मकवानपुर । बागमती प्रदेशकाे विभिन्न जिल्लामा भएकाे घटनामा १८ जना घाइते भएका छन् । प्रदेशकाे मकवानपुर, चितवन, नुवाकाेट, धादिङ्ग र सिन्धुपाल्चोक जिल्लfमा भएका घटनामा उनीहरु घाइते भएका हुन् ।
मकवानपुरमा भएकाे सवारी दुर्घटनामा ३ जना, चितवनमा भएकाे सवारी दुर्घटनामा १२ जना, नुवाकाेटमा भएकाे सवारी दुर्घटनामा ४ जना, धादिङ्गमा भएकाे घटनामा १ जना तथा सिन्धुपाल्चोकमा भएकाे घटनामा १ जना घाइते भएकाे बागमती प्रदेश प्रहरी कार्यालय हेटौंडाले जनाएकाे छ ।
मकवानपुरकाे हेटौंडा उपमहानगरपालिकामा ३ लेवट स्थित पुर्व-पश्चिम सडक खण्डमा लेवटबाट हेटौडा तर्फ जादै गरेको ना ५५ प ९७२५ नम्बरकाे मोटरसाइकल ले पैदल यात्री स्थानीय ५० वर्षीय मैया महतलाई ठक्कर दिदाँ उनी घाइते भएका हुन् । यसैगरी माेटरसाइकल स्थानीय ५२ वर्षीय राम कृष्ण ढुङ्गाना समेत घाइते भएकाे प्रहरीले जनाएकाे छ ।
यसैगरी हेटौडा ४ कान्तिकोलपथ सडक खण्डमा पिप्लेबाट हेटौडा तर्फ आउदै गरेको बा ६१ प १३९५ नम्बरको स्कुटर आफै अनियन्त्रित भई दुर्घटना हुदा स्कुटर चालक मकवानपुर मकवानपुरगढी गाउँपालिका ३ मक्रानचुली बस्ने अन्दाजी २५/२६ वर्षीय सरोज वाईबा घाइते भएकाे प्रदेश प्रहरीले जानकारी दिएकाे छ ।
यस्तै चितवनकाे भरतपुर महानगरपालिका २५ स्थित मिलिजुली चोकमा सिमाना चोक तर्फ बाट मिलिजुली चोक तर्फ जाँदै गरेको ना ३५प ८२६७ नम्बरकाे मोटरसाइकल र बिपरित दिशा तर्फबाट जाँदै गरेको बा. प्र.०६-००१ प ११२१ नम्बरकाे मोटरसाइकल ठक्कर खाइ दुर्घटना भएकाे हाे । दुर्घटनामा ना ३५ प ८२६७ नम्बरको चालक भरतपुर बस्ने ५२ वर्षीय प्रदिप महतो बा. प्र.०६-००१ प ११२१ नम्बरको चालक भरतपुर २४ बस्ने २२ वर्षीय बिनिता सिग्देल र साेही माेटरसाइकल पछाडी बस्ने भरतपुर ७ बस्ने १६ वर्षीय अश्रे काफ्ले घाइते भएका हुन् ।
भरतपुर ९ नं.वडा कार्यालय अगाडी प्रदेश १-०२-०४६ प ८९७४ नम्बरकाे माेटरसाइकल र प्रदेश २-०२- ००५ प ६२३० नम्बरको स्कुटर ठोकिएर भएकाे दुर्घटनामा ८९७४ नम्बरकाे चालक बारा घर भई भरतपुर बस्ने ३२ वर्षीय रमेश शाह, साेही माेटरसाइकल पछाडी बस्ने शाहकाे श्रीमती ३० वर्षीय सोनी महत्तो, निजहरुकाे छोरा ८ वर्षीय रिदम शाह तथा ६२३० नम्बरको स्कुटर चालक भरतपुर ९ बस्ने २० वर्षीय ईसान दुरा घाइते भएकाे प्रदेश प्रहरीले जनाएकाे छ ।
यस्तै भरतपुर १५ देवीचोकमा बा.प्र.००२-०३२प ८९३३ नम्बरको मोटरसाइकल र बागमती प्रदेश ०६-००३ प १७८८ नम्बरकाे स्कुटर टोक्किदा भएकाे दुर्घटनामा स्कुटर चालक भरतपुर १५ रामपुर बस्ने १६ वर्षीय हिमान्सु सिंह, मोटरसाइकल चालक भरतपुर ४ लंकु बस्ने ३१ वर्षीय कसम खरेल, मोटरसाइकल पछाडी बस्ने ३५ वर्षीय प्रतिक्षाराज खरेल घाइते भएकाे प्रहरीले जनाएकाे छ ।
भरतपुर ८ गौरीगंञ्जमा घोलपारीबाट ज्योति तर्फ जादै गरेको बा.प्र.०३ -००४प ८७२५ नम्बरको स्कुटरले विपरीत दिशाबाट आउदै गरेको साइकल लाई ठक्कर दिदा साइकल यात्री भरतपुर ८ बस्ने ७५ वर्षीय पदम बहादुर आले स्कुटर चालक स्थानीय १९ वर्षीय आशिष थापा घाइते भएका छन् ।
यसैगरी धादिङकाे गल्छी गाउँपालिका २ खरी ढुङगामा कुटपिटबाट १ जना घाइते भएका छन् । स्थानीय काले नाम बताउने व्यक्तिले मादक पदार्थ गरी गजुरी ६ जरे बस्ने २७ वर्षीय सरोज भुजेललाई बियरको बोतल प्रहार गरी घाईते बनाएकाे प्रहरीले जनाएकाे छ ।
नुवाकाेटकाे लिखु गाउँपालिका ६ खाल्टे स्थित टोखा छहरे सडक खण्डमा काठमाडौंबाट रसुवा तर्फ जादैं गरेको बा.प्र.०२०५२ प ६४३६ नम्बरको मोटरसाइकलले बा ७८ प २५८० नम्बरको मोटरसाइकल लाई ठक्कर दिंदा २५८० मोटरसाइकल चालक लिखु ६ बस्ने ६५ वर्षीय सुदन थापा मोटरसाइकल पछाडी सवार थापाको श्रीमती बर्ष ६५ वर्षीय दुर्गा थापा, ६४३६ नम्बर मोटरसाइकल चालक रसुवा आङछेदुङगा ३ बस्ने २१ वर्षीय डम्बर तामाङ घाइते भएका छन् ।
यस्तै लिखु ६ छहरे टोखा छहरे सडक खण्डमा काठमाडौंबाट ढिकुरे तर्फ जादै गरेको बा६च ६९३२ नम्बरको टोयोटा हाईलक्स गाडी र बिपरित दिशा बाट जाँदै गरेको बा.प्र.०२००३प ७१७९ नम्बरको मोटरसाइकल ठोकिएर भएकाे दुर्घटनामा माेटरसाइकल चालक नुवाकोट पञ्चकन्या १ बस्ने २१ वर्षीय रोशन राई मोटरसाइकल पछाडी सवार उक्त स्थान बस्ने २३ वर्षीय सबिन राई घाइते भएकाे प्रदेश प्रहरी कार्यालयले जनाकारी दिएकाे छ ।
यसैगरी सिन्धुपाल्चाेक साँगाचोकगढी नगरपालिका ३ बतासेमा कुटपिटबाट १ जना घाइते भएका छन् । स्थानीय ३७ वर्षीय नवराज कटुवालले मादक पदार्थ सेवन गरी ३९ वर्षीय श्रीमति पबित्रा कटुवाललाई कुटपिट गरी घाईते बनाएको प्रहरीले जनाएकाे छ ।
रोटे पिङ जसलाई ठाँउ विशेष अनुसार चर्खे पिङ,पिर्के पिङ तथा रंगते पिङ पनि भनिन्छ । यो एक प्रकारको नेपाली चलन चल्तिमा रहेको संस्कृति हो भने एक किसिमको मनोरञ्जनको समेत साधन हो । रोटे पिङ विशेषगरि दशै,तिहारमा बनाइने गरिन्छ। रोटे पिङ हेर्दा अत्यन्तै सुन्दर र कलात्मक देखिने गर्छ। त्यससँगै यसको वनोट र संरचना पनि उत्तिकै रोचक तथा जटिल हुने गर्छ। यो पिङको मुख्य आकार वर्ग जस्तै हुने गर्दछ। खम्बा रोटे पिङको मुुख्य आडको भाग हो । आवश्यक अनुसार विभिन्न प्रकारको रोटे पिङमा २ वा ३ वटा खम्बाको प्रयोग गर्ने गरिन्छ । मानिसले घुमाएर चलाईने यो पिङ अहिले प्रायः लोप हुँदै गएकाे छ । पहिलेकाे पुस्ताले सिकाएर गएकाे यो प्रविधि अहिलेकाे पुस्तालाई सिकाउनु बुझाउनु जरुरी छ । तस्विर: आरपी गुरागाईं/सहीखबर
हिमवत्खण्डका रुपमा परिचित नेपाल राष्ट्रको मध्य भू–भाग ऋषिमुनिहरुको तपोभूमि देवघाट क्षेत्र परिसर गण्डकी प्रदेश, गैंडाकोट नगरपालिका वडा नं. १ नवलपरासी पूर्व अन्तर्गत, पूर्व पश्चिम महेन्द्र राजमार्गको नारायणी–पुल बाट उत्तर तर्पm करिब ४ कि.मि. टाडा समुद्र सतह देखि ५६१ मिटर उचाई पहाडी बनको धुरीमा अवस्थित सुप्रसिद्ध तीर्थस्थल एवम् शक्तिप्रवल मौलाकालिका भगवतीको मन्दिर ।
पन्ध्रौ शताब्दीको अन्त्य तथा सोह्रौ शताब्दीको शुरुतिर करिब ५०० वर्ष पहिला, पाल्पाका राजा मणिमुकुन्द सेनको राज्यकालमा तत्कालिन सैनिक टुकडीले आप्नो गढी (ब्यारेक) मा मौलो गाडी, कालिका भगवतीको शिला स्थापना गरेर पुजा अर्चना गर्दै आएको भन्ने किंमबदन्ती रहेको पाइन्छ । उक्त राजाको विलय भए पछि, शिला स्थापना गरेको स्थलमा ठूलो सालको रुख थियो रे ओरीपोरी ढुङ्गाको परखाल, धमिराले खाएको काठको मौलो, केही लाम्चे आकारमा कालो रङ्गका गोला शिलाहरु करिब भष्म सरहका हतियार, ढुङ्गाको ओखल समेत थियो भन्ने कुरा पनि किंमबदन्तीनै रहेको छ । तस्विरः https://maulakalika.org.np/
मकवानपुर । आज तिहारको भाइटीका । दिदीबहिनीले आफ्ना दाजुभाइलाई परम्पराअनुसार पञ्चरङ्गी वा सप्तरङ्गी टीका लगाएर मनाउँदैछन् ।
भाइटिकाको शुभ साइत बिहान ११:३७ मिनेटमा उत्तम रहेको पन्चाङ्ग निर्णायक समितिले जनाएको छ । आजको दिनलाई यमद्वितीया पनि भनिन्छ । दिदीबहिनीले दाजुभाइलाई श्रद्धा, आस्था र निष्ठाका साथ दीर्घायु, आरोग्य र ऐश्वर्य प्राप्तिको कामना गर्दै टीका लगाइदिने गरिन्छ ।
दाजुभाइले पनि दिदीबहिनीलाई टीका लगाउने गरिन्छ । दिदीबहिनीलाई पूजा गर्नाले अखण्ड सौभाग्य र ऐश्वर्य प्राप्त हुने शास्त्रीय मान्यता रहेको छ । तिहारमा सप्तरङ्गी टीका लगाउने भनिए पनि शास्त्रीय मान्यता भने तिहारमा लगाउने टीकाको रङ्ग रातो, सेतो, पहेँलो, हरियो र नीलो गरी पाँचवटा उल्लेख गरिएको धर्मशास्त्रविद् बताउछन् ।
भाइटीकाको टीका आज दिनभर लगाउन कुनै बाधा नपर्ने जनाइएको छ । आज लक्ष्मी पूजाका दिन स्थापना गरिएको दियो, कलश र गणेशको पूजा गरी मूल थालीमा लेखिएको अष्टदलमा मार्कण्डेय, अश्वत्थामा, बलि, व्यास, हनुमान, विभीषण, कृपाचार्य र परशुराम गरी अष्ट चिरञ्जीवी, चित्रगुप्त, यमराज, यमुना र धर्मराज, गणपत्यादि वनस्पत्यन्त देवता, नवग्रहको समेत पूजाआराधना गरी दिदीबहिनीले दाजुभाइलाई तेलको धाराले छेकेर परम्पराअनुसार सप्तरङ्गी वा पञ्चरङ्गी टीका, मखमली, सयपत्री वा गोदावरीलगायत फूलका माला लगाइदिने गरिन्छ ।
यसवर्ष भाइटीका लगाइदिने पूर्व र लगाइमाग्ने पश्चिम फर्कनुपर्ने समितिले जनाएको छ । यसो गरेमा वृश्चिक राशिमा रहेका उत्तरका चन्द्रमा दाहिने पर्नेछन् । शुभ कर्ममा चन्द्रमालाई अघि वा दाहिने पार्नुपर्ने शास्त्रीय नियम छ ।
मकवानपुर । अभिनेत्री नीता ढुंगानाको लगानीमा निर्माण भएको सिनेमा ‘ह्रस्व दीर्घ’ नेपालमा नेपाली र हिन्दी भाषामा एकै दिन रिलिज हुने भएको छ।
निर्माण टिमले सेभेन सिज इन्टरटेनमेन्टलाई विदेश राइट् बिक्री प्रक्रिया पूरा गर्दै कार्तिक ३० गते नेपालमा सिनेमा प्रदर्शन गर्ने तयारी गरेको जनाएको छ। विदेशमा भने ‘ह्रस्व दीर्घ’ मंसिर ७ गतेबाट नेपाली र हिन्दी दुवै भाषामा रिलिज हुने भएको छ।
निर्माता नीता ढुंगानाले यस सिनेमा विदेशको हिन्दी रिलिज अधिकार पनि सेभेन सिजले खरिद गरेको उल्लेख गरिन् । कम्पनी सञ्चालक विनोद पौडेलले सिनेमा बक्स अफिसमा राम्रो प्रदर्शन गर्ने अपेक्षा गरेका छन्। सिनेमा दक्षिण भारतीय र बलिउड कलाकारहरूको अभिनय समावेश भएको कारण निर्माताले भारतमा प्रथामिकताका साथ तेलुगु भाषामा पनि रिलिज गर्ने योजना बनाएको अभिनेता हरिहर अधिकारीले जानकारी दिए। भारतीय वितरकहरूले पनि सिनेमा प्रति चासो देखाएका छन्।
नीता फिल्म्सको प्रस्तुतिमा निर्माण गरिएको उक्त चलचित्रको कार्यकारी निर्माता धनन्जय गलानी हुन्। चलचित्रमा हरिहर अधिकारी, नीता ढुंगाना, ब्रह्मानन्दम, अली, कवीर दुहान सिंह, प्रदीप रावत, सुनिल वर्मा, प्रशान्त ताम्राकार, सञ्चीता लुईटेल, विपना थापा, सरोज खनाल, नरेन खड्का, गरिमा शर्मा, रवीन्द्र झा, आर्दश मिश्र, बुद्धि तामाङ र किरण केसी लगायतका कलाकारको अभिनय रहेको छ।
सिनेमाको कथा अभिनेता हरिहर अधिकारीले लेखेका हुन् । पटकथा र संवाद प्रतीक पौडेल, निर्देशक चन्द्र पन्त र हरिहर अधिकारीले मिलेर तयार गरेका छन्। बलिउडका चर्चित सिनेमाटोग्राफर कवीरलालले यस सिनेमा छायांकन गरेका छन्। निर्देशक चन्द्र पन्तले यसअघि भोजपुरी सिनेमा निर्देशन गरेका छन् । यो नेपाली सिनेमा क्षेत्रमा उनको पहिलो निर्देशन हो।
सिनेमाको पोस्टर डिजाइन विजय वस्यालले गरेका छन्, र यसको वितरण कार्य मनोज राठी र उज्वल पौडेलको व्याङ्कटेस इन्टरटेनमेन्टले गर्नेछ।