मकवानपुर । हेटाैडा काठमाडाैं छाेटाे मार्ग अन्तर्गत मकवानपुरकाे भीमफेदीमा सुमाे दुर्घटना हुँदा २ जनाकाे मृत्यु भएकाे छ । हेटौंडाबाट काठमाडाैं जादै गरेको टाटासुमो भीमफेदी गाँउपालिका ६ जुरिखेतमा दुर्घटना हुदा २ जनाको घटनास्थल मै ज्यान गएकाे र ६ जना घाइते भएकाे प्रहरीले जनाएको छ ।
हेटौंडाबाट काठमाडौंका लागि ७ जना यात्रु लिएर गएकाे ना. १ ज ४१०६ नम्बरको सुमो आज मध्यान्न दुर्घटना भइ भिरबाट १ सय मिटर तल खोल्सामा खसेको थियो । दुर्घटनामा २ जना पुरुषको मृत्यु भएको प्रहरीले जनाएको छ।
घाइते ६ जना मध्य ३ जनाको प्राथमिक स्वास्थ्य चौकी भीमफेदी र ३ जनाको हेटौंडा अस्पतालमा उपचार भइरहेको मकवानपुर प्रहरीले जानकारी दिएकाे छ । दिउँसो करिब साढे १२ बजेको समयमा सुमो दुर्घटना भएको जिल्ला प्रहरी कार्यालय मकवानपुरका प्रवक्ता प्रहरी नायव उपरीक्षक ईन्द्रबहादुर रानाले जानकारी दिए ।
भीमफेदीबाट २ सय २९ केजी गाँजा बरामद
Tags: No Comments
मकवानपुर । मकवानपुरमा शुक्रबार प्रहरीले भीमफेदीबाट प्रहरीले २ सय २९ केजी गाँजा बरामद गरेको छ । प्रहरीले मकवानपुरको भीमफेदी गाउँपालिका वडा नंबर ९ ढुङ्गेन नजिकै खोल्सीमा लुकाई छिपाई राखेको अवस्थामा ९ बोरा गाँजा बरामद गरेको हो ।
९ बोरामा १८ वटा बण्डल बनाएर लुकाएर राखिएको अवस्थामा गाँजा बरामद गरेको जिल्ला प्रहरी कार्यालय मकवानपुरका प्रहरी प्रवक्ता डिएसपी इन्द्रबहादुर रानाले बताए । गाँजा बरामद गरेपनि प्रहरीले गाँजा ओसार पसारमा संलग्न र कोरोबारीलाई भने पक्राउ गर्न सकेको छैन ।
भारत निकासी गर्न लागिएको गाँजा ओसार पसार गर्ने र कारोबारी समेतको संलग्नता भएपनि ठुलो परिणामको गाँजा मात्र फेला पारेको रानाले जानकारी दिए । गाँजा ओसार पसारमा संलग्नहरुको खोजिकार्य भैरहेको समेत प्रहरीले जानकारी दिएकाे छ ।
ट्रक र ट्याक्टर ठोक्किदा एक जनाकाे मृत्यु, तीन जना घाइते
Tags: No Comments
मकवानपुर । हेटौंडा १५ चुरियामाई नजिक ट्रक र ट्याक्टर ठोक्किदा एकको मृत्यु भएको छ भने तीनजना सामान्य घाइते भएका छन् । पूर्व पश्चिक राजमार्ग अन्तर्गत चुरियामाइमा बाराबाट हेटौंडा तर्फ आउँदै गरेको ना ५ ख ४१६४ नम्बरको ट्रक र हेटौंडाबाट पथलैयातर्फ जाँदै गरेको ना ३ त ६९३१ नम्बरको ट्याक्टर आपसमा ठोक्किएर दुर्घटना भएको हो ।
दुर्घटनामा ट्याक्टर चालक बारा परवानिपुर गाँउपालिका वडा नं १ का २२ वर्षिय लालबाबु यादबकाे मृत्यु भएकाे हाे । दुर्घटनापछि हेटौंडा अस्पतालमा उपचारको क्रममा मृत्यु भएको जिल्ला प्रहरी कार्यालय मकवानपुरका प्रवक्ता प्रहरी नायव उपरीक्षक ईन्द्रबहादुर रानाले जानकारी दिए । ट्याक्टरका सहचालक सोहि स्थानका १७ बर्षिय दिपेन्द्र कुमार मण्डल घाइते भएका छन् भने उनकाे अवस्था सामान्य रहेको छ ।
बाराबाट हेटौंडा चामल लिएर आउँदै गरेकाे ट्रकका चालक घनुषा जिल्ला मिथिला नगरपालिका वडा नं ५ बस्ने बर्ष ३८ का गंगाराम महत्तो र सहचालक जिल्ला सिरहा कल्याणपुर नगरपालिका–८ का अभि साह सामान्य घाइते भएका छन् । घाइतेको हेटौंडा अस्पतालमा उपचार गरिएको छ ।
मकवानपुर । पछिल्लो २४ घण्टामा थप ८ सय ८५ जना कोरोना संक्रमित संक्रमणमुक्त भएका छन्। यो सँगै नेपालमा ५३ हजार ८ सय ९८ जना संक्रमित उपचारपछि निको भएकाे स्वास्थ्य तथा जनसंख्या मन्त्रालयका प्रवक्ता डा.जागेश्वर गौतमले जानकारी दिए।
निकाे हुनेकाे संख्या कुल संक्रमितको ७३.४ प्रतिशत हो । देशका विभिन्न अस्पताल तथा आइसोलेसनबाट उनीहरू निको भएर घर फर्किएका गाैतमले बताए । नेपालमा पछिल्लो २४ घण्टामा १० कोरोना संक्रमितको मृत्यु भएको छ। योसँगै नेपालमा कोरोना संक्रमित मृतकको संख्या ४ सय ७७ पुगेको स्वास्थ्य तथा जनसंख्या मन्त्रालयले जानकारी दिएको छ।
पछिल्लो २४ घण्टामा १ हजार ५ सय ७३ जनामा कोरोना भाइरसको संक्रमण पुष्टि भएको छ । योसँगै नेपालमा कुल संक्रमितको संख्या ७१ हजार ८२१ पुगेको गौतमले जानकारी दिए ।
सबारी दुर्घटनामा दुई जनाको मृत्यु
Tags: No Comments
मकवानपुर । मकवानपुरमा शनिवार सबारी दुर्घटना हुँदा दुई जनाको मृत्यु भएको छ । मनहरी गाउँपालिका वडा नम्बर ९ खरङ्गामा ट्रकले मोटरसाइकललाई ठक्कर दिदा एक जनाको मृत्यु भएको हो भने मकवानपुरगढी गाउँपालिका वडा नम्बर–२ गंगेभिरमा मोटरसाइकल दुर्घटना हुँदा अर्का एकजनाको मृत्यु भएको हो । हेटौंडाबाट मनहरी तर्फ जाँदै गरेको ना ४३ प ७२ नम्बरको मोटरसाइकल र चितवनबाट हेटौंडा तर्फ आउँदै गरेको ना ५ ख ४६५२ नम्बरको ट्रक मनहरीको खरङ्गामा एक आपसमा ठक्कर खाँदा मोटरसाईकलमा सवार एक जनाको मृत्यु भएको जिल्ला प्रहरी कार्यालय मकवानपुरले जनाएको छ ।
मृत्यु हुनेमा बारा रतनपुरका ३० बर्षीय सूर्य स्यांतान रहेका छन् । उनको उपचारको क्रममा चुरेहिल अस्पतालमा मुत्यु भएको प्रहरीले जनाएको छ । दुर्घटनामा मोटरसाइकल सवार बारा बस्ने १८ बर्षीया बिनिता स्यांतान घाइते भएकी छिन् । उनको हेटौंडाको चुरेहिल अस्पतालमा उपचार भइरहेको बताइएको छ ।
यसैगरी मकवानपुरगढी गाउँपालिका वडा नम्बर–२ गंगेभिरमा शनिबार मोटरसाइकल दुर्घटना हुँदा एकजनाको मृत्यु भएको छ । अर्का एकजना घाइते भएका छन्।
गढीबाट शिखरकटेरी तर्फ आउँदै गरेको ना ३९ प ९५४२ नम्बरको मोटरसाइकल अनियन्त्रित भई दुर्घटना हुँदा मोटरसाइकलमा सवार मकवानपुरगढी ३ धमिले बस्ने ४६ बर्षीय भरत पुडासैनीको मृत्यु भएको हो । उनको हेटौंडा अस्पतालमा उपचारका क्रममा मृत्यु भएको जिल्ला प्रहरी कार्यालय मकवानपुरले जनाएको छ ।
मोटरसाइकल चालक मकवानपुरगढी ३ मक्रान्चुली बस्ने ४१ बर्षीय कुमार पराजुली घाइते भएका छन् । घाइते पराजुलीको हेटौँडामा रहेको सन्चो अस्पताल उपचार भइरहेको छ ।