मकवानपुर जिल्लाभर आज राति १२ बजेबाट निषेधाज्ञा
Tags: No Comments
मकवानपुर । बैशख ३१ गते शुक्रबार राति १२ बजेबाट मकवानपुर जिल्ला भर निषेधाज्ञा जारी हुने भएको छ । मकवानपुर प्रशासनले जिल्लामा कोरोना संक्रमणकाे संख्या बढेसंगै संक्रमणको जोखिमलाई कम गर्न यस अघी बैशाख १९ गते राती १२ वजेबाट ३१ गते राती १२ बजेसम्म मकवानपुरका ४ स्थानीय तहमा निषेधाज्ञा लागु गरेकाे थियाे ।
हाल जिल्लामा कोरोना संक्रमण दर दिनहुँ बढ्दै गएकाेले जिल्लाका १० वटै स्थानीय तहमा संक्रमणको जोखिमलाई मध्यनजर गर्दै आज बैशाख ३१ गते राति १२ बजेबाट जेठ १३ गते राति १२ बजेसम्म निषेधाज्ञा जारी रहने जिल्ला प्रशासन कार्यलय मकवानपुरले जनाएको छ ।
विहीबार जिल्ला कोभिड-१९ संकट व्यवस्थापन केन्द्रले यसअघि हेटौंडा उपमहानगरपालिका सहित थाहा नगरपालिका,भीमफेदी गाउँपालिका र मनहरी गाउँपालिकाको पूर्वपश्चिम राजमार्गको दाँयाबाँया ५/५ सय मिटर क्षेत्रमा जारी निषेधाज्ञालाई थप गरेर जिल्लाभर निषेधाज्ञा गर्ने निर्णय गरेको हो ।
निषेाज्ञामा के गर्न पाइने के गर्न नपाइने
१. औषधी उपचार र खाद्य वस्तु तोकिएको समयमा खरिद गर्न नजिकका पायक पर्ने स्थानमा जान बाहेक कुनै पनि व्यक्तिहरू घर बाहिर निस्कन, मर्निङ तथा इभनिङ्ग वाकमा जान र हिँडडुल गर्न नपाइने ।
२. अत्यावश्यक उपभोग्य वस्तु (खाद्यान्न, पानी, दूध, माछा, मासु, अण्डा, फलफूल तथा तरकारी) विक्रीवितरण गर्ने पसल विहान ५:०० बजेदेखि विहान ८:०० बजेसम्म मात्र खोल्न पाइने, औषधी पसल, पेट्रोल पम्म, ग्याँस डिपो, अक्सिजन सिलिण्डर पसल नियमित सञ्चालन गर्नुपर्ने । फलफूल तथा तरकारीको थोक बजारबाट खुद्रा विक्री वितरण गर्न नपाइने । अन्य सबै प्रकारका व्यवसायहरू बन्द रहने ।
तर, हेटौडा उपमहानगरपालिकाको मुख्य शहरी क्षेत्र उत्तरमा चौकीटोल, दक्षिणमा कर्रा खोला, पश्चिममा थाना भर्याङ र पूर्वमा क्याम्पा डाँडाभित्रका औषधी र अक्सिजन सिलिण्डर विक्री वितरण गर्ने पसल बाहेक अन्य अत्यावश्यक उपभोग्य वस्तु (खाद्यान्न, पानी, दूध, फलफूल तथा तरकारी) विक्री वितरण गर्ने पसलहरू हप्तामा मंगलबार र शुक्रबार मात्र विहान ५:०० बजेदेखि विहान ८:०० बजेसम्म खोल्न पाइने । खोपेगल्लीस्थित रहेको तरकारी तथा फलफूल पसल र बसपार्कस्थित खुद्रा तरकारी बजार र माछामासु पसल सम्पूर्ण समयमा बन्द रहने ।
३. एम्बुलेन्स, बिरामी बोकेका गाडी, खाद्य वस्तु, तरकारी, दूध, खानेपानी, पेट्रोलियम पदार्थ बोक्ने ट्याङ्कर, स्वास्थ्य सामग्री र अक्सिजन ढुवानी गर्ने साधन, शव वाहन, फोहोर व्यवस्थापन गर्ने गाडी, पशुपंक्षीका दाना बोक्ने गाडी, कृषि मल तथा बीउबीजन बोक्ने गाडी, स्वास्थ्यकर्मी, सञ्चारकर्मी, दूरसञ्चार, विद्युत, इन्टरनेट सेवा प्रवाह गर्ने सवारी साधन तथा सुरक्षा निकायले प्रयोग गर्ने सवारी साधन र जिल्ला प्रशासन कार्यालयहरूबाट अनुमति प्राप्त सवारी साधन बाहेक कुनै पनि प्रकारका सार्वजनिक (मयुरी, अटो, ट्यामेपो समेत) वा निजी यात्रुवाहक (मोटरसाइकल समेत) र अन्य ढुवानीका सवारी साधनहरू सञ्चालन गर्न नपाइने ।
४.सरकारी कार्यालय, सार्वजनिक संस्थान, बैंक एवं अत्यावश्यक सेवा प्रदान गर्ने क्षेत्रमा कार्यरत कर्मचारी तथा कामदारहरूलाई सम्बन्धित कार्यालयले जारी गरेको परिचयपत्रको आधारमा र समाचार संकलन/सम्प्रेषण कार्यमा खटिएका सञ्चारकर्मीहरूको हकमा पहिचान खुल्ने फोटो सहितको परिचयपत्रका आधारमा आवत जावत गर्न दिइने ।
५.पूर्व-पश्चिम राजमार्ग भई जाने लामो दूरीका सवारी साधन, मालवाहक सवारी साधनहरू तथा निर्माण सामग्री ढुवानीका साधनहरू यस जिल्लामा नरोकिने गरी आवत जावत गर्न पाइने । औद्योगिक कच्चा पदार्थ, तयारी उत्पादन एवं खाद्यान्न बोक्ने सवारी साधनहरू हेटौडा उपमहानगरपालिकाको तोकिएको शहरी क्षेत्रभित्र विहान १०:०० बजेदेखि दिनको ३:०० बजेसम्म मात्र आवत जावत एवं लोड अनलोड गर्न पाइने र सोही समयमा मात्र सवारी साधन मर्मत गर्ने वर्कसपहरू खोल्न सकिने ।
६. अत्यावश्यक सरकारी सेवाहरू एक चौथाई कर्मचारीको व्यवस्थापन गरी आलोपालो प्रणालीबाट सञ्चालन गर्ने ।
७. बैंकबाट प्रदान गरिने सेवाहरू जनस्वास्थ्यका मापदण्ड अनिवार्य अवलम्बन गरी भिडभाड नहुने गरी एक चौथाई कर्मचारीहरूबाट मात्र हप्तामा मंगलबार र शुक्रबार २ दिन विहान ९:०० बजेदेखि दिनको १:०० बजेसम्म मात्र सञ्चालन गर्ने । अन्य वित्तिय संस्था, इन्स्योरेन्स कम्पनी, मनी ट्रान्सफर तथा वित्तिय सहकारी संस्थाहरू पूर्णरूपमा बन्द रहने ।
८.मठ, मन्दिर, मस्जिद, गुम्बा, चर्च लगायतका धार्मिक स्थलहरूमा नित्य पूजा मात्र सञ्चालन गरी अन्य समयमा अनिवार्य बन्द गर्ने । धार्मिक, सांस्कृतिक र सामाजिक लगायत कुनै पनि प्रकारको जमघट तथा भेला हुने क्रियाकलाप सञ्चालन गर्न नपाइने । तर, विवाहका लागि बढीमा १५ जनासम्म नजिकको प्रहरी इकाईसँग समन्वय गरी आफ्नै निवासमा जनस्वास्थ्यका मापदण्ड पालना गरी सम्पन्न गर्न सकिने ।
९.विवाहका लागि जिल्लाभित्र एक ठाउँबाट अर्को ठाउँ वा अन्तर जिल्ला जानुपर्ने भएमा एकवटा सवारी साधनमा ७ (सात) जनासम्म मात्र जान सकिने ।
१०. औद्योगिक प्रतिष्ठानहरूले उद्योगमा कार्यरत मजदूर कर्मचारीहरूलाई जनस्वास्थ्यका मापदण्डहरू अनिवार्य पालना गरी, गराई सम्बन्धित उद्योग प्रतिष्ठानमा कार्यरत मजदूर कर्मचारीहरूसँग समन्वय गरी उद्योग परिसरभित्रै वा निश्चित स्थानमा राखी बाहिर आवत जावत नहुने सुनिश्चितता गरी उद्योग सञ्चालन गर्न सकिने ।
११. विकास आयोजना तथा निर्माण कार्य सञ्चालन गर्दा आयोजनास्थल वा निर्माणस्थलमा नै कामदार तथा कर्मचारी रहने व्यवस्था मिलाई जनस्वास्थ्यका मापदण्ड अनिवार्य पालना गरी, गराई निर्माण कार्य सञ्चालन गर्न सकिने ।


मकवानपुरमा थप ५७ जना काेराेना संक्रमण मुक्त
Tags: No Comments
मकवानपुर । पछिल्लो २४ घण्टामा मकवानपुरमा थप ५७ जना संक्रमित संक्रमण मुक्त भएका छन् । यो संगै मकवानपु्रमा कोरोना मुक्त हुनेको संख्या ४ हजार १ सय ५९ पुगेको छ ।
मकवानपुरमा विहीबार थप १ सय ८५ जनामा कोरोना भाइरस संक्रमण पुष्टि भएको छ । विहीबार ३ सय ४३ जनामा पिसिआर र एन्टीजेन परीक्षण गर्दा थप १ सय ८५ जनामा संक्रमण पुष्टि भएको स्वास्थ्य कार्यलय मकवानपुरले जनाएको छ ।
पुष्टि हुनेमा १ सय ४८ जना हेटौंडा उपमहानगरपालिकाका, १२ जना मनहरी गाउँपालिकाकाका, ११ जना थाहा नगरपालिकाका, ८ जना कैलाश गाउँपालिकाका ,५ जना मकवानपुगढी गाउँपालिकाका र १ जना राक्सिराङ गाउँपालिकाका रहेका छन् । यो संगै मकवानपुरमा कोरोना पुष्टि हुनेको संख्या ६ हजार १ सय ४० पुगेको स्वास्थ्य कार्यलयले जनाएको छ ।
यसैगरि मकवानपुरमा थप २ जना संक्रमितको मृत्यु भएको छ । मृत्यु हुने दुबै जना हेटौंडा उपमहानगरपालिकाका रहेको स्वास्थ्य कार्यलय जानकारी दिएकाे छ । यो संगै मकवानपुरमा कोरोनाको कारण मृत्यु हुनेको संख्या ५१ पुगेको छ ।
मकवानपुरमा हाल संक्रिय संक्रमितको संख्या १ हजार ९ सय ३२ रहेको छ । जसमा १ हजार ८ सय २८ जना घरमै रहेका छन् भने १ सय ४ जना संस्थागत आइसोलेसनमा उपचाररत रहेका छन् ।
झरनाको बकैया स्तरीय बाल साहित्य परिचालन समिति गठन
Tags: No Comments
मकवानपुर । “सिर्जनशील नयाँ पुस्ता निर्माण” अभियान सञ्चालन गर्दै आएको मकवानपुरको एक मात्रै साहित्यिक संस्था झरना साहित्य परिवार मकवानपुरको २ सय ६५ औँ नियमित साहित्य शृङ्खलाका अवसरमा बकैया स्तरीय झरना- बकैया बाल साहित्य परिचालन समिति गठन भएको छ ।
बकैया गाउँपालिकाभित्र रहेका बालसाहित्य समितिका गतिविधिहरुलाई प्रभावकारी बनाउनका लागि १३ सदस्यीय बाल साहित्य परिचालन समिति गठन भएको संस्थाका अध्यक्ष दिपक गौतमले जानकारी दिए । झरना साहित्यिक परिवार मकवानपुरका उपाध्यक्ष चिरञ्जीवी लामिछानेको संयोजकत्वमा गठित झरना बाल साहित्य परिचालन समितिको अध्यक्षमा विजय दोङ र सचिवमा स्वस्तिका दाहाल रहेका छन् । परिचालन समितिका सदस्यहरुमा बकैया गाउँपालिकामा रहेका सबै माध्यमिक विद्यालय र आधारभुत विद्यालयहरुमा यसअघि नै गठन भएका बालसाहित्य समूहका ११ जना अध्यक्षहरु रहेको संस्थाका सचिव मिन प्रसाद सञ्जेल ‘मसान उपासक’ले बताए ।
संस्थाका संस्थापक अध्यक्ष रमेशमोहन अधिकारीले प्रमुख अतिथिका रुपमा मन्तव्य राख्दै नयाँ पुस्तालाई राम्रोसँग परिचालन गर्न सके आगामी दिनमा पनि साहित्यको नेतृत्व स्थापित हुन सक्नेमा ढुक्क रहेको बताए । कार्यक्रममा बकैया स्थित बालसाहित्य समितिका बालबालिकाहरुले आ-आफ्ना रचना समेत वाचन गरेका थिए । कार्यक्रममा हरि घिमिरे, हरिवंश चौधरी, शुभलक्ष्मी प्रभा, स्वस्तिका दाहाललगायतले रचना समेत रचना वाचन गरेका छन् ।
मकवानपुर । मकवानपुर जिल्लाका ३ स्थनीय तहमा पूर्ण र १ स्थानीय तहमा आंशिक लगाइएकाे निषेधाज्ञामा अत्यावश्यक उपभोग्य वस्तु विक्री वितरण गर्न समय घट्ने भएकाे छ ।
मकवानपुर जिल्लामा कोभिड-१९ को संक्रमण रोकथाम, नियन्त्रण तथा व्यवस्थापनका लागि प्रमुख जिल्ला अधिकारी भरतमणि पाण्डेले गत बैशाख १८ गते जारी गरेकाे निषेधाज्ञाकाे आदेशकाे बुंदा नं. २ लाइ संसाेधन गरी अत्यावश्यक उपभोग्य वस्तु (खाद्यान्न, पानी, दुध, माछा, मासु, अण्डा, फलफूल तथा तरकारी) विक्री वितरण गर्ने पसल विहान ५ बजेदेखि विहान ८ बजेसम्म मात्र खोल्न पाइने गरी बैशाख २१ गते थप आदेश जारी गरिएकाे हाे । यसअघि प्रशासनले निषेधाज्ञा क्षेत्रमा बिहान ५ बजे देखि ९ बजेसम्म पसल खोल्न पाईने जनाएको थियो ।
यसै गरी अादेशमा निषेधाज्ञा लागू भएका स्थानीय तहमा औषधी पसल, पेट्रोल पम्म, ग्याँस डिपो, अक्सिजन सिलिण्डर पसल, सवारी साधन मर्मत गर्ने तोकिएका वर्कसप नियमित सञ्चालन गर्नुपर्ने जनाइएकाे छ । यस बाहेकका अन्य सबै प्रकारका व्यवसायहरू बन्द रहने भएकाे छ।
यस अघी जारी अादेशलाइ संक्रामक रोग ऐन, २०२० को दफा २ र स्थानीय प्रशासन ऐन, २०२८ को दफा ६ को उपदफा ३ बमोजिम संशोधन गरी थप आदेश जारी गरिएको हाे । जारी आदेशको बर्खिलाप भए, गरेको पाइएमा प्रचलित कानून बमोजिम कारबाही हुने व्यहोरा उल्लेख छ ।
कोभिड-१९ को संक्रमण रोकथाम, नियन्त्रण तथा व्यवस्थापनका लागि जिल्ला कोभिड-१९ संकट व्यवस्थापन केन्द्र, मकवानपुरको बैशाख १८ गतेकाे सिफारिस तथा जिल्ला सुरक्षा समितिकाे सिफारिस समेतकाे अाधारमा प्रमुख जिल्ला अधिकारीले बैशाख १९ गते राती १२ बजेबाट मकवानपुर जिल्लाकाे हेटाैडा उपमहानगरपालिका, थाहा नगरपालिका, भीमफेदी गाँउपालिकाका सवै क्षेत्रमा निषेधाज्ञा गरेकाे थियाे । यस्तै मनहरी गाँउपालिकाकाे राजमार्ग क्षेत्रकाे दायाँबायाँ ५/५ सय मिटर क्षेत्रसम्म निषेधाज्ञा जारी भएकाे थियाे
मकवानपुरमा आजसम्म ७ सय ७२ जना सक्रिय संक्रमित रहेका छन् । जसमा ७ सय ४० जना संक्रमित घरमा,१९ जना संक्रमित हेटौंडा ६ स्थित गौरिटार आइसोलेसनमा र १३ जना संक्रमित हेटौंडा अस्पतालमा उपचाररत रहेका छन् । हालसम्म मकवानपुरमा कोरोना संक्रमण पुष्टी भएका ४० जनाको ज्यान गएको छ । मंगलबार मात्र काेराेना पुष्टि भएका २ जना संक्रमितकाे हेटाैडा अस्पतालमा ज्यान गएकाे थियाे ।

मकवानपुर । विश्वभर फैलिदै गइरहेको नयाँ भेरियन्टको कोभिड-१९ को संक्रमण मकवानपुर जिल्लामा तीव्ररूपमा फैलिरहेकोले नेपाल सरकार (मन्त्रिपरिषद्) को बैशाख ६ र १३ गतेको बैठकको निर्णयहरूमा भएको व्यवस्था बमाेजिम कोरोना संक्रमणको जोखिम न्यूनिकरण गर्नको लागि जिल्ला प्रशासन कार्यालय मकवानपुरले आइतबार बैशाख राती १२ बजेदेखि बैशाख ३१ गते राती १२ बजेसम्म मकवानपुरको ४ वटा स्थानीय तह र राजमार्गको ५ सय मिटर वरपर निषेधाज्ञा गर्ने निर्णय गरेको छ ।
जिल्ला कोभिड-१९ संकट व्यवस्थापन केन्द्र, मकवानपुरको बैशाख १८ गतेकाे सिफारिस तथा जिल्ला सुरक्षा समितिको बैशाख १८ गतेकाे निर्णय समेतको आधारमा संक्रामक रोग ऐन, २०२० को दफा २ र स्थानीय प्रशासन ऐन, २०२८ को दफा ६ को उपदफा ३ बमोजिम मिति बैशाख १९ गते रातिदेखि १२ बजेदेखि बैशाख ३१ गते राति १२ बजेसम्म हेटौँडा उपमहानगरपालिका, थाहा नगरपालिका, भीमफेदी गाउँपालिकाको सम्पूर्ण क्षेत्र र मनहरी गाउँपालिकाको पूर्व-पश्चिम राजमार्ग (महेन्द्र राजमार्ग)को दाँयारबाँया ५००/५०० मिटरको क्षेत्रमा निषेधाज्ञा गरिएको हो ।
निषेधाज्ञामा के गर्न पाइने के गर्न नपाइने
१. औषधी उपचार, खाद्य वस्तु तथा अत्यावश्यक वस्तु खरिद गर्न नजिकका पायक पर्ने स्थानमा
जान बाहेक कुनै पनि व्यक्तिहरू घर बाहिर निस्कन र हिँडडुल गर्न नपाइने ।
२. अत्यावश्यक उपभोग्य वस्तु (खाद्यान्न, पानी, दूध, माछा, मासु, अण्डा, फलफूल तथा तरकारी) विक्री वितरण गर्ने पसल विहान ५:०० बजेदेखि विहान ९:०० बजेसम्म मात्र खोल्न पाइने,
औषधी पसल, पेट्रोल पम्म, ग्याँस डिपो, अक्सिजन सिलिण्डर पसल, सवारी साधन मर्मत गर्ने
तोकिएका वर्कसप नियमित सञ्चालन गर्नुपर्ने । अन्य सबै प्रकारका व्यवसायहरू बन्द रहने ।
३. एम्बुलेन्स, बिरामी बोकेका गाडी, खाद्य वस्तु, तरकारी, दूध, खानेपानी, पेट्रोलियम पदार्थ बोक्ने
ट्याङ्कर, स्वास्थ्य सामग्री र अक्सिजन ढुवानी गर्ने साधन, शव वाहन, फोहोर व्यवस्थापन गर्ने गाडी, पशुपंक्षीका दाना बोक्ने गाडी, कृषि मल तथा बीउबीजन बोक्ने गाडी, औद्योगिक कच्चा पदार्थ र तयारी उत्पादन बोक्ने गाडी, स्वास्थ्यकर्मी, सञ्चारकर्मी, दूरसञ्चार, विद्युत, इन्टरनेट सेवा प्रवाह गर्ने सवारी साधन तथा सुरक्षा निकायले प्रयोग गर्ने सवारी साधन र जिल्ला प्रशासन कार्यालयहरूबाट अनुमति प्राप्त सवारी साधन बाहेक कुनै पनि प्रकारका सार्वजनिक वा निजी यात्रुवाहक (मोटरसाइकल समेत) र अन्य ढुवानीका सवारी साधनहरू सञ्चालन गर्न नपाइने ।
४. सरकारी कार्यालय, सार्वजनिक संस्थान, बैंकिङ तथा वित्तिय क्षेत्र एवं अत्यावश्यक सेवा प्रदान
गर्ने क्षेत्रमा कार्यरत कर्मचारी तथा कामदारहरूलाई सम्बन्धित कार्यालयले जारी गरेको परिचयपत्रको आधारमा र समाचार संकलन/सम्प्रेषण कार्यमा खटिएका सञ्चारकर्मीहरूको
हकमा पहिचान खुल्ने फोटो सहितको परिचयपत्रका आधारमा आवत जावत गर्न दिइने ।
५. अन्य जिल्लाबाट आएका पूर्व-पश्चिम राजमार्ग भई जाने लामो दूरीका सवारी साधन, मालवाहक
सवारी साधनहरू तथा निर्माण सामग्री ढुवानीका साधनहरू यस जिल्लामा नरोकिने गरी आवत
जावत गर्न पाइने ।
६. अत्यावश्यक सरकारी सेवाहरू एक तिहाई कर्मचारीको व्यवस्थापन गरी आलोपालो प्रणालीबाट
सञ्चालन गर्ने ।
७. बैंक, वित्तिय संस्था तथा सहकारीबाट प्रदान गरिने सेवा जनस्वास्थ्यका मापदण्ड अनिवार्य
अवलम्बन गरी भिडभाड नहुने गरी आलोपालो विधिबाट विहान ९:०० बजेदेखि दिनको ४:०० बजेसम्म मात्र सञ्चालन गर्ने । तर, सबै बैंक तथा वित्तिय संस्थाहरूले आ-आफ्ना ATM तथा विद्युतीय सेवाहरू २४ सै घण्टा सुचारू राख्नुपर्ने ।
८.मठ, मन्दिर, मस्जिद, गुम्बा, चर्च लगायतका धार्मिक स्थलहरूमा नित्य पूजा मात्र सञ्चालन गरी अन्य समयमा बन्द गर्ने । धार्मिक, सांस्कृतिक र सामाजिक लगायत कुनै पनि प्रकारको जमघट तथा भेला हुने क्रियाकलाप सञ्चालन गर्न नपाइने । तर, विवाहका लागि बढीमा १५ जनासम्म नजिकको प्रहरी इकाईसँग समन्वय गरी आफ्नै निवासमा जनस्वास्थ्यका मापदण्ड
पालना गरी सम्पन्न गर्न सकिने ।
९. विवाहका लागि जिल्लाभित्र एक ठाउँबाट अर्को ठाउँ वा अन्तर जिल्ला जानुपर्ने भएमा
दुईवटासम्म सवारी साधनमा १५ जनासम्म मात्र जान सकिने ।
१०. औद्योगिक प्रतिष्ठानहरूले उद्योगमा कार्यरत मजदूर कर्मचारीहरूलाई जनस्वास्थ्यका
मापदण्डहरू अनिवार्य पालना गरी गराई उद्योग परिसरभित्रै वा निश्चित स्थानमा राखी बाहिर
आवत जावत नहुने सुनिश्चितता गरी उद्योग सञ्चालन गर्न सकिने ।
११. विकास आयोजना तथा निर्माण कार्य सञ्चालन गर्दा आयोजनास्थल वा निर्माणस्थलमा नै कामदार
तथा कर्मचारी रहने व्यवस्था मिलाई जनस्वास्थ्यका मापदण्ड अनिवार्य पालना गरी, गराई निर्माण कार्य सञ्चालन गर्न सकिने ।