मकवानपुर । बागमती प्रदेशका नवनियुक्त मन्त्री र राज्यमन्त्रीले पद र गोपनियताको सपथ लिएका छन् । विहीबार नियुक्त भएका ३ जना मन्त्रीले प्रदेश प्रमुख यादवचन्द्र शर्मा समक्ष पद तथा गाेपनियताकाे सपथ लिएका हुन् । यसै गरी विहीबार नै नियुक्त भएका ३ जना राज्यमन्त्रीले प्रदेश प्रमुखकाे उपस्थितिमा मुख्यमन्त्री राजेन्द्र प्रसाद पाण्डेले सपथ गराएका छन् ।
बागमती प्रदेश मुख्यमन्त्री पाण्डेले शुक्रबार नेपालको संविधानको धारा १६८ को उपधारा ९ बमोजिम शुक्रबार ३ जना मन्त्री र ३ राज्यमन्त्री नियुक्त गरेका थिए । नवनियुक्त भूमि व्यवस्था सहकारीमन्त्री बलराम पौडेल, उद्योग वाणिज्य तथा आपूर्तीमन्त्री मिलनबाबु श्रेष्ठ, संस्कृति तथा पर्यटनमन्त्री दिपेन्द्र श्रेष्ठले सपथ लिएका छन् ।
त्यस्तै भौतिक पूर्वाधार विकास राज्यमन्त्री सन्तबहादुर प्रजा, उद्योग वाणिज्य तथा आपूर्ति राज्यमन्त्री रजनी अमात्य र स्वास्थ्य राज्यमन्त्री कल्पना नेपालीले पनि सपथ लिएका हुन् । यससँगै बागमती प्रदेशमा मुख्यमन्त्री तथा मन्त्रिपरिषद्को कार्यालयसहित १४ वटै मन्त्रालयले फुल मन्त्री पाएकाे छ भने ४ जना राज्यमन्त्री नियुक्त भएका छन् ।
बागमती प्रदेशकाे मन्त्रिपरिषद्काे कार्य विभाजन
मकवानपुर । प्रेस चौतारी नेपाल, मकवानपुर अध्यक्षमा बालकृष्ण अधिकारी चयन भएका छन् । प्रेस चौतारी मकवानपुरको पुष ९ गते शुक्रबार मकवानपुरगढीमा भएको आठौँ जिल्ला सम्मेलनले अधिकारीको नेतृत्वमा ३१ सदस्यीय कमिटि निर्माण भएको हो ।
कमिटिको उपाध्यक्षमा पुष्पराज अधिकारी र सम्झना रिजाल चयन भएका छन् । समितिकाे सचिव रुपक कालिराज सह–सचिव दिपकसिंह रुम्बा तथा रविन ढुंगना कोषाध्यक्षमा प्रतिक्षा न्यौपाने चयन भएका छन् ।
यसैगरी कमिटिको सदस्यहरुमा सुमन दाहाल, निशा गुरुङ, सुशन लामिछाने, सरोज पौडेल, सुजन पुडासैनी, अनिष चौँलागाई, मनिता राना, पुष्पा कार्की, रामकुमार दानी, सुनिता विष्ट, सपना अधिकारी, रञ्जन पौडेल, अमिता लामिछाने, स्कृती न्यौपाने, समिर सिलवाल, जेनिसा घिमिरे, स्वस्तिका अर्याल, भूपेन्द्र रानामगर, अजिता नगरकोटी, शहनशिला ढकाल, बासुदेव विष्ट, विजु तिमल्सिना, जीवन पाख्रीन र संजिब रसाईली चयन भएका छन् ।
अधिवेशनले केन्द्रीय प्रतिनिधिमा धर्मेन्द्र दाहाल, दिपेन्द्र रोक्का, अशेष ढुंगना, नानीमाया सापकोटा र शान्ति विश्वकर्मालाई चयन गरेको छ भने प्रदेश प्रतिनिधिमा सुनिल गौतम, मनिल महत्तो, दिपेश दाहाल र प्रतिक्षा न्यौपानेलाई चयन गरेको छ ।
प्रेस चौतारी नेपालका निवर्तमान अध्यक्ष धर्मेन्द्र दाहालको अध्यक्षतामा भएको अधिवेशनले स्वर्गीय प्रेमनाथ चौँलागाई स्मृति पत्रकारिता पुरस्कारबाट नगद ११ हजार १ सय ११ रुपैँया सहित प्रेस चौतारी नेपालकी केन्द्रीय सदस्य सरिता दाहाललाई पुरस्कृत गरेको छ। अधिवेशनमा प्रेस चौतारी नेपाल मकवानपुरका सस्थापक उपाध्यक्ष धु्रवप्रसाद चौँलागाई तथा पत्रकार महासंघ मकवानपुरका निवर्तमान अध्यक्ष हरिप्रसाद हुँमागाईलाई सम्मान गरिएको छ ।
बागमती प्रदेशका पुर्व मुख्यमन्त्री डोरमणी पौडेलको प्रमुख आतिथ्यतामा भएको अधिवेशनमा एमालेकी केन्द्रीय सदस्य जुनेली श्रेष्ठ, संविधानसभा सदस्य अनन्तप्रसाद पौडेल, प्रेस चौतारी नेपालका केन्द्रीय उपमहासचिव एवम् बागमती प्रदेश इन्चार्ज हिरामान लामा, एमाले मकवानपुरका सचिवालय सदस्यहरु नविन सिग्देल, हिदम लामा, सुनिल मोक्तान, एमाले बागमती प्रदेशका प्रचार विभाग सदस्य उज्वल चौँलागाई, प्रेस चौतारी नेपालका बागमती प्रदेश सह–संयोजक प्रकाश दाहालकाे आतिथ्यता थियाे ।
यसै गरी नेपाल पत्रकार महासंघका केन्दीय सदस्य सुनिल खड्का, प्रदेश उपाध्यक्ष रुपेश दुलाल, जिल्ला अध्यक्ष मणीराज गौतम, प्रेस चौतारीका केन्द्र तथा बागमती प्रदेश कमिटिका सदस्यहरु, प्रेस युनियन मकवानपुरका सचिव केशव समर्पण लगातको आतिथ्यता रहेको थियो ।
बागमती प्रदेशको राजधानी हेटौंडा उपमहानगरपालिका–१ चौकीटोल ओरालोस्थित भवनमा पाँच वटा मन्त्रालयका साइनबार्ड देखिन्छन्। श्रम रोजगार तथा यातायात मन्त्रालय, कृषि तथा पशुपन्छी विकास मन्त्रालय, खानेपानी, उर्जा तथा सिंचाइ मन्त्रालय, भौतिक पूर्वाधार विकास मन्त्रालय र भूमि व्यवस्था, सहकारी तथा गरीबी निवारण मन्त्रालय एकै भवनमा छन्।
बाहिरबाट हेर्दा ठूलो भवनमा मन्त्रालयहरूका साइनबोर्ड चिटिक्क पारेर राखिएका देखिन्छन्। भवनभित्र भने काम गर्नै नसकिने अवस्था छ। कतिपय मन्त्रालय त केही कोठामा सीमित छन्।
भवन अभावले एउटैमा धेरै मन्त्रालय राख्नुपरेको श्रम, रोजगार तथा यातायात मन्त्री घनश्याम दाहालले बताए। एउटै भवनमा एकभन्दा बढी मन्त्रालय राखिएपछि कोठा पनि कम भएको बताउँदै मन्त्री दाहालले भने, “श्रम मन्त्रालय तीन वटा कोठामा सीमित छ र साँघुरो गरी काम गर्नु परिरहेको छ।”
एउटै भवनमा धेरै मन्त्रालय भएपछि सबैलाई कोठा कम भएको छ। जसले गर्दा काम गर्न अप्ठ्यारो भएको कर्मचारी बताउँछन्। श्रम मन्त्रालयका सूचना अधिकारी राज पोखरेल भन्छन्, “मन्त्रालय तीन वटा कोठामा अटाइएको छ, कसरी प्रभावकारी ढङ्गले सेवा दिन सक्नु?”
बागमती प्रदेशमा सात मन्त्रालयलाई टुक्र्याएर १४ वटा बनाइएको छ। जसले गर्दा एउटै भवनमा पाँच मन्त्रालय राख्नुपरेको हो। पछिल्लो पटक मुख्यमन्त्री राजेन्द्र पाण्डेले गठबन्धनमा सहभागी दललाई भाग पुर्याउन आठ मन्त्रालयलाई टुक्र्याएर १४ बनाएका छन्। मुख्यमन्त्री पाण्डेले एउटै मन्त्रालयलाई तीन वटासम्म बनाएका छन्।
नेकपा (एकीकृत समाजवादी)का नेता पाण्डेको नेतृत्वमा बनेको सरकारमा नेकपा (माओवादी केन्द्र) र नेपाली कांग्रेस सहभागी छन्।
एमालेबाटै टुक्र्याउने शुरूआत
बागमतीमा चार वर्षअघि नयाँ सरकार गठन हुँदा मुख्यमन्त्री तथा मन्त्रिपरिषद्को कार्यालय सहित सात मन्त्रालय थिए। डोरमणि पौडेलले राजीनामा दिएसँगै एमाले नेत्री अष्टलक्ष्मी शाक्य मुख्यमन्त्री भएपछि मन्त्रालय फुटाउन शुरू भएको थियो।
शाक्यले सामाजिक विकास मन्त्रालय फुटाएर स्वास्थ्य मन्त्रालय पनि बनाएकी थिइन्। त्यसपछि आठ मन्त्रालय भएका थिए।
अहिले मुख्यमन्त्री पाण्डेले उद्योग, पर्यटन, वन तथा वातावरण मन्त्रालयलाई फुटाएर तीन वटा मन्त्रालय बनाएका छन्। उनले फेरि सामाजिक विकास मन्त्रालय फुटाएका छन्। त्यससँगै भौतिक पूर्वाधार विकास र भूमि व्यवस्था, कृषि तथा सहकारी मन्त्रालय पनि फुटाइएका छन्। १५ मंसीरमा बसेको प्रदेशको मन्त्रिपरिषद् बैठकले आठ मन्त्रालय फुटाएर १४ बनाएको छ।
उद्योग, पर्यटन, वन तथा वातावरण मन्त्रालय फुटाएर उद्योग वाणिज्य तथा आपूर्ति मन्त्रालय, संस्कृति तथा पर्यटन मन्त्रालय र वन तथा वातावरण मन्त्रालय बनाइएका छन्। यस्तै भूमि, व्यवस्था, कृषि तथा सहकारी मन्त्रालय फुटाएर कृषि तथा पशुपक्षी विकास मन्त्रालय र भूमि व्यवस्था, सहकारी तथा गरिबी निवारण मन्त्रालय बनाइएका छन्।
भौतिक पूर्वाधार विकास मन्त्रालय फुटाएर खानेपानी, ऊर्जा तथा सिंचाइ मन्त्रालय, श्रम, रोजगार तथा यातायात मन्त्रालय र भौतिक पूर्वाधार विकास मन्त्रालय बनाइएका छन्। सामाजिक विकास मन्त्रालय फुटाएर युवा तथा खेलकूद मन्त्रालय र सामाजिक विकास मन्त्रालय बनाइएका छन्।
मन्त्रालयसँगै आर्थिक भार थपियो
बागमती प्रदेशमा मन्त्रालय थपिएपछि आर्थिक भार पनि बढेको छ। मन्त्रालयको व्यवस्थापनमा लाग्ने प्रशासनिक तथा मन्त्रीको सचिवालय, पीए व्यवस्थापन, सल्लाहकार, यातायात, विद्युत्, पानी लगायत विभिन्न सुविधामा खर्च बढेको छ।
आर्थिक भार बढ्ने गरी मुख्यमन्त्री पाण्डे फेरि मन्त्री थप्ने तयारीमा छन्। उनले तीन पटक गरेर ११ मन्त्री र एक राज्यमन्त्री नियुक्त गरिसकेका छन्। फेरि तीन मन्त्री र दुई राज्यमन्त्री नियुक्त गर्ने तयारी भइरहेको एक मन्त्रीले बताए।
त्यससँगै, मन्त्री र मन्त्रालयका लागि ३० वटा सवारी खरीद गर्ने तयारी भइरहेको अर्थ मन्त्रालयले जनाएको छ। त्यसका लागि करीब १८ करोड खर्च हुने अनुमान गरिएको छ। यसअघि नै भौतिक पूर्वाधार मन्त्रालयका लागि दुई वटा सवारी खरीद गर्न एक करोड २० लाख बराबरको स्रोत सुनिश्चित गरिसकेको अर्थ मन्त्रालयले जनाएको छ। हिमालखबर डटकममा प्रकाशित समाचार साभार
मकवानपुर । नेकपा (माओवादी केन्द्र) बागमती प्रदेश कमिटी उपाध्यक्षमा मकवानपुरका प्रेम बहादुर पुलामी(छिन्तु)चयन भएका छन्।
छिन्तुले १ सय ३८ मत पाएर विजयी भएका हुन्। ३ उपाध्यक्षको पदमा ८ जनाको उम्मेदवारी परेकोमा मकवानपुरका छिन्तु,रुपा मर्हजन र रामप्रसाद ढुंगाना निर्वाचित भएका छन् । त्यस्तै नेकपा (माओवादी केन्द्र) बागमती प्रदेश समितिको अध्यक्षमा सरल सहयात्री निर्वाचित भएका छन् । उनी अर्का प्रत्यासी दिनानाथ गौतमलाई पराजित गर्दै अध्यक्षमा विजयी भएका हुन् ।
जम्मा २ सय ६१ भोट खसेको थियो । जसमा उनले १ सय ६२ मत ल्याए । गौतमले ८६ मत ल्याए । अध्यक्षमा सहमति नभएपछि सोमबार निर्वाचन भएको थियो । प्रदेश समिति सदस्यले पदाधिकारी चुन्न मतदान गरेका थिए । त्यस्तै सचिवमा काभ्रेका इन्द्रबहादुर थिङ निर्वाचित भएका छन् । उनले १ सय ४९ मत ल्याए ।
बागमती प्रदेशको मंसिर २५ र २६ गते काठमाडौंमा भएको सम्मेलनमा २७५ जना सदस्य चयन भए पनि पदाधिकारीमा सहमति हुन सकेको थिएन।

मकवानपुर । नेपाल कम्युनिष्ट पार्टी (समाजवादी) बागमती प्रदेशको मुख्य कार्यालय र मकवानपुर जिल्ला समितिकाे कार्यालय पुष ३ गते शनिबार हेटौंडामा उद्घाटन गरिएको छ । नेकपा समाजवादीको केन्द्रिय ईन्चार्ज राजु कार्की, बागमती प्रदेश इन्चार्ज इन्द्र प्रसाद तिमल्सिना, प्रवक्ता मान बहादुर तामाङ लगायतले संयुक्त रुपमा प्रदेश र जिल्ला कार्यालयको उद्घाटन गरेका हुन् ।
प्रदेश र जिल्ला कार्यालय उद्घाटन गर्दै केन्द्रिय संयोजक राजु कार्कीले ७ प्रदेश मध्ये पहिलो पटक हेटौंडामा प्रदेश कार्यालय स्थापना गरिएको बताए । ‘समाजवादी पार्टीले अब शान्तिपूर्ण लडाई लड्ने छ’ कार्कीले भने– ‘अबको चुनावमा नेकपा समाजवादी बैकल्पिक शक्तिको रुपमा उदाउने दावी गर्दछु ।’
नेकपा समाजवादी पार्टीले आजै बागमती प्रदेश र जिल्ला कमिटी समेत घोषणा गर्दैछ ।
