मकवानपुर । बागमती प्रदेश प्रहरी कार्यालय हेटौंडाले नेपाल रेडक्रस सोसाईटी हेटौंडा शाखासँगको समन्वयमा रक्तदान कार्यक्रम गरेकाे छ। ६५ औं प्रहरी दिवस २०७७ को अवसरमा मंगलबार रक्तदान कार्यक्रम गरिएको हाे ।
बागमती प्रदेश प्रहरी कार्यालय, जिल्ला प्रहरी कार्यालय मकवानपुर, दंगा नियन्त्रण प्रहरी गण र सशस्त्र प्रहरी गण हेटौंडामा कार्यरत ५५ जना प्रहरी कर्मचारीहरुले रक्तदान गरेकाे बागमती प्रदेश प्रहरी कार्यालय हेटौंडाका प्रवक्ता प्रहरी वरिष्ठ उपरीक्षक सुदिप गिरीले बताए ।
नेपाल प्रहरी स्थापनाको सु-अवसरमा हरेक बर्ष मनाईने प्रहरी दिवसमा बागमती प्रदेश प्रहरी कार्यालय हेटौडाले बिभिन्न कार्यक्रमहरु गरिरहेको छ । प्रहरी दिवसकै अवसरमा बागमती प्रदेश प्रहरी कार्यालय हेटौंडाले सार्वजनिक महत्वका स्थलहरुको सरसफाई, वृक्षारोपण, प्रदेश प्रहरी श्रीमती संघबाट हेटौंडामा रहेका वृद्धाश्रमहरुमा फलफुल वितरण गर्ने लगायतका कार्यक्रम संचालन गर्ने तय भएको प्रवक्ता गिरीले जानकारी दिए । असोज ३० गते “६५ औं प्रहरी दिवस २०७७” मनाईने छ ।
मकवानपुर । बागमती प्रदेशका आन्तरीक मामिला तथा कानुन मन्त्री शालिकराम जम्कट्टेलले शुक्रबार बागमती प्रदेश प्रहरी कार्यालयकाे निरीक्षण गरेका छन् ।
निरीक्षणकाे क्रममा मन्त्री जम्कट्टेल समक्ष प्रदेश प्रहरी प्रमुखले कार्यपत्र प्रस्तुत गरेका थिए। मन्त्री जम्मकट्टेलले बागमती प्रदेश सरकारको बजेटबाट निर्माण हुने प्रदेश प्रहरी मुख्यालयको भवन निर्माण स्थलको अवलोकनका गरेकाे प्रदेश प्रहरी कार्यालयका प्रवक्ता प्रहरी वरिष्ठ उपरीक्षक सुदिप गिरीले जानकारी दिए ।

निरीक्षण भ्रमणको क्रममा आन्तरीक मामिला तथा कानुन मन्त्रालयका सचिव मदन भुजेलकाे समेत सहभागिता रहेको थियो ।
मकवानपुर / मानव बेचविखन विरुद्ध अभियान जारी राख्न सञ्चारकर्मीहरुसँगको समन्वय आवश्यक भएको बताइएको छ । मानव बेचबिखन तथा ओसारपसार नियन्त्रणका लागि बनेको पाँचौ योजना २०७५/०७६ माथि छलफल तथा प्रशिक्षण कार्यक्रममा यस्तो बताईएको हो ।
मानव बेचबिखन तथा ओसारपसार नियन्त्रणका लागि बनेको पाँचौ योजनामा महत्वपूर्ण कार्यनीति र नियन्त्रणहरु व्यवस्था गरिएको भएपनि पीडितलाई आत्मासम्मान हुने प्रवृतिको न्यायका हिसाबले ऐनमा अझै परिमार्जन आवश्यक भएको बताइएको थियो ।
यस योजनामा मानव बेचबिखन रोकथामका लागि जोखिम समुदायलाई जिविकोपार्जन र स्वआर्जनका कार्यक्रम ल्याउने, मानव बेचबिखन तथा ओसारपसारको जोखिम कम गर्न सरोकारवालाको सक्रियता बढाउने, सुरक्षित आप्रवासन बारे शिक्षा तथा सचेतना कार्यक्रम गर्न सूचना केन्द्रको व्यवस्था गर्ने, महिला विकास तथा प्रवर्द्धनका कार्यक्रम सन्चालन गर्ने, संरक्षण र न्यायको लागि पहुँच बढाउने जस्ता कार्यनीति तथा नियन्त्रणको व्यवस्था गरिएको छ । तर यो अझै अपुरो भएकोले आमसञ्चारको तर्फबाट दबाबकारी भूमिकाको आवश्यकता औलाइएको हो ।
मकवानपुरमा मानव बेचबिखन रोकथाम तथा सुरक्षित स्थानागामन प्रवर्द्धन परियोजना अन्तरगत मानव बेचबिखन विरुद्ध सुरक्षित बसाइँसराइ सम्बन्धि सन्चारकर्मीसँग छलफल तथा अन्तक्रिर्या कार्यक्रम गरिएको थियो । अन्तराष्ट्रिय गैरसरकारी संस्था आओको सहयोग तथा नारिसिप सृजना केन्द्र हेटौंडाको आयोजनामा भएको छलफल कार्यक्रममा यसबारे जानकारी सबै समुदायसम्म पुर्याउने पर्ने औलाइएको थियो ।
यसअघि पनि विभिन्न कानून बनेको भए पनि कार्यान्वयनको पाटो कमजोर रहेको सहभागीहरुले बताएका थिए । ऐन व्यवस्थित नभएको कारण पीडितलाई न्याय हुन नसकेको भन्दै सहभागीले पीडितमैत्री न्यायको आवश्यकता रहेको बताए । कार्यक्रममा नारीसिप सृजना केन्द्रका कार्यकारी निर्देशक चिरञ्जिवि पौडेलले जोखिमको संभावना भएको समुदायमा सचेतना पुर्याउनको लागि संस्थाले काम गर्दै आएको बताए । “लक्ष्यित समुदायमा सचेतना अभिवृद्धि तथा जीविकोपार्जनको लागि हामीले काम गर्दै आएका छौ तर, आमसञ्चारको पनि समन्वय आपरिहार्य छ” उनले भने । सन् २०१९ मा लागु भएको यो कार्यक्रमबाट ४ हजारभन्दा बढीलाई सिपमुलक तालिम तथा वैदेशिक रोजगारबाट समस्यामा परेर फर्केका १ सय ५० जनालाई तालिम प्राप्त मनोसामाजिक परामर्शकर्ताबाट परामर्श प्रदान गरिएको परियोजना संयोजक ज्योति बम्जनले बताइन् ।
मकवानपुर जिल्लामा रहेर विभिन्न सञ्चार माध्यममा सक्रिय पत्रकारहरुसँग भएको छलफल कार्यक्रममा अधिवक्ता मनप्रसाद भट्टराइले मानव बेचबिखन तथा ओसारपसार नियन्त्रणका लागि बनेको पाँचौ योजनाका बारेमा जानकारी गराउनु भएको थियो । मावन बेचविखन तथा ओसारपसार नियन्त्रणबाट आत्मासम्मानपूर्ण समाजको स्थापना गर्ने सोचका साथ यो योजना ल्याइएको भएपनि यसमा अझै गहन विषय समेटिनु पर्ने अधिवक्ता भट्टराइले बताए । कार्यक्रममा परियोजना फोकल पर्सन सर्मिला विश्वकर्मा, पत्रकार महासंघ मकवानपुर अध्यक्ष हरि हुमगाई, उपाध्यक्ष सरिता दाहाललगायत सहभागी पत्रकारहरुले न्यायको खातिर आपसी सहकार्य जरुरी भएको बताए ।
विभिन्न बाहानामा बेचबिखनकाे दर बढ्दाे रहेकाे सहभागिहरूले बताए थिए । पछिल्लाे पटक वैदेशिक राेजगारीकाे नाममा हुने बेचबिखन बढी गम्भिर रहेकाे भन्दै सञ्चारमाध्यमले चासाे निरन्तर दबाब दिनुपर्ने सामाजिक अभियन्ताहरूले बताए ।
मकवानपुर । मकवानपुर प्रहरीले भीमफेदी गाउँपालिका वडा नंबर २ भैसेबाट लागू औषध नाईट्रोभेट सहित २ जना पक्राउ गरेकाे छ ।
त्रिभुवन राजपथ हुँदै काठमाडाैं जाँदै गरेको बा ९६ प ३२८५ नंबर को मोटरसाईकललाई चेकजाँच गर्दा लागु औषध नाईट्रोभेट ८७० ट्याब्लेट सहित २ जना पक्राउ परेको जिल्ला प्रहरी कार्यलय मकवानपुरले जनाएको छ ।
पक्राउ पर्नेमा मोटरसाईकल चालक सतिश दमाल मगर र बज्र रोकाया रहेको प्रहरीले जनाएको छ । प्रहरी चौकी भैँसे मकवानपुर बाट प्र.ना.नि. कुल बहादुर श्रेष्ठको कमाण्डमा खटिएको चेकिङ टोलीले उनीहरूलाइ नाईट्रोभेट ८७० ट्याब्लेट सहित पक्राउ गरेकाे र उनिहरु माथि आवश्यक अनुसन्धान भईरहेको जिल्ला प्रहरी कार्यलय मकवानपुरका प्रवक्ता प्रहरी नायव उपरीक्षक इन्द्र बहादुर राना जानकारी दिए ।
पक्राउ परेका मगर प्युठान मल्लरानी गाउँपालिका वडा नंबर ३ घर भई हाल जिल्ला काठमाडाैं बालाजु शान्तीटोल बस्ने वर्ष १८को र राेकाया कालीकोट घोचायबाडा गाउँपालिका वडा नंबर ३ घर भई हाल काठमाडाैं महानगरपालिका वडा नंबर ३ बस्ने वर्ष १८ कै रहेकाे प्रहरीले बताएकाे छ ।
भीमफेदी सुमाे दुर्घटनामा थप एक जनाकाे मृत्यु
Tags: No Comments
मकवानपुर । मकवानपुरको भीमफेदी गाउँपालिका ६ मा भएकाे सुमो दुर्घटनामा थप १ जनाको मृत्यु भएको छ । आईतबार दिउँसो हेटौंडाबाट काठमाण्डौ जाँदै ना १ ज ४१०६ नंबरको सुमो दुर्घटना भइ सडकबाट डेड सय मिटर तल खसेको थियो ।
सुमाे दुर्घटनास्थलमै २ जनाको मृत्यु भएको थियो भने १ जनाको उपचारको क्रममा मृत्यु भएको जिल्ला प्रहरी कार्यलय मकवानपुरले जनाएको छ । घटनास्थलमै मृत्यु भएका मृतकको अनुहार क्षतविक्षत भएकोले चिन्न सकिने अवस्था नभएकाे मकवानपुर प्रहरीले बताएकाे छ । तर साथमा भेटिएको कागजपत्रका आधारमा उनीहरूकाे साथमा रहेकाे नागरिकता र पासपाेर्टकाे अाधारमा हेटौंडा उपमहानगरपालिका–१३ पदमपोखरी बस्ने २५ वर्षीय भिमबहादुर थिङ र मकवानपुरको राजन राना मगर रहेकाे प्रहरी उपरीक्षक इन्द्र बहादुर रानाले जानकारी दिए ।
उपचारकाे क्रममा मृत्यु हुनेमा झापा जोरपानी–७ की २५ वर्षीया देवीकुमारी गिरीको भीमफेदीस्थित प्राथमिक स्वास्थ्य केन्द्रमा सामान्य उपचारपश्चात् थप उपचारको क्रममा हेटौंडा अस्पतालमा मृत्यु भएको हो । यसै गरी दुर्घटनामा घाइते हुनेहरुमा हेटौंडा उपमहानगरपालिका वडा नम्बर ३ बसामाडी बस्ने ३० वर्षीया शर्मिला थिङ, रौतहट रङ्गपुर गाउँपालिका बस्ने २९ वर्षीय सुजनकुमार काफ्ले, मकवानपुरगढी गाउँपालिका–४ बस्ने २७ वर्षीय सोमबहादुर गुरुङ, सुमो चालक भीमफेदी–४ घर भई हाल सामरी बस्ने विष्णु मगर र अन्दाजी ५ वर्षीय एक बालक रहेका छन् ।
घाइते ५ जनाकाे हेटौंडा अस्पताल र चुरेहिल अस्पतालमा उपचार भईरहेको बताइएकाे छ । घाइते मध्य ४ जनाको अवस्था पनि गम्भीर रहेको प्रहरीले जनाएको छ ।