बेचविखन नियन्त्रणमा स्थानीय तहको भूमिका बारे प्रशिक्षण
Tags: No Comments
मकवानपुर । कानुन अन्वेषण तथा स्रोत विकास केन्द्र सेलर्ड र शान्ति फाउण्डेशको आयोजनामा मानव बेचविखन नियन्त्रणमा बारे स्थानीय तहको भूमिका बारे प्रशिक्षण गरााइएको छ ।
मकवानपुरको हेटौंडा उपमहानगरपालिका, बकैया गाउँपालिका, मनहरी गाउँपालिकाका जनप्रतिनिधि तथा कर्मचारी र जिल्लाका गैससका प्रतिनिधिहरुलाई प्रशिक्षण दिइएको हो । मानव बेचविखन नियन्त्रणमा स्थानीय तहले निर्वाह गर्नुपर्ने भूमिका बारे प्रशिक्षण गराइएको हो ।
बेचविखनको संभावित जोखिमबाट बचाउन, प्रभावितहरुको उद्दार तथा पुनर्स्थापनामा लागि पर्नको लागि स्थानीय सरकारको रुपमा गर्नुपर्ने भूमिका बारे प्रशिक्षण गराइएको थियो । प्रशिक्षणले आफूहरुलाई ऐन कानुनबारे पुनर्ताजगी भएको सहभागीहरुले बताए ।
हेटौंडामा दुई दिनसम्म चलेको कार्यक्रममा संघीय सरकार महिला बालबालिका तथा ज्येष्ठ नागरिक मन्त्रालयका रामहरि गैरे, सेलर्डका कपिल अर्याल, सुखदेव सापकोटा, रत्न श्रेष्ठ तथा शान्ति फाउण्डेशकी सिता गुराङले सहजिकरण गरेका थिए ।

प्रशिक्षण कार्यक्रमपछि सहभागीहरु मनहरी गाउँपालिका उपाध्यक्ष रेखा पुलामी, हेटाैंडा ११ वडा अध्यक्ष जुना दाहाल, समेतकाे उपस्थिति रहेकाे थियाे । प्रशिक्षणपछि मनहरी गाउँपालिका वडा ३ का अध्यक्ष अनन्तप्रकाश अर्याल, बकैया गाउँपालिका कार्यालय महिला बालबालिका शाखाकी होमकुमारी सञ्जेल, हिमराइट्स नेपाल मकवानपुरकी कुमारी वाइबालगायतले प्रशिक्षणले कार्यक्षेत्रमा खटिएर काम गर्दा विशेष ध्यान दिनुपर्ने सवालमा पुनर्ताजगी प्रतिकृया दिए ।
पीडितलाई उद्दार गर्दादेखि पुनर्स्थापना तथा सहज न्यायको लागि आफूहरुले गर्दै आएका काममा अझै प्रभावकारी बनाउन ज्ञान प्राप्त भएको उनीहरुले बताए । कार्यक्रम युएसएआडीकाे अर्थिक सहयोग विनरक ईन्टरनेशनलकाे सझेदारी र हाम्रो सम्मान परियोजनाकाे प्रविधिक सहयोगमा भएकाे थियाे ।
सवारी दुर्घटनामा घाइते लामाकाे मृत्यु
Tags: No Comments
मकवानपुर । मकवानपुरकाे बकैया गाउँपालिकामा सवारी साधन दुर्घटनामा घाइते भएका मध्ये १ जनाकाे मृत्यु भएकाे छ । हेटौडा–धरान–चतरा सडकखण्ड अन्तरगत बकैया गाउँपालिका वडा नम्वर ५ तिनतलेमा गत मगलबार दिउँसो मिनीट्रक दुर्घटना हुँदा घाइते भएका सहचालक बकैया ६ का दिनेश लामाकाे उपचारकाे क्रममा मृत्यु भएकाे मकवानपुर प्रहरीले जनाएकाे छ ।
कार्तिक १४ गते मंगलबार हेटौंडाबाट फापरबारीतर्फ जाँदै गरेको बा.प्र.०३–००१ क ०७९२ नम्वरको पानी लोड गरेकाे मिनीट्रक आँफै अनियन्त्रित भई सडकबाट ७ मिटर तल खसी दुर्घटना हुँदा बकैया ७ हर्दाका युवराज सापकाेटा र सहचालक लामा घाइते भएका थिए ।
प्रहरीका अनुसार घाइते ट्रकमा सवार २६ वर्षीय सापकोटा र ट्रकका सहचालक २८ वर्षीय दिनेश लामालाई हेटाैडा अस्पतालमा उपचारकाे ल्याइएकाेमा लामालाई थप उपचारकाे लागि चितवन भरतपुरकाे पुरानाे मेडिकल कलेज रिफर गरिएकाे थियाे । घाइते लामाकाे उपचारकाे क्रममा कार्तिक १६ गते बेलुका मृत्यु भएकाे मकवानपुर प्रहरी प्रवक्ता डिएसपि लक्ष्मी भण्डारीले जानकारी दिए ।
मकवानपुर । मकवानपुर प्रहरीले जिल्लाका विभिन्न स्थानमा लगाइएको गाँजा तथा अफिम फडानीलाई तीव्रता दिएको छ । प्रहरीले ४ दिनमा १ सय ६० बिगाहा जग्गामा लगाएको गाँजा तथा अफिम फडानी गरिएकाे मकवानपुर प्रहरी प्रबक्ता डिएसपी लक्ष्मी भण्डारीले बताए ।
मकवानपुर प्रहरीले कार्तिक १२ गते देखी गाँजा तथा अफिम फडानी सुरु गरेकाे हाे । गाँजा तथा अफिम फडानी अभियान अन्तरगत पहिलो दिन कात्तिक १२ गते ३ बिगाहा, ८ कठ्ठा, कार्तिक १३ गते ६१ बिगाहा, ३ कठ्ठा र कार्तिक १४ गते ५७ बिगाहा १५ कठ्ठा तथा कार्तिक १५ गते ३७ विगाहा १५ कठ्ठा जमिनमा लगाइएकाे गाँजा फडानी गरिएको भण्डारीले बताए ।
प्रहरीले राक्सिराङ गाउँपालिका वडा नम्बर–४ मादल सेन, रतुवा,वडा नम्बर–९को कोल्टे, धुरकोट, कात्तिके, अठारे क्षेत्र वडा नम्बर–३ सरीखेत पलाँसे कैलाश गाउँपालिका वडा नम्बर–३ को कालिकाटार,आपचौर,भोगटार,र वडा नम्बर–४ को तोकुवा, धुस्राङ्, देउतिसमा लागूऔषध गाँजा फडानी गरेको उनले बताए ।
यसैगरी राक्सिराङ–९ रिचोपुङ, सिमलटार लोजा, वाङराङ, खोल्सी, रुन्चेदाङ, चेउराङ राक्सीराङ– १ र २ मा फडानी गरिएको छ । त्यस्तै कैलाश ८ को वाक्सिराङ ,सतपुर, पाख्रे, र वडा नम्बर ७ को बिलाउने, देरवारी फडानी गरिएको बताईएको छ ।
भण्डारीका अनुसार, जिल्लाको राक्सिराङ गाउँपालिका र कैलाश गाउँपालिकाको विभिन्न वडामा लगाइएको गाँजा र अफिम खेती नष्ट गर्नको लागि गत आइतबार १ सय ३७ जना प्रहरी टोली परिचालन गरेको थियो । जिल्लाकाे कैलाश, राक्सिराङ्ग, भीमफेदी, मनहरी गाउँपालिका तथा थाहानगरपालिकामा गाँजा खेती हुदै आएकाे छ ।
मकवानपुर । मकवानपुर जिल्लाकाे जिल्ला न्यायधिश मनकुमारी जी एम बिकले बेचविखन नियन्त्रण तथा पीडितलाई न्याय दिन सबै पक्षकाे समन्वय अत्यावश्यक भएकाे बताएकी छिन् । मानव बेचविखन नियन्त्रण तथा पीडितलाई न्यायको आभाष दिलाउन विभिन्न सामाजिक साँस्कृतिक परम्परा पनि बाधकको रुपमा रहेकोले सबै पक्षकाे सहकार्य र समन्वय जरुरी रहेकाे उनले बताएकी हुन् ।
मानव बेचविखन नियन्त्रणका लागि न्याय क्षेत्रको सरोकारवालासँगको समन्वय बैठकमा न्यायधिश बिकले यस्तो बताएकी हुन् । पीडितमाथि भएको क्षति, सामाजिक पुनस्र्थापनामा सहज पुर्ति भएमा मात्रै पनि केही हदसम्म अदालतको गरिमा र विश्वास बढ्ने उनले बताइन् ।
सामाजिक संरचना अनुसार गोपनीयताको सवाललाई ध्यानमा राखेर पनि जाहेरी दरखास्त दर्ता नहुने गरेको उनले बताइन् । “एकातिर अदालतको झण्झटिलो प्रक्रिया झेल्न आँट सबैले गर्दैनन् अर्कोतिर प्रतिवादी पक्राउ नपर्दा पनि मुद्दा फिर्ता लिने गरेको मैले कामको शिलशिलामा अनुभव पाएको छु” उनले भनिन् ।
अनुसन्धनको क्रममा महिला कर्मचारी नहुदाँ पनि पीडितहरु न्यायको लडाइँमा नआउने गरेको, आर्थिक अवस्था, पीडकबाट हुने डर धम्की, अशिक्षा जस्ता कारण पनि न्यायको लागि पीडितहरु अदालतसम्म नआउने गरेको उनले बताइन् ।
कानुन अन्वेषण तथा स्रोत विकास केन्द्र (सेलर्ड) र शान्ति फाउण्डेशनको आयोजनामा हाम्रो सम्मान परियोजना अन्तरगत पीडित केन्द्रीत न्यायको सवालमा अनुभव आदनप्रदान गरिएको थियो ।
बैठकमा मकवानपुर जिल्लाका प्रमुख जिल्ला अधिकारी सूर्य सेडाइले वैदेशिक रोजगारीको क्रममा हुने बेचविखन र ठगीमा पीडित आफैंले विकल्पको खोजि नगर्दा समस्या हुने गरेको बताए । पर्याप्त जानकारी नलिई, कागजपत्रको सुरक्षामा ध्यान कम दिंदा समस्या हुने गरेको उनले बताए । यस्ता समस्या जनचेतनाको अभिवृद्धिबाट मात्रै संभव भएको भन्दै उनले सचेतनाको पाटो सशक्त पार्न गैसस र नागरिक समाजसँगको सहकार्यलाई अझै ध्यान दिने बताए । अदालतको प्रक्रियामा रहेका मुद्दामा प्रमाण संकलनको पाटोलाई छिटो छरीतो पार्न सकेमा न्याय सम्पादनमा सफल हुन सकिने प्रजिअ सेडाइले बताए ।
यस्तै जिल्लामा प्रहरी प्रमुख प्रहरी उपरीक्षक सिताराम रिजालले कतिपय मुद्दाको प्रमाण खोज्दै जाँदा जाहेरीमा उल्लेख भएभन्दा अरु नै प्रमाण भेटिने गरेको गुनासो गरे ।“गुम्बामा पढ्न गएकाहरुलाई पनि बेचविखन भनेर मुद्दा बनाइन्छ, जो पछि फेरी अभिभावककै साथमा गुम्बामा पुग्दछन्, सबै मुद्दालाई बेचविखनको डालोमा राख्ने गर्दा समस्या छ” उनले भने ।
यसैगरी जिल्ला बार एशोसियन अध्यक्ष अप्सरा बस्नेत तथा माइती नेपाल मकवानपुर प्रमुख माया लामाले पछिल्लो समय बाह्य बेचविखनभन्दा आन्तरीक बेचविखनमा चुनौति बढेको बताए । पीडितलाई कानूनी क्षति भराउने व्यवस्था भएपनि कानुनी लडाइमा आउने विभिन्न अड्चनहरु खेप्न पीडितहरु तयार नहुने गरेको कारण समस्या भएको अध्यक्ष बस्नेतले बताइन् ।

बैठकमा मानव बेचविखन तथा ओसारपसार अपराध मुद्दालाई उठान गरी न्यायिक प्रक्रियामा लैजान र पीडितको न्यायनमा पहुँच अभिवृद्धि गर्न सरोकारवालाहरु बीचको समन्वयलाई कसरी प्रभावकारी बनाउने भन्ने सवालमा छलफल गरिएको थियो । बैठकलाई सेलर्डका अधिवक्ता सुखदेव सापकोटाले सहजिकरण गरेका थिए ।
कार्यक्रममा हेटौंडा ११ वडा अध्यक्ष जुना दहालले बेचविखन विरुद्धको न्यायको सवाल, न्यायिक प्रक्रियाबारे विद्यालय तहबाटै पाठ्यक्रममा समावेश गर्नुपर्ने आवश्यकता रहेको बताइन् ।
कार्यक्रममा वरिष्ठ अधिवक्ता केशव प्रसाद काफ्ले, जिल्ला न्यायधिक्ता राजन हमाल, श्रेस्तेदार लेखनाथ पौडेल,सहायक जिल्ला न्यायाधिबक्ता राजेन्द्र मणी पौडेल, वैतनिक अधिवक्ता रमिला चौलागाई, सेलर्डमा कपिल अर्याल,रत्न श्रेष्ठ, प्रकृति कार्की शान्ति फाउण्डेशनकि सिता गुरुङलगायतको उपस्थिती रहेको अधिवक्ता मनप्रसाद भट्टराइले जानकारी दिए ।
बकैयामा मिनीट्रक दुर्घटना, २ जना घाइते
Tags: No Comments
मकवानपुर । मकवानपुरकाे बकैया गाउँपालिकामा सवारी साधन दुर्घटना हुँदा २ जना घाइते भएका छन् । हेटौडा–धरान–चतरा सडकखण्ड अन्तरगत बकैया गाउँपालिका वडा नम्वर ५ तिनतलेमा मंगलबार दिउँसो मिनीट्रक दुर्घटना हुँदा उनीहरु घाइते भएका मकवानपुर प्रहरीले जनाएकाे छ ।
हेटौंडाबाट फापरबारीतर्फ जाँदै गरेको बा.प्र.०३–००१ क ०७९२ नम्वरको पानी लोड गरेकाे मिनीट्रक आँफै अनियन्त्रित भई सडकबाट ७ मिटर तल खसी दुर्घटना हुँदा बकैया ७ हर्दाका युवराज सापकाेटा र सहचालक बकैया ६ गवरस्थानका दिनेश लामा घाइते भएको जिल्ला प्रहरी कार्यालय मकवानपुर प्रवक्ता, प्रहरी नायव उपरीक्षक लक्ष्मी भण्डारीले जानकारी दिए ।
घाइते ट्रकमा सवार २६ वर्षीय सापकोटा र ट्रकका सहचालक २८ वर्षीय दिनेश लामालाई हेटाैडा अस्पतालमा उपचारकाे ल्याइएकाेमा लामालाई थप उपचारकाे लागि चितवन भरतपुरकाे पुरानाे मेडिकल कलेज रिफर गरिएकाे भण्डारीले बताए ।
अर्का घाइते सापकाेटाकाे भने हेटौंडा अस्पतालमा नै उपचार भइरहेको छ । प्रहरीले ट्रक चालक हेटौंडा उपमहानगरपालिका वडा नम्वर ३ लेवट बस्ने ३२ वर्षीय हर्कबहादुर ब्लोनलाई नियन्त्रणमा लिई घटनाको बारेमा आवश्यक अनुसन्धान गरिरहेको जनाइएको छ ।