मकवानपुर । नेकपा एमालेका सचिव योगेश कुमार भट्टराई मकवानपुर आउने भएका छन्। यही माघ १९ गते शनिबार प्रेस चौतारी नेपाल मकवानपुरको दशौँ अधिवेशनको उद्घाटन गर्न भट्टराई मकवानपुर आउने भएका हुन्।
प्रेस चौतारी नेपाल मकवानपुरको दशौं अधिवेशन शनिबार हेटौंडामा हुँदैछ। सोही कार्यक्रममा प्रमुख आतिथ्यताको भूमिकामा सचिव भट्टराई मकवानपुर आउन लागेको प्रेस चौतारी नेपाल मकवानपुरका अध्यक्ष बालकृष्ण अधिकारीले बताए।
यसैबीच प्रेस चाैतारी मकवानपुरले आफ्नाे दशाैं अधिवेशन भव्य र सव्य रुपमा सम्पन्न गर्नकाे लागि सबै तयारी पुरा भएकाे जनाएकाे छ ।
शनिबार हुने अधिवेशनले प्रेस चौतारी मकवानपुरको नयाँ कार्यसमिति चयन गर्नेछ। बिहीबार (आज) बसेको प्रेस चौतारी मकवानपुरको बैठकले अधिवेशन सम्पन्न गर्नका लागि सदस्यहरुलाई जिम्मेवारी दिदै विभिन्न विभाग तोकिएको अध्यक्ष अधिकारीले बताए।
शनिबार गैर सरकारी संस्था महासंघ मकवानपुरको सभाहलमा अधिवेशन हुनेछ। कार्यक्रममा प्रेस चौतारी नेपालका सचिव विष्णु तारुके, महासचिव हिरामान लामालगायत प्रदेश तथा जिल्लास्तरका नेताहरुको उपस्थिति रहनेछ।
बागमती प्रदेश मन्त्रिपरिषद्को सिफारिसमा नेपालको संविधानको धारा १८३ को उपधारा (१) बमोजिम प्रदेश प्रमुख देवकोटाले प्रदेशसभाको पन्ध्रौँ अधिवेशन आह्वान गर्नु भएकाे प्रदेश प्रमुख कार्यायका प्रवक्ता देवेन्द्र सापकोटाले बताउनु भयाे । गत शुक्रबार बसेको मन्त्रिपरिषद्को बैठकले संसद् अधिवेशन आह्वानका लागि प्रदेश प्रमुख समक्ष सिफारिस गरेको थियो । सदनका लागि पर्याप्त ‘बिजनेस’ नभएपछि विपक्षी दलले माग गरे पनि सरकारले बैठक राख्न सकेको थिएन ।
चितवन । प्रेस चौतारी नेपाल बागमती प्रदेश अधिवेशन चितवनमा हुने भएको छ ।
प्रदेश कमिटिको दोश्रो अधिवेशन ७ फागुनमा चितवनमा गरिने भएको चौतारी बागमती अध्यक्ष राधेश्याम खतिवडाले जानकारी दिए। प्रदेश कमिटिको ५ माघमा चितवनमा बसेको पूर्ण बैठकले अधिवेशन सम्पन्न गर्नका लागि अध्यक्ष खतिवडाको संयोजकत्वमा कार्यसमिति र १० वटा जिल्लाका अध्यक्ष रहने गरी मुल समिति गठन गरिएको कमिटिका महासचिव प्रकाश दाहालले जानकारी दिए ।
अधिवेशनका लागि विभिन्न समिति गठन गरी समिति मार्फत काम भइरहेको छ । बागमती प्रदेशका १० जिल्लामा प्रतिनिधी छनौटको काम भइरहेको छ । अधिवेशनमा ४ जनालाई प्रेस चौतारी बागमती पुरस्कार र उत्कृष्ट शाखालाई सम्मान गरिने कार्यक्रम समेत रहेको छ । अधिवेशनले नयाँ नेतृत्व चयन गर्ने छ ।
अधिवेशनको लागि कोषाध्यक्ष प्रज्वल पौडेलको संयोजकत्वमा सचिवालय सदस्य गोविन्द घिमिरे, सुनिल पौडेल र प्रेस चौतारी नेपाल चितवनका अध्यक्ष सुवास पण्डित रहनेगरी आर्थिक ब्यवस्थापन समिति गठन गरिएको छ ।
प्रदेश सचिवालय सदस्य दिपेन्द्र अधिकारीको संयोजत्वमा मकवानपुर ईन्चार्ज रामशरण दुलाल र सदस्य लक्षमण गौतम रहेको प्रतिनिधि ब्यवस्थापन उपसमिति गठन गरिएको छ । प्रदेश सदस्य आरती ढकालको संयोजकत्वमा प्रदेश कमिटि सदस्य रोहिणी त्रिपाठी र रामचन्द्र रुपाखेती रहेको अतिथि सत्कार उपसमिति गठन गर्ने निर्णय गरिएको छ ।
यसैगरी चितवन इन्चार्ज रामकान्त पौडेलको संयोजकत्वमा लक्ष्मण गौतम र कृष्ण खनाल रहेको भोजन तथा आवास उपसमिति गठन गरिएको छ । प्रदेश सचिव विदुर पौडेलको संयोजकत्वमा सचिवालय सदस्य विवश अधिकारी र नविन तिमल्सिना रहने गरि सम्मान तथा पुरस्कार व्यबस्थापन उपसमिति गठन गरिएको छ ।
यस्तै सचिव वासु श्रेष्ठको संयोजकत्वमा काभ्रे इन्चार्ज केदार तिमल्सिना,प्रदेश सदस्य सिमोन न्यौपाने, श्रीराम अधिकारी सहित १० जिल्लाका अध्यक्ष रहनेगरी प्रचार प्रसार उपसमिति गठन गरिएको छ । प्रदेश कमिटिका सदस्य मधुसुधन दवाडीको संयोजकत्वमा होमनाथ सापकोटा र बालकृष्ण अधिकारी रहने गरी प्रस्तावना लेखन समिति गठन गरिएको छ ।
मकवानपुर । प्रेस सेन्टर नेपाल मकवानपुर अध्यक्षमा याम प्रसाद शर्मा पौडेल (एमपी शर्मा) चयन भएका छन् ।
सेन्टरको शनिबार हेटौंडामा भएको छैठौं अधिवेशनले शर्माको अध्यक्षतामा १७ सदस्यीय नयाँ कार्यसमिति सर्वसम्मत चयन गरेको हो । यस्तै उपाध्यक्षमा अशोकसुजन श्रेष्ठ र नवराज वाईबा, सचिवमा अनिल पराजुली, सहसचिवमा जमुना थिङ र सुरेश बल, कोषाध्यक्षमा राजेश थापा (गरिब) चयन भएका छन् ।
यसैगरी सदस्यहरुमा सुमित विक, राजकुमार स्याङ्बो, केदार ढकाल, आशिष बल, युवराज बिमली, सीता कोइराला, विवेक सिन्तान चयन भएका छन् । बाकी सदस्य कार्यसमितिको बैठकले मनोनित गर्ने बताइएको छ ।
प्रेस सेन्टर नेपाल मकवानपुरकी अध्यक्ष अञ्जली थापाको अध्यक्षता तथा प्रेस सेन्टर नेपालका अध्यक्ष विष्णु सापकोटाको प्रमुख आतिथ्यमा अधिवेशन भएको हो।
मकवानपुर । “नागरिकको आवाज सदनसम्म” पदयात्रा कार्यक्रम लिएर राष्ट्रिय स्वतन्त्र पार्टी केन्द्रीय सदस्य एवम् पुर्व शिक्षा मन्त्री सुमना श्रेष्ठसहितकाे टोली हेटौंडा आइपुगेकाे छ । रास्वपा शिक्षा विभागका केन्द्रीय सदस्य कृष्णहरि पाैडेलसहितकाे ६ जनाकाे टाेली पार्टीकाे ७ दिने उक्त अभियानकाे क्रममा शनिबार हेटौंडा आइपुगेकाे हाे ।
प्रतिनिधिसभा सदस्य श्रेष्ठले नागरिकको आवाज सदनसम्म पुर्याउन भन्दै ११ माघबाट वीरगन्जबाट सुरु गरेकाे यात्रा अन्तर्गत शनिबार हेटौंडामा आइपुगेकी हुन् । बारा र पर्सा जिल्ला हुँदै हेटौंडा आएकी श्रेष्ठ शनिबार नै चितवन जिल्लाको भण्डारा पुग्नेछिन् । जनप्रतिनिधि जनताको साझा भएकाले जनताको कुरा सुन्नु पर्ने तथा समस्या समाधान गर्नु पर्ने यात्राकाे क्रममा हेटौंडा आइपुगेकी उनले बताइन् ।
‘जनता र सदन टाढिएको महसुस भएकाे छ’ उनले भनिन् ‘भौगोलिकतासँगै पहाड, मधेशको समस्या फरक रहेकोले पनि जनताकाे समस्या बुझ्न अभियान सुरु गरिएको उनले बताइन् । जनता दलीयकरण र पार्टीकरणबाट आजित रहेको बताउँदै उनले कुनै पनि कानून संशोधन गरिदाँ कार्यान्वयनमा ल्याउन समस्या रहेको बताइन् ।
विकास निर्माणका संरचना भत्केपछि जनताले उठाएका समस्या समाधान नभएको, शिक्षकले तलब नपाएको, डाइभर्सनको समस्या समाधान नभएको, लालपुर्जा नपाएका समस्या समाधान गर्छु भन्दै जनप्रतिनिधिले आश्वासन दिने तर पूरा नगर्ने समस्या यात्राको क्रममा गुनासाे आएकाे उनले जानकारी दिइन् ।
पदयात्राकाे क्रममा जनताकाे गुनासाे लगायतका समस्या जस्ताकाे त्यस्तै सदनमा राख्नका लागि अभियान सुरु गरिएकाे पार्टीले जनाएकाे छ । हिउँदे अभिवेशनकाे प्रतिनिधि सभाकाे बैठकमा “नागरिकको आवाज सदनमा” राख्नकाे लागि याे अभियान गरिएकाे बताइएकाे छ । १७ माघ गते काठमाडाैं पुगी अभियान समापन गरिने छ ।