मकवानपुर । हेटौंडामा स्कुटरको ठक्करबाट १ जनाको मृत्यु भएको छ । हेटौँडा उपमहानगरपालिका १७, बाबुचोकमा शुक्रबार स्कुटरको ठक्करबाट स्थानीय ४३ वर्षीया गोपिनी बिकको मृत्यु भएको प्रहरीले जनाएको छ ।
शुक्रबार मदन भण्डारी राजमार्गको हेटौँडा–सिन्धुली खण्डअन्तर्गत हर्नामाडी ठूलोदमारबाट हटियातर्फ आउँदै गरेको ना २५ प ८३५६ नम्बरको स्कुटरले बाटो काट्दै गरेकी पैदलयात्री गोपिनी बिकलाई ठक्कर दिएको थियो ।
स्कुटरको ठक्करबाट गम्भीर घाईते भएकी गोपिनीको हेटौँडा अस्पतालमा उपचारको क्रममा शुक्रबार साझनै डाक्टरले मृत घोषणा गरेको जिल्ला प्रहरी कार्यालय मकवानपुरले जनाएको छ । प्रहरीले स्कुटर चालक हेटौँडा–१, पिपलबोट बस्ने ३५ वर्षीय ईलेश श्रेष्ठलाई नियन्त्रणमा लिएको छ ।
बारीमा लड्दा बिष्णुमायाकाे मृत्यु
Tags: No Comments
मकवानपुर । मकवानपुरगढी गाउँपालिकामा बारीमा लड्दा १ जनकाे मृत्यु भएकाे छ । कार्तिक २९ गते बुधबार मकवानपुर गढी १ की ६२ वर्षीय बिष्णुमाया बम्जनकाे बारीमा लड्दा मृत्यु भएकाे जिल्ला प्रहरी कार्यालय मकवानपुरले जनाएकाे छ ।
बधुबार साँझ बम्जन घरदेखी २०० मिटर दक्षिणमा रहेका आफ्नै बारीमा लडी मृत्यु भएको मकवानपुर प्रहरी प्रवक्ता लक्ष्मी भण्डारीले जानकारी दिए । हाल बम्जनकाे शव हेटौडा अस्पतालमा रहेकाे छ भने घटनाकाे सम्बन्धमा थप अनुसन्धान भइरहेकाे प्रहरीले जनाएकाे छ ।
मकवानपुर । मकवानपुर प्रहरीले लुटपाटमा संलग्न भएको अभियोगमा २ जनालाई पक्राउ गरेको छ । सस्तोमा मोटरसाईकल मिलाईदिन्छु भन्दै एकान्त जंगलमा बोलाएर लुटपाट गरेको अभियोगमा मकवानपुर जिल्लाको कैलाश गाउँपालिका–२, बैकुण्ठ बोटटोलका २५ वर्षीय विशाल मुक्तान र कैलाश गाउँपालिका–२, खारेटोलका ३१ वर्षीय टोकल माईला भन्ने रुद्र मुक्तानलाई प्रहरीले पक्राउ गरेको जनाएको छ ।
विशाल र रुद्रले गत शुक्रबार दिउँसो मकवानपुरको थाहा नगरपालिका–३, भञ्ज्याङडाँडा खाप्चेखोलास्थित जंगलमा झापा जिल्ला भद्रपुर नगरपालिका–३ का नरेन्द्र लिम्बुको साथबाट ३० हजार रुपैयाँ, मोवाइल एक थान लुटपाट गरी फरार भएकोमा उनीहरु विरुद्ध प्रहरीमा उजुरी परेकाे थियाे ।
उक्त उजुरीकाे आधारमा विशाललाई गत आइतबार पक्राउ गरेको हो तथा रुद्रलाई आज सोमबार पक्राउ गरेको मकवानपुर प्रहरीले जनाएकाे छ । प्रहरीले विशाल र रुद्रको साथबाट १४ हजार ५० रुपैयाँ समेत बरामद गरेको जनाएको छ ।
प्रहरीका अनुसार काठमाडौंमा घर बनाउने काम गर्ने क्रममा विशाल र नरेन्द्रबीच चिनजान भएको थियाे । विशाल र रुद्रले हतियार जस्तो कालो बस्तु देखाई नरेन्द्रको साथमा रहेको नगद र मोवाइल लुटपाट गरेको प्रहरीले जनाएको छ ।
मकवानपुर । मकवानपुरको मकवानपुरगढी गाउँपालिका वडा नं.५ खैरहनी लखनटोलमा अटो दुर्घटना हुँदा घाइते भएका चालकको मृत्यु भएको छ ।
स्थानीय ३३ बर्षीय लक्ष्मण स्याङ्तानको पुरानो मेडिकल कलेज भरतपुरमा उपचारको क्रममा आइतबार राती मृत्यु भएको जिल्ला प्रहरी कार्यालय मकवानपुरका प्रहरी नायव उपरीक्षक लक्ष्मी भण्डारीले जानकारी दिए ।
मकवानपुर । मकवानपुरको मनहरी गाउँपालिकामा रुखबाट लडेर १ जनाको मृत्यु भएको छ । मनहरी गाउँपालिका–७, रमौलीकी रिता सुनारी मगरको रुखबाट लडेर मृत्यु भएको जिल्ला प्रहरी कार्यालय मकवानपुरले जनाएको छ ।
सोमबार बिहान घर नजिकैको जंगलमा घाँस काट्न गएकी रिता रुखबाट लडेर घाइते भएकी थिइन् । घाइते उनलाई उपचारको लागि चितवन भरतपुरको चितवन मेडिकल कलेज लगिएकोमा सोमबार बिहान उपचारको क्रममा मृत्यु भएको प्रहरी जनाएको छ ।