मकवानपुर । निर्वाचन आयोगले १६ मंसिरमा हुने उपनिर्वाचनकाे लागि नमुना मतपत्र सार्वजनिक गरेकाे छ । ३२ जिल्लाकाे ४१ स्थानमा हुने उपनिर्वाचनको नमुना मतपत्र आयोगले शुक्रबार सार्वजनिक गरेकाे हाे ।
आयोगले मकवानपुरकाे हेटौंडा उपमहानगरपालिका वडा नम्बर १२ को वडाध्यक्ष पदका लागि उम्मेदवारी दिइ कायम रहेका १२ जना उम्मेदवारको चुनाव चिन्ह समावेश गरेर नमुना मतपत्र सार्वजनिक गरेको छ । उम्मेदवारको सङ्ख्याको आधारमा राजनीतिक दल र स्वतन्त्र उम्मेदवारले प्राप्त गरेका निर्वाचन चिह्न मात्र समावेश गरी मतपत्रहरू तयार गरिएका आयोगद्वार जारी विज्ञप्तिमा जनाइएकाे छ।
स्वीकृत डिजाइन बमोजिम प्रत्येक पदका लागि छुट्टाछुट्टै मतपत्र रहेको आयोगले जनाएको छ । यसरी उपनिर्वाचन हुने सम्बन्धित स्थानीय तह तथा वडामा प्रयोग गर्ने गरी तयार भएका मतपत्रका नमूनाहरू आयोगले शुक्रबार नै वेबसाइटमार्फत सार्वजनिक गरेको हाे ।
आयोगले नमुना मतपत्रमा २०७९ को निर्वाचनमा दलहरुले समानुपातिकतर्फ पाएको मतको आधारमा क्रम निर्धारण गरिएकाे तथा नयाँ दल प्रतिस्पर्धामा आएको खण्डमा आयोगमा निर्वाचन प्रयोजनका लागि दर्ता भएको दलको वर्णानुक्रमका आधारमा क्रम निर्धारण गरिएको जनाएकाे छ । स्वतन्त्र उम्मेदवारको हकमा दल पछिको क्रममा वर्णानुक्रमअनुसार मतपत्रमा चुनाव चिन्ह समावेश गरिएको छ ।
उक्त नमूना मतपत्रको आधारमा राजनीतिक दल तथा उम्मेदवारहरूले प्रचार प्रसार एवम् मतदाता शिक्षा अभियान सञ्चालन गर्न सक्ने प्रवक्ता नीता पोखरेल अर्यालले जानकारी दिइन् । मंसिर १६ गते ४१ स्थानमा उपनिर्वाचन हुनेछ । ३३ जिल्लका ४४ स्थानमा उपनिर्वाचन गरिने कार्यतालिका रहे पनि ३ स्थानमा निर्विरोध भएकाे छन् ।
मकवानपुर । बागमती प्रदेश सरकारले बैठकले स्वास्थ्य संस्था सञ्चालन तथा व्यवस्थापन समिति सम्बन्धी नियमावली २०८१ र प्रदेश स्वास्थ्य सेवा दोस्रो संशोधन नियमावली २०८१ स्वीकृत गर्ने निर्णय गरेकाे छ ।
सरकारका प्रवक्ता एवम् आन्तरिक मामिला तथा कानुन मन्त्री सुरजचन्द्र लामिछानेका अनुसार बिहवारकाे प्रदेश मन्त्रीपरिषद्काे बैठकले उक्त नियमावलीमा आवश्यक छलफलका लागि मन्त्रस्तरीय समितिमा पठाउने निर्णय समेत भएकाे जनाकरी दिए । यसैगरी एसियाली विकास बैङ्क एडीबीको ऋण सहयोगमा सञ्चालन हुने कार्यक्रमका लागि सहमति प्रदान गर्ने निर्णय भएकाे समेत लामिछानेले बताए ।
यसैगरी मन्त्रिपरिषद् बैठकले एक जना सचिवको पदस्थापन र २ जना सचिवको सरुवा गरेको छ । सङ्घीय सरकारबाट सरुवा भई आएका सचिव वेदप्रसाद भण्डारीलाई मुख्यमन्त्री तथा मन्त्रिपरिषद् कार्यालय हेटौँडाको बैठक तथा प्रशासन महाशाखाको जिम्मेवारी तोकिएको सरकारका प्रवक्ता लामिछानेले जानकारी दिए ।
यसैगरी बैठकले युवा तथा खेलकुद मन्त्रालयमा कार्यरत सचिव रुद्र लामिछानेलाई गरिबी निवारण तथा सहकारी मन्त्रालयमा सरुवा गरिएको छ । उक्त मन्त्रालय हालै मात्र गठन भएकाे हाे । यस्तै नीति तथा योजना आयोगमा कार्यरत केशवराज सुवेदीलाई मुख्यमन्त्री तथा मन्त्रिपरिषद् कार्यालयकाे शासकीय सुधार तथा समन्वय महाशाखाकाे समेत थप जिम्मेवारी तोक्ने बैठकले निर्णय छ ।
मकवानपुर । मकवानपुरकाे हेटौंडा उपमहानगरपालिका वडा नम्बर ७ नागस्वतीमा जारी तेस्रो नागस्वती कप भेट्रान्स फुटबल प्रतियोगितामा नागरस्वती,लेकसाईड,जोरपाटी भेट्रान्स सेमिफाइनल प्रवेश गरेकाे छ । बिहीबार भएकाे क्वाटरफाइनलका खेलसँगै आयोजक नागस्वती भेट्रान्स बीसँगै लेक साइड भेट्रान्स पोखरा, जोरपाटी भेट्रान्स सेमिफाइन प्रवेश गरेका छन् ।
नागस्वती भेट्रान्स ए र हेटौडा भेट्रान्स बिच भएकाे क्वार्टरफाइनलकाे चौथो खेलकाे पहिलो हाप मात्र भएको छ । खेलकाे समय नसकिदैं रात परेपछि उक्त क्लब बिचकाे दोस्राे हाफकाे खेल शुक्रबार बिहान खेलाइने आयोजकले जनाएकाे छ । बिहीबारको पहिलो खेलमा आयोजक नागस्वती भेट्रान्स बिले पशुपति भेट्रान्सलाई २–० गोल अन्तरमा पराजित गर्दै सेमिफाइनल प्रवेश गरेको हाे । खेलको १६ र २३ औँ मिनेटमा नागस्वतीका तर्फबाट मिलेन्द्र देवानले दुई गोल गर्दै टिमलाई सेमिफाइनलकाे यात्रामा पुर्याए ।
यस्तै बिहीबार दोस्रो क्वाटरफाइनल खेलमा लेक साइड भेट्रान्स पोखराले चितवन भेट्रान्सलाई २–१ काे गोल अन्तरमा पराजित गर्दै सेमिफाइनल प्रवेश गरेको छ । खेलमा लेसाइकड्को तर्फबाट ७ औँ र १६ औ मिनेटमा कन्या सुब्बा गरुङ्ले दुई गोल गर्दै टिमलाई विजयी बनाए । चितवनको तर्फबाट खेलको १९ औँ मिनेटमा भूपेन्द्र कार्कीले सान्त्वना गोल गरे ।
यसैगरी तेस्रो खेलमा जोरपाटी भेट्रान्सले प्ले टुगेदर भेट्रान्स झापालाई ट्राई ब्रेकरमा ४–३ गोल अन्तरमा हराउँदै सेमिफाइनलमा स्थान बनाएकाे छ । खेलको निर्धारित समयमा दुवै समूहबाट एक–एक गोल भएपछि खेल ट्राई ब्रेकरमा धकेलिएकाे थियो । यस्तै चौथो खेल नागस्वती भेट्रान्स ए र हेटौडा भेट्रान्स बिच भएकोमा पहिलो हापमा नागस्वती भेट्रान्सले २ गोल गर्दै अग्रतामा छ भने हेटौडाको तर्फबाट एक गोल भएको छ । दोस्राे हाफकाे खेल रात परेपछि स्थगित गरिएकाे छ । बाँकी खेल शुक्रबार बिहान खेलाइने आयोजकले जनाएको छ ।
शुक्रवार आयोजक नागस्वती भेट्रान्स बि र लेक साइड भेट्रान्स बिच पहिलाे सेमिफाइनल खेल हुनेछ भने जोरपाटी भेट्रान्स र आयोजक नागरस्वती भेट्रान्स ए र हेटौडा भेट्रान्स बीचकाे विजेता बिच हुनेछ । नागस्वती भेट्रान्स क्लबको आयोजनामा भएको प्रतियोगिताकाे फाइनल ८ मंसिरमा हुनेछ । प्रतियोगितामा देशभरका १५ वटा भेट्रान्स क्लबहरुकाे सहभागिता रहेकाे छ । ४० वर्ष माथि उमेर समूहका पूर्व राष्ट्रिय खेलाडीहरूको सहभागिता रहेको क्लबले प्रतियोगितामा सहभागिता जनाएकाे आयोजक क्लब अध्यक्ष सोम बहादुर तितुङ्ले जानकारी दिए ।
प्रतियोगिताकाे विजेताले २ लाख १ हजार र उपविजेताले एक लाख १ हजार नगद हात पार्नेछन् । चार वर्ष अघि स्थापना भएको क्लबले तेस्रो सिरिजकाे प्रतियोगिता आयोजना गरेको हो । स्वास्थ्यका लागि खेलकुद भन्ने नाराका साथ आयोजना भएको प्रतियोगिता हेटौडा ७ नागस्वती स्थित नवज्योति माविको खेल मैदानमा भइरहेको छ ।
मकवानपुर । हेटौंडामा जारी तेस्रो राष्ट्रिय रनिङ शिल्ड एट ए साइड भेट्रान्स कप फुटबल प्रतियोगितामा बिहीबारबाट क्वार्टरफाइनलका खेल हुने भएकाे छ । बुधबारकाे खेलबाट लेकसाइड भेट्रान्स पोखरा, पशुपति भेट्रान्सले बिरगंज, जोरपाटी भेट्रान्स र नागस्वती भेट्रान्स बि विजयी भएसँगै क्वार्टरफाइनलकाे समिकरण पुरा भएकाे हाे ।
बुधबारकाे पहिलाे खेलमा लेकसाइड भेट्रान्स पोखराले बिरगंज युनिटी भेट्रान्सलाई २–१ काे गोलले हराउँदै विजयी भएकाे हाे । लेकसाइडको तर्फबाट ९ औ मिनेटमा कन्या सुब्बा गुरुङले एक गोल र राजु हमालले ४६ औं मिनेटमा एक गोल गरेका थिए । यस्तै बिरगंज युनिटिको तर्फबाट ४८ औ मिनेटमा सान्त्वना गोल गरेका थिए । खेलमा लेकसाइड भेट्रान्सका खेलाडी कन्या सुब्बा गुरुङ म्यान अफ द म्याच घोषित भएका थिए ।
यस्तै दोस्रो खेलमा पशुपति भेट्रान्सले बिरगंज युथ एकेडेमी भेट्रान्सलाई ट्राइब्रेकरमा २–१ ले जित हासिल गरेको थियो । खेलमा निर्धारीत समयमा एकएक गोल भएपछि खेलकाे नतिजा ट्राइब्रेकरबाट लिइएकाे थियो । खेलको ३५ औं मिनेटमा पशुपति भेट्रान्सको तर्फबाट मदन श्रेष्ठ र बिरगंज युथका तर्फबाट १२ औं मिनेटमा संजय मण्डलले गोल गरेका थिए । ट्राइब्रेकरमा पशुपतिको तर्फबाट जितेन्द्र कर्मचार्य र मदन लामाले एक एक गोल गरेका थिए भने बिरगंज युथका तर्फबाट रामबाबु चौधरीले गोल गरेका थिए । खेलको म्यान अफ द म्याच पशुपति भेट्रान्सका नवराज केसि घोषित भएका थिए ।
बुधबारको तेस्रो खेलमा जोरपाटी भेट्रान्स बिजयी भएको छ । जोरपाटीले बिरगंज सिटि भेट्रान्सलाई ट्राइब्रेकरमै २–१ ले पराजित गरेको हो । निर्धारित समयकाे खेल बराबरीमा रोकिएपछि खेल ट्राइब्रेकरमा धकेलिएकाे थियाे । ट्राइब्रेकरमा जोरपाटी भेट्रान्सको तर्फबाट बिकाश श्रेष्ठ र राकेश लामाले गोल गरेका थिए भने बिरगंज सिटिको तर्फबाट रामबाबु चौधरीले गोल गरेका थिए ।
यस्तै चौथो खेलमा आयोजक नागस्वती भेट्रान्स बिले अभिषेक चर्च नवलपरासीलाई ४–० गोलले हराउँदै जीत निकालेकाे हाे । नागस्वतीको तर्फबाट खेलको मिलेन्द्र देवानले ७ औ, २१ औं र ३(औं मिनेटमा तिन गोल गरेका थिए भने २) औं मिनेटमा क्याप्टेन निमा लामाले एक गोल गरेका थिए । खेलको म्यान अफ द म्याच नागस्वती भेट्रान्सका मिलेन्द्र देवान घोषित भएका थिए ।
मङ्गलवार देखी हेटौंडामा दुई लाख राशिको तेस्रो राष्ट्रिय रनिङ शिल्ड एट ए साइड भेट्रान्स कप फुटबल प्रतियोगिता सुरु भएको हाे । नागस्वती भेट्रान्स क्लबको आयोजनामा सुरु भएको प्रतियोगिताको उद्घाटन हेटौडा उपमहानगरपालिका वडा नम्बर ७ का वडा अध्यक्ष दामोदर गौतमले गरे । उनले स्वास्थ्यकाे लागि खेलकुद महत्त्वपूर्ण रहेकाे बताए । कार्यक्रममा जिल्ला फुटबल सङ्घका अध्यक्ष टिका लामा, पत्रकार महासङ्घ मकवानपुरका अध्यक्ष मणिराज गौतम,अमेरिका निवासी युवा व्यवसायी गौरव बस्नेत लगायतले खेलको सफलताको शुभकामना दिएका थिए ।
मगलबारकाे उद्घाटन खेलमा आयोजक नागस्वती भेट्रान्स ए ले र एनजेजेभिसी भेट्रान्स सिमरालाई ३–१ गोल अन्तरले विजयी सुरुवात गरेको थियाे । खेलको १२,२७ र ३३ औ मिनेटमा नागस्वती भेट्रान्सका तर्फबाट डेबिन श्रेष्ठले तिन गोल गरेका थिए भने एनजेजे भेट्रान्सको तर्फबाट खेलको दोस्रो मिनेटमा रत्न बहादुर खत्रीले एक मात्र गोल गरेका थिए । खेलको म्यान अफ द म्याच नागस्वती भेट्रान्सका डेबिन श्रेष्ठ घोषित भएका थिए ।
यस्तै मगलबारकाे दोस्रो खेलमा हेटौडा भेट्रान्स विजयी भएको छ । हेटौडाले पश्चिम चितवन भेट्रान्सलाई ४–० गोल अन्तरले पाखा लगायो । खेलको १४,५१ र ५२ औ मिनेटमा हेटौडा भेट्रान्सको तर्फबाट रितेस थापाले तिन गोल र सुबिन घिमिरेले २३ औ मिनेटमा एक गोल गरेका थिए । खेलको म्यान अफ द म्याच हेटौडा भेट्रान्सका रितेस थापा घोषित भएका थिए । यस्तै मंगलबारकाे तेस्रो खेलमा चितवन भेट्रान्सले निजगढ भेट्रान्सलाई २–१ गोलले हराएकाे थियो । चितवनका तर्फबाट खेलको १७ मिनेटमा सुरेन्द्र चौधरी र ३९ औ मिनेटमा विष्णु दराईले गोल गरेका थिए भने निजगढ भेट्रान्सका तर्फबाट खेलको २४ औ मिनेटमा भीम लामाले एक गोल गरेका थिए । खेलको म्यान अफ द म्याच चित्तवन भेट्रान्सका विष्णु दराई घोषित भएका थिए ।
मङ्सिर ८ गतेसम्म हुने प्रतियोगितामा देशभरका ४० वर्ष माथि उमेर समूहका पूर्व राष्ट्रिय खेलाडीहरूको सहभागिता रहेकाे १५ वटा भेट्रान्स क्लबहरूको सहभागिता रहेको आयोजक क्लब अध्यक्ष सोम बहादुर तितुङ्ले जानकारी दिए । प्रतियोगिता विजेताले २ लाख १ हजार र उपविजेताले एक लाख १ हजार नगद सहित शिल्ड मेडल प्राप्त गर्नेछन् । स्वास्थ्यका लागि खेलकुद भन्ने नाराका साथ आयोजना भएको प्रतियोगिताले पूर्व खेलाडीहरूको मनोबल उच्च राख्न सहयोग पुग्ने उनले बताए । चार वर्ष अघि स्थापना भएको यस क्लबले लगातार तेस्रो सिरिजको प्रतियोगिता आयोजना गरेको हो । खेल हेटौडा ७ नागस्वतीमा रहेको नवज्योति विद्यालयको खेल मैदानमा भैरहेको छ ।
यसैगरी बिहीबारबाट प्रतियाेगिताका क्वाटरफाइनलका खेल हुनेछन् । बिहीबार आज क्वाटरफाइनलका चार खेल हुने आयोजकले जनाएकाे छ ।
मकवानपुर । मकवानपुरकाे हेटौंडा सामुदायिक आँखा अस्पतालको सेवा प्रारम्भ भएको १६ वर्ष पुरा भएकाे छ । नेपाल आँखा कार्यक्रम तिलगंगा आँखा प्रतिष्ठानको पहिलो शाखाको रुपमा हेटौडामा सामुदायिक आँखा अस्पताल स्थापना भएको हो ।
हेटौडा पश्चात भक्तपुर र निजगढमा पनि आँखा अस्पतालकाे शाखा विस्तार गरी सेवा प्रदान गरिदै आएकाे छ । २०६५ मंसीर ५ गते अष्ट्रेलियन राजदुत ग्राहम लेडले हेटौंडा साुमदायिक आँखा अस्पतालको उद्घाटन गरेका थिए । अस्पतालमा स्थापनाकालदेखि हालसम्म ८ लाख ९३ हजार जनाले सेवा लिएकाे अस्पतालका प्रवन्धक सुधिर श्रेष्ठले जानकारी दिए ।
अस्पतालमा हालसम्म ६० हजार मोतिविन्दुका बिरामीको शल्यक्रिया भएको छ । बिभिन्न क्षेत्रमा निशुल्क आँखा शिविर संचालन गरेर २२ हजारको निशुल्क शल्यक्रिया गरिएको उनले बताए ।अस्प्तालमा आँखा जाँच, चश्मा जाँच, शल्यक्रिया सेवा, औषधि सेवा प्रदान गरिदै आईरहेको छ । यसका साथै आँखा स्वाथ्य सम्बन्धी जनचेतना प्रदान गर्न बिभिन्न समयमा शिक्षक, स्वास्थ्य कार्यकता, महिला स्वास्थ्य स्वयंसेविका, कारखानाका कामदार लगात बिभिन्न समुहलाई तालिम गोष्ठी आयोजना गर्दै आएको छ । प्रवन्धक श्रेष्ठका अनुसार अस्पतालसम्म आँखा उपचारकाे सेवा लिन आउन नसक्नेहरुलाई ग्रामीण क्षेत्रमा नै पुगी निःशुल्क आँखा शिविर पनि आयोजना गर्दै आएकाे छ ।
अस्पतालले मकवानतपुरकाे थाहा नगरपालिका, मनहरी गाँउपालिका र बागमती गाँउपालिकासँग समन्वय गरेर सामुदायिक आँखा केन्द्र संचालन गरेको उनले बताए ।त्यसैगरी ईन्द्रसरोवर गाँउपालिका, कैलाश गाँउपालिका र बकैयाँ गाँउपालिकासँगको सहकार्यमा ग्रमीण आँखा केन्द्र पनि संचालन गरी ग्रामिण भेगका जनतालाई आँखा स्वास्थ्य सेवा प्रदान गर्दै आई रहेको छ । यसैगरी राक्सिराङ्ग, भीमफेदी र मकवानपुर गढी गाँउपालिकामा पनि ग्रामीण आँखा केन्द्र स्थापनकोलागि पहल भइरहेकाे उनले बताए । आँखा अस्पतालमा दैनिक करिब तीन सयजनाले सेवा लिने गरेका छन् ।
दैनिक बिहान ६ बजेदेखि साढे ११ बजेसम्म टोकन लिएर बहिरंग सेवा एक सय ५० रुपैयाँ शूल्कमा लिन सकिने व्यवस्था छ । बहिरंग सेवा बिहान साढे ८ बजेबाट सुरु हुन्छ भने दिउँसो ३ः३० बजेबाट विस्तारित सेवामा चार सय ५० रुपैयाँको टिकटमा आँखाको परीक्षण गराउन पाउने व्यवस्था गरिएको छ । माेवाइलबाटै पनि टिकट लिने सुविधा अस्पतालले दिदै आएकाे छ ।
अस्पताल परिसरमा शल्यक्रियाकाे लागि भनेर छुट्टै भवन निर्माण कार्य सुरु हुँदैछ भने न्यून दृष्टि भएका बालबालिकाहरुका लागि पनि छुट्टै सेवा प्रदान गर्ने योजना रहेको श्रेष्ठले जानकारी दिए ।