मकवानपुर । मकवानपुरको भीमफेदी गाउँपालिका जुरीखेतमा स्कुटर दुर्घटना हुँदा १ जनाको मृत्यु भएको छ ।
मकवानपुर प्रहरीका अनुसार असोज ८ गते बुधबार बेलुका भिमफेदी ६ जुरीखेतस्थित भीमफेदी कुलेखानी काठमाडौ सडक खण्डमा काठमाडौ तर्फबाट हेटौडा तर्फ आउदै गरेको बागमती प्रदेश ०२-०२७ प ४८४२ नम्बरको स्कुटर आफै अनियन्त्रित भई दुर्घटना हुँदा काठमाडौ २७ महाबौद्ध बस्ने ६५ वर्षी शसिराज पाण्डे र निजको श्रीमती ६२ वर्षीय राज्यश्री थापा क्षेत्र घाइते भएका थिए ।
जिल्ला प्रहरी कार्यालय मकवानपुरका अनुसार स्कुटर चालक काठमाडौ २७ महाबौद्ध बस्ने ६५ वर्षीय पाण्डे र ६२ वर्षीय क्षेत्रीलाई उपचारको लागि हेटौंडा अस्पताल ल्याइएको थियो । क्षेत्रीको बेलुका ७:२० बजे उपचारको क्रममा डाक्टरले मृत घोषणा गरेको मकवानपुर प्रहरी प्रवक्ता लक्ष्मी भण्डारीले जानकारी दिए । घाइते पाण्डेको हेटौंडा अस्पताल मै उपचार भइरहेको छ ।
स्कुटर दुर्घटनामा घाइते भएका पाण्डे र क्षेत्रीलाई ६० मिटर तलबाट उद्धार गरिएको प्रहरीले जानकारी दिएको छ । स्कुटर सडकबाट करिब १ सय मिटर तल खसेको साथै स्कुटरको नम्बर घाइते पाण्डेले जानकारी गराएको भण्डारीले बताए ।
मकवानपुर । मकवानपुरको ईन्द्रसरोवर गाउँपालिकामा सुमो दुर्घटना हुँदा १३ जना घाइते भएका छन् ।
असोज ७ गते बिहान ३:३५ बजेको समयमा ईन्द्रसरोबार ५ मकैबारीस्थित कुलेखानि मातातिर्थ काठमाडौ जाने भित्रि सडकखण्डमा सुमो दुर्घटना भएको मकवानपुर प्रहरीले जनाएको छ । बिरगंजबाट काठमाडौतर्फ जादै गरेको मधेश प्र.०३-००१ज०२८३ नम्बरको सुमो आफै अनियन्त्रित भई सडकबाट २० मिटर तल खोल्सामा खस्दा सुमो चालकसहित १३ जना घाइते भएको मकवानपुर प्रहरी प्रवक्ता लक्ष्मी भण्डारीले जानकारी दिए ।
घाईते सुमो चालक प्रहरी नियन्त्रणमा रहेको छ भने अन्य घाइतेहरुलाई उपचारको लागि काठमाडौ पठाएको प्रहरीले जनाएको छ । घाइते सबै यात्रुहरु भारतका रहेका छन ।
सुमो दुर्घटनामा घाइतेहरुको बिबरण
१. सुमो चालक जिल्ला बारा कलैया नगरपालिका २१ बस्ने बर्ष २५ को अनिल कुमार शाह
२. सुमोमा सवार देश भारत जानकी चापा छत्तिसगढ बस्ने बर्ष २५ कि रचना कुमारी सुर्यबशं
३. ऐ.ऐ.बस्ने बर्ष ३५ कि गंगा देवि सुर्यबंशी
४. ऐ.ऐ बस्ने बर्ष ३० कि मधु सुर्य बशीं
५. ऐ.ऐ.बर्ष ३७को ईन्द्र सेन
६. ऐ.ऐ.बस्ने बर्ष ३१ की रितु सुर्य बंशी
७. ऐ.ऐ. बस्ने बर्ष अ:६० कि हाल नाम थर नखुलेको महिला
८. ऐ.ऐ बस्ने बर्ष अ: २९ कि सरोजनी देवी
९. ऐ.ऐ. बस्ने बर्ष ११ कि प्रतिभा सुर्यबंशी
१०. ऐ.ऐ.बर्ष २ कि दिब्या सुर्यबशीं
११. ऐ.ऐ बस्ने बर्ष ४ को प्रतिक सुर्यबशी
१२. ऐ.ऐ बस्ने बर्ष ३१ को बिजय कुमार सुर्यबशीं
१३. ऐ.ऐ. बस्ने बर्ष ३५ को अजय कुमार सुर्य बशी ।
मकवानपुर । मकवानपुरको हेटौंडामा नवजात शिशु मृत फेला परेको छ ।
कार्तिक ४ गते बेलुका हेटौडा अस्पतालको गाईनो वार्ड नजिकको महिला शौचालय नजिक फोहर फाल्ने डस्टबिनमा नवजात शिशु मृत अवस्थामा फेला परेको जिल्ला प्रहरी कार्यालयले जनाएको छ ।
‘मृतक शिशु कस्ले फालेको पहिचान भएको छैन’ मकवानपुर प्रहरी प्रवक्ता लक्ष्मी भण्डारीले भने ‘मृतक शिशु हेर्दा तत्काल जन्माई सालनाल सहित डस्टबिनमा फालेको जस्तो देखिन्छ ।’
घटना सम्बन्धमा थप अनुसन्धान भइरहेको मकवानपुर प्रहरीले जनाएको छ ।
मकवानपुर । मकवानपुरको बकैया गाउँपालिकाले भीमफेदी कारागारका कैदीबन्दीहरुलाई दसैँ मनाउन सहयोग गरेकाे छ । पालिका अध्यक्ष धर्मराज लामिछानेसहितको टोली कारागार पुगेर कैदीबन्दीलाई दसैँ मनाउनका लागि शुक्रबार ५० हजार रुपियाँ नगद सहयोग प्रदान गरेका छन् ।
पालिका अध्यक्ष लामिछानेले कैदीबन्दीलाई दसैँ खुशीयालीपूर्वक मनाउन सहयोग प्रदान गरेको बताए । सहयोग कार्यक्रममा गाउँपालिका वडा नं. ४ का वडाध्यक्ष राजन दङ्गाल, नेपाली कांग्रेस मकवानपुरका पूर्व सभापति रघुरमण न्यौपानेलगायतकाे उपस्थिति रहेको थियो ।
यस्तै राक्सिराङ गाउँपालिका पनि कैदीवन्दीकाे लागि कारागारलाई खशी र खाद्यान्न उपलब्ध गराएको छ । यसअघि कैलाश गाउँपालिका कारागारका कैदीवन्दीलाई दशैंमनाउन सहयाेग स्वरुप खसी, चिउरा र तेल कारागारलाई हस्तान्तरण गरेकाे थियाे ।
पुरुष ब्लक २ वटा र महिला ब्लक १ वटा रहेको कारागारमा हाल १ हजार ३८ पुरुष, ३७ महिला कैदीबन्दी र २ जना आश्रित नाबालक रहेकाे कारागार प्रशासनले जनाएकाे छ ।
आज फूलपाती पर्वः हेटौडाकाे भुटनदेवी मन्दिरमा फूलपाती भित्र्याइयाे
Tags: No Comments
मकवानपुर । नेपालीहरुकाे महान चाड दशैंको सातौ दिन फूलपाती पर्व आज घरघरमा फूलपाती भित्रयाइदै छ । प्रत्येक वर्ष दुर्गा पक्षअन्तर्गत आश्विन शुक्ल सप्तमीका दिनमा मनाइने फूलपाती पर्वमा शास्त्रीय विधिअनुसार शुभ साइतको प्रतीक फूलपाती भित्र्याएर मनाइने गरिन्छ । दसैंघर अथवा जमरा राखिएको ठाउँमा साँझपख देवीको आराधनासहित फूलपाती भित्र्याउने चलन छ।
मकवानपुरको हेटौंडा उपमहानगरपालिका वडा नम्वर १० स्थित भुटनदेवी मन्दिरमा शनिबार फूलपाती भित्र्याइएको छ । हेटौंडा १० स्थित गोरेक्षश्वर मन्दिरमा राखिएको जमरासहितको शोभायात्राको टोलीले स्थानीय भुटनदेवी मन्दिरको दसैँघरमा बिहान धार्मिक विधि अनुसार फूलपाती भित्र्याइएको हो । नेपाली सेनाको म्याउली बाजा र नेपाल प्रहरीको ब्याण्ड बाजा, झाक्री र धार्मिक भक्तजनहरु सम्मिलीत समुहले फूलपाती भित्र्याइएको हो ।
फूलपाति गाेरक्षेश्वरबाट भुटनदेवी मन्दिरमा भित्र्याउन मकवानपुरका प्रमुख जिल्ला अधिकारी सूर्यराज सेढाई, बागमती प्रदेश प्रहरी नायव महानिरीक्षक किरण राणा, मकवानपुरका प्रहरी उपरीक्षक सिताराम रिजाल, नेपाली सेनाका उच्च अधिकृतहरु, स्थानीय समाजसेवी, धार्मिक भक्तजन र राजनीतिक दलका प्रतिनिधिहरु गोरेक्षश्वर मन्दिरमा पुगेका थिए ।
घटस्थापनाका दिनदेखि वैदिक विधिपूर्वक दुर्गालाई आह्वान गरी पूजाआजा गरिएको दसैँ घर अथवा पूजा कोठामा शुभ साइतको प्रतीकका रूपमा उखु, हलेदो, केराको बोट, धानको बाला, बेलपत्र, दारिम, जयन्ती, अशोकको फूल र मानवृक्ष भित्र्याउने गरिन्छ । नवपत्रिकाको नामले चिनिने फूलपाती नौवटी देवीको प्रतीकका रूपमा भित्र्याई शास्त्रीय विधिअनुसार शक्तिको आराधनाका साथ पूजा गर्ने वैदिक विधि रहेको छ।
केरामा ब्रह्मायणी, दारिममा रक्तदन्तिका, धानमा लक्ष्मी, हलेदोमा दुर्गा, मानवृक्षमा चामुण्डा, उखुमा कालिका, बेलपत्रमा शिवा, अशोकमा शोकरहिता र जयन्तीमा कात्तिकी देवीको आह्वान गरी पूजा गरिन्छ, यी देवी नवदुर्गाका पार्षद् अर्थात् सहायक हुने धर्मशास्त्रमा बर्णन गरिएकाे छ । फूलपाती भित्र्याएपछि नौवटै देवीको विधिपूर्वक पूजा आराधना गरिन्छ । फूलपाती भित्र्याउनका लागि साइतको आवश्यक्ता नपर्ने धर्मशास्त्रविद् बताउँछन् ।
यसैगरी, बडादसैँको अवसरमा शनिबार दिउँसो २ बजे हेटौंडा–२ बनस्खण्डी मन्दिरको दसैँघरमा फूलपाती भित्र्याउने कार्य तालिका रहेको भुटनदेवी मन्दिर व्यवस्थापन तथा धार्मिक पर्यटन विकास समितिका अध्यक्ष राममान श्रेष्ठले जानकारी दिए ।
बनस्खण्डी मन्दिरको दसैँघरमा पनि नेपाली सेनाको म्याउली बाजा र नेपाल प्रहरीको ब्याण्ड बाजा, झाक्री र धार्मिक भक्तजनहरु सम्मिलीत शुभयात्रा समूहले गाेरश्वर मन्दिर परिसरबाट फूलपाती भित्र्याइने उनले जानकारी दिए ।
यस्तै आज हनुमानढोका दरबारको दशैँघरमा गोरखा जिल्लाबाट ल्याइएको फूलपाती भित्र्याउने परम्परा छ ।यसैगरी देशभरका शक्तिपिठहरुमा समेत फुलपाती भित्र्याउने गरिन्छ । गोरखाबाट ल्याइएको फूलपाती हनुमानढोका दरबारको दसैंघरमा भित्र्याउने परम्परा छ। गोरखाबाट धादिङ जिल्लाको जीवनपुरसम्म दसैंघरका पुजारीसहित मगर जातिका छ जनाले ल्याउने र त्यहाँबाट काठमाडौंको जमलसम्म यहाँबाट गएका ब्राह्मण जातिका छ जनाले ल्याइन्छ।
जमलबाट हनुमानढोकासम्म निजामती सेवाका उच्चपदस्थ अधिकारी, गुर्जुका पल्टन, ब्यान्डबाजा, पञ्चैबाजा र सांस्कृतिक नाचगानसहितको लावालस्करका साथमा फूलपाती लैजाने प्रचलन छ।