मकवानपुर । मकवानपुरकाे हेटौंडाबाट हराएकाे अटो ८ महिनापछि चितवनकाे भरतपुरमा भेटिएकाे छ । हेटौंडा उपमहानगरपालिका–१० का ४१ वर्षीय बमबहादुर न्यौपानेको घरमै पार्किङ गरिराखेको ना २ ह १३७१ नम्बरको अटो गत १४ भदौ २०८१ मा हराएको थियो ।
उक्ता अटो चितवन जिल्लाको भरतपुर महानगरपालिका–११, सल्लेरीटोलमा भेटिएको जिल्ला प्रहरी कार्यालय मकवानपुरले जनाएको छ । अटो चोरीमा संलग्न भएका २ जनालाई प्रहरीले पक्राउ गरेकाे छ । प्रहरीले नवलपरासी कुलिन्टार गाउँपालिका–१ का ३० वर्षीय गोपाल श्रेष्ठ र भरतपुर महानगरपालिका–११ का ३२ वर्षीय शंकर ढकाललाई पक्राउ गरेको हाे । प्रहरीले शुक्रबार सवारी धनीलाई अटो फिर्ता गरिदिएको छ । गोपाल र शंकरलाई चोरी तथा डाँकासम्बन्धी कसुर मुद्दामा हिरासतमा राखी थप अनुसन्धान भइरहेको प्रहरीले जनाएको छ ।
मकवानपुर । मकवानपुरकाे छुट्टाछुट्टै स्थानमा भएकाे घटनामा २ जनाकाे मृत्यु छ । मकवानपुरकाे मनहरी गाउँपालिकामा ट्रककाे ठक्करबाट पैदल यात्रीकाे मृत्यु भएकाे छ भने मकवानपुरगढी गाउँपालिकामा रुखले च्याप्दा १ जनाकाे मृत्यु भएकाे छ ।
मनहरीमा ट्रककाे ठक्करबाट राक्सिराङ गाउँपालिका ९ घर भई मनहरी ८ बस्ने ७० वर्षीय गंगा बहादुर स्याङतानको मृत्यु भएको मकवानपुर प्रहरीले जनाएकाे छ । शुक्रबार बिहान मनहरी गाउँपालिका वडा नम्बर ८ सिमपानी स्थित पुर्व पश्चिम सडकखण्डमा ना ५ ख ७७१२ नम्बरको ट्रकले ठक्कर दिँदा पैदल यात्री स्याङतानकाे मृत्यु भएकाे जिल्ला प्रहरी कार्यालय मकवानपुरले जनाएकाे छ ।
ट्रक र ट्रक चालक सर्लाही हरिवन नगरपालिका ११ बस्ने ४० वर्षीय प्रमोद महत्तो इलाका प्रहरी कार्यालय मनहरी मकवानपुरको नियन्त्रणमा रहेको छ।
यसैगरी मकवानपुरगढी गाउँपालिका वडा नम्बर ७ सुकौरामा रुखले च्याप्दा १ जनाकाे मृत्यु भएकाे छ । बिहीबार रुख ढाल्ने काम गर्दा रुखले च्यापी ३१ वर्षीय राम राईकाे मृत्यु भएकाे प्रहरीले जनाएकाे छ ।
उक्त स्थान बस्ने राम बहादुर मोत्तानको बारीमा रुख ढाल्ने काम गर्ने क्रममा आफैले ढालेको रुखले च्यापी घाईते भएका राईकाे उपचारको मकवानपुर सहकारी अस्पताल ल्याएइकाे थियाे । घाइते राईकाे उपचारको क्रममा मृत्यु भएको प्रहरीले जनाएकाे छ । प्रहरीका अनुसार राई मोरङ मिथलाजुङ गाउँपालिका १ घरभई मकवानपुरगढी ७ सुकौरामा डेरामा बस्दै आएका थिए ।
मकवानपुर । बागमती प्रदेशकाे राजधानी हेटौंडामा सातौं संस्करणको शहीद स्मृति स्थानीय तह मकवानपुर गोल्डकप फुटबल प्रतियोगिता हुने भएको छ । १९ बैशाखबाट महिलातर्फकाे गोल्डकप हुने भएकाे हाे ।
प्रतियोगिताकाे छैटौं संस्करणसम्म पुरुषतर्फ मात्रै हुँदै आएकाेमा सातौं संस्करण महिलातर्फका टिम बीच प्रतिस्पर्धा हुन लागेको हो । मंगलबार मकवानपुर जिल्ला फुटबल संघले हेटौंडामा पत्रकार भेटघाट गर्दै प्रतियोगिता सम्बन्धमा जानकारी गराएकाे हाे । प्रतियोगितामा आयोजकसहित ८ वटा टिमको सहभागिता रहने संघ महासचिव छवि सुवेदी जानकारी दिए ।
प्रतियोगिताको विजेताले ५ लाख रुपैयाँ, उपविजेताले ३ लाख रुपैयाँ नगदसहित सिल्ड, मेडल तथा प्रमाणपत्र प्राप्त गर्नेछन् । सर्वोत्कृष्ट खेलाडीले स्कुटर प्राप्त गर्नेछ । मकवानपुरकाे हेटौंडा उपमहानगरपालिकाको २५ लाख रुपैयाँ, बागमती प्रदेश खेलकुद विकास परिषद्को १५ लाख रुपैयाँ, मकवानपुरकाे भीमफेदी र कैलाश गाउँपालिकाको ३/३ लाख रुपैयाँसहित प्रतियोगिता आयोजनाका लागि विभिन्न क्षेत्रबाट सहयोग रहने बताइएको छ ।
प्रतियोगितामा सशस्त्र प्रहरीको एपीएफ, नेपाल पुलिस, नेपाली सेनाकाे त्रिभुवन आर्मी क्लब गरी तीनवटा विभागीय महिला टिमसहित मकवानपुर हेटौंडाकाे रिगल रिसोर्ट एन्फा महिला टिम मकवानपुर, बीरगन्ज युथ एकेडेमीकाे महिला टिम र नवजनजागृति युवा क्लब सिमरा बाराको महिला टिम, रौतहट र चितवन जिल्लाको महिला टिम गरी ८ बटा टिमकाे सहभागिता रहने महासचिव सुवेदीले बताए ।
हेटौंडा उपमानगरपालिका – ६, गौरिटारस्थित फुटबल खेल मैदानमा आयोजना गरिने प्रतियोगिताकाे लागि मकवानपुरका अग्रज पत्रकार प्रताप विष्टको संयोजकत्वमा आयोजक समिति गठन गरिएको छ ।
मकवानपुर । मकवानपुरकाे हेटौंडामा आयोजना भएकाे उपमेयर कप भलिबल प्रतियोगिताको उपाधि पुरुषतर्फ हेटौंडा–१९ र महिलातर्फ हेटौंडा–१२ ले हात पारेकाे छ ।
सोमबार भएकाे फाइनल खेलमा पुरुषतर्फ हेटौंडा–१९ ले हेटौंडा–१२ लाई ३–० को सोझो सेटमा पराजित गर्दै उपाधि जितेको हो । यसै गरी महिलातर्फ हेटौंडा–१२ ले हेटौंडा–९ लाई ४–१ को सेटमा पराजित गर्दै उपाधि हात पार्यो ।
उपाधि विजेतासँगै पुरुष तथा महिला दुबै टिमले ७५/७५ हजार रुपैयाँसहित हात पारे । सिल्ड, मेडल तथा प्रमाणपत्र प्राप्त गर्यो । उपविजेतामा चित्त बुझाएकाे पुरुष तथा महिला टिमले ५०/५० हजार रुपैयाँ नगदसहित सिल्ड, मेडल तथा प्रमाणपत्र प्राप्त गरे ।
प्रतियोगिताकाे पुरुषतर्फ हेटौंडा -१९ का सर्वोत्कृष्ट खेलाडी धिरज लो उत्कृष्ट डिफेण्डर हेम उप्रेती, उत्कृष्ट सेटर दिनेश तामाङ, उत्कृष्ट ब्लकर विशेष थापा मगर घोषित भए । दीयमान खेलाडी हेटौंडा–१२ का विवेक पराजुली घोषित हुँदा उत्कृष्ट प्रशिक्षक हेटौंडा–१९ का सुवास सुवेदी घोषित भए ।
यस्तै महिलातर्फ प्रतियोगिता हेटौंडा–१२ बाट सर्वोत्कृष्ट खेलाडी प्रितज्ञा माझी घोषित हुँदा उत्कृष्ट स्पाइकर हेटौंडा–५ की सजिना नगरकोटी, उत्कृष्ट सेटर हेटौंडा–९ की दिशारा पुलामी, उत्कृष्ट डिफेन्डर हेटौंडा–९ कै आयुषा सिंह, उदीयमान खेलाडी हेटौंडा–१२ की प्रशंसा भोम्जन घोषित भए । उत्कृष्ट प्रशिक्षक हेटौंडा–१२ का विवेक रुम्बा घोषित भए ।
यस्तै सर्वोत्कृष्ट खेलाडीले ७ हजार रुपैयाँ नगदसहित ट्रफी प्राप्त गर्दा विधागत उत्कृष्ट खेलाडीले जनही ४ हजार रुपैयाँ नगदसहित ट्रफी प्राप्त गरेका छन् । प्रतियोगितामा महिला तर्फ वडा नम्बर ५, ९ ११ १२ १७ र १९ काे सहभागिता रहेकाे थियाे । यसैगरी पुरुष तर्फ वडा नम्बर ४, ५, ६, ७, ११, १२, १७ र १९ काे टोलीकाे सहभागीता रहेकाे थियाे ।
केशवलाल श्रेष्ठ स्मृति केन्द्रीय प्रतिष्ठानको आयोजना तथा हेटौंडा उपमहानगरपालिकाको सहयोगमा १२ बैशाखबाट सुरु प्रतियोगिताकाे समापन कार्यक्रम केशवलाल श्रेष्ठ स्मृति केन्द्रीय प्रतिष्ठानका अध्यक्ष प्रताप विष्टको अध्यक्षता तथा हेटौंडा उपमहानगरपालिकाकी प्रमुख मीनाकुमारी लामाको प्रमुख आतिथ्यमा भएको हाे ।
मकवानपुर । मकवानपुरको हेटौंडामा बसको ठक्करबाट एक जनाको मृत्युको छ । आइतबार राती पूर्व पश्चिम राजमार्ग अन्तरगत हेटौंडा उपमहानगरपालिका – ९ एचआईडी स्थित सडक खण्डमा बसको ठक्करबाट १ जनाको मृत्यु भएको मकवानपुर प्रहरीले जनाएको छ ।
पोखराबाट उदयपुर कटारीतर्फ जाँदै गरेको ना ७ ख ११०१ नम्बरको बसले पैदल यात्री पर्सा सखुवा पर्सौनी गाउँपालिका – ३ कटैया बस्ने ३६ वर्षीय परबेज अन्सारी ठक्कर दिदा घाइते भएका थिए । उनलाई उपचारको लागि हेटौडा अस्पताल ल्याइएकोमा उपचारको क्रममा सोमबार बिहान डाक्टरले मृत घोषणा गरेको जिल्ला प्रहरी कार्यालय मकवानपुरले जानकारी दिएको छ ।
बारा प्रहरीसंगको समन्वयमा आइतबार बिहान अम्लेखगंजबाट अन्सारीलाई ठक्कर दिने बसका चालक उदयपुर कटारी – २ बस्ने ३९ वर्षीय युवराज माझीलाई बस सहित नियन्त्रणमा लिई आवश्यक अनुसन्धानको लागि जिल्ला प्रहरी कार्यालय मकवानपुरमा ल्याईएको छ ।
मृतक अन्सारी ना ५ ख ८६६८ नम्बरको ट्रक धनी रहेको प्रहरीले जनाएको छ । उक्त ट्रक दुर्घटना भएको क्षेत्रमा बिग्रिएर मर्मतको लागि मिस्त्री बोलाई ट्रक मर्मत गरी मिस्त्री र सामान पुर्याउन पैदल जाने क्रममा बसको ठक्करबाट अन्सारीको मृत्यु भएको खुल्न आएको जिल्ला प्रहरी कार्यालय मकवानपुरका प्रवक्ता श्यामु अर्यालले जानकारी दिए ।