मकवानपुर । प्रेस सेन्टर नेपाल मकवानपुर अध्यक्षमा याम प्रसाद शर्मा पौडेल (एमपी शर्मा) चयन भएका छन् ।
सेन्टरको शनिबार हेटौंडामा भएको छैठौं अधिवेशनले शर्माको अध्यक्षतामा १७ सदस्यीय नयाँ कार्यसमिति सर्वसम्मत चयन गरेको हो । यस्तै उपाध्यक्षमा अशोकसुजन श्रेष्ठ र नवराज वाईबा, सचिवमा अनिल पराजुली, सहसचिवमा जमुना थिङ र सुरेश बल, कोषाध्यक्षमा राजेश थापा (गरिब) चयन भएका छन् ।
यसैगरी सदस्यहरुमा सुमित विक, राजकुमार स्याङ्बो, केदार ढकाल, आशिष बल, युवराज बिमली, सीता कोइराला, विवेक सिन्तान चयन भएका छन् । बाकी सदस्य कार्यसमितिको बैठकले मनोनित गर्ने बताइएको छ ।
प्रेस सेन्टर नेपाल मकवानपुरकी अध्यक्ष अञ्जली थापाको अध्यक्षता तथा प्रेस सेन्टर नेपालका अध्यक्ष विष्णु सापकोटाको प्रमुख आतिथ्यमा अधिवेशन भएको हो।

