मकवानपुर । मकवानपुरको मनहरी गाउँपालिकामा मतगणना स्थगित गरिएको छ ।
मनहरीको वडा नम्बर ९ को मतगणना कार्य स्थगित गरिएको हो । मतपेटिकालाई कपडाले नढकेको बिषयलाई लिई बिबाद उत्पन्न भएपछी अर्को सुचना जारी नभए सम्मको लागि स्थगित गरिएको निर्वाचन अधिकृत पूर्णबहादुर दर्जीले बताए ।
वडा नम्बर – ९ को एउटा मतपेटिका कपडाले नछोपिएको अवस्थमा भेटिएपछि राजनितिक दलका प्रतिनिधिले छोपिएको अवस्थमा हुनु पर्ने भनि विवाद निकाले पछि निर्वाचन अधिकृतको कार्यालयले मतगणना कार्यलाई अनिश्चित समय सम्मको लागि स्थागित गरिएको सूचनामा उल्लेख छ ।
१ देखि ८ सम्मको गणनामा शान्तिपूर्ण तरिकाले सर्बदलिय बैठकमा भएको निर्णय अनुसार मत गणना कार्य सम्पन्न भएको थियो ।
मतपेटिकामा अन्तरास्ट्रिय मापदण्ड अनुसारको मान्यता प्राप्त डिजिटल सिल गरिने व्यवस्था अनुसार ५ वटा सिल लगाइएको हुन्छ । जुन सिल एक पटक तोडेपछि पुन लगाउने सकिदैन । सिलमा उल्लेख हुने डिजिटल नम्बर दलको प्रतिनिधिहरुले समेत मतदानको दिन रूजु गरि मुचुल्का गरेको प्रमाण भिडाउदा सहजै मतपेटिका साटिएको हो वा हैन पत्ता लाग्दछ । सहजै विवाद सुल्झाउन सकिने भए पनि कुरा बुझाउने नसक्दा मतगणना नै अबरुद्ध भएको हो ।
“सिल गरिएको बाकस चौर मै फालिए पनि सुरक्षाको दृष्टिकोणले कुनै समस्या हुन्न, कपडाले किन ढाक्न पर्यो” मकवानपुर जिल्ला मुख्य निर्वाचन अधिकृत डिल्लिरत्न श्रेष्ठले भने ।
मकवानपुर । स्थानीय तह सदस्य निर्वाचन २०७९ को आज मतदान गर्ने कार्य जारी रहेको छ । मकवानपुरबाट राष्ट्रिय राजनीतिमा परिचित व्यक्तिहरुले मतदान गरिसकेका छन् ।
मुख्य पदमा उम्मेदवारी रहेका तथा नेतृत्वमा रहेका व्यक्तिहरुले विहान सबेरै आफ्नो मतदान केन्द्रमा मतदान सकेर आफ्नो वा दलको समर्थनमा मतदान स्थल तथा केन्द्रहरुमा उपस्थित रहेका छन् ।
विहान ७ बजेबाट मतदान सुरु हुने भएपनि मतदाताहरु विहान ४ बजेबाटै मतदान स्थलमा उपस्थित भएका थिए ।

बागमती प्रदेश पुर्व मुख्य मन्त्री डोरमणी पौडेलले हेटौंडा उपमहानगरपालिका वडा नम्बर ११ स्थित त्रिभुवन माविको मतदान स्थलबाट मतदान गरेका छन् । उनी नेकपा एमालेको केन्द्रीय सल्लाहकार परिषद सदस्य हुन् ।
मतदान कार्यक्रममा राप्रपा नेपाल अध्यक्ष कमल थापाले हेटौंडा उपमहानगरपालिकाको वडा नम्बर ६ स्थित बंश गोपाल माध्यमिक बिधालयको मतदान स्थलबाट मतदान गरेका छन् ।

संघीय सरकारका स्वास्थ मन्त्री बिरोध खतिवडाले तथा बागमती प्रदेश सभा सदस्य मुनु सिग्देलले हेटौंडा उपमहानगरपालिका वडा नम्बर ४ को भुटनदेवी माविको मतदान स्थलबाट मतदान गरेका छन् । उनीहरु दुबै नेकपा एकीकृत समाजवादी पार्टीमा आवद्ध छन् ।
यसैगरी नेपाली काङ्ग्रेस प्रदेश सभापति ईन्द्र बहादुर बनियाँले हेटौंडा उपमहानगरपालिका वडा नम्बर १८ को ज्योती माविबाट मतदान गरेका छन् ।
यसैगरी बागमती प्रदेशको सामाजिक विकास मन्त्री कुमारी मोक्तानले हेटौंडा १३ स्थित कालिका मावि मतदान स्थलबाट मत संकेत गरेकी छिन् ।
संविधान सभा पूर्व सदस्य तथा हेटौंडा उपमहानगरपालिकामा नेकपा एमालेबाट उम्मेदवार रहेका अनन्त पौडेलले हेटौंडा ९ स्थित प्रगति माविबाट आफ्नो मतसंकेत गरिसकेका छन् ।

यसैगरी गठबन्धनबाट मेयरको उम्मेदवार मिनाकुमारी लामाले हेटौंडा १ को रोप वे मतदान स्थलबाट मतदान गरेकी छिन् । रोप वे को मतदान स्थलबाट सबैभन्दा पहिले लामाले नै मतदान गरेकी थिइन् ।

आफ्नो मतसंकेत गरेपछि हेटौंडा उपमहानगरपालिकामा एमालेबाट मेयरका उम्मेदवार पौडेल र गठबन्धनबाट मेयरको उम्मेदवार लामा दुबैले आफ्नो जितको सुरुवात भएको दाबि गरे । दुबै उम्मेदवारले मतदातालाई सचेतका साथ मतदान गर्न आग्रह समेत गरेका छन् ।





मकवानपुर । शुक्रबार हुने स्थानीय तह सदस्य निर्वाचन २०७९ को सुरक्षार्थ मकवानपुरमा ३ हजार २ सय ७३ जना सुरक्षाकर्मी खटिएका छन् ।
सरकारले निर्वाचनलाई शान्तिपुर्ण र विश्वस्त बनाउन उक्त संङख्यामा सुरक्षाकर्मी खटाइसकेको छ,तर सरकारले गराउने लागेको निर्वाचन प्रति दलहरूले भने विश्वास नगरेको छनक मकवानपुरमा देखिएको छ ।
निर्वाचनको लागि भनेर नेपाल कम्युनिष्ट पार्टी माओबादी केन्द्रले आफ्ना युवा दस्ता वाईसीएललाई बुथ बुथमा खटाउने भएको छ । निर्वाचन सुरक्षाका लागि सरकारले १ हजार ४ सय ७३ जना म्यादी प्रहरी, नेपाली सेना ५ सय जना, सशस्त्र प्रहरी ४ सय जना, नेपाल प्रहरी ९ सय जना खटाइने मकवानपुर जिल्लाका प्रमुख जिल्ला अधिकारी भरतमणी पाण्डेले जानकारी दिए । मतदान केन्द्र भित्र सुरक्षा प्रदान गर्न प्रहरी खटिने र मतदान केन्द्र बाहिरा सेना खटाइनेछ ।
यता माओवादीले पार्टी निकट युवाहरुको संगठन वाईसिएल मकवानपुरले ६ हजारको संङ्ख्यामा वाइसीएल खटाउने भएको छ । आसन्न स्थानिय चुनाव भयरहित बनाउन र शान्ति सुरक्षा कायम गर्नको लागि भन्दै जिल्लाका बुथहरुमा वाइसिएल खटाउन लागेको हो। वाइसिएल मकवानपुरका संयोजक लवराज ठकुरीको अनुसार निर्वाचनलाई निश्पक्ष र भयरहित बनाउनको लागि स्वयंसेवकको रुपमा वाइसिएललाई खटाउने भएको हो ।
जिल्लामा ‘१ बुथ २५ युथ भन्ने’ नारासहित वाइसिएलले सुरक्षमा खट्न लागेको संयोजक ठकुरीले बताए । प्रशासनले अतिसंवेदनशील र संबेदनशिल भनेको स्थानहरुमा भने ५० देखी ६० जना खटाइने वाइसीएल खटिने ठकुरीले बताए ।
निर्वाचनको मौन अबधी सुरु भएपछी भित्रीरुपमा गरिने चलखेल तथा अपराधिक गतिबिधीहरुमा वाइसिएल मकवानपुरले निगरानी राख्ने ठकुरीको दाबि छ । तर वाइसीएलकै कारण वातावरणमा भयरहित हुनेमा भने आशंका रहेको नेपाली कांग्रेसका एक युवा नेताले बताए ।
‘प्रत्येक मतदातालाई भयरहित वातावरणमा आफूले चाहेको प्रतिनीधि छान्ने अधिकारको सुरक्षा गर्न वाइसिएल नेपाल लागि पर्ने भनिएको छ,तर उनीहरूले नै विवेकपुर्ण मतलाई यताउता गर्न लगाए भने के होला’ उनले भने । बुथमा कुनै पनि वाहानामा दल निकट व्यक्ति बस्दा मतदातालाई प्रभाव पार्ने गरि बस्न नमिल्ने निर्वाचन आयोगले प्रस्ट्याएको छ ।
सुरक्षाको वाहानामा वाइसिएल खटाइए कारवाही: मुख्य निर्वाचन अधिकृत
मकवानपुर जिल्लाका मुख्य निर्वाचन अधिकृत डिल्लीरत्न श्रेष्ठले बुथ सुरक्षाको वाहानामा वाइसिएल खटाइए कारवाही हुने बताएका छन् । “मतदान प्रणालीलाई निष्पक्ष र भय रहित बनाउनको लागि नेपाल सरकारले नै सुरक्षाकर्मी खटाएर पाठाएको छ,त्यसरी जो बस्न मन लाग्यो त्यसले सुरक्षा गर्न पाउने भए किन राज्यको अर्वौं खर्च गर्नुपर्यो” श्रेष्ठले भने “यसो हुन दिदैनौ मतदातालाई कुनै असर पर्न हुन्न ।”
सरकारी मान्यता प्राप्त सुरक्षाकर्मी बाहेक कसैले यो भूमिका नपाउने उनले बताए । “सरकारले खटाएको सुरक्षाकर्मी भन्दा दलको युवा संगठन कसरी विश्वासिला ?” उनले प्रश्न गरे ।
मकवानपुर । जिल्ला प्रशासन कार्यालय मकवानपुर मकवानपुर भोलि २७ बैशाखको रातीबाट मादक पदार्थ बिक्री तथा सेवन प्रतिबन्ध गरेको छ ।
प्रशासनले ३० बैशाखमा हुने स्थानीय सदस्य निर्वाचन २०७९ लाई स्वच्छ, स्वतन्त्र, निष्पक्ष, भयरहित र शान्तिपूर्ण रुपमा सम्पन्न गर्नका लागि भन्दै यस्तो निर्णय गरेको हो । २७ बैशाखको राती १२ बजेबाट जिल्लाभर मादक पदार्थको सेवन तथा विक्रि वितरणमा रोक लगाउने बारे सूचना मार्फत जानकारी गराएको छ ।
आज एक सूचना जारी गर्दै जिल्ला प्रशासन कार्यलय मकवानपुरले ३० बैशाखसम्म जिल्लाभर मादक पदार्थको सेवन तथा विक्रि वितरणमा रोक लगाईएको जनाएको छ ।

यसैगरि,मतगणनास्थलको ५ सय मिटर आसपास क्षेत्रमा मतगणनाको कार्य सम्पन्न नहुँदासम्म मादक पदार्थ बिक्री वितरण बन्द गर्न आग्रह गरेको छ । निर्वाचन कार्यतालिका अनुसार २७ बैशाखको रात १२ बजेपछि मैन अवधी सुरू हुदैछ । यो समयमा चुनाव लक्ष्यित कुनैपनि गतिविधि गर्न पाईने छैन ।
मकवानपुर । मकवानपुर प्रहरीले चोरीको मोटरसाईकल र लागुऔषधसहित २ जनालाई पक्राउ गरेको छ । प्रहरीले हेटाैडाबाट ३ वटा चाेरीका माेटरसाकल र ४ सय मिलिग्राम खैराे हेराेईन सहित उनीहरुलाई पक्राउ गरेकाे हाे ।
पक्राउ पर्नेमा हेटौंडा उपमहानगरपालिका–११ थानाभर्याङ बस्ने २६ वर्षीय अख्तर खान र हेटौंडा उपमहानगरपालिका– १० का १९ वर्षीय आर्यान बानियाँ रहेकाे मकवानपुर प्रहरीले जनाएको छ । प्रहरीले एउटा मोटरसाईकल चोरी भएको सूचनाको आधारमा ३ वटा मोटरसाईकल सहित खैरो हेरोईन बरामद गरेको जिल्ला प्रहरी कार्यलय मकवानपुरका प्रहरी प्रवक्ता टेक बहादुर कार्कीले जानकारी दिए ।
बुधबार दिउँसो हेटौंडाको राप्तीरोडबाट बिजय गौतमको बागमती प्रदेश ०३–००५ प ३४६५ नंको बुलेट मोटरसाईकल चोरी भएको सूचनाको आधारमा प्रहरीले खोजतलास गर्ने क्रममा गौतमको सहित ३ वटा मोटरसाईकल बरामद गरेकाे हाे । गाैतमकाे बुलेट मोटरसाईकल खान र बानियाँको साथमा भेटिएपछि प्रारम्भिक अनुसन्धान गर्दा उनीहरुले लुकाएर राखेको अवस्थामा ना ४१ प ५२०८ र बा.प्र.०३–००३ प ७२५२ नं.को पल्सर मोटरसाईकल बरामद गरेको प्रवक्ता कार्कीले जानकारी दिए ।
प्रहरीका अनुसार दुबै पल्सर मोटरसाइकलको नम्बर प्लेट परिवर्तन गरी लुकाएर राखिएको अवस्था बरामद गरेको गरिएको हो । उनिहरु बस्ने कोठा चेकजाँच गर्ने क्रममा लागुऔषध खेरौ हेरोईन ४०० मिलि ग्राम फेला परेको प्रहरीले जनाएको छ । चोरीको मोटरसाइकल र लागुऔषध खेरौ हेरोईन सहित पक्राउ परेका खान र बानियाँमाथि थप अनुसन्धान भईरहेको जिल्ला प्रहरी कार्यालयले जनाएको छ ।