मकवानपुर । नेकपा एमालले आमनिर्वाचन २०७९ मा ललितपुरबाट एमालेको विजय सुरुवात गरेको छ । प्रतिनिधिसभा सदस्य निर्वाचनमा ललितपुरको निर्वाचन क्षेत्र नम्बर २ मा नेकपा एमालेमा उम्मेदवार प्रेम महर्जन विजयी भएका छन् ।
निर्वाचन अधिकृतको कार्यालयका अनुसार महर्जन १५ हजार ३५ मत प्राप्त गरी विजयी भएका हुन् । कुल सदर मत ५१ हजार तीन सय ५५ मध्ये एमालेका महर्जन १५ हजार २५ मतसहित विजय भएका हुन ।
उनका प्रतिद्वन्द्वी हाम्रो नेपाली पार्टीका सुदिन शाक्यले ८ हजार ८ सय ८६ मत प्राप्त गरे भने राष्ट्रिय स्वतन्त्र पार्टीका उम्मेदवार बुद्धरत्न महर्जनले ८ हजार ६ सय ६६ मत प्राप्त गरे ।
साथै, सत्ता गठबन्धनका साझा उम्मेदवार नेकपा (एकीकृत समाजवादी)का कृष्णलाल महर्जनले ८ हजार २ सय ६४ र राष्ट्रिय प्रजातन्त्र पार्टीका उम्मेदवार रघुवरराज थापाले ६ हजार ६ सय ४६ मत प्राप्त गरे ।
मकवानपुर । मकवानपुरको मतगणना स्थलमा प्रवेश गरेको सबारी साधन बाहिर निकालिएको छ । अन्य उम्मेद्वारको मोवाईल समेत लान नदिएको प्रहरीले मतगणना स्थलमा इन्द्रबहादुर बानीयाँको गाडीलाई प्रवेश गर्न दिएपछि हेटौँडाको सिद्धार्थ मावि स्थल परिषरमा केहिबेर तनाव सृजना भएको थियो ।
अरु उम्मेद्वार तथा पत्रकारहरुलाई समेत मतगणना स्थलको चौरमा सबारी पार्किङ गर्न नदिएको प्रहरीले बानीयाँको सबारीलाई सरासर प्रवेश अनुमति दिएपछि मतगणना सुन्न आएका नागरिकहरुले चर्को नारावाजी गरेका थिए । नारावाजी पछि प्रहरीले सबारीलाई निकालिएको हो ।

मकवानपुर । मकवानपुरको हेटाैंडा-२, स्थित सिदार्थ माविकाे मतगणना स्थलभित्र प्रतिनिधिसभा क्षेत्र नम्बर २ अन्तर्गत प्रदेशसभा (ख)का उम्मेदवार इन्द्रबहादुर बानियाँकाे गाडि प्रवेश गर्न दिएपछि नारावाजी भएकाे छ ।
दिनभए एकदम कडाइ गरेको यहाँ सुरक्षा निकायले दलका प्रतिनिधिलगायतलाई माेबाइलसमेत लैजान दिएकाे थिएन । माेबाइल लैजान नदिने प्रशासनले उम्मेदवारकाे गाडि नै भित्र लैजान दिएकाे भन्दै मतगणना स्थलकाे गेटमा चर्काे नारावाजी भएको छ ।
मत परिणाम सुन्न गेट बाहिर बसिरहेका दलका समर्थकहरूले प्रहरी प्रशासनविरूद्व नारावाजी गरिरहेका छन् । नेतालाई पहुँचकाे आधारमा दिइने सुविधा र अन्यलाई दिइने सुविधामा विभेद भएकाे भन्दै उनीहरूले मत गणना नै राेक्नु पर्ने चेतावनीसमेत दिइरहेका छन् ।
सोमवार राति करिब ९ बजे बिना चेकिङ बानियाँको बागमती बी ए बी ११११ नम्बरको ल्यान्ड कु्रजर गाडी मतगणना स्थलमा बिना रोकावट, बिना चेक जाँच प्रशासनले प्रवेश गराएसँगै उपस्थित स्थानीय सर्वसाधारणले विरोध गरेका हुन् ।
मकवानपुर प्रतिनिधिसभा –२ प्रदेशसभा (क) मा नेकपा एमालेका बिष्णुप्रसाद ढकालले अग्रता कायम राखेका छन् । यस क्षेत्रमा २२ सय ८३ मत गणना हुँदा ढकालले १५४ मतले गठबन्धनकी कुमारी मोक्तानलाई ढकालले पछाडी पारेका छन् ।
कुमारी मोक्तानले ८३३ मत प्राप्त गरेकी छिन् भने एमालका ढकालले ९८७ मत प्राप्त गरेका छन् । राप्रपाका रामबहादुर घलले १९८ मत प्राप्त गरेका छन् ।
मकवानपुर क्षेत्र नम्बर १ को जारी मतगणनामा सत्तागठबन्धनबाट नेपाली कांग्रेसकी सहमहामन्त्री महालक्ष्मी उपाध्याय डिनाको अग्रता कायम रहेको छ ।
यहाँ ३ हजार ६७५ मतगणना हुदाँ डिनाले १ हजार ८९४ मतसहित अग्रता कायम गरेकी हुन् ।
उनका निकटतम् प्रतिस्पर्धी राप्रपा नेपालका अध्यक्ष कमल थापाले १ हजार १३४ मतसहित डिनालाई पछ्याइरहेका छन् । सोही क्षेत्रमा राप्रपाका केन्द्रीय सदस्य दिपकबहादुर सिंहले २८१ मत प्राप्त गरेका छन् ।
