मकवानपुर । हेटौंडा उपमहानगरपालिका र नेपाल खेलकुद सस्था (नेपाल स्पोर्टस अर्गानाइजेशन) बीच फुटबल एकेडेमी सञ्चालन गर्न भएको २५ लाखको सम्झौता रद्द भएकाे छ । हेटाैडा उपमहानगरपालिका र संस्थाका अध्यक्ष गणेश थापासँग असोज १२ गते फुटबल एकेडेमी तथा खेलाडी प्रशिक्षण सञ्चालन गर्न गरेको सम्झौता रद्द भएकाे हाे ।
हेटौंडा उपमहानगरले २५ लाखको सम्झौता नेपाल स्पोर्टस अर्गनाइजेशसँग असाेज १२ गते मंगलबार गरेको थियो । हेटाैडा उपमहानगरपालिकाले फुटबलको विकासका लागि भन्दै २५ लाख रुपैयाँ दिने सम्झौता गरेको थियो । तर बिहीबार हेटौंडा उपमहानगरले एक प्रेस विज्ञप्ती जारी गर्दै नगर प्रमुखस्त स्तरीय निर्णयबाट सो सम्झौता रद्द भएको जानकारी गराएको छ ।

अखिल नेपाल फुटबल संघ (एन्फा) अध्यक्ष हुँदा थापाले पदको दुरुपयोेग तथा आर्थिक अनियमितताको आरोपमा दोषी ठह¥याउँदै विश्व फुटबल महासंघ (फिफा) फुटबलको कुनै पनि गतिविधिमा संलग्न हुन नपाउने गरी प्रतिवन्ध लगाएको थियाे । फुटबलको कुनै पनि गतिविधिमा संलग्न हुन नपाउने गरी फिफाले प्रतिबन्ध लगाएको व्यक्तिसँग स्थानीय सरकारले सम्झौता गर्नु उचित नभएको भन्दै सम्झौता रद्द गरिएका बताइएकाे छ ।

