निषेधाज्ञाको निशानामा बालबालिका, बढ्यो बाल हिंसा
Tags: No Comments
मकवानपुर / कोरोना महामारीको कारण जारी निषेधाज्ञाको निशानामा बालबालिकाहरु परेका छन्। एकातिर विद्यालयहरु बन्द, अर्कोतिर घरभित्रको अभाव र हिंसाको कारणबाट बालिबालिकाहरु शिकार हुने गरेका हुन् ।
सिविन बाल हेल्प लाइन मकवानपुरका अनुसार निषेधाज्ञाको समयमा बालबालिका सम्बन्धी घटनाहरु बढेका छन् । सिविन बाल हेल्प लाइन मकवानपुरका प्रमुख झविन्द्र ज्ञावलीका अनुसार निषेधाज्ञामा बालबालिकाहरुमाथि हिंसा तथा बालविवाह बढेको छ । घरेलु हिंसाको कारण पनि बालविवाह बढेको ज्ञावलीको भनाई छ ।
निषेधाज्ञाको समयमा मात्रै ८ वटा बालविवाहको घटनाहरु भएको सिविनले जनाएको छ । ति मध्ये केही बालिकाहरुलाई सिविनले अहिले पनि आश्रय दिंदै आएको छ । विद्यालय बन्द भएको समयमा बालबालिकाहरुमाथि हिंसा बढी हुने गरेको ज्ञावलीले बताए । सामान्य अवस्थामा अर्थात १ साउन २०७७ देखि २० वैशाख २०७८ सम्म (१० महिनाको अवधिमा) ४८ वटा बाल विवाहका घटनाहरु सिविनको पहलमा रोकिएको थियो ।
निषेधाज्ञा सुरु भएको १ महिनाको अवधिमा मात्रै ८ वटा घटना सार्वजनिक भएको छ । ८ वटाै घटनाहरु सिविनको पहलमा रोकिएको बताइएको छ । पछिल्लो पटक साेमबार मकवानपुरगढी गाउँपालिकामा बालविवाहको तयारीमा रहेको घटना राेकिएकाे सिविनले जनाएको छ । ‘याे साता मात्रै ३ वटा बालविवाह सम्वन्धी घटना राेकियाे’ ज्ञवालीले भने । परिवारीक आर्थिक अवस्था बिग्रेपछि घरेलु हिंसा बढेको र यसको प्रत्यक्ष असर बालबालिकामा परेको ज्ञावलीले बताए । ‘यो विषम परिस्थितीमा बालबालिबाहरु आफूखुसी विवाह गर्ने क्रम पनि बढेको छ’ उनले भने ।
विगत १० महिनामा ११ जना बालबालिकाहरु बेपत्ता भएका थिए भने निषेधाज्ञाको समयमा मात्रै ६ जना बालबालिकाहरु बेपत्ता भएको तथ्याङ्कले देखाएको छ । यो बिचमा २ जना बालबालिकामाथि दुव्र्यवहार भएको सिविनमा दर्ता भएको छ । निषेधाज्ञाको समयमा मकवानपुरमा बालबालिबासम्बन्धी १९ वटा घटना भएका छन् ।
पछिल्लो समय घरेलु हिंसा हुनुमा मद्यपान सेवन गरेर हुने हिंसा, कुटपिट गर्ने, घरमा आर्थिक समस्या हुने, शंकाको आधारमा दम्पत्ती विच हुने झगडाले बालबालिकाहरु शिकार हुने गरेका छन्।निषेधाज्ञको समय जारी रहेको भएपनि जस्तो सुकै घरेलु हिंसा घटनामा तुरुन्तै ‘एक्सन’ लिने गरि प्रहरीले टोली खटाउने जिल्ला प्रहरी कार्यालय मकवानपुर महिला बालबालिका तथा ज्येष्ठ नागरिक सेवा केन्द्रकी प्रहरी निरीक्षक चुडाकुमारी खड्काले बताइन् ।
मकवानपुर/मकवानपुरगढी गाउँपालिकामा स्थाीयहरुको पहलमा गठित सामुदायिक कोभिड प्रतिकार्य समुहले कोरोना संक्रमण रोकथाम अभियान अन्तर्गत संस्थामा स्वास्थ्य सामग्रीहरु वितरण गरेको छ ।
आज (मंगलबार) ३ नम्बर वडाका वडाध्यक्ष भागवत घिमिरे सहितको टोलिले मक्रान्चुली सामुदायिक स्वास्थ्य ईकाइलाई १ थान थर्मल गन र २ थान अक्सिमिटर हस्तान्तरण गरिएको छ । दैनिक रुपमा किसानहरुको ओहोर दोहो हुने मनकामना दुग्ध उत्पादक सहकारी सस्था लिमिटेडलाई पनि १ थान थर्मल गन हस्तान्तरण वडा अध्यक्ष भागवत घिमिरेले सस्थाका अध्यक्ष अर्जुनप्रसाद दहाललाई हस्तान्तरण गरे ।
सामुदायिक कोभिड प्रतिकार्य समुहले इलाका प्रहरी कार्यालय मकवानपुरगढी ३ लाई १ थान थर्मल गन २०० थान मास्कसंगै ३ लिटर स्यानिटाइजर र केही थान हात धुने साबुन हस्तान्तरण गरेको छ ।
यसै बिच समुहले मकवानपुरगढी–४ मा रहेका सक्रिय कोभिड सक्रमित परिवारलाई वडाध्यक्ष भागवत घिमिरे सहितको समुहले पोषिलो खानेकुरा र स्वास्थ्य सुरक्षा सामग्री वितरण गरिएको थियो। साथै प्रतिकार्य समुहले जनचेतनाका लागि समुदायका भिडभाड हुने ठाउमा कोभिडबाट बच्ने र संक्रमण रोकथाम हुने लगायतका सन्देश मुलक फ्लेस ब्यानर झुन्ड्याउने गरेको काम छ ।
- मञ्जु मैनाली
मकवानपुर/जेसीआई हेटौडा लेडीको आयोजना तथा व्यवसायी राजु अधिकारीको सहयोगमा अटो एम्बुलेन्स चालकहरुलाई स्वास्थ्य सामग्री सहयोग गरिएको छ ।
कोरोना भाइरसको महामारीमा हेटौडा उपमहानगरपालिकामा भित्र संचालित ३६ वटा अटो एम्बुलेन्स चालकलाई वासेबल पीपीइ सेट वितरण गरिएको हो । साथै अटो एम्बुलेन्स चालकहरुलाई ३६ पाकेट मास्क,३६ पिस फेससिल्ड,२० लिटर सेनीटाइजर सहयोग गरिएको हो ।

स्वास्थ्य सामग्री हस्तान्तरण कार्यक्रममा हेटौंडा उपमहानगरपालिका प्रमुख हरिबहादुर महतले महामारीमा जोखिम मलेर कार्यक्षत्रमा खटेका अटो एम्बुलेन्स चालकहरुलाई मानवियता प्रकट गर्न आग्रह गरे ।
‘अटो चालकले भाडा बढी लिएको गुनासो आएको छ, यो महामारीमा भाडा भन्दा चालकलाई मानवियता देखाउ’ उनले भने । जेसीआई हेटौडा लेडी र सहयोगी व्यवसायी अधिकारीले जस्तै मानवियता प्रकट गर्न महतले अनुरोध गरे ।

कार्यक्रम मा जेसीआई हेटौडा लेडी अध्यक्ष प्रतिमा श्रेष्ठ पूर्व अध्यक्ष रश्मि बस्नेत, हेटौडा जेसिजका अध्यक्ष सिनेटर लिशेन बस्नेत, कुखुरा ब्यबसायी संघ का अध्यक्ष गोकुल नाथ पौडेल, निवर्तमान अध्यक्ष राजु अधिकारी, अटो व्यवसायी संघका अध्यक्ष भीमप्रसाद गौतम, महासचिब नवराज घिमिरे, जेसिज पदाधिकारी सदस्यहरुको उपस्थिति रहेको थियो ।
अटो एम्बुलेन्स चालकहरुलाई घाम पानीमा फेरफार गर्नको लागि समेत पीपीइ सेट अपुग भएकोले सहयोग गरिएको अधिकारीले बताए । महामारीमा नागरिकको स्वास्थ्यको लागि लागिपरेकाहरुलाई १० हजारबराबरको स्वास्थ्य सामग्री व्यवस्था गरिएको शाखाको कार्यक्रम संयोजक ज्योति काफ्लेले बताइन् । तस्बिरहरूः मञ्जु मैनाली
मकवानपुर । सरकारले मकवानपुरको हेटौँडामा रहेको मयुरधापमा निर्माणधिन औद्योगिक क्षेत्रलाई दुई वर्षभित्र निर्माण सम्पन्न गरी संचालनमा ल्याइने घोषणा गरेको छ ।
आर्थिक वर्ष २०७८/७९ को बजेट प्रस्तुत गर्दै अर्थमन्त्री विष्णु पौडेलले आगामी दुई वर्षभित्र मकवानपुरको मयुरधापमा निर्माणनिधन औद्यौगिक क्षेत्रलाई दुई वर्षभित्र पुरा गर्ने बताएका छन् । उनले काठमाडाैंको बालाजुमा रहेको उद्योगहरु स्तान्तरण गरि मयुरधापमा गए त्यस्ता उद्योगलाई १० वर्षसम्म जग्गा भाडा छुट दिने समेत निर्णय गरेको छ ।
सरकारले मकवानपुरगढी सहितका एेतिहासिक गढीहरुको संरक्षणको लागि बजेट विनियोजन गरेको छ । पुूर्वी मकवानपुरको छतिवनमा कृषि औद्योगिक बजार बनाउने सरकारले घोषणा गरेको छ । बजेट प्रस्तुत गर्दै अर्थमन्त्री विष्णु पौडेलले मकवानपुरकाे चित्रलाङमा इन्जिनियरिङ संकायकाे अध्ययनकाे लागि पूर्वाधार निर्माण गरिने बताएका हुन् ।
हेटौँडा उपमहानगरपालिका वडा नंबर १८ स्थित हर्नामाडीमा निर्माणधिन खानेपानी आयोजना निर्माण र मर्मत संभारमा आगामी आर्थिक वर्षभित्र सम्पन्न हुने भएको छ ।
मदन भण्डारी राजमार्गकाे चतरा–हेटौँडा सडकखण्डको बाँकी रहेको काम आगामी वर्ष सम्पन्न गरिने भएकाे । मकवानपुरमा पर्ने राष्ट्रिय निकुञ्जहरूकाे पुन रेखाङकन गरिने भएकाे छ ।
चित्लाङ थानकाेट सुरूङ मार्ग निर्माणकाे लागि विस्तृत यरियाेजना निर्माण गरी कार्य प्रारम्भ गरिने भएकाे छ ।
जनता आवास कार्यक्रम अन्तरगत अति विपन्नकाे लागि मकवानपुरमा निर्माणाधिन घरहरू आगामी आर्थिक वर्ष सम्पन्न गरिने भएकाे छ ।
मकवानपुर/स्वास्थ्योपचारमा आर्थिक समस्या भएपछी सहयोगको याचना गर्दै उपचार पर्खि बसेका दिनेश दाहाल थप उपचारको लागि अस्पताल पुगेका छन् । उनी थप उपचारको लागि बुधबार काठमाडौं स्थित राजधानी हस्पिटल पुगेका हुन् ।
हेटौंडा उपमहानगरपालिका–३ बसामाडी निवासी ४३ वर्षीय दिनेश दाहाल २ वर्षदेखि लिभर शिरोसिसबाट पीडित थिए । उपचारको लागि आर्थिक जोहो गर्न नसकेपछि उनीले सहयोगको याचना गरेका थिए । दाहाल प्रतिष्ठान मकवानपुरको नेतृत्वमा सुरु गरिएको ‘दिनेश दाहाल बचाउ अभियान’बाट ९४ हजार रकम संकलन भएमा बुधबार ६१ हजार रुपियाँ दिनेशको छोरा दिवाकरलाई हस्तान्तरण गरिएको छ । बाँकी रकम इसेवा मार्फत पठाइने प्रतिष्ठानले जनाएको छ । प्रतिष्ठान र अन्य मनकारी दाताहरुको सहयोगमा केही आर्थिक जोहो भएपछि थप उपचारको लागि अस्पताल लागिएको हो ।

सक्दो चाँडै शल्यक्रिय गर्नुपर्ने भनिएको थियो, महामारी र पैसाकै जोहो नभएको कारण जान सकिएन’ सहीखबरसँगको भेटमा दाहालले भने ‘अब जीवनको आशा जागेको छ’ सबैलाई धन्यवाद छ’ दिनेशले भने । आफूलाई सहयोग गर्नेहरुप्रति उनले आभार व्यक्त गर्दै, अझै थप पैसाको आवश्यकता परेको सुनाए ।
दिनेश दाहालकी बहिनी रीता दाहाल शर्माका अनुसार हाल उनको शल्यक्रियको लागि मिति भने तोकिएको छैन । ‘सक्दो चाँडै शल्यक्रिय गर्नुपर्ने भनिएको थियो, महामारी र पैसाकै जोहो नभएको कारण जान सकिएन’ सहीखबरसँगको भेटमा दाहालले भने ‘अब जीवनको आशा जागेको छ’ सबैलाई धन्यवाद छ’ दिनेशले भने । आफूलाई सहयोग गर्नेहरुप्रति उनले आभार व्यक्त गर्दै, अझै थप पैसाको आवश्यकता परेको सुनाए । केही महिना अगाडि नै चिकित्सकले चाँडै शल्यक्रियको लागि सुझाएको उनले बताए ।
बुधबार दाहाल प्रतिष्ठानका केन्द्रीय सदस्य दीपक दाहाल, जिल्ला अध्यक्ष सिताराम दाहाल, उपाध्यक्ष जुना दाहाल, सचिव सरिता दाहाल, सहसचिव राजेश्वर दाहाल, आर्थिक उपसमिति संयोजक तथा जिल्ला कोषाध्यक्ष तुल्सा तिमल्सिना दाहाल, सदस्य सरस्वती दाहाललगायतले दिनेशको डेरामा पुगेर सहयोग रकम हस्तान्तरण गरेका थिए ।
प्रतिष्ठानको अभियान अन्तरगत पछिल्लो पटक हेटौंडा उपमहानगरपालिका वडा ३ का वडा अध्यक्ष रामकुमार पुडासैनी, हेटौंडा–४ निवासी, कपडा व्यवसायी तेजराज अधिकारी, न्युजल्याण्डबाट दिलिप दाहाल, अस्टेलियाबाट हरिश्चन्द्र लामिछाने तथा दिपकचन्द्र दाहाल, मकवानपुर ठिंगनका डी.एन दाहाल, हेटौंडा–११ की जुना दाहाल, काठमाडौंका रामहरि दाहालबाट समेत गरी हालसम्म कुल ९४ हजार आर्थिक सहयोग संकलन गरिएको प्रतिष्ठान अध्यक्ष दाहालले बताए ।
उनलाई अझै आर्थिक अपुग भएको कारण सहयोग गर्नेहरुलाई अनुरोध गरिएको छ । क्यान्सरको कारण श्रीमती गुमाएको केही वर्षमै दिनेशलाइ नै स्वास्थ्य समस्या देखिएपछि उपचारमा आर्थिक समस्या परेको हो । श्रीमतीको उपचारमा धेरै खर्च लागेको कारण नगद तथा जायजेथा सकेपछि बाहलमा बस्दै आएका उनी अहिले आफ्नो उपचारमा आर्थिक अभावकै कारण समस्या
रहेको परिवार स्रोतले जनाएको छ ।
हालसम्म उपचारका लागि करिब ४० लाख रुपियाँ खर्च भएको र अबको आर्थिक अवस्था नै कमजोर भएपछि सहयोग माग्नु भन्दा कुनै विकल्पै नरहेको परिवारका सदस्यले जनाएका छन् ।
पछिल्लो समय डाक्टरले उपचारका लागि ६ लाख रुपैयाँ लाग्ने जानकारी दिएको बताइएको छ । दाहाल प्रतिष्ठान मकवानपुरले दिनेशको उपचारको लागि अभियान सुरु गरेको छ । दाहाल प्रतिष्ठानको आजिवन सदस्य समेत रहेका दिनेश दाहालको उपचाररार्थ आर्थिक सहयोग गर्नको लागि प्रतिष्ठानले आग्रह गरेको छ ।
यस अभियान अन्तरगत यसअघि कम अप वीथ १०० अभियानसँगै दाहाल प्रतिष्ठान बागमती प्रदेश समिती, कुमारमणि दाहाल, सिताराम दाहाल (ए), दिपक दाहाल, सरिता दाहाल,सिताराम दाहाल (बी) दुर्गा दाहाल,राजेश्वर दाहाल, बिष्णु दाहाल,तारानाथ दाहाल गुरौखोला, गोपाल दाहाल तथा ईन्द्रप्रसाद सन्जेल रकम सहयोग गरेका थिए । सहयोगको लागि दाहाल प्रतिष्ठान मकवानपुर शाखा नाममा कृषि विकास बैंक हेटौंडामा रहेको खाता नम्बर०५–०८५–०१५७७७६८–०१–८ मा र इ–सेवाबाट ९८५५०७५६०० मा जम्मा गर्न सकिने छ ।