मकवानपुर । हेटौंडा उपमहानगरपालिकाको मेयरमा सत्तारुढ गठबन्धनकी उम्मेदवार नेकपा एकीकृत समाजवादीकी मीना लामाको अग्रता कायमै छ ।
बागमती प्रदेशको १ मात्र उपमहानगरपालिकामा १६ हजार ६ सय ७ मत गणना हुँदा लामाले आफ्ना निकटतम प्रतिष्पर्धी राप्रपाका दीपकबहादुर सिंह भन्दा ३सय १० मतले अघि छिन् । प्राप्त मत परिणाम अनुसार लामाले ५ हजार २ सय ४५ मत प्राप्त गर्दा निकटतम प्रतिस्पर्धी सिंहले ४ हजार ९ सय ३० मत ल्याएका छन् ।
नेकपा एमालेका अनन्त पौडेलले ४ हजार ३ सय ८४ मत ल्याएका छन् । अहिले ३,४,५,१६,१७ र १८ नम्बर वडाको गणना भइरहेको छ । हेटौंडामा कांग्रेसले २ र एमालेले एक वडामा जीत हात पारेको छ ।
मकवानपुर । मकवानपुरगढी गाउँपालिका वडा नम्वर ६ मा नेपाली काग्रेस विजयी भएको छ । वडाको अन्तिम मतपरिणाम अनुसार काग्रेसका कृष्णप्रसाद बजागाईं ८ सय ५१ मत सहित निर्वाचित भएका छन् । उनका निकटतम प्रतिस्पर्धी टिका प्रसाद दाहालले ८ सय १ मत ल्याएका छन् ।
६ नम्बर वडाबाट गाउँपालिका अध्यक्ष पदमा दोर्जे लामा स्याङ्तानलाई ६ सय २३, नेकपा एमालेका विदुर हुमागाईंलाई ९ सय ७१ मत प्राप्त भएको छ । त्यस्तै उपाध्यक्ष पदमा गठबन्धनकी मानकुमारी पाख्रिनलाई ५ सय ६१ र एमालेकी सन्तु थिङ्लाई ८ सय ५८ मत प्राप्त भएको हो ।
यसअघि मकवानपुरगढी गाउँपालिका वडा नम्वर १,२,७ र ८ मा कांग्रेसका उम्मेदवारहरु निर्वाचित भएका छन् ।
मकवानपुर । मकवानपुरको थाहा नगरपालिका वडा नम्बर ७ को पुन: मतगणना भएको छ ।
मतगणनापछि थाहा ७ को मतपरिणाममा विवाद भएसंगै पुन: मत गणना सुरु गरिएको थाहा नगरपालिका निर्वाचन अधिकृतको कार्यालयले जानकारी दिएको छ । थाहा ७ मा मत परिणाम अनुसार नेपाल कम्युनिष्ट पार्टी (माओवादी केन्द्र)का उम्मेदवार बिनायक गोलेले १० मत बढि प्राप्त गरेपछि नेपाली काँग्रेसका उम्मेदवार शिवराज थिङले वडा अध्यक्ष पदको पुन: मतगणना गर्न निवेदन दिएका थिए ।
‘१० मतमा विवाद भएकोका अव अध्यक्ष पदमा मात्र पुन: मत गणना सुरु भएको छ,’ निर्वाचन अधिकृत तिर्थराज भट्टराईले भने ।
मकवानपुर । मनहरी गाउँपालिका वडा नम्बर ५ मा नेकपा माओवादी केन्द्र विजयी भएको छ ।
सोमबार अपरान्नको अन्तिम मत परिणाम अनुसार वडा अध्यक्ष माओवादीका दिपेन्द्र अधिकारी बिजयी भएका हुन। यो संगै माओवादी केन्द्रले मनहरी गाउँपालिकामा ३ वटा वडामा विजयी भएको छ ।
अधिकारीले १ सय ८९ मतान्तरले निकटतम प्रतिद्वन्दी कांग्रेसका योगेन्द्र अर्याललाई पछि पर्दै विजयी भएका छन् । अधिकारीको ७ सय ६२ मत प्राप्त गर्दा कांग्रेसका अर्यालले ५ सय ७३ मत प्राप्त गरेका छन्।
त्यस्तै, नेकपा एमालेको किशोर बर्तौलाको ५ सय २१ मत, नेकपा (एकीकृत समाजवादी) को १५ मत र राप्रपाले ४३ मत प्राप्त गरेका थिए ।
हाल सम्म मनहरी गाउँपालिकामा वडा नम्बर १ मा नेपाली कांग्रेसका शिब प्रसाद खनाल, वडा नम्बर २ मा नेकपा माओवादी केन्द्रका राजकुमार पाख्रिन, वडा नम्बर ३ मा नेपाली कांग्रेसका अनन्त प्रकाश अर्याल, वडा नम्बर ४ मा नेकपा माओवादी केन्द्रका प्रकाश थापा बिजयी भएका छन्।
मकवानपुर । स्थानीय तह सदस्य निर्वाचन २०७९ अन्तर्गत मकवानपुरको ३ स्थानीय तहको मतगणना सकिएको छ ।
जिल्लाको १० स्थानीय मध्ये ३ स्थानीय तहको मतगणना सम्पन्न भएको निर्वाचन आयोगले जनाएको छ ।
बाकी ७ स्थानीय तहको मतगणना जारी रहेको छ । जिल्लाको इन्द्रसरोबर गाउँपालिका,भीमफेदी गाउँपालिका र कैलाश गाउँपालिकाको मतगणना सम्पन्न भएको छ ।
इन्द्रसरोबरमा नेकपा एमालेले अध्यक्ष र उपाध्यक्षसहित ५ वटा वडामा २ वटा वडामा जित हाँसिल गरेको छ ।
यसैगरि,भिमफेदीमा नेकपा एमालेले अध्यक्ष जित्दा गठबन्धनबाट नेपाली कांग्रेसले उपाध्यक्ष जितेको छ । यहाँको ९ वटा मध्ये एमालेले ५ वटा वडा जित्दा,कांग्रेस र माओवादीको गठबन्धनले क्रमशः ३ र १ वटा जितेको छ ।
यसैगरी,कैलाश गाउँपालिकाको अध्यक्ष तथा उपाध्यक्षमा नेपाली कांग्रेस र नेकपा माओवादीको गठबन्धनका उम्मेद्वार विजयी भएका छन् । अध्यक्षमा गठबन्धनबाट कांग्रेसका उम्मेद्वार लोक बहादुर मुक्तान निर्वाचित भएका छन् भने उपाध्यक्षमा गठबन्धनबाट नेकपा माओवादीका बाल कुमार मल्ल ठकुरी निर्वाचित भएका छन् ।
यहाँ ५ वटा वडामा नेपाली कांग्रेस विजयी हुँदा नेकपा एमाले र माओवादी केन्द्र क्रमशः ४ र एक वडामा विजयी भएको छ ।
भीमफेदी गाउँपालिकामा निर्वाचित जनप्रतिनिधि
अध्यक्ष: हिदम लामा नेकपा एमाले
उपाध्यक्ष: संजिब श्रेष्ठ,गठबन्धनबाट नेपाली कांग्रेस
१ नंबर वडा अध्यक्ष: सोम बहादुर स्याङतान,नेपाली कांग्रेस
२ नंबर वडा अध्यक्ष: काशी राम बज्यु,नेकपा एमाले
३ नंबर वडा अध्यक्ष: पृति लाल लामा,नेकपा माओवादी
४ नंबर वडा अध्यक्ष: सागर पाण्डे,नेकपा एमाले
५ नंबर वडा अध्यक्ष: जाहार सिं लामा, नेकपा एमाले
६ नंबर वडा अध्यक्ष: सोम बहादुर घलान,नेपाली कांग्रेस
७ नंबर वडा अध्यक्ष: मित्र बन्धु सिजाली,नेपाली कांग्रेस
८ नंबर वडा अध्यक्ष: विष्णु बहादुर लामा,नेकपा एमाले
९ नंबर वडा अध्यक्ष: प्रकाश पुडासैनी,नेकपा एमाले
इन्द्रसरोबर गाउँपालिकामा निर्वाचित हुने जनप्रतिनिधि
अध्यक्ष: देव कृष्ण पुडासैनी शर्मा,नेकपा एमाले
उपाध्यक्ष: उमा कुमारी लामा, नेकपा एमाले
१ नंबर वडा अध्यक्ष: शुवास थापा मगर, नेपाली कांग्रेस
२ नंबर वडा अध्यक्ष: सुमन श्रेष्ठ,नेपाली कांग्रेस
३ नंबर वडा अध्यक्ष: प्रताप भोम्जन,नेकपा एमाले
४ नंबर वडा अध्यक्ष: चन्द्र कुमार बल,नेकपा एमाले
५ नंबर वडा अध्यक्ष: दुत राज तितुङ,नेपाली कांग्रेस
कैलाश गाउँपालिकामा निर्वाचित हुने जनप्रतिनिधि
अध्यक्ष: लोक बहादुर मुक्तान,गठबन्धन नेपाली कांग्रेस
उपाध्यक्ष: बाल कुमार मल्ल ठकुरी,गठबन्धन नेकपा माओवादी
१ नंबर वडा अध्यक्ष: तेज बहादुर ब्लोन,नेपाली कांग्रेस
२ नंबर वडा अध्यक्ष: राजेन्द्र तामाङ घिसिङ,नेपाली कांग्रेस
३ नंबर वडा अध्यक्ष: देव लाल बल,नेकपा एमाले
४ नंबर वडा अध्यक्ष: तीलक बहादुर मुक्तान,नेकपा माओवादी
५ नंबर वडा अध्यक्ष: छेकु लामा,नेकपा एमाले
६ नंबर वडा अध्यक्ष: राम बहादुर गोम्बा,नेकपा एमाले
७ नंबर वडा अध्यक्ष: उदास कुमार भोलन,नेपाली कांग्रेस
८ नंबर वडा अध्यक्ष: आशिष प्रजा,नेपाली कांग्रेस
९ नंबर वडा अध्यक्ष: वन सिं घलान,नेपाली कांग्रेस
१० नंबर वडा अध्यक्ष: सूर्य बहादुर ब्लोन,नेकपा एमाले