठ ३ मा नेकपा (एमाले) र नेकपा (माओवादी केन्द्र) का बिच एकता गरी नेपाल कम्युनिस्ट पार्टी (नेकपा)को गठन गरिएको थियो । त्यस पार्टीका दुई अध्यक्षमध्ये एक केपी ओलीले फेरि पनि पार्टीलाई नीति र विधिअनुसार नचलाउने र दक्षिणपन्थी अवसरवादको दिशामा धकेल्ने र व्यक्तिवादी ढंगले चल्ने कार्य नै गरिरहे’ अपानीमा भनिएको छ, ‘दुई ठूला कम्युनिस्ट पार्टीबीच चुनावी तालमेल गरी चुनावमा गएको हुनाले करिब दुई तिहाइ बहुमतको सरकार बनाउने अवसर प्राप्त भएको थियो । त्यस अवसरलाई देश विकासको महाअभियान सञ्चालन गरी समाजवादका आधार निर्माण गर्ने अवसरका रूपमा प्रयोग गर्नुपर्दथ्यो । तर, उक्त जनमतका आधारमा प्रधानमन्त्री बनेका केपी ओलीले जनताको अपेक्षा र पार्टी नीतिअनुसार कुनै पनि काम गरेनन् ।
ओलीले निर्वाचनमा प्राप्त सफलताको सम्पूर्ण श्रेय आपूmले लिने, निर्वाचनबाट उनले सम्पूर्ण अधिकार एक जना व्यक्ति अर्थात् आपूmमा मात्र रहेको ठान्न थालेको आरोप लगाइएको छ । तर, आफहरूले पार्टी नीति र जनअपेक्षाअनुसार सरकार सञ्चालन गर्न बारम्बार आग्रह गर्दा पनि नसुनेर उल्टो तरिकाले चल्ने काम ओलीबाट भयो ।
नेपाली कम्युनिस्ट आन्दोलनको एउटा नयाँ मोड र चरणमा प्रवेश गरेको उल्लेख गर्दै एकीकृत समाजवादीले अहिलेको नयाँ चरणमा नेपाल कम्युनिस्ट पार्टीलाई नयाँ ढंगले पुनर्गठन गरेर नेपालको कम्युनिस्ट आन्दोलन र नेपाली क्रान्तिका उपलब्धिको रक्षा गर्दै अझ अगाडि बढाउनुपर्ने दायित्व आपूmहरूको काँधमा आएको निष्कर्षमा पुगेको छ । राजधानी दैनिकमा प्रकाशित समाचार साभार