मकवानपुर । पर्यटन प्रर्वद्धनका लागि थाहा फोटो प्रर्दशनी शुक्रबारबाट शुरु भएको छ । काठमाडौंको बसन्तपुरको कालभैरव डवलीमा शुरु फोटो प्रदर्शनीको नेपाल सरकारका संस्कृति, पर्यटन तथा नागरिक उड्यन मन्त्री जीवनराम श्रेष्ठले उद्धघाटन गरेका थिए ।
प्रदर्शनी उद्घघाटन गर्दै मन्त्री श्रेष्ठले नेपाल सरकारले जारी गरेको ७३ बुँदे पर्यटन विकासको कार्ययोजनालाई समेटेर थाहा नगरलाई विकास गर्ने बताए ।
थाहा नगरपालिका प्रमुख बिष्णुबहादुर बिष्टले नगरलाई चिनाउन प्राकृतिक सुन्दरता, ऐतिहासिक संरचना, सभ्यता र संस्कृति, जीवनशैली, स्वच्छ र सफा वातावरणका तस्विरहरु राखिएकोे बताए । थाहा फोटो प्रर्दशनी ०७९ को पहिलो दिन करिब ३ हजारले अवलोकन गरेको आयोजकले जनाएको छ । प्रदर्शनी उपत्यकाका विभिन्न संघ संस्था, शैक्षिक संस्थाहरु, पर्यटन व्यवसायी, ट्राभल एजेन्सी र आम नागरिकलाई लक्षित गरी गरिएको कार्यक्रम संयोजक ईन्द्र बहादुर श्रेष्ठले जानकारी दिए ।

प्रदर्शनीमा थाहा र ईन्द्रसरोबरका करिव एक सय तस्विरहरु रहका छन् । नेपाल पर्यटन बोर्डले प्रबर्धन गरेको फोटो प्रदर्शनीको ब्यवस्थापन फरक ढंगले गरेको छ । प्रर्दशनीमा थाहा र इन्द्रसरोबरको विभिन्न विधाका करिब एक सय तस्वीरहरु अवलोकनको लागि राखिएको छ । यसैगरी तस्वीरको बारेमा जानकारी खुल्ने लेख समेत राखिएका छन ।
कात्तिक २० गतेसम्म हुने प्रदर्शनी हरेक दिन बिहान १० बजेदेखि दिउँसो ४ बजेसम्म अवलोकन गर्न सकिने छ । कार्यक्रमम स्थलमा फोटोबारे जानकारी दिन सूचना केन्द्र र स्वयंसेवकहरुको समेत व्यवस्था गरिएको छ ।प्रर्दशनीमा थाहा नगरपालिका र इन्द्रसरोवर गाउँपालिका क्षेत्रको प्राकृतिक सुन्दरता, हिमश्रृङखलाको दृश्यावलोकन, एतिहासिक मठमन्दिर, पार्टी पौवा, सम्यता संस्कृती, धार्मीक क्षेत्र मेलाजात्रा, ग्रामिण जिवनशैली, स्वच्छ तथा सफा वातावरणको फोटोहरु राखिएको नगरप्रमुख बिष्टले बताए ।
संयोजक ईन्द्र बहादुर श्रेष्ठको अध्यक्षतामा भएको उद्घाटनमा थाहा नगरपालिकाका उपप्रमुख भरत गोपाली, ईन्द्रसरोबर गाउँपालिकाका अध्यक्ष देवकृष्ण पुडासैनी, राष्ट्रिय सभाका पूर्व सांसद रामनारायण बिडारी लगायतको सहभागिता थियो ।

मकवानपुर । नेकपा एमाले मकवानपुर निर्बाचन क्षेत्रनम्बर १ का प्रतिनिधि सभा सदस्यका उम्मेद्वार कमल थापाले एमाले अध्यक्ष केपी ओलीकाे नेतृत्वमा राष्ट्रबादी सरकार बन्ने बताएका छन् ।
नेकपा एमाले निर्बाचन परिचालन कमिटीले हेटाैंडा उपमहानगरपालिका वडा नम्बर १२ र १३ मा पदमपाेखरीमा आयाेजना गरेकाे प्रचार प्रसार कार्यक्रममा बाेल्दै राप्रपा नेपालका अध्यक्ष थापाले निर्वाचन पछी ओलीकाे नेतृत्वमा राष्ट्रबादी सरकार बन्ने उद्घाेष समेत गरेका छन् ।
मकवानपुरकाे बिकासमा याेगदान दिँदै आएकाे एमाले र राप्रपा नेपाल एकै ठाऊमा उभिँदा मकवानपुरकाे बिकासले गति लिने भएकै कारण आफू सुर्य चिन्हबाट उम्मेदवार बनेकाे थापाले बताए । ‘मुलुकमा राजनैतिक स्थायित्वका लागि पनि राष्ट्रबादी शक्ती एकजुट हुनु आबश्यक रहेकाे छ’ थापाले भने ।
कार्यक्रमका प्रदेश सभाका उम्मेद्वार एकालाल श्रेष्ठले एमालेका उम्मेद्वारहरू जिल्लाकाे बिकासकाे संकल्प बाेकेर चुनाबी प्रतिस्पर्धामा आएकाे बताए । चुनावी प्रचारप्रसारका क्रममा उम्मेदवार सहित एमालेका नेताहरू मतदाताकाे घरदैलाेमा पुग्दा दहि सगुन खुवाएर माला र खादाले स्वागत गरेका थिए । कार्यक्रममा बागमती प्रदेशका प्रथम मुख्यमन्त्री डाेरमणि पाैडेल, एमालेकी केन्द्रीय सदस्य जुनेली श्रेष्ठले पदमपाेखरीकाे बिकासका लागि एमालेकाे नेतृत्वमै सरकार बन्नुपर्ने बताएका छन् ।
मकवानपुर । प्रतिनिधि सभा र प्रदेश सभा निर्वाचनकाे मिति नजिकिएसँगै मकवानपुरमा उम्मेदवारहरु घरदैलाे तथा काेणसभा तथा भेटघाटमा व्यस्त हुन थालेका छन् । कार्तिक १७ गतेबाट उम्मेदवार तथा राजनैतिक दलहरुले चुनाव प्रसार प्रचार गर्न पाउने भएपछि प्रचार प्रसार कार्यक्रम समेत तिव्र गर्दै लगेका छन् ।
२ प्रतिनिधि सभा तथा ४ प्रदेश सभा क्षेत्र रहेकाे मकवानपुरमा सत्तागठबन्धन तथा नेकपा एमालेकाे बीच प्रतिस्पर्दा हुने आँकलन गरिरहँदा दवै पक्षले प्रचार प्रसार व्यापक गर्दै गरेका छन् । चुनावी घरदैलाेमा स्थानीय मतदाताले उम्मेदवारसँग आफ्नाे क्षेत्रमा विकास निर्माण शिक्षा स्वास्थ्य लगायतका आधारभूत कुरामा सुलभ पहुँचकाे माग गरेका छन् भने उम्मेदवारहरुले समेत विभिन्न आश्वासन दिन थालेका छन् ।
प्रचार प्रसारकै क्रममा नेकपा एमालेबाट मकवानपुर निर्वाचन क्षेत्र नम्बर–२ का उम्मेदवार महेश बर्तौलाले मनहरीको रजैया बस्ती बचाउन बाइपास सडक निर्माण गर्ने प्रतिवद्धता गरेका छन् । बर्ताैलाले आफू निर्वाचित भएमा रजैया बस्ती बचाउँदै बाइपास सडक निर्माणमा जोड दिने बताएका हुन् । मनहरीको रजैयामा नेकपा एमालेद्वारा आयोजित कोणसभा तथा भेटघाट कार्यक्रममा बर्तौलाले परजैया बस्तिलाई राप्तिखोलाबाट बचाउदै रजैयादेखि आश्रम क्षेत्रसम्म बाइपास सडक निर्नाणमा आफूले काम गर्ने प्रतिवद्धता व्यक्त गरेका हुन् ।
यसैगरी नेकपा एमालेको निर्वाचन केन्द्रित कार्यक्रममै मनहरी ८, सिम्पानी स्थित टासी फुन्छ्योक छोइलीङ्ग गुम्बामा ६५ फिट अग्लो बुद्दको मुर्ति निर्माण गर्ने बताएका छन् । मनहरी गाउँपालिका अध्यक्ष एकराज उप्रेती हुँदा सुरुवात गरिएको गुम्बामा पर्यटन क्षेत्र बिकास गरि पर्यटन भित्र्याउने, तामाङ भाषा, संस्कृति बिकासमा आफूले महत्त्वपूर्ण भूमिका खेल्ने बर्ताैलाले बताए । उम्मेदवार बर्तौलाले आफूले मनहरी राक्सिराङ्ग र कैलाश भेगमा अशिक्षा, गरिबी र बेरोजगारी रहेको बताउँदै शिक्षा, स्वास्थ्यको बिकास, युवा श्रम शक्तिलाई रोजगारीसँग जोड्ने, स्वरोजगार सिर्जना, सार्बजनिक सेवा प्रवाहलाई चुस्त दुरुस्त बनाउने आफ्नो योजना रहेको प्रष्ट पारे ।
कार्यक्रमपछि रजैया आसपास र ज्यामिरेको केही क्षेत्रका स्थानीयसँग बर्ताैलाले भेटघाट समेत गरेका थिए । कार्यक्रममा क्षेत्र नम्बर–२ को प्रदेश सभा (ख) का उम्मेदवार लालबहादुर थापाले अन्य दलका उम्मेदवारलाई लक्षित गर्दै फिरन्ते उम्मेदवार भएर पाहुना बन्दै भोट मागेको बताए । थापाले आफू चेपाङ्ग र तामाङ्ग समुदायको बिचमा खाई, खेली हुर्केर जनताको सेवा गर्दै आइरहेको तथा तामाङ्ग र चेपाङ्गको जात्रा, संस्कार र संस्कृतिमा सहभागी भई संस्कृति जगेर्नामा लागेकाे समेत बताए । यसैले यस क्षेत्रबाट नेकपा एमालेले जीत हासिल गर्ने बताए ।
कार्यक्रममा एमाले मकवानपुरको नेता श्रीधर पोखरेलले एमालेको उम्मेदवार ३२ लक्षणले युक्त रहेको दावी गरेका थिए । पोखरेलले गठबन्धनका उम्मेदवारलाई इंगित गर्दै भोटे कुकुर पालेर गेटमा ठुला ताल्चा झुंड्याउने काजी साप जसरी बोरामा लुटेको धन बोकेर गाउँ पसेको आरोप लगाए । उनले मंसिर ४ गते जनताले सुर्य ध्वजाबाहक उम्मेदवारलाई जिताएर न्याय गर्ने र एमालेको सरकार निर्माण भइ पाँच बर्ष जनमुखी काम गरिने दावी गरे ।
मकवानपुर । मकवानपुरमा आसन्न निर्वाचनमा उम्मेदवारी दर्ता गराएका उम्मेदवारहरु ग्रामिण बस्तीहरुमा घरदैलो कार्यक्रममा व्यस्त हुन थालेका छन् । उम्मेदवारहरुसँग मतदाताहरुले आ आफ्नो स्थानमा रहेको व्यक्तिगतदेखि सामाजिक विकासका समेत माग गर्ने गरेका छन् ।
मकवानपुरको बागमती गाउँपालिकामा भएको मतदाता भेटघाटमा गुणस्तरीय शिक्षा र स्वास्थ्यको माग उम्मेदवारसँग राखेका छन् । बागमती गाउँपालिका ३ माझगाउँका मतदाताले त्यसै क्षेत्र अन्तर्गत प्रतिनिधि सभा १ प्रदेश सभा क का उम्मेदवार प्रेम बहादुर पुलामीसँग गुणस्तरीय शिक्षा र स्वास्थ्यको माग गरेका हुन् । नेकपा माओवादी केन्द्र बागमती प्रदेश उपाध्यक्ष तथा सत्ता गठबन्धनका प्रदेश सभा उम्मेदवार पुलामीसँग शिक्षा स्वास्थ्य लगायत भौतिक पूर्वाधारको निर्माण समेतको माग गरेका हुन् ।
बागमती गाउँपालिका १ का डोर बहादुर थापाले नेता पुलामीसँग गाउँपालिकामा प्रदेश सरकार र स्थानीय सरकारले विकास गरेको भए पनि त्यो पर्याप्त नभएको बताए । थापाले भने– भौतिक विकासका धेरै काम भएका छन् तर शिक्षा स्वास्थ्य जस्था जनताको आधारभूत आवश्यकताको विकासमा समेत पहल गरिदिनु होला ।’ नेता पुलामीको गृह पालिका भएकोले उहाँले आफ्नो क्षेत्रमा उलेख्य विकास गर्नु पर्ने थापाले सुझाव दिए ।
अर्का मतदाता भेष बहादुर घिसिङले पहिलाको बागमती र अहिलेको बागमतीमा आकाश जमिनको फरक भएको बताउँदै नेता पुलामीको पहलमा विकास निर्माणले गति लिएको बताए । बागमती २ की बिक्की पहरीले बर्तमान राईगाऊँ, माझगाऊँमा विकासले गति लिएको भएपनि खहरे नियन्त्रण, पुल लगाएतका कार्य पुरा हुन अझ बाँकी रहेको भन्दै नेता पुलामीबाट नै यस क्षेत्रका मतदाताहरुले अपेक्षा राखेको बताइन् ।
उम्मेदवार पुलामीले आफु निर्वाचित हुँदा होस वा उम्मेदवार नै नरहेको अबस्थामा होस यस क्षेत्रका जनतालाई साथ नछोडेको बताए । ब्यबस्था बदल्न भएको निर्वाचनको कार्यभार पुरा गर्न सफल भएको भन्दै अब अबस्था बदल्न पनि सफल हुने बिस्वास ब्यक्त गर्दै जनअपेक्षा बमोजिम आफुले काम गर्ने प्रतिबद्धता समेत उनले ब्यक्त गरे ।
मकवानपुर । मकवानपुरमा वर्ड फ्लु राेग नियन्त्रणकाे पूर्व तयारी थालिएकाे छ । विहीबार जिल्ला प्रशासन कार्यालय मकवानपुरमा जिल्ला वर्ड फ्लु राेग नियन्त्रण प्राविधिक समितिकाे वैठक बसी आवश्यक तयारी थालिएकाे हाे ।
बैठकलाई नियमित गराउदै पुर्व तयारी सधै तयारी अवस्थामा राख्न प्रमुख जिल्ला अधिकारी राजेन्द्रदेव पाण्डे निर्देशन दिए । चिसाे माैसम सुरु भएसँगै पंक्षी तथा पंक्षीजन्य पदार्थबाट सर्ने संक्रामक राेग वर्ड फ्लु संक्रमण फैलिने भएकाेले पूर्व तयारी थालिएकाे भेटेरीनरी अस्पताल तथा पशु विज्ञ केन्द्र मकवानपुरले जनाएकाे छ । केन्द्रका अनुसार मंसिरपछि पंक्षी फार्महरूमा नियमित अनुगमन गर्ने तयारी गरिएको छ ।
प्रमुख जिल्ला अधिकारी अध्यक्ष रहने प्राविधिक समितिकाे वैठकले संक्रामक राेग वर्ड फ्लुबाट बच्नकाे लागि कुखुरा व्यवसायी संघसँगकाे सहकार्यमा भेटेरीनरी अस्पताल तथा पशु विज्ञ केन्द्रले जनचेतनाकाे काम अघि बढाउने निर्णय गरेकाे छ । यसैगरी, वर्ड फ्लु भई नष्ट गरिएका पंक्षी तथा पंक्षीजन्य पदार्थकाे राहत उपलब्ध गराउन सम्बन्धित निकायमा सिफारिस गर्ने समेत निर्णय बैठकले गरेकाे भेटेरीनरी अस्पताल तथा पशु विज्ञ केन्द्रका पशु चिकित्सक डा. ब्रजकिशोर ठाकुरले जानकारी दिए ।
मकवानपुर जिल्लामा मात्रै ५ लाखको हाराहारीमा पंक्षी ब्यवसायी रहेको बताइएको छ । कुखुरा व्यवसायी संघका गाेकुलनाथ पाैडेलका अनुसार दानाको मुल्य बढेपछि व्यवसायी बिस्थापित हुँदै गएका छन । व्यबसायीलाई राज्यले यसबर्ष मात्रै ५७ करोड ६४ लाख राहत प्रदान गरेको पौडेलले बताए । पाउनु पर्ने सबै राहत अझै उपलब्ध गराइसकेको छैन । राहत भन्दा खोप सस्तो हुने भएपनी नेपालमा कुखुरामा लगाउने खोप सरकारले उपलव्ध गराएको छैन ।
वर्ड फ्लु राेग नियन्त्रण पूर्व तयारी बैठकमा प्रमुख जिल्ला अधिकारी पाण्डे,सहायक प्रमुख जिल्ला अधिकारी हरिदत्त कडेंल, पशु चिकित्सक ठाकुर, प्रहरी उपरीक्षक वामदेव गौतम, राष्ट्रिय अनुसन्धान जिल्ला कार्यालयका उप अनुसन्धान निरीक्षक पप्पु शर्मा पौडेल, प्रमुख सेनानी सुभाष चन्द्र महत, गणपती सशस्त्र प्रहरी उपरीक्षक नेत्र बहादुर कार्की, हेटौडा अस्पतालका अस्पताल व्यवस्थापक सुरेन्द्र देव वडु, जिल्ला समन्वय समितिका शाखा अधिकृत सुनिता गजुरेल, नेपाल रेडक्रस साेसाइटीका रामजी प्रसाद खतिवडा, कुखुरा व्यवसायी संघका गाेकुलनाथ पाैडेललगायतका सराेकारवालाहरुकाे उपस्थिति रहेकाे थियाे ।
