मकवानपुर । समृद्ध हेटौंडा बनाउन मुख्यमन्त्रीलाई सुझाव पत्र बुझाइएको छ ।
नेपाली कांग्रेस मकवानपुरका सचिव भीमसेन महतले हेटौंडा उपमहानगरपालिकाको लागि विकासका बागमती प्रदेश सरकार समक्ष सुझाव पेश गरेका छन् ।
हेटौंडालाई समृद्ध बनाउने उद्देश्यका साथ सचिव महतले मुख्यमन्त्री शालिकराम जम्कट्टेललाई विभिन्न योजनाहरु समेटिएको सुझावपत्र पेश गरेका छन् ।
उनले पर्यटन, धार्मिक, जलचर संरक्षण, विभिन्न जंगली जनावरका फार्महरुका बारेमा, फलफूलको शहर, रमणीय क्षेत्रलगायतका ४० वटा योजनाहरु सुझावका रुपमा जानकारी गराएका छन् ।
सचिव महतले आगामी आर्थिक वर्ष २०८०/०८१ वार्षिक बजेटमा यस विषयलाई समावेश गर्न आग्रह गरे । ‘यस योजनाले हेटौंडाको पर्यटन क्षेत्रको विकासमा सहयोग पुग्नेछ, पर्यटकीय क्षेत्रमा आवश्यक भौतिक पूर्वाधार विकास गरेको खण्डमा पक्कै पनि छिमेकी राष्ट्र भारतबाट यहाँ पर्यटक भित्रनेछन’ उनले भने ।
सुझाव पत्र बुझ्दै प्रदेशका मुख्यमन्त्री जम्कट्टेलले प्रदेशको राजधानी मकवानपुरलाई विशेष रुपमा विकास गर्न बजेट विनियोजन गर्ने प्रतिबद्धता जनाए ।
‘हेटौंडाको पर्यटन क्षेत्रमा लागनी गर्न प्रदेश सरकार तयारै रहेको छ, यसका लागि आवश्यक अध्ययन हुन जरुरी छ’ सुझाव पत्रमा भनिएको छ । सुझाव पत्र ग्रहण गर्दै मुख्यमन्त्री जम्कट्टेलले पर्यटन क्षेत्रका लागि आवश्यक पूर्वाधार देखिने गरी विकास गर्ने प्रतिबद्धता जनाए ।
मकवानपुर । विश्व वातावरण दिवस हेटौडामा विविध कार्यक्रम गवरी मनाइएकाे छ । टोल विकास संस्था नगर समन्वय समिति, हेटौंडा उपमहानगरपालिकाको आयोजनामा हेटौंडामा ५१ औं विश्व वातावरण दिवस मनाइएको हाे । साेमबार विश्व वातावरण दिवसको दिन वातावरणीय सचेतना मुलक बृहत र्यालि तथा पुरस्कार वितरण र सम्मान कार्यक्रम गरी दिवस मनाइएकाे हाे ।
प्लास्टिकजन्य प्रदूषण निर्मूल पारौँ, वातावरणमैत्री विकल्पको उपयोग गरौँ’ भन्ने नाराका साथ वातावरण दिवस मनाइएको हो । प्लाष्टिक प्रदूषणले विश्वमा असर परिरहेको भन्दै याे वर्ष प्लाष्टिकको प्रयोगलाई रोकथाम गर्न प्ररित गर्ने उद्देश्यले सरकारले दिवसको नारा तय गरेकाे हाे । हेटौंडाका १९ वटै वडाहरुमा रहेका टोल विकास संस्थाहरुले आफ्नै क्षेत्रमा र हेटौंडाको मुख्य बजार वरपरका क्षेत्रका टोल विकास संस्थाहरुले बजार क्षेत्रमा र्याली समेत निकालेर यो दिवस मनाएका हुन् ।
हेटौंडामा ५१ औँ विश्व वातावरण दिवसको अवसरमा हुप्रचौरबाट सुरु भएको र्यालि शितलमहल चोक, पारिजातपथ, ओम भवन, बुद्ध चोकहुँदै रोयल पार्टी प्यालेसमा गएर कार्यक्रम गरि समापन गरिएकाे थियाे । कार्यक्रममा टोल विकास संस्थाको विवरणहरू समेटिएको टोल विकास दर्पण पुस्तिका समेत विमोचन गरिएको छ । टोल विकासमा रहेर वातावरण संरक्षणमा सहयोग पुर्याएकाे भन्दै रामकृष्ण थापा र वातावरण संरक्षण र अभियान संचालनमा महत्वपूर्ण योगदान पुर्याएकाे भन्दै ज्ञान बहादुर थापालाई वातावरण सम्मान २०८० द्वारा सम्मान गरिएको थियो ।

वातावरण दिवसकाे समापन कार्यक्रममा सप्ताहव्यापीरुपमा आयोजना भएका विभिन्न कार्यक्रममा उत्कृष्ट हुने प्रतियोगीहरुलाई पुरस्कृत गरिएको छ । कार्यक्रममा उत्कृष्ट र्यालि पुरस्कार तर्फ विकास टोल विकास संस्था हेटौंडा-८ प्रथम, अब्बल डाडा टोल विकास संस्था हेटौंडा-५ दोश्रो, सिमलटार टोल विकास संस्था हेटौंडा-११ तेश्रो, मैदाटोल विकास संस्था हेटौंडा-८, सामुदायिक विकास तथा सचेतना नेपाल र पच्चेबाजा समुह हेटौंडा- १ सान्तवना भएका छन ।
र्यालि कार्यक्रममा १७० भन्दा बढी संघसंस्थाको उपस्थिति रहेको र करिब ७ हजार भन्दा बढी व्यक्तिको उपस्थिति रहेको टोल विकास संस्था नगर समन्वय समिति अध्यक्ष ध्रुव अधिकारीले जानकारी दिए । समापन कार्यक्रममा उपमहानगरपालिकाका प्रमुख मिना कुमारी लामाले २०८१ जेठ देखि प्लास्टिक झोला रहित हेटौंडा बनाउन अभियानहरू संचालन गरिने बताइन् ।
कार्यक्रम टोल विकास संस्था नगर समन्वय समितिका अध्यक्ष ध्रुब प्रसाद अधिकारीको अध्यक्षतामा तथा बागमती प्रदेशका मुख्यमन्त्री शालिकराम जम्कट्टेलको प्रमुख आतिथ्यतामा भएको समापन कार्यक्रममा बागमती प्रदेश सभा सदस्य प्रेम बहादुर पुलामी, भारती पाठक, एकालाल श्रेष्ठ, प्रमुख जिल्ला अधिकारी राजेन्द्रदेव पान्डे, मकवानपुर जिल्ला प्रहरी प्रमुख बामदेब गौतम, हेटौँडा उपमहानगरपालिकाका वडा अध्यक्षहरु, विभिन्न सरकारी एवम् गैर सरकारी संघ संस्थाहरूको प्रमुख एवम् प्रतिनिधिहरू, टोल विकासका संस्थाका प्रतिनिधिको उपस्थिति रहेको थियो ।
मेयर कपः साेमबारबाट क्वार्टरफाइनल खेल
Tags: No Comments
मकवानपुर । हेटौडा उपमहनागरपालिकामा जारी मेयर कप फुटबल अन्तरगत साेमबारबाट क्वार्टरफाइनलका खेलहरु संचालन हुने छन् । आइतबार भएकाे तीन खेलबाट क्वार्टरफाइनलकाे समिकरण पुरा भए पछी साेमबारबाट क्वार्टरफाइनलका खेल हुने भएकाे हाे ।
हेटौँडा उपमहानगरपालिका नगर खेलकुद विकास समितिको आयोजना संचालन भएकाे तेस्रो संस्करणको हेटौँडा मेयर कप फुटबल प्रतियोगिताको क्वार्टरफाइनल १ नम्बर, २ नम्बर, ९ नम्बर, ११ नम्बर, १३ नम्बर, १४ नम्बर, १५ नम्बर र १९ नम्बर वडाकाे फुटबल टिमले स्थान बनाएका हुन ।
आइतबार भएको खेलमा १३ नम्बर, १४ नम्बर र १५ नम्बर वडा विजयी हुँदै क्वाटरफाइनलमा प्रवेश गरेको छ । आइतबार भएको खेलमा १० नम्बर वडालाई २–१ गोलअन्तरले हराउँदै १३ नम्बर वडा क्वार्टरफाइनल प्रवेश गरेको हो । यस्तै १८ नम्बरलाई टाइब्रेकरमा ५–४ गोलअन्तरले हराउँदै १५ नम्बर वडा क्वार्टरफाइनल प्रवेश गरेकोे हो । यस्तै, आइतबार बिहान भएको खेलमा १२ नम्बर वडालाई ३–२ गोलअन्तरले पराजित गर्दै १४ नम्बर क्वार्टरफाइनल प्रवेश गरेको हो ।
यसअघी भएका खेलहरुमा ९ नम्बरले १६ नम्बर र ११ नम्बर वडाले ७ नम्बर वडालाई हराउँदै क्वार्टरफाइनलमा प्रवेश पाएका हुन् । यस्तै १ नम्बरले ५ नम्बरलाई, २ नम्बरले १७ नम्बरलाई र १९ नम्बरले ८ नम्बर वडालाई हराउँदै क्वार्टरफाइनलमा स्थान बनाएका हुन ।
सोमबारको पहिलो क्वाटरफाइनल खेल ९ नम्बर वडा र १४ नम्बर वडाबीच प्रतिस्पर्धा हुनेछ । सोमबारको दोसो क्वार्टरफाइनल खेलमा १ नम्बर वडाले ११ नम्बर वडाकाे सामना गर्ने हेटौडा उपमहानगरपालिका खेलकुद शाखा अधिकृत बसन्त सिटौलाले बताए । यसैगरी क्वार्टरफाइनल अन्तर्गत मंगलबार १५ नम्बर वडा र १९ नम्बर वडा र २ नम्बर वडा र १३ नम्बर वडाबीच खेल हुने सिटौलाले जानकारी दिए । प्रतियोगिताको सेमिफाइनलका खेलहरु बुधबार र बिहिबार हुनेछ भने फाइनल शनिबार कार्यतालिका रहेकाे उनले बताए ।
प्रतियोगिताको विजेता टिमले नगद २ लाख रुपैयाँसहित शिल्ड, मेडल तथा प्रमाणपत्र प्राप्त गर्नेछ भने उपविजेता टिमले नगद १ लाख ५० हजार रुपैयाँ प्राप्त गर्नेछन् । सेमिफाइनल प्रवेश गर्ने दुई टिमले ५०–५० हजार रुपैयाँ प्राप्त गर्नेछन् । यस्तै विधागत उत्कृष्ट खेलाडीहरुले ५–५ हजार रुपैयाँ प्राप्त गर्ने आयाेजकले जनाएको छ ।
दबाब सहन नसकेपछि बिद्यालय बन्द
Tags: No Comments
मकवानपुर । बालमैत्री स्थानीय शासन घोषणाको तयारीमा लागेको हेटौंडा उपमहानगरपालिका बालबालिकाको सवालमा महत्त्वपूर्ण निर्णय गर्न पटक पटक चुक्दै आएको छ, पछिल्लो उदाहरण हो गर्मी बिदाको सवाल ।
पछिल्लो साता ह्वात्तै बढेको तापक्रमले जनजीवन कष्टकर भइरहेको बेला बिद्यालय बन्द गर्ने वा चलाउने सवालमा मौन रह्यो । बालबालिकालाई बिद्यालयमा उपस्थित गराई पठनपाठन गराउन नसक्ने अवस्थामा समेत नगरपालिका गैरजिम्मेवार भएको चौतर्फी दबाब आएपछि हेटौंडा उपमहानगरपालिकाले अन्ततः शनिबार अबेर सूचना जारी गर्दै बिद्यालय बन्दको घोषणा गर्यो ।
विगत केही दिन अघिदेखि तापक्रममा अत्यधिक वृद्धि भई दैनिक जनजीवनमा प्रत्यक्ष असर परिरहेको अवस्थामा विद्यालयको शिक्षण सिकाइ क्रियाकलापमा अझै बढी असर परिरहेको छ ।
विद्यार्थीहरुमा बान्ता हुने, थकान महसुस हुने साथै बेहोसीको समस्यासमेत देखिन थालेपछि केही दिनको लागि गर्मी विदाका लागि विद्यालय तथा विद्यालय शिक्षासंग प्रत्यक्ष सरोकार राख्ने व्यक्तिहरु र अभिभावकहरुको समेत अनुरोध गरेका थिए ।
शुक्रबार नगर कार्यपालिकाको बैठकमा यसबारे सवाल उठाउंदा बेवास्ता गरिएको थियो । दबाब खेप्न नसकेपछि शैक्षिक वर्ष २०८० को वर्षे बिदाबाट कट्टी हुने गरी मिति २०८० / ०२ / २१ देखि २०८० / ०२ / २६ गतेसम्म उपमहानगरपालिका अन्तर्गतका सम्पूर्ण विद्यालयहरुमा पठनपाठन बन्द रहने भन्दै मेयरको आदेश अनुसारको व्यहोराको सूचना जारी गरिएको हो ।

विदाका समयमा बालबालिकालाई दिउसो घाममा बाहिर निस्कन नदिई घरमै सुरक्षित रुपमा रहने व्यवस्था मिलाउन, बालबालिकाहरुलाई रचनात्मक र सिर्जनात्मक कार्यमा सहभागी हुन प्रोत्साहन गर्न बालवालिकालाई पोषणयुक्त खाना खुवाउन, जंकफुड, स्वास्थ्यलाई प्रतिकुल असर गर्ने खानेकुराहरु खान नदिन नखुवाउन, स्वच्छ पानी पिउने व्यवस्था मिलाउन समेत सूचनामा भनिएको छ ।
हेटौंडा उपमहानगरपालिकाले शुक्रबार गर्मीका कारण बिद्यालय बन्द गर्ने निर्णय गर्ने जिम्मा वडालाई दिएको थियो । शुक्रबारको नगर कार्यपालिकाको बैठकले वडालाई स्कुल बन्दको निर्णय गर्न भनेको थियो । सोही अनुसार शनिबार वडा नम्बर ४, ५ र १० ले स्कुल बन्दको निर्णय गरिसकेका थिए ।
धमाघम वडाले स्कुल बन्दको निर्णय गरेपछि उपमहानगरपालिकाको बिरोध जनमानसले गरेका थिए । शनिबार साझ उपमहानगरपालिकाको फेसबुक पेज हेलो हेटौंडा उपमहानगरपालिका मार्फत सार्वजनिक सूचनामा गर्मिका कारण जेठ २१ गते देखि २६ गते सम्म उपमहानगरपालिकाका सबै बिद्यालयको पठनपाठन बन्द रहने तर मौसम अनुकुल भए जुनसुकै समयमा पनि बिद्यालय खोल्न सकिने जनाएको छ ।
शुक्रबार वास्तै नगरेको तर, शनिबार सूचना जारी गरिएपछी शिक्षकहरूले पनि यसलाई अदुरदर्शी निर्णय भनेका छन् । “यही निर्णय हिजो ( शुक्रबार) स्कुल टाइम भित्र दिएको भए सूचना प्रभावकारी हुन्थ्यो, एक साताको गृहकार्य दिन पाईन्थ्यो, बालबालिका सिकाई,कृयाकलापमा लाग्थे, हिजो कार्यपालिकाको बैठकमा वडालाई जिम्मा दिने आज फेरि पत्र नाटक नै छ” श्रमिक माबिका प्राध्यापक श्रीराम दाहालले भने ।
मकवानपुरको बकैया गाउँपालिकाले उच्च गर्मीका कारण एक साताका लागि विद्यालयमा विदा दिने निर्णय गरेको छ । शुक्रबार गाउँ शिक्षा समितिको बैठकले एक साताका लागि पालिकाका सवै विद्यालय विदा गर्ने निर्णय गरेको सूचना प्रकाशित गरेको छ ।
यसैगरी मनहरी गाउंपालिकाले बिहान पठनपाठन गराउने निर्णय गरेको छ । मनहरी गाउँपालिकाले भने बड्दो गर्मीका कारण बिहानी समयमा बिद्यालय सन्चालन हुने गरि सूचना जारी गरेकोमा बालबालिकालाई पर्याप्त आरामको अवस्था नहुने भन्दै यसको पनि बिरोध जनाइएको छ । शनिबार मकवानपुरको हेटौंडामा अधिकतम तापक्रम ४२ डिग्री सेल्सियससम्म पुगेको थियो ।
हेटौंडा नगरभित्र ७३ वटा सामुदायिक र ४८ वटा संस्थागत बिद्यालयहरू छन् ।
मकवानपुर । टोल बिकास संस्था वडा समन्वय समिति हेटौंडा ११ को आयोजनामा विश्व वातावरण दिवसको अवसरमा सचेतना र्याली गरिएको छ ।
हेटौंडा उपमहानगरपालिक ११ नम्बर वडा कार्यालयको आर्थिक सहयोगमा बाताबरण दिवसको सन्दर्भमा १६ गते देखि सुरु भएको विविध गतिविधि आज सचेतनामुलक र्याली तथा पुरस्कार वितरण तथा समापन गरिएको हो ।
सचेतना र्यालीमा झोलुङ्गे पुल टोल विकास संस्था प्रथम भएको छ । यसैगरी लालिगुरास टोल विकास संस्था दोस्रो, जिम्वाडांडा टोल विकास संस्था तेस्रो भएको आयोजकले जनाएको छ । यसैगरी गणेशस्थान टोल विकास संस्था र प्रगती टोल विकास संस्थाले सान्त्वना पुरस्कार प्राप्त गरेको थियो।
सबैलाई नगद तथा प्रमाणपत्र प्रदान गरिएको थियो।कार्यक्रममा बाल क्ल्ब स्तरिय हाजिरीजवाफ र बक्तित्वकला प्रतियोगिता पहिलो, दोश्रो तेश्रो र चौथो हुनेलाई समेत प्रमाणपत्र र नगद पुरस्कारबाट सम्मान गरिएको थियो।
कार्यक्रममै महिला उद्यमी बिमला थापा र बिमला बर्तौला र नगर स्तरिय बृहत् उद्यमी प्रदर्शनी तथा नृत्य प्रतियोगितामा चौथो हुनेलाई नगद ५ हजार र प्रमाणपत्र प्रदान गरिएको थियो ।

र्यालीको मुल्यांकन सहभागी संङ्ख्या, झांकी,पोषकको आधारमा पत्रकार सरिता दाहाल, आनन्द भैरव आधारभुत बिधालयका प्राध्यापक कृष्णप्रसाद खनालले तथा बर्षभरिको गतिविधिको आधारमा टोल विकास संस्था नगर समन्वय समितिले गरेको थियो ।
वडा नम्बर ११ मा रहेका २३ वटा मध्ये १७ वटा टोल विकास संस्थाले र्यालीमा सहभागिता जनाएका थिए ।
हेटौंडा ११ को वडा कार्यालयबाट सुरु भएको र्याली बिपन्न बचत तथा ऋण सहकारीको प्रतिक्षालयमा पुगेर पुरस्कार वितरण कार्यक्रममा परिणत भएको थियो।
कार्यक्रममा वडा अध्यक्ष जुना दहाल टोल विकास संस्था नगर समन्वय समितिका उपमहासचिव देवकुमार श्रेष्ठ, रामेश्वर नगरकोटिले कार्यक्रमको महत्व तथा बाताबरण संरक्षणमा टोल विकास संस्थाको भुमिकाको बिषयमा धारणा राखेका थिए।
समन्वय समितिका अध्यक्ष यज्ञबहादुर आचार्यको सभाध्यक्षाता संचालन भएको कार्यक्रममा वडा अध्यक्ष जुना दहालको प्रमुख आतिथ्यता वडा सदस्यहरु गोपिनी सापकोटा, विकास नेपाल, गिता सुनार, सन्जय बिडारी, टोल विकास संस्था नगर समन्वय समितिका उपमहासचिव देवकुमार श्रेष्ठ, नगर सदस्य शिवराज पुडासैनीलगायतको उपस्थिति रहेको थियो ।