मकवानपुर । बागमती प्रदेशसभाका सभामुख भुवनकुमार पाठकले राजीनामा दिएका छन् । सामाजिक संजाल मार्फत राजिनामा घोषणा गरेका सभामुख पाठकले उपसभामुख अप्सरा चापागाईंलाई सम्बाेधन गर्दै लिखित राजीनामा बुझाएका हुन् ।
राष्ट्र रोएको बेला नेपाली जनताको चाहना र युवा पुस्ताको भावनाविपरीत पदमा बस्न अनुचित हुने भन्दै उनले राजीनामा दिएका हुन् ।
उनले उपसभामुख चापागाईंलाई लेखेको पत्रमा लेखिएको छ, ‘भाद्र २४ गते नै सामाजिक सञ्जालबाट राजीनामा गर्ने घोषणा गरें । तर प्राविधिक कारणले कानुनी प्रक्रिया पूरा गर्न अनुकूल भएन । आज नेपालको संविधान र प्रदेशसभा नियमावली २०७४ बमोजिम प्रदेशसभाको सभामुख पदबाट राजीनामा गरेको छु ।’
पाठक राप्रपाको समानुपातिक कोटाबाट बागमती प्रदेशसभा सदस्य भएका थिए । २८ पुस २०७९ मा नेकपा एमाले, नेकपा माओवादी केन्द्र, राप्रपा र नेकपा एकीकृत समाजवादी समेत गरी ६४ मत सहित प्रदेश सभाकाे सभामुख निर्वाचित भएका थिए ।
मकवानपुर । आमाेद किशाेर दाहाल एक राष्ट्रसेवक कर्मचारी हुन् । आमबुझाइमा केही गलत धारणा छन् कि कर्मचारीहरु तलबकाे लागि मात्रै काम गर्छन् सरकारप्रति बफादार छैनन् भन्ने ।
तर दाहालले यो धारणा राख्नेको आँखा खाेल्ने उदाहरण व्यवहारमा देखाएका छन् । पाेखरा,कास्की स्थायी ठेगाना भएका उनले पाेखरा, कास्की गण्डकी प्रदेश निजामती सेवामा २०७४ मंसीर २९ गते नेपाल न्याय सेवाकाे कानून समूहमा कानून अधिकृत पदमा सेवा प्रवेश गरे । आन्तरिक मामिला तथा कानून मन्त्रालय सुदुर पश्चिम प्रदेशमा उपसचिव (कानून) पदमा कार्यरत उनले २४ भदौमा भएको जेनजी आन्दोलनमा एक्लै प्रदर्शनकारीहरुसँग हात जोडेर बिन्ति बिसाउँदै मन्त्रालयकाे सुरक्षा गरे ।
निजामती ड्रेसमा कार्यलय पुगेका दाहाल आफ्नो मन्त्रालय ताेडफोड तथा आगजनी गर्न आएका प्रदर्शनकारीसँग एक्लै अनुनय विनय गरिरहे । उनकै प्रयासमा मन्त्रालय पूर्ण रुपमा क्षति हुनबाट बच्यो । ‘मैले एक्लैले सकेकाे प्रयास गरे, थाेरै जल्यो, मन्त्रालय मेराे तलब खाने अड्डा मात्रै हैन देशकाे सम्पत्ति हाे मैले रक्षा गर्नै पर्छ भनेर प्रयास गरेकाे हुँ’ उनले भने । आगजनीबाट मन्त्रालयकाे भुइतल्लामा केही क्षति भए पनि दोस्रो तल्ला पूर्ण रुपमा सुरक्षित रहेकाे छ । धेरै जसो कागजपत्र दोस्रो तल्लामै रहेकाे बताइएकाे छ ।
इमान्दारिता,नैतीकता, देश प्रेम र लगनशीलताले याे साहस जन्मिदाे रहेछ भन्ने उदाहरण बनेका छन् दाहाल । प्रदर्शनकारीकाे भिड देखेपछि सारा समाजसेवी, बुद्धिजीवी,कर्मचारीहरू अनुकरणीय व्यक्तित्वहरू, दल र तीनका कार्यकर्ता साथै सुरक्षाकर्मीले समेत हात उठाइसकेकाे अवस्थामा एक्लै जीवनकाे प्रवाह नगरी हाेमीएकाे देखेर आफूलाई समेत गौरव लागेकाे उनका समकक्षि बागमती प्रदेश प्रमुख कार्यालयका सूचना अधिकारी एवम् कानून अधिकृत प्रकाश चापागाईंले बताए ।
प्रदर्शनकारीको आक्रमण सुरु भएपछी मन्त्रालयका अन्य कर्मचारीहरु भागेका थिए । दाहालले भने अन्तिमसम्म भिडमा आफूलाई उभ्याइरहे र अनुनय गरिरहे जुन भिडियो अहिले सामाजिक सञ्जालहरुमा पनि देख्न सकिन्छ ।
जेनजी आन्दोलनपछी बन्ने अन्तरिम सरकारमा पुर्वप्रधान न्यायाधीश सुशीला कार्की प्रधानमन्त्री नियुक्त भएपछि बन्ने मन्त्री मण्डलमा यी व्यक्तिहरू आउने भएका छन् ।
सुशीला कार्की – प्रधानमन्त्री
ओम प्रकाश अर्याल – मन्त्री कानुन
सुदन गुरुङ – सूचना तथा संचार
कुलमान घिसिङ :- जलस्रोत उर्जा
चर्चामा हर्क साङ्पाङको समेत नाम चर्चामा रहेको छ, तर उनको भने टिङ्गो लागेको छैन।
सकेसम्म ३-५ सदस्यीय मन्त्री मण्डल गठन गर्ने तयारी भएको शित्तल निवास स्रोतले जनाएको छ।
यसमा मन्त्रालयको सबालमा केही हेरफेर समेत हुन सक्ने ,प्रधानमन्त्री बाहेक अरुलाई बिना बिभागीय मन्त्री बनाउन पनि सक्ने संभावना रहेको छ ।
काठमाडौं । नेपाल कम्युनिष्ट पार्टी (एमाले)ले दोस्रो विधान महाधिवेशनको आज दोस्रो पनि जारी रहनेछ । ‘निर्णायक राष्ट्रिय शक्ति निर्माण हाम्रो संकल्प, समृद्ध नेपाल सुखी नेपाली राष्ट्रिय गन्तव्य’ मूल नारासहित शुक्रबारबाट एमालेको दोस्रो विधान महाधिवेशन सुरु भएको हाे ।
ललितपुर, गोदावरीस्थित सनराइज हलमा आज दोस्रो दिन पनि हिजो बाँकी रहेका प्रतिवेदनको प्रस्तुतीकरण हुने छ । बिहानबाटै महाधिवेशनको सुरु हुने एमाले प्रचार विभाग प्रमुख राजेन्द्र गौतमले जानकारी दिए।
आज केन्द्रीय अनुशासन आयोगका तर्फबाट अध्यक्ष केशव बडाल, केन्द्रीय लेखा आयोगका तर्फबाट अध्यक्ष डा.पुष्प कँडेल र केन्द्रीय निर्वाचन आयोगका तर्फबाट अध्यक्ष डा.विजय सुब्बा आ–आफ्ना निकायको प्रतिवेदन प्रस्तुत गर्नेछन् ।
महाधिवेशनको पहिलो दिन शुक्रबार प्रधानमन्त्री एवं पार्टी अध्यक्ष केपी शर्मा ओलीले राजनीतिक प्रतिवेदन, पार्टीका उपाध्यक्ष एवं उपप्रधानमन्त्री तथा अर्थमन्त्री विष्णुप्रसाद पौडेलले विधान संशोधनसम्बन्धी प्रस्ताव र महासचिव पोखरेलले सङ्गठनात्मक प्रतिवेदन र केन्द्रीय सल्लाहकार परिषद्का अध्यक्ष अमृतकुमार बोहोराले प्रतिवेदन प्रस्तुत गरेका थिए । आजै प्रतिनिधिलाई विभिन्न १० समूहमा विभाजन गरी प्रतिवेदनमाथि समूहगत छलफल हुने बताइएकाे छ ।
दोस्रो विधान महाधिवेशनमा पार्टीको वैचारिक,संगठनात्मक र कार्यशैलीगत रूपान्तरणका लागि संशोधन प्रस्ताव पेश गरेको छ । प्रस्तावमा पार्टीले ‘नेपाली विशेषताको समाजवाद’लाई मार्गदर्शक अवधारणा बनाउँदै समाजवाद निर्माणलाई दीर्घकालीन कार्यदिशा बनाउने उल्लेख गरिएको छ ।
प्रस्तावअनुसार, २०६८ को नवौँ महाधिवेशनपछि समाजवादलाई रणनीतिक लक्ष्यका रूपमा तय गरिएको भए पनि त्यसलाई संविधानमा उल्लेख भएअनुसार अझ स्पष्ट र कार्यान्वयन योग्य बनाउन विधानमै प्रावधान थप्नुपर्ने देखिएको छ । यसैअन्तर्गत ‘नेपाली विशेषताको समाजवाद’लाई जोड दिँदै वैज्ञानिक समाजवादको मार्गलाई सुदृढ पार्ने भनिएको छ ।
दोस्रो विधान महाधिवेशनको पहिलो दिन शुक्रबार विभिन्न प्रतिवेदन प्रस्तुत गरिएकाे छ । महाधिवेशनकाे पहिलाे दिन विभिन्न चार वटा प्रतिवेदन प्रस्तुत गरिएको छ । निर्वाचन आयोग, लेखा आयोग र अनुशासन आयोगका प्रतिवेदन आज शनिबार प्रस्तुत हुने प्रचार विभाग प्रमुख गौतमले जानकारी दिए ।
पहिलो दिन प्रधानमन्त्री एवं पार्टी अध्यक्ष केपी शर्मा ओलीले राजनीतिक प्रतिवेदन, पार्टीका उपाध्यक्ष एवं उपप्रधानमन्त्री तथा अर्थमन्त्री विष्णुप्रसाद पौडेलले विधान संशोधनसम्बन्धी प्रस्ताव र महासचिव पोखरेलले सङ्गठनात्मक प्रतिवेदन र केन्द्रीय सल्लाहकार परिषद्का अध्यक्ष अमृतकुमार बोहोराले प्रतिवेदन प्रस्तुत गरेका थिए ।
शनिबार केन्द्रीय अनुशासन आयोगका तर्फबाट अध्यक्ष केशव बडाल, केन्द्रीय लेखा आयोगका तर्फबाट अध्यक्ष डा. पुष्प कँडेल र केन्द्रीय निर्वाचन आयोगका तर्फबाट अध्यक्ष डा विजय सुब्बाले प्रतिवेदन प्रस्तुत गर्नेछन् ।
महाधिवेशनमा देशभरिका दुई हजार २६ जना प्रतिनिधि र आयोजकका हैसियतमा ३१५ जना थप गरी कूल दुई हजार ३४१ जनाको सहभागिता रहेको छ । महाधिवेशन आइतबारसम्म सञ्चालन हुनेछ ।
विधान संसोधन प्रस्ताव
मकवानपुर। नेकपा (एमाले)ले भीमफेदी गाउँपालिकामा आफ्नो गतिविधि बढाएको छ । एमालेको जनतासँग घर, टोलमा पुगेर संवाद गर्दै गुनासाहरु सुन्ने, सुझावहरु संकलन गर्ने तथा आफ्ना विषय वस्तु जनतालाई वताउने गरि सकृयता बढाएको हो ।
एमालेको भीमफेदी पालिका कमिटीका उपसचिव आशिष अस्लामीका अनुसार अहिले पार्टीको वैचारिक तथा नीति कार्यक्रम बारे कार्यकर्ता प्रशिक्षण र पार्टीलाई फङ्सनमा राख्नका लागि बैठक, भेला तथा कार्य योजना निर्माण गरि त्यसको कार्यान्वयनलाई जोड दिईएको छ । गत श्रावण ३० गते पालिका कमिटीको वैठकले निर्माण गरेका कार्य योजना अनुसार हालसम्म ९ वटा वडा मध्य ७ वटा वडामा अभियानहरु संचालन भई रहेका छन् ।
बाँकी रहेका २ वटा वडाहरु ४ र ८ नम्बर वडामा पनि केहि दिनमा अभियानको सुरुवात हुने अस्लामीले वताए । उनका अनुसार अहिले भीमफेदीका टोल कमिटीहरु पनि विभिन्न समाजिक कामहरु तथा जनतासँग प्रत्यक्ष जोडिने काममा सकृय रहेका छन् ।