मकवानपुर । हेटौंडा भएको खुला कविता प्रतियोगितामा सुनसरीका सुरज पराजुलीको पर्खाल कविता प्रथम भएको छ । प्रदेश युवा परिषद बागमती आयोजना र साहित्य संगम मकवानपुरको सहकार्यमा भएको राष्ट्रिय युवा कविता उत्सव २०८० अन्तरगत खुला कविता प्रतियोगितामा पराजुलीले प्रथम स्थान हासिल गरि ४० हजार नगद पुरस्कार प्राप्त गरे ।
यस्तै चितवनका कवि अन्जान प्रदीपको कविता ‘कुण्डली’ले द्वितीय स्थान साहिल गरेको छ । द्वितीय हुँदै प्रदिपले ३० हजार पुरस्कार प्राप्त गरे । यसैगरी नुवाकोटका कवि एलिसा एकलासको कविता ‘निर्धो बक्ररेखा’ले तृतीय स्थान हासिल गर्दै २० हजार पुरस्कार प्राप्त गरिन । कविता प्रतियोगितामा तनहुँका भीमप्रसाद खतिवडा अनुरागको ‘मेरो यात्रा’ कविताले सान्त्वना भइ १० हजार रूपैयाँ प्राप्त गरे ।
कविता प्रतियोगिताको लागि प्राप्त १ सय ५३ कवितामध्ये प्रारम्भमा उत्कृष्ट २० छनौट गरिएको आयोजकले जनाएको छ । उत्कृष्ट २० मा छनौट भएका मध्ये १८ जना कविका कविता शनिबार हेटौंडामा वाचन समेतका आधारमा अङ्क प्रदान गरी नतिजा सार्वजनिक गरिएको निर्णायक मण्डल संयोजक निमेष निखिलले बताए ।
उत्कृष्ट कविताका कविहरूलाई बागमती प्रदेशका सामाजिक विकास मन्त्री कुमारी मुक्तान र परिषद्का उपाध्यक्ष सन्तोष चौलागाईंले नगदसहित कदरपत्रले सम्मान गरेका थिए ।
३ सदस्यीय निर्णायक मण्डल मण्डलमा चितवनका कवि भूपिन खड्का, काठमाडौँकी कवि डा. विन्दु शर्मा र हेटौँडाका कवि निमेष निखिल रहेका थिए ।
मन्त्री मोक्तानले युवाहरू लेखन, वाचन लगायत साहित्य सिर्जनामा लाग्नु सकारात्मक पाटो रहेको बताईन । उपाध्यक्ष चौलागाईँले पढ्ने मान्छेमा लेख्ने क्षमता हुने हुँदा पुस्तक पढ्नका लागि प्रेरित गर्नुपर्ने र यस अभियानमा सरिक सबै लेखकलाई धन्यवाद दिएका थिए।
विशिष्ट अतिथि कवी विप्लव प्रतिक र पूर्व सभासद् अनन्त पौडेल रहनु भएको कार्यक्रममा मकवानपुरका सम्पूर्ण साहित्यिक संस्थाबाट प्रतिनिधित्व गर्दै सर्जक सञ्जालका संयोजक तथा कविताका निर्णायक निमेष निखिलले मन्तव्य ब्यक्त गरेका थिए । सङ्गम अध्यक्ष डीबी बर्तौलाले मन्तव्यकका क्रममा साहित्य सङ्गमले साहित्य क्षेत्रको उन्नयनका लागि गुणात्मक कार्यक्रमहरू गरिरहने प्रतिबद्धता व्यक्त गरे ।
युवा पुस्तामा कविता क्रेज सत्रको बहसमा समीक्षक घनश्याम घिमिरे, कविद्वय केशव सिलवाल र सीमा आभास सहभागी रहेका थिए । बहसलाई सङ्गम अध्यक्ष बर्तौलाले सहजीकरण गरेका थिए ।
यसैगरी एकल कविता वाचन सत्रमा कवि विप्लव प्रतीकले १० कविता वाचन गर्दा सुनाउदा उपस्थित दर्शक मग्न भएको थिए । सङ्गम उपाध्यक्ष सानु खनालले पूर्व पत्रकार, गीतकार, अनुवादक, रङ्गकर्मीका साथै युवा पुस्ताका रोजाइका कविमध्ये एक भएकोले कार्यक्रमको एक महत्वपूर्ण हिस्साका रूपमा विप्लवलाई उपस्थित गराइएको बताए ।
पठन संस्कृतिमा टेवा पुर्याउन किताबघर हेटौँडाले पुस्तक प्रदर्शनी समेत कार्यक्रम भरी गरेको थियो । सर्जकहरूले प्रदर्शनीबाट आफ्नो रोजाइका पुस्तकहरू सङ्कलन गरेको किताब घर संचालक छवि अनित्यले जानकारी दिए ।
मकवानपुर । मकवानपुरकाे हेटौँडामा जारी कृष्णप्रसाद दाहाल स्मृति मकवानपुर जिल्ला स्तरीय फुटबल प्रतियोगिताको फाइनल समिकरण पुरा भएकाे छ । हेटौडा ६ स्थित गौरीटार रंगशालामा जारी प्रतियाेगिताकाे उपाधिका लागि निर्मल माध्यमिक विद्यालय र चन्द्रोदय माध्यमिक विद्यालय भिड्ने भएका छन् ।
शुक्रबार भएको सेमिफाइलमा निर्मल मावि बस्तिपुरले गोरक्षेश्वर मावि हेटौँडा १८ फुर्केचौरलाई २–१ गोल अन्तरले पराजित गर्दै फाइनलको यात्रा तय गरेको हो । यस्तै चन्द्रोदय मावि हेटौँडा ८ र जनजागृति मावि हेटौँडा १५ बिच भएको खेल ट्राइब्रेकरमा टुङ्गो लागेको थियो । प्रतिस्पर्धा पूर्ण खेलमा दुवै टिमले खेलको निर्धारित समयमा बराबरी १–१ गोल गरेपछि खेल ट्राइब्रेकर धकेलिएकाे थियाे । ट्राइब्रेकरमा चन्द्रोदय माविले ४–२ ले जनजागृति माविलाई हराएकाे आयाेजकले जनाएकाे छ ।
जिल्ला फुटबल संघकाे आयाेजनामा भएकाे प्रतियोगिताको उपाधिका लागि शनिबार फाइनल खेल हुने छ । प्रतियाेगिताका विजेताले ५० हजार, उपविजेताले २५ हजार शिल्ड, प्रमाणपत्र तथा मेडल प्राप्त गर्ने छन् भने फुटबल प्रतियोगितामा २९ विद्यालयको सहभागिता रहेको आयाेजकले जनाएकाे छ ।
मकवानपुर जिल्ला फुटबल संघकाे आयोजनामा हुँदै आएको प्रतियोगितामा लागि यस वर्षबाट अष्ट्रेलियमा बस्दै आएका हेटौँडा २ निवासी रोशनप्रसाद दाहालले प्रतियोगिताको प्रायोजन गरेका हुन् । दाहालले आफ्ना पिता कृष्णप्रसाद दाहालको स्मृतिमा प्रतियोगिता सञ्चालन गर्ने गरी प्रायोजन गरेकाे बताइएकाे छ । फुटबल संघकाे तर्फबाट जिल्ला अध्यक्ष टीकाराम लामा र दाहाल बिच ५ वर्षका लागि प्रतियाेगिता प्रायोजन गर्ने गरी सम्झौता भएकाे छ ।
प्रायोजनवापत दाहालले प्रत्येक वर्ष एक लाख रुपियाँ दिने र सो रकममा प्रत्येक दुई वर्षमा २० प्रतिशतका दरले वृद्धि हुने सहमति भएको छ । दाहाल अष्ट्रेलियाको मेलबर्नस्थित रोयल वेस्टर्न क्लबका अध्यक्षसमेत हुन् ।
पशुपति माविले विद्यार्थी टिकाउन गर्याे साइकल वितरण
Tags: No Comments
मकवानपुर । मकवानपुरको एक विद्यालयले विद्यार्थीलाई नियमित गराउने साइकल वितरण गरेकाे छ । मनहरी गाउँपालिकाको पशुपति माविले विद्यार्थीलाई विद्यालयले आउने वातावरण बनाइराख्न र बीचैमा पढाइ छाड्ने प्रवृत्ति अन्त्यका साइकल वितरण गरेको हाे ।
मनहरी ४ मसिनेस्थित पशुपति माविले कक्षा ६ देखि १० सम्मका १ सय १५ जना विद्यार्थीलाई साइकल प्रदान गरेको हो । विद्यालयमा विहीबार एक कार्यक्रमको आयोजना गर्दे विद्यार्थीहरुलाई साइकल वितरण गरेको हो । बागमती प्रदेशका सामाजिक विकासमन्त्री कुमारी मोक्तानले विद्यार्थीलाई साइकल वितरण गरेकी थिइन् ।
साइकल वितरण गर्दै मन्त्री मोक्तानले विद्यालयले विद्यार्थीका लागि साइकल वितरण गरेर प्रशंसनिय काम गरेको बताइन् । साइकलले दैनिक घण्टाै हिडेर विद्यालय आउन बाध्य विद्यार्थीलाई विद्यालयमा टिकाइ राख्न र विचमै छाड्ने समस्या कमी ल्याउने उनकाे भनाइ थियाे । उनले ग्रामीण क्षेत्रका विद्यालयहरुमा विद्यार्थी भर्नादर बढाउने र टिकाई राख्नका लागी प्रदेश सरकारकारले पनि सहयोग पु¥याउँने प्रतिवद्धता व्यक्त गरिन् ।
बनकरिया समुदायका विद्यार्थी अध्ययन गर्ने विद्यालयमा साइकल विवरणले विद्यालय आउजाउ गर्न एक घण्टाभन्दा बढी पैदल हिँड्नु पर्ने बाध्यतमक अवस्थाको अन्त्य हुनेमा आशावादी रहेको प्रधानाध्यापक भानुभक्त आचार्यले बताए । प्रधानाध्यापक आचार्यका अनुसार वितरण गरिएकाे साइकल मनहरी गाउँपालिका ४ नम्बर वडा कार्यालयकाे आर्थिक सहयोगमा खरिद गरिएकाे हाे । प्रधानाध्यापक आचार्यले ४ नम्बर वडाका वडाध्यक्ष प्रकाश थापाको अगुवाइमा प्राप्त १० लाख रुपियाँ बजेटबाट साइकल वितरण गरिएको बताए ।
विद्यालयले बस संचालन गर्ने तयारी गरेपनि बस संचालन गर्ने स्रोत सुनिश्चित हुन नसकेपछि हाललाई साइकल वितरण गरिएकाे विद्यालय व्यवस्थापन अध्यक्ष माधब गौतमले बताए । विद्यालयले साइकल वितरण सम्बन्धी कार्यविधि बनाएर विव्यस बैठकबाट पारित गरेको उनले जानकारी दिए ।
विद्यालय ब्यवस्थापन समितिका अध्यक्ष माधब गौतमको सभाध्यक्षतामा भएको कार्यक्रममा गाउँपालिका शिक्षा प्रमुख प्रदीप पराजुली, पूर्ववडाअध्यक्ष ध्रुब खड्का, विद्यालय व्यवस्थापन समिति पूर्वअध्यक्ष रामहरि बिष्ट लगायतको उपस्थिती रहेको थियो ।
मकवानपुर । विज्ञान शिक्षक समाज मकवानपुर र नवोदय शिशु सदनले शनिबार जिल्लास्तरीय वक्तृत्वकला कार्यक्रम तथा विज्ञान कार्यशाला गरेको छ ।
वक्तृत्वकलामा जीएस निकेतनका आदर्श पौडेल र प्रतिष्ठा कार्की क्रमश: प्रथम र द्वितीय भएका छन । यस्तै चण्डीका मावि शिखरकटेरीकी तेज कुमारी बास्कोटा तृतीय र नवोदय शिशु सदनकी विदुषी हुमागाईँ तथा बाल जागृति इङ्ग्लिस स्कुलकी रितिका छत्कुल्लीले सान्त्वना पुरस्कार प्राप्त गरे ।
पौडेलले प्रथम हुदै ६ हजार नगद पुरस्कार सहित प्रमाणपत्र प्राप्त गरे ।यस्तै ,द्वितीय , तृतीय र सान्त्वना हुनेले क्रमश: ५ हजार, ४ हजार र ३/३ हजार नगदसहित प्रमाणपत्र प्राप्त गरे ।
वक्तृत्वकलामा मकवानपुर जिल्लाका आठ पालिकाका २२ जनाले भाग लिएका थिए । साहित्यकारहरू शान्ति प्रियवन्दना, देवराज तिवारी तथा विज्ञान प्रशिक्षक चिरञ्जीवी लामिछानेले निर्णायक रहनु भएको वक्तृत्वकलामा पुरस्कार सौजन्य नवोदय शिशु सदनका शैक्षिक निर्देशक अव्यक्त खनालले गरेका थिए ।
जिल्ला समन्वय समिती प्रमुख ललित घलानले भोलिको समय राम्रो बनाउन र समाज उन्नत बनाउन विज्ञान शिक्षाको महत्वपूर्ण भूमिका रहने बताए । राष्ट्रिय परीक्षा बोर्ड प्रमुख कृष्णप्रसाद घिमिरेले विज्ञान शिक्षा र क्षेत्रमा उचित लगानी गरेमात्र समाज र देश समुन्नत हुने बताए ।
कार्यक्रमको दोस्रो सत्रमा विज्ञान कार्यशाला भएको थियो । उक्त कार्यशालामा मकवानपुर जिल्लाका २२ जना विज्ञान शिक्षकले सहभागिता जनाएका थिए ।
वक्तृत्वकलाको सहजीकरण विज्ञान शिक्षक समाज मकवानपुर सचिव सुवास खनाल र कार्यशालाको सहजीकरण नवोदयकी अनुष्का श्रेष्ठले गरेका थिए ।
कार्यक्रम स्ट्यान जिल्ला अध्यक्ष खेमराज लामिछानेको सभाध्यक्षता जिल्ला समन्वय समिति मकवानपुरका प्रमुख ललित घलानको प्रमुख आतिथ्यता तथा राष्ट्रिय परीक्षा बोर्ड मकवानपुर शाखाका प्रमुख कृष्ण घिमिरेको विशिष्ट आतिथ्यतामा भएको हो ।
कार्यक्रममा सोस्टा मकवानपुरका अध्यक्ष भोगेन्द्र लुईँटेल, गणित शिक्षा परिषद्का अध्यक्ष धनिकलाल साह, नवोदय शिशु सदनका शैक्षिक निर्देशक अव्यक्त खनाल, शिक्षक प्रेम क्षेत्री, अग्रज शिक्षक रघुनाथ घिमिरे, विज्ञान शिक्षक समाज मकवानपुरका सल्लाहकारहरू विनोद गुप्ता ,राम कुमार ठाकुरलगायतको उपस्थित थियो ।
मकवानपुर प्रहरीद्वारा विभिन्न मितिमा बरामद लागुऔषध नष्ट
Tags: No Comments
मकवानपुर । मकवानपुर प्रहरीले विभिन्न मितिमा बरामद गरेको लागु औषध गाँजा, नाइट्रोभेट,चरेसलगायतका लागुऔषध जलाएर नष्ट गरेको छ । मकवानपुर प्रहरीले २०८० भदौ २७ गतेदेखि असोज १० गतेसम्म बरामद गरेकाे १ हजार ३९ किलो गाँजा, २ सय ४ ग्राम, चरेश ३ ग्राम ७ सय ४० मिलि ग्राम खैरो हिरोइन र नाइट्रोभेट १ हजार ४१ टेयाब्लेट जलाएर नष्ट गरेको हो ।
अदालतबाट अनुमति प्राप्त गरि प्रहरीले बरामद गरिएकाे उक्त परिमाणकाे लागुऔषध शनिबार हेटौँडा वडा नम्बर १० स्थित राप्ती खोला किनारमा जलाएर नष्ट गरेको हो । जिल्ला प्रहरी कार्यालय मकवानपुर तथा अन्तरगतका चौकीबाट खटी गएको प्रहरी टोलिले जिल्लाको विभिन्न स्थानबाट बरामद गरेको लागुऔषधहरु अनुसन्धान तथा कारबाहीको प्रक्रिय पुरा गरी जलाएर नष्ट गरेको मकवानपुरका प्रहरी प्रवक्ता डिएसपी लक्ष्मी भण्डारीले जानकारी दिए ।
उक्त लागुऔषध जिल्ला प्रहरी कार्यालय मकवानपुरका प्रहरी, संचारकर्मी लगायत सरोकारवालाहरुको उपस्थितिमा जलाए नष्ट गरेको हो ।