साहित्य सङ्गम मकवानपुरको ३३८औं सन्ध्या, अक्षयकोष सहयोगी सम्मानित
Tags: No Comments
मकवानपुर । साहित्य सङ्गम मकवानपुरको ३३८औं नियमित साहित्य सन्ध्या शनिबार हेटौंडामा भएको छ । साहित्य सन्ध्यामा संगमको अक्षयकोष निर्माण अभियानमा सहयोग गरेका ६४ जनालाई सम्मानित गरिएको छ । ३३८ औं साहित्य सन्ध्यामा सहयोगी दातालाई सम्मानसहित, रचना वाचन र गायन कार्यक्रम गरिएकाे हो । सङ्गमको नियमित गतिविधि सञ्चालनार्थ अक्षयकोष निर्माण अभियानमा सहयोगी दातालाई सम्मान गरिएको सङ्गमले जनाएको छ ।
कार्यक्रममा हेटौडा उपमहानगरपालिका ४ नम्बर वडा सचिव नविन सिग्देलले साहित्य सङ्गमको यस अभियानमा सम्बन्धित वडाको साहित्यिक, शैक्षिकलगायतका गतिविधि सञ्चालन र सञ्चारमा महत्वपूर्ण भूमिका खेलेकाे बताए । उनले सबै साहित्यिक संस्थाहरूलाई आफ्नै कार्यक्रमका रूपमा अपनत्व लिँदै निरन्तर सरसहयोग र सहकार्य गर्दै आइरहेको बताउँदै सङ्गमको अक्षयकाेष निर्माण अभियान १० लाख पुर्याउने लक्ष्य नपुग रकम सहयोग गर्ने जानकारी दिए । संङ्गमले संचालन गरेकाे कार्यक्रम निरन्तरता दिन सहयोग गर्ने प्रतिवद्धता अध्यक्ष सिग्देलले बताए । उनले विभिन्न विद्यालयबाट सहभागी नवसर्जकहरूलाई लेखनका लागि हौसला दिन र नयाँ पाठक तथा स्रोता बनाउन समेत सर्जकहरूसँग आग्रह गरे ।
५ हजार रूपैयाँमाथि सहयोगी दाताहरूलाई सम्मान गरिएको सङ्गम अध्यक्ष डीबी बर्तौलाले बताए । ‘सङ्गम मकवानपुरको नयाँ कार्यसमिति चयनपछि वाचन, विमोचन, बहस, कार्यशाला लगायतका कार्यक्रम सञ्चालनका लागि अक्षयकोष बनाउन अभियानै चलाइएकाे हाे उनले भने ‘अक्षयकाेष स्थापना हुन सके संस्थाका गतिविधिले निरन्तरता पाउने हुँदा पहिलो चरणमा दाताहरू सम्मान गरिएको छ ।’ शनिबारकाे कार्यक्रममा ६४ जना सहयाेगीलाई सम्मानित गरिएकाे र बाँकी सहयोगीहरुलाई अर्काे कार्यक्रममा सम्मान गरिने उनले जानकारी दिए । केही दाताहरुले नाम उल्लेख नगर्ने र सम्मान ग्रहण नगर्ने शर्तमा समेत सहयोग दिनु भएको उनले बताए ।

कार्यक्रममा सहयोगी दाताहरू सुदर्शनप्रसाद अधिकारी, दिनेश भण्डारी, विनोद सुवेदी, अमुल श्रेष्ठ, डीबी बर्तौला, ठाकुरराम भण्डारी, सुभाषचन्द्र पौडेल, विश्वास क्षेत्री, दीपक गौतम, सुदीप बर्तौला, मनोज पोखरेल, उमा मैनाली, भानुभक्त आचार्य, रामहरि न्यौपाने, उमेश आचार्य, रामकृष्ण तिमल्सिनालगायतलाई सम्मानित गरिएकाे हाे । साहित्य सर्जक तुलसी घिमिरेले साहित्य सङ्गम सुरूवातकाे प्रसङ्ग राख्दै कविता वाचन गरेकाे कार्यक्रममा सम्मानित व्यक्तित्वहरूको तर्फबाट बालजागृती ईङ्लिश सेकेण्डरी बोर्डिङ स्कुलका प्रिन्सिपल विनोद सुवेदी र सुदर्शनप्रसाद अधिकारीले मन्तव्य राखेका थिए ।
बालजागृति स्कुलका विद्यार्थीहरू सायुज्य देवकोटाले भजन शिरोमणि भक्तराज आचार्य तथा प्रसिद्धी लामिछानेले स्वर सम्राट नारायण गोपालको स्वरमा रहेको गीत गाएका थिए। देवकाेटा र लामिछानेकाे गायनलाई सङ्गीत प्रशिक्षक घनश्याम ढकाल र मनोज शाहीले सहजीकरण गरेका थिए । साहित्य सर्जकहरू सुवास सजल, रचना भण्डारी, रजनी पौडेल, कृतिका लौडारी, स्वस्तिका बानियाँ, इभानी रानाभाट, छवि अनित्य, किसन पौडेल, देवराज तिवारी, सुदर्शन अधिकारी, चेतप्रसाद पौडेल, विष्णु गौतम, ठाकुरराम भण्डारी, शोभा थापा, मिथिला अधिकारी, केशव न्यौपानेलगायतले साहित्यक रचना वाचन गरेका थिए ।
हेटौंडा उपमहानगरपालिका ४ नम्बर वडा अध्यक्ष नवीन सिग्देलको प्रमुख आतिथ्यता, साहित्यकार तुलसी घिमिरेकाे विशिष्ट आतिथ्यता र सङ्गमका अध्यक्ष डीबी बर्तौलाको सभाध्यक्षतामा भएकाे कार्यक्रमलाई सङ्गम सचिव मनोज पोखरेलले सहजीकरण गरेका थिए । कार्यक्रममा भावना सापकोटा, भवानी तिमल्सिना, श्रीराम अधिकारी, मुक्तिगोविन्द वैद्य, दिनेश भण्डारी, राजकुमार लामिछाने, मधु ढुङ्गाना, ईन्द्र नेपाल लगायतका साहित्य सर्जक, साहित्यसेवीको उपस्थिति रहेको थियो ।
हेटौंडामा राष्ट्रिय महिला भलिबल सुरु, एपिएफको विजय सुरुवात
Tags: No Comments
मकवानपुर । हेटौंडामा सञ्चालन भैरहेको बृहत् खेलकुद तथा व्यापार महोत्सवमा शुक्रबारबाट राष्ट्रिय महिला भलिबल प्रतियोगिता सुरु भएको छ ।शुक्रबार भएको उद्घाटन खेलमा एपिएफले विजय यात्रा सुरु गरेको छ ।
एपिएफले त्रिभुवन आर्मी क्लवलाई २९–२७, २५–१९ र २५–१८ को सेटमा पराजित गरेको हो । टिसिएन चौरमा जारी महोत्सवमा केशवलाल श्रेष्ठ स्मृति केन्द्रीय प्रतिष्ठान र मकवानपुर जिल्ला भलिबल संघको संयुक्त आयोजनामा राष्ट्रिय महिला भलिबल प्रतियोगिता सुरु भएको हो । खेलको प्लेयर अफ द म्याच एपिएफकी सरस्वती चौधरी घोषित भइन् ।
हेटौंडा उपमहानगरपालिकाका उपमेयर राजेश बानियाँले प्रतियोगिताको उद्घाटन गरेका हुन् । उपमेयर बानियाँले हेटौंडा उपमहानगरपालिकाले खेलकुदसहित नगरको सर्वाङ्गीण विकासमा योजनाबद्ध काम गरिरहेको बताए ।
केशवलाल श्रेष्ठ स्मृति केन्द्रीय प्रतिष्ठानका अध्यक्ष प्रताप विष्टको अध्यक्षतामा भएको प्रतियोगिताको उद्घाटनमा मकवानपुर जिल्ला खेलकुद विकास समितिका अध्यक्ष बेष खड्की, बागमती प्रदेश खेलकुद विकास परिषद्का सदस्य माधव तिमल्सिना, खेलकुद विकास समितिका कार्यालय प्रमुख माधव कोइराला, भलिबल संघका उपाध्यक्ष ईन्द्र सञ्जेल लगायतको आतिथ्यता रहेको थियो ।
प्रतियोगितालाई हेटौडा उपमहानगरपालिकाका वडासहित मकवानपुरका स्थानीय तह तथा संघसंस्था तथा व्यक्तिकाे सहयोग रहेकाे मकवानपुर जिल्ला भलिबल संघ अध्यक्ष बसन्त कुमार सिटौलाले जानकारी दिए । आज हुने तालिका रहेकाे चन्द्रगिरी नगरपालिका न्यु डाईमण्ड र नेपाल पुलिस क्लब बीचकाे खेल हुन नसकेकाेले शनिबार हुने सिटौलाले बताए । प्रतियाेगिताकाे फाइनल खेल पुष १६ गते हुने बताइएकाे छ ।
मकवानपुरले जित्यो क्रिकेटको उपाधी
Tags: No Comments
मकवानपुर । मकवानपुरको हेटौंडामा भएको प्रधानमन्त्री कप क्रिकेट टिम छनौट प्रतियोगिताको उपाधी मकवानपुर क्रिकेट क्लबले जितेको छ ।
मकवानपुर जिल्ला क्रिकेट संघको आयोजनामा बृहत खेलकुद तथा व्यापार महोत्सव अन्तर्गत भएको प्रधानमन्त्री कप क्रिकेट टिम छनौट प्रतियोगिताको उपाधी मकवानपुर क्रिकेट क्लबले जितेको हो।
विहीबार भएको फाइनल खेलमा ओमनगर क्रिकेट क्लवलाई ३९ रनले पराजित गर्दै मकवानपुर क्रिकेट क्लबले उपाधी हात पारेको हो । सुरुमा ब्याटिङ गर्न मैदान उत्रेको मकवानपुर क्रिकेट क्लवले निर्धारित ४० ओभर खेल्दै ९ विकेटको क्षतिमा सम्मानजनक २ सय २३ रन बनाएको थियो ।
मकवानपुरका लागि सुमन सुनारले ७५ रन र रिजन ढकालले ५२ रन बनाए । ओमनगरको तर्फबाट रोहित ठाकुर र पियुष शर्माले समान २/२ विकेट लिए । २ सय २४ रनको लक्ष्य पाएको ओमनगर ३८ ओभरमा अलआउट हुँदै १ सय ८४ रनमै सिमित बन्दा मकवानपुर बिजयी भएको हो । ओमनगरको लागि गौरभ खड्काले ८७ रन र शुभ कंसाकारले ४२ रन बनाउन सफल भए । मकवानपुरको तर्फबाट समिर चौलागाईले ३ विकेट हात पार्न सफल भए ।
प्रतियोगिताको फाइनल खेलको म्यान अफ द म्याच रिजन ढकाल घोषित भए भने बेष्ट ब्याट्स म्यान गौरभ खडका, बेष्ट बलर समिर चौलागाई र प्रतियोगिताको प्लेयर अफ द सिरिलज तक्षक सिम्खडा घोषित भए । प्रतियोगितामा सहभागी भएका प्रतियोगीको खेल प्रदर्शनीका आधारमा मकवानपुरबाट १८ जना खेलाडीहरुलाई दोस्रो चरणको छनोट प्रतियोगितामा प्रदेश पठाउने प्रदेश क्रिकेट संघका उपाध्यक्ष प्रेम क्षेत्रीले जानकारी दिए । गत वर्षको प्रतियोगितमा मकवानपुरबाट रामनरेश गिरी, गौरव खड्का, रिजन ढकाल र शुभ कंसाकार छनोट भएका थिए । छनौट प्रतियोगितामा ५ वटा टिमले सहभागिता जनाएका थिए ।
मकवानपुर क्रिकेट संघका अध्यक्ष करण महत्रा क्षेत्रीको अध्यक्षतामा भएको कार्यक्रममा बागमती प्रदेशका आर्थिक मामिला तथा योजना मन्त्री बहादुर सिंह लामा, मकवानपुर जिल्ला खेलकुद विकास समितिका अध्यक्ष बेष खड्की लगायतले पुरस्कार वितरण गरेका हुन् ।
महोत्सवमा कराते प्रतियोगिताकाे फाइनल
Tags: No Comments
मकवानपुर । मकवानपुरकाे हेटौंडा टिसिएनचौरमा जारी बृहत् खेलकुद तथा ब्यापार महोत्सवमा नेपाल सितोरियो कराते प्रतियोगिताकाे फाइनल खेल भएको छ ।
नगरस्तरीय प्रतियोगितामा महिला र पुरुषतर्फ ५०, ४५, ५०, ५५ र ६० किलो तौल समूहमा प्रतिस्पर्धा भएको थियो । प्रतियोगिताको बिधागत उत्कृष्ट खेलाडीहरुलाई पुरस्कार प्रदान गरिएको थियो । सितोरियो कराते संघका अध्यक्ष दीपक लामाको अध्यक्षतामा भएको प्रतियोगिताको उद्घाटनमा मकवानपुर जिल्ला खेलकुद विकास समितिका अध्यक्ष भेष खड्कीको प्रमुख आतिथ्यता रहेको थियो ।
विजेताहरुलाई नेकपा एमालेका नेता सघीय सासद महेशकुमार बर्तौलाले पुरस्कार तथा ट्रफि वितरण गरे । कार्यक्रममा खेलकुद विकास समितिका पूर्व अध्यक्ष सानु लामा, कार्यालय प्रमुख माधव कोइराला मकवानपुर जिल्ला फुटबल संघका सचिव सुनिल लोप्चन लगायतको आतिथ्यता रहेको थियो ।
सितोरियो कराते संघका अध्यक्ष दीपक लामाले खेलकुद महोत्सवमा करातेका खेलाडीले पनि आफ्नो खेल कौशल देखाउन पाउँदा खुसी व्यक्त गरे । महाेत्सवले कला प्रदर्शनकाे अवसर दिएकाे भन्दै आयाेजक प्रति आभार व्यक्त गरे ।
महोत्सव आयोजक समितिका संयोजक खेलकुद विकास समिति अध्यक्ष खड्कीले करातेको खेलका सहभागीलाई धन्यवाद ज्ञापन गरे । करातेमा करिब ५० जना भन्दा बढी खेलाडीको सहभागिता रहेको थियो । १७ गतेसम्म सन्चालन हुने महोत्सवमा दैनिक विभिन्न बिधाको खेल सन्चालन भैरहेको छ । जिल्लाको खेल क्षेत्रको विकास गर्ने उधेश्यसहित आयोजित महोत्सवमा दैनिक राष्ट्रिय तथा स्थानीय कलाकारको प्रश्तुती समेत भैरहेको छ ।
मकवानपुर । हेटौंडा जेसीज वर्ष २०२४ काे लागि अध्यक्ष पदमा अमृत बर्तौलाले उम्मेदवारी घोषणा गरेका छन् । बर्तौलाले जेसीज वर्ष २०२४ काे लागि अध्यक्ष पदमा प्यानल सहितले उम्मेदवारी घोषणा गरेका हुन् ।
बुधबार पत्रकार भेटघाट गर्दै बर्तौला समूहले उम्मेदवारी घोषणा गरेका हुन् । बर्तौला जेसीज वर्ष २०२३ मा कार्यकारिणी उपाध्यक्षको जिम्मेवारीमा छन् । बर्तौलाको समूहकाे कार्यकारिणी उपाध्यक्षमा विवेकानन्द न्यौपाने र जीवन ढकालकाे उम्मेदवारी रहने छ । त्यस्तै जेसीज २०२४ काे उपाध्यक्षमा रमेश काफ्ले, रमेश पराजुली, आतिश दाहाल र विश्वास पराजुलीले उम्मेदवार छन् ।
जेसीजको साधारणसभा पुष १३ गते र निर्वाचन १४ गते हुने गरी तालिका तय भएको छ । बर्तौलाले आफू निर्वाचित भएपश्चात् हेटौंडा जेसीजको स्वर्ण जयन्तीको अवसरमा तेस्रो पटक २०२८ मा राष्ट्रिय महाधिवेशन आतिथ्यता गर्नको लागि पहल गर्ने बताए । ४० वर्ष नाघेका जेसीजका पूर्व सदस्यहरुसँग निश्चित शुल्क लिई आजीवन सदस्यताका लागि साधारण सभाबाट पहल गराइने उनले बताए ।
जेसीजका इच्छुक पूर्व सदस्यहरुलाई प्रत्येक कार्यक्रमको सूचना सम्प्रेक्षण गर्नुका साथै पुराना कार्यक्रमहरूलाई निरन्तरता दिई जेसीजको सचिवालय भवन पूर्ण रुपमा मर्मत गरेर नयाँ स्वरुप दिने र सभाहल सञ्चालन गरी आय आर्जनमा बृद्धि गर्ने लक्ष्य रहेकाे उनले जानकारी दिए ।
यस अघि हेटौंडा जेसीज वर्ष २०२४ को अध्यक्ष पदमा विकेशलाल श्रेष्ठले उम्मेदवारी घोषणा गरेका छन् । वर्ष २०२३ मा कार्यकारिणी उपाध्यक्षको जिम्मेवारीमा रहेका श्रेष्ठले जेसीजको संस्थागत विकाससँगै युवा पुस्ताको नेतृत्व एवम् व्यक्तित्व विकासका लागि काम गर्न आफ्नो उम्मेदवारी रहेको बताए ।
