मकवानपुर । नेकपा एमालेकाे दसाैं महाधिवेशन बुटवलमा हुने भएकाे छ । आउँदाे मंसिरमा एमालेले दसाैं महाधिवेशन बुटवलमा गर्ने बुटवलमा घोषणा गर्दै एमालेको पहिलो विधान महाधिवेशन आइतबार सम्पन्न भएकाे छ ।
यसअघि महाधिवेशनले ३ वटा प्रस्ताव पारित गर्नुका साथै आगामी निर्वाचनमा केन्द्रीत हुने अठोट गरेको छ । ललितपुरको गोदावरीस्थित सनराइज सम्मेलन केन्द्रमा असाेज १५ गते शुक्रबार सुरु भएको महाधिवेशनमा आइतबार राजनीतिक, सांगठनिक र विधान संशोधन प्रतिवेदन पारित गर्दै समापन भएको हो । समापन कार्यक्रमलाई सम्बोधन गर्दै अध्यक्ष ओलीले सहभागी प्रतिनिधिहरूलाई धन्यवाद दिँदै अत्यन्तै सफलतापूर्वक र सानदार ढंगले महाधिवेशन सम्पन्न भएकोमा खुसी व्यक्त गरे ।
विधान महाधिवेशनमा पार्टीको निर्वाचन आयोग गठन गरिएको छ । महाधिवेशनमा देशभरबाट ६ हजारभन्दा बढी प्रतिनिधि सहभागी थिए ।
मकवानपुर । बागमती प्रदेश प्रमुख यादवचन्द्र शर्मा उपचारपछि डिस्चार्ज भएका छन् । मुटुमा समस्या देखिएपछी असोज ४ गते उपचारकाे लागि अस्पताल भर्ना भएका शर्मा असाेज १४ गते डिस्चार्ज भएका हुन् ।
विगत ७ वर्षदेखि मुटु सम्बन्धि समस्याबाट ग्रसित रहेका प्रमुख शर्मालाई स्वास्थ्यमा समस्या आएपछि उपचारका लागि अस्पताल भर्ना भएका थिए । प्रदेश प्रमुख शर्माको स्वकीय उपसचिव पारशमणि फुयालका अनुुसार शर्माको शहिद गंगालाल हृदयरोग केन्द्र,उपेन्द्र देवकोटा मेमोरियल न्यूरो अस्पताल र मनमोहन कार्डियोथोरासिक भास्कुलर तथा ट्रान्सप्लान्ट सेन्टरमा उपचार भएको हो ।
प्रदेश प्रमुख शर्मा सफल उपचारपछि अहिले आफ्नै निवासमा स्वास्थ्य लाभ गरिरहेका छन् । प्रमुख शर्माले आफ्नो उपचारका लागि भूमिका खेलेका ३ वटै अस्पतालका मेडिकल टिमलाई धन्यवाद व्यक्त गरेका छन् । शर्माले आफू अस्वस्थ भई अस्पतालमा उपचाररत रहेका बेला स्वास्थ्य लाभका लागि कामना गर्ने अग्रज,शुभेच्छुक तथा शुभचिन्तकप्रति आभार व्यक्त गरेका छन् ।
प्रदेश प्रमुख शर्मा आगामी मंगलबार नियमित फलोअपपछि नियमित कार्यमा फर्कनुहुने स्वकीय उपसचिव फुयालले जानकारी दिए ।
पारस भट्ट ‘प्यासी’
आउँछु घर, भनेर गाथें, अगाडी बढेर।
सोचेको थिए, प्रदेश बाट, पैंसामै चढेर।
उठ्छुत चिन्ता, सुत्छुत चिन्ता, चिन्तानै चिन्ताछ।
हे दैब प्रभु ,यो मेरो खुसी,लुकेको काहाँ छ।
छोराको चिन्ता, छोरीको चिन्ता,कहिलै नजाने ।
खाएको खाना, मैरोत प्रभु , चिन्ताले भो खाने।
आमाको चिन्ता, बाबाको चिन्ता, चिन्तानै चिन्ता छ।
अचेल मेरो हरेक दिन, सारै नमज्जा छ।
धेरै नै सोच्छु, स्वदेशबाट, प्रदेश आएर।
ठुलोनै गल्ती, गरेको रैछु, नेपाल छोडेर।
कामको चिन्ता,दामको चिन्ता,चिन्तानै चिन्ता छ।
पागल भाछु,आफैंलाई सोद्छु,मलाई के भा’छ।
घरको चिन्ता, सबैको चिन्ता, चिन्तानै चिन्ता छ।
प्रदेश चिन्ता के कस्तो हुन्छ,प्रदेशी थाहा छ।
दालमा चिन्ता, भातमा चिन्ता,अचार चिन्ताकै।
सम्झना धेरै, आउँछ हेर, बाबा र आमाकै।
बैनीको चिन्ता, दिदिको चिन्ता, चिन्तानै चिन्ता छ।
अचेल मेरो,यो जिन्दगानी,चिन्तामै गैरा’छ।
आखाँमा आँसु,बगेका बग्यै, कहिलै रोकिन्न।
मनका पीडा, बेदना हरु, बाहिर देखिन्न।
ज्यानको बाँजी ,राखेर आथें,सोची आरामँ छ।
प्रदेश मात,पैंसाको बारी, सजिलो कामँछ।
दिनमा काम,रातमा काम,चिन्तानै चिन्ता छ।
प्रदेश दु:ख, न भोग कोही, नेपालै आहा छ।
मेलौली २ सेली बैतडी
मकवानपुर । हेटौंडा उपमहानगरपालिका र नेपाल खेलकुद सस्था (नेपाल स्पोर्टस अर्गानाइजेशन) बीच फुटबल एकेडेमी सञ्चालन गर्न भएको २५ लाखको सम्झौता रद्द भएकाे छ । हेटाैडा उपमहानगरपालिका र संस्थाका अध्यक्ष गणेश थापासँग असोज १२ गते फुटबल एकेडेमी तथा खेलाडी प्रशिक्षण सञ्चालन गर्न गरेको सम्झौता रद्द भएकाे हाे ।
हेटौंडा उपमहानगरले २५ लाखको सम्झौता नेपाल स्पोर्टस अर्गनाइजेशसँग असाेज १२ गते मंगलबार गरेको थियो । हेटाैडा उपमहानगरपालिकाले फुटबलको विकासका लागि भन्दै २५ लाख रुपैयाँ दिने सम्झौता गरेको थियो । तर बिहीबार हेटौंडा उपमहानगरले एक प्रेस विज्ञप्ती जारी गर्दै नगर प्रमुखस्त स्तरीय निर्णयबाट सो सम्झौता रद्द भएको जानकारी गराएको छ ।

अखिल नेपाल फुटबल संघ (एन्फा) अध्यक्ष हुँदा थापाले पदको दुरुपयोेग तथा आर्थिक अनियमितताको आरोपमा दोषी ठह¥याउँदै विश्व फुटबल महासंघ (फिफा) फुटबलको कुनै पनि गतिविधिमा संलग्न हुन नपाउने गरी प्रतिवन्ध लगाएको थियाे । फुटबलको कुनै पनि गतिविधिमा संलग्न हुन नपाउने गरी फिफाले प्रतिबन्ध लगाएको व्यक्तिसँग स्थानीय सरकारले सम्झौता गर्नु उचित नभएको भन्दै सम्झौता रद्द गरिएका बताइएकाे छ ।
मकवानपुर । नेकपा एमाले बागमती प्रदेशको ४ सय ७७ सदस्यीय कमिटी बनेकाे छ । याे सँगै एमालेले बागमती प्रदेश कमिटीले पूर्णता पाएको हाे ।
आनन्द पोखरेल अध्यक्ष र खेम लोहनी सचिव रहेको ४ सय ७७ सदस्यीय प्रदेश कमिटी बनेको हाे । कमिटीको इन्चार्ज एमाले केन्द्रीय सदस्य रामवहादुर थापा बादल, सहइन्चार्जहरुमा मकवानपुरका डोरमणी पौडेल सहित काशिनाथ अधिकारी, अरुण नेपाल, शेरबहादुर तामाङ र कृष्णगोपाल श्रेष्ठ रहेका छन् ।
यसैगरी प्रदेश कमिटि सदस्यहरुमा मकवानपुरका २७ जना परेका छन् ।
प्रदेश कमिटीमा अनन्त पौडेल,एकराज उप्रेती,कृष्ण प्रसाद दाहाल,महेश्वर सुवेदी,रघुनाथ खुलाल, रामचन्द्र राई,जुनेली श्रेष्ठ, सुवास ठकुरी,अणराज जर्गा, पद्मा पौडेल, कमल विष्ट,देवराज रिमाल,सुरेन्द्र पाठक,अर्जुन अर्याल,श्याम श्रेष्ठ, एकलाल श्रेष्ठ रहेका छन् ।
यसैगरी जयराम वाइवा, नवराज तिमल्सिना,भगवती पुडासैनी,सुन्तली चेपाङ,दिल बहादुर घिसिङ, भोजराज ढकाल,भारती पाठक,श्याम ढकाल,नारायण सापकोटा,बरीना बल / बलराम कालाखेती रहेका छन् ।