मकवानपुर । नेपाली कांग्रेस हेटौंडा वडा नम्बर १६ इकाई समितिले विरामीलाई आर्थिक सहयोग गरेको छ । हेटौंडा-१६ का रोहन खतिवडा एपाल्स्टिक एनिमिया भई पाटन अस्पतालमा उपचाररत रहेकोमा उपचारमा मद्धत पुगोस् भन्ने उद्धेश्यले वडा इकाईले एक लाख ८ हजार रूपैयाँ सहयोग गरेको हो ।
पार्टीको तर्फबाट हेटौंडा-१६ का वडा अध्यक्ष रामकृष्ण कोइरालाले १५ हजार, पिताम्बर गौतमले १५ हजार, महेश ढकालले १५ हजार, कृष्ण पनेरुले १५ हजार, शिव फुँयालले १५ हजार, टिकाप्रसाद गौतमले १० हजार, इवनाद दंगालले १० हजार, सोमनाथ दंगालले ५ हजार, कृष्णप्रसाद बस्ताकोटीले १ हजार, रमेश ढकालले २ हजार, सन्तोष कार्कीले १ हजार, श्याम कार्कीले १ हजार, भीमप्रसाद गौतमले १ हजार, कृष्ण दुर्च्याईले १ हजार र बाबुकाजी मिश्रले १ हजार रूपैयाँ सहयोग गरेका छन् ।
संकलित रकम वडा अध्यक्ष कोइरालाले विरामीको आफन्तलाई हस्तान्तरण गरेका छन् । उनले वडा कार्यालयबाट ५० हजार रूपैयाँ सहयोग उपलब्ध गराउने प्रतिबद्धता समेत जनाएका छन् ।
चिकित्सकका अनुसार खतिवडाको बोनम्यारो ट्रान्सप्लान्ट गर्नुपर्ने र यसका लागि करिब ५० लाख रूपैयाँ खर्च हुनेछ । वडा अध्यक्ष कोइरालाले सहयोगका लागि सबैसँग आग्रह समेत गरेका छन् ।
मकवानपुर । मकवानपुरगढीकाे आमभन्ज्याङ युवा क्लबले बिनयबाबु स्मृति भलिबल प्रतियोगिताको उपाधि हाल पारेकाे छ । बिनयबाबु स्मृति प्रतिष्ठानले थाहा नगरपालिकामा आयोजना गरेको जिल्ला स्तरीय बिनयबाबु स्मृति रनिङ शिल्ड पुरुष भलिबल प्रतियोगिताको आमभन्ज्याङ युवा क्लब मकवानपुरगढीले जितेकाे हाे ।
थाहा नगरपालिका वडा न २ मा रहेको खेल मैदानमा शुक्रबार सम्पन्न फाइनल खेलमा आमभन्ज्याङ युवा क्लबले आयोजक बिनयबाबु स्मृति प्रतिष्ठानलाई २५-१८, २६-२४, १५-२५, २७- २५ को सेटमा पराजित गरि उपाधि हात पारेको हो। उपाधि जितेसंगै आमभन्ज्याङले ५१ हजार ५१ रुपैयाँ नगद, शिल्ड, मेडल, प्रमाणपत्र प्राप्त गरेको छ। उपबिजेता आयोजक बिनयबाबु स्मृति प्रतिष्ठानले २६ हजार २६ प्राप्त गर्दै चित्त बुझाएको छ।
जारी प्रतियोगिताको उत्कृष्ट खेलाडी आमभन्ज्याङका बिशाल गोपाली, उत्कृष्ट स्पाइकर आयोजकका सबिन कार्की, उत्कृष्ट सेटर आमभन्ज्याङका अजय माझी, उत्कृष्ट ब्लकर आयोजकका मनिश लामा, उत्कृष्ट डिफेण्डर आमभन्ज्याङका रोशन गोपाली, उत्कृष्ट कोच आमभन्ज्याङका रन्जन अमात्य, उदयमान खेलाडी आमभन्ज्याङका अमृत तिमिल्सिना घोषित भएका थिए ।
कात्तिक १६ देखि भएको भलिबल प्रतियोगितामा १७ टिमको सहभागिता रहेको थियो । प्रतियोगिता समापन समारोहमा शिक्षा तथा खेलकुदको क्षेत्रमा महत्त्वपूर्ण योगदान पुर्याउनु भएका जनकल्याण माबि पालुङका प्रधानध्यापक सानोभाई कार्कीलाई दोसल्ला र सम्मानपत्र सहित सम्मान गरिएको थियो ।
मकवानपुर । राष्ट्रिय फुटबल खेलाडी अन्जन विष्ट र सुनिल बललाई हेटौंडामा सम्मान गरिएको छ । १३ औं दक्षिण एसियाली फुटबल साफमा नेपाली टिमलाई उपबिजेता बनाउन सफल उनीहरूलाई मकवानपुर जिल्ला खेलकुद विकास समितिले नगद २५ हजार रूपैयाँसहित सम्मान गरेको हो ।
बागमती खेलकुद विकास परिषदको सदस्य सचिव सूर्यलाल भण्डारीको प्रमुख आतिथ्यता एवं जिल्ला खेलकुद विकास समितिका अध्यक्ष सानु कुमार लामाको अध्यक्षतामा कार्यक्रम भएको थियो । कार्यक्रममा हेटौंडा-४ का वडा अध्यक्ष नवीन सिग्देल, समितिका पूर्व अध्यक्ष माधव तिमल्सिना, बिभिन्न खेलकुद संघका अध्यक्ष एवं प्रतिनिधि, खेलाडी र खेलप्रेमीहरुको उपस्थित रहेका थिए
मकवानपुर । मकवानपुरकाे हेटौंडामा नेपाल संवत ११४२ मनाइएकाे छ । नेपाल संवत् ११४२ काे अवसरमा हेटैडाका् मुख्य बजार क्षेत्रमा नेवारी समुदायहरुले र्याली गरेरका छन् । हरेक वर्ष कार्तिक शुक्ल प्रतिपदाका दिन मनाइने नेपाल संवत् याे वर्ष ११४२ कार्तिक १९ गते देशभर विविध कार्यक्रम आयोजना गरी मनाईइकाे छ ।
नेपाल संवतकाे अवसरमा हेटौंडाको पीपलबोटमा र्याली निकालेर बजार क्षेत्रको परिक्रम गरिएको थियो । हेटौंडाका नेवार समुदायहरुले यो पर्वलाई भव्य रुपमा मनाएका छन् । यस संवतलाई नेवार समुदायले नयाँ वर्षका रुपमा मनाएका हुन् । राष्ट्रिय विभूति शङ्खधर साख्वाःले विसं ९३७ (इ सं ८८०) मा गरिब नागरिकको ऋण मोचन गरी नेपाल संवतको सुरुवात गराएकाे पाइन्छ ।
गरिब नागरिकको ऋण मोचन गराइ सामाजिक सेवाको गरेको र नेपालमा मौलिक संवतसमेत चलाएकोले उच्च मूल्याङ्कन गर्दै २०५६ सालको नयाँ वर्षको दिनमा तत्कालीन प्रधानमन्त्री कृष्णप्रसाद भट्टराईले साख्वालाई राष्ट्रिय विभूति घोषणा गरेका थिए ।
नेपाल संवतले पृथ्वीनारायण शाहको शासनकालसम्म राष्ट्रिय संवतको मान्यता पाएको थियो । लिच्छविकालका राजा राघवदेवको शासनकालबाट सुरु भएको नेपाल संवत् पृथ्वीनारायण शाहको शासनकालसम्म मौलिक संवतका रुपमा चलेको थियो ।
यसैबीच, आजैको दिन नेवार समुदायमा म्हः (आत्म) पूजा समेत गरिन्छ । कार्तिक शुक्ल प्रतिपदाका दिन आज नेवार समुदायले आफ्नो आत्म (म्हः) पूजा पर्व मनाउने गर्दछन् । मानिसको आत्मा नै सबैभन्दा ठूलो र महत्त्वपूर्ण भएकाले आत्म पूजा गर्ने परम्परा शास्त्रीय भएको धर्मशास्त्रविद् बताउँछन् ।
मकवानपुर । मकवानपुरको बकैयामा देउसी भैलो खेलेर हेटौंडा फर्किने क्रममा बस दुर्घटना हुँदा २१ जना घाईते भएका छन् । बकैया -३ हात्तीसुँडेमा देउसी भैलो खेलेर हेटौंडा फर्किदा बकैया-४ अजिङ्गरेमा बस दुर्घटना भएका हाे ।
कार्तिक १८ गते राती राष्ट्रिय लोकदोहरी प्रतिष्ठान मकवानपुरको ३२ जना कलकारहरु सवार बागमती प्रदेश ०३-००१ ख १३०९ नंबरको बस आफै अनियन्त्रित भई खेतमा पल्टिदा २१ जना घाइते भएका छन् । घाइते मध्ये ५ जनाको अवस्था गम्भीर रहेको जिल्ला प्रहरी कार्यलय मकवानपुरले जनाएकाे छ ।
गम्भिर घाईते हुनेहरुमा हेटौंडा ५ सानोपोखरा बस्ने ४० वर्षीया निरु खड्का, हेटौंडा २ मनकामना चोक बस्ने ४९ वर्षीय बेल लो, राक्सिराङ् ३ बस्ने ४२ वर्षीय रविन कुमार चेपाङ्, हेटौंडा-११ नवलपुर बस्ने ३६ वषीया सम्झना बिष्ट र हेटौंडा-५ पिप्ले बस्ने ४८ वर्षीया लक्ष्मी तिमिल्सिना रहेको छन् ।
गम्भिर घाईते भएका ३ जना खड्का,लो र चेपाङलाई थप उपचारको लागि चुरेहिलबाट चितवन रिफर गरिएको मकवानपुर प्रहरी प्रवक्ता जयश्वर रिमालले जानकारी दिए । अन्य घाइतेहरुकाे उपचार चुरेहिल अस्पताल, हेटौंडा अस्पताल,संचो अस्पतालमा भईरहेको जिल्ला प्रहरी कार्यलय मकवानपुरले जनाएको छ ।