मकवानपुर । नेकपा एमालेले बागमती प्रदेशकाे प्रथम अधिवेशनकाे तयारी थालेको छ । एमालेकाे आगामी असाेजमा काठमाडाैंमा हुने प्रथम बागमती प्रदेश अधिवेशनकाे लागि तयारी थालिएको हो ।
आगामी असाेज ८ र ९ गते काठमाण्डाैँमा हुने प्रथम बाग्मती प्रदेश अधिवेशनकाे लागि मकवानपुर जिल्लाका ११ हजार ६ सय ८४ पार्टी सदस्यबाट १ सय २५ बरावर १ जना, मजदुर, पेशागत र उत्पिडित क्षेत्रबाट ५० जना बरावर १ जनाकाे व्यवस्था भएकाे र करिव १ सय जना प्रतिनिधि चयन हुने जिल्ला कमिटीका सचिव नवीन सिग्देलले बताए । पालिकाकाे १०, मजदुर र पेशागत क्षेत्रबाट १ जना र उत्पीडित क्षेत्रकाे प्रतिनिधिसभा २ क्षेत्र गरि १३ वटा प्रतिनिधि छनाैट केन्द्र रहने छ । भाद्र २७ गते एकै दिन केन्द्रमा प्रतिनिधि छनाैट हुनेसमेत सचिव सिग्देलले बताए ।
यसैबीच पार्टीलाई बलियाे बनाउनकाे लागि नेता कार्यकर्ताले त्याग गर्न तयार हुनुपर्ने नेकपा एमाले केन्द्रीय पाेलिटव्यूराे सदस्य तथा मकवानपुर ईञ्चार्ज देवी ज्ञवालीले बताएका छन् । नेकपा एमाले मकवानपुरकाे १० औँ जिल्ला कमिटीकाे बैठकलाई सम्बाेधन गर्दै ज्ञवालीले विभिन्न पार्टीबाट प्रवेश गर्नेलाई जिम्मेवारी दिन र नयाँ पुस्तालाई समेटेर नै पार्टी बलियाे बनाउनु पर्ने बताए । पार्टी कामकाे जिम्मेवारी सहमति र समझदारीका साथ लिनकाे लागि उनले निर्देशन समेत दिए । ‘जनविराेधी शक्तिहरूकाे घेराबन्दीकाे बीचमा राष्ट्र र जनताकाे पक्षमा दृढतापूर्वक उभिएकाे एउटा मात्र पार्टी एमाले हाे’ उनले भने ‘एमालेका नेता, कार्यकर्ता त्यागी हुन आवश्यक रहेकाे र पार्टीलाई पहिलाे बनाउने सारथी बन्नु पर्छ ।’
पार्टी मकवानपुर जिल्ला अध्यक्ष एकालाल श्रेष्ठकाे अध्यक्षतामा भएकाे बैठकमा पार्टी केन्द्रीय सदस्यहरू केदार न्याैपाने, रामेश्वर राना, कृष्णप्रसाद दाहाल, केन्द्रीय सल्लाहकार परिषद्का सदस्य सूर्यचन्द्र न्याैपाने, केन्द्रीय निर्वाचन विभागका सदस्य अनन्त पाैडेल, प्रदेश कमिटी सदस्यहरूकाे उपस्थिति रहेकाे थियाे ।
मकवानपुर । नेपाल सरकारका गृहमन्त्री नारायणकाजी श्रेष्ठकाे राजीनामा माग्दै मकवानपुरमा मसाल जुलुस प्रदर्शन गरिएकाे छ । नेपाल तरुण दल र नेपाल विद्यार्थी संघ मकवानपुरले विहीबार गृहमन्त्री श्रेष्ठको राजीनामा माग्दै हेटौंडामा मसाल जुलुससहित प्रदर्शन गरेका हुन् ।
हेटौंडा–२ स्थित पार्टी कार्यालयबाट बुद्धचोकसम्म गृहमन्त्रीविरुद्ध नाराबाजी गर्दै मसाल जुलुश प्रदर्शन गरिएकाे हो । मसाल जुलुसमा गृहमन्त्रीले राजीनामा दिनुपर्ने र कांग्रेसका सहमहामन्त्री तथा नेपाल तरुण दलका पूर्व अध्यक्ष महेन्द्र यादवमाथि भएको सांघातिक हमलाको निष्पक्ष छानविनसहित दोषीलाई हदैसम्मको कारबाही माग गरेका छन् ।
तरुण युवाहरुले कांग्रेस नेता तथा पूर्वगृहमन्त्री बालकृष्ण खाणलाई गृहमन्त्री श्रेष्ठले फसाएको आरोप समेत लगाउँदै सडक संघर्ष गर्ने चेतावनी दिएका थिए ।
यसैबीच, नेपाली कांग्रेस मकवानपुरले कांग्रेस केन्द्रीय सहमहामन्त्री तथा नेपाल तरुण दलका पूर्व अध्यक्ष महेन्द्र यादवमाथि सांघातिक आक्रमणकाे दाेषीमाथि कारबाहीको माग गरेको छ । कांग्रेस मकवानपुर सभापति बुद्ध लामाले उक्त घटनाका दोषी सहित घटनामा प्रत्यक्ष अप्रत्यक्ष रुपमा सहयोग गर्नेको पहिचान गरी तत्काल कारबाहीको दायरामा ल्याउन सरकारसमक्ष आग्रह गरेका छन् ।
मकवानपुर । बागमती प्रदेश सभा बैठक भोली पनि नबस्ने भएको छ । २ महिनापछि हिजोको लागि बोलाइएको बैठक हिजो दिनभर दलको नेताहरुबीच सहमती हुन नसकेपछि भोली बुधबारको लागि तय भएको थियो । तर भोली पनि बैठक नबस्ने भएको छ ।
दलहरुबीचको सहमती अनुसार अब भदौं २४ गते अपराह्न साढे ११ बजे बस्ने गरी सरेको प्रदेश सभाका सभामुख भुवनकुमार पाठकले जानकारी दिए । भोलि बस्ने भनिएको बैठक सत्तापक्ष र प्रतिपक्ष दलका नेताहरुको सहमतिअनुसार भदौ २४ गतेका लागि सारिएको सभामुख पाठकले बताए ।
सोमबार बस्ने भनिएको बैठक सत्तापक्ष र प्रतिपक्ष दलका नेताहरुबीच सहमती हुन नसक्दा बुधबार बस्ने गरी स्थगित गरिएको थियो । बागमती प्रदेश सभाको बैठक यसअघि गत असार २१ गते बसेको थियो । चालु आर्थिक वर्षको लागि छुट्याइएको बजेटमा प्रतिपक्षीदलसँग भएको सहमती कार्यन्वयनमा नआएको कारण बैठक बस्न समस्या भएको पाइएको छ ।
मकवानपुर । नेपाली कांग्रेस केन्द्रीय सदस्य तथा बागमती प्रदेशसभा सदस्य कुन्दनराज काफ्लेले प्रमुख सचेतकबाट राजीनामा दिएका छन् । उनले बागमती प्रदेशको नेपाली कांग्रेसका बागमती प्रदेश संसदीय दलको प्रमुख सचेतकबाट राजीनामा दिएका हुन् ।
उनले कांग्रेस बागमती प्रदेश संसदीय दलका नेता बहादुरसिंह लामालाई राजीनामा बुझाएका हुन् । राजीनामा बुझाएपछि उनले सामाजिक सञ्जाल फेसबुकमा लेखेका छन्, ‘गतिशील र सवल कांग्रेसले मात्र यो देश र लोकतन्त्रको भविष्य सुनिश्चित हुने सबैमा बोध भएकै कुरा हो । प्रमुख सचेतकको भूमिका निर्वाह गर्दा, पार्टी संगठन र दोलखाली जनसेवामा समय अभाव महसुस गरेको छु । अतः केन्द्रीय सदस्यको रुपमा कांग्रेसमा नवीन उर्जा भर्न थप क्रियाशील रहन र दोलखाली जनताको सेवामा थप समर्पित हुन सो पदबाट राजीनामा दिएको छु ।’
काफ्लेलाई नेपाली कांग्रेस बागमती प्रदेश संसदीय दलको २०७९ माघ २ गते बसेको बैठकले प्रमुख सचेतकमा नियुक्त गरेको थियो ।
काफ्ले प्रदेशसभामा दोलखा निर्वाचन क्षेत्र नम्बर–१ (क) बाट निर्वाचित सांसद हुन् । नेविसंघका पूर्वमहामन्त्री रहेका उनी कांग्रेसको १४ औं महाधिवेशनबाट केन्द्रीय सदस्यसमेत भएका थिए ।
मकवानपुर । बागमती प्रदेश सभाको बैठक बस्दै नबसी स्थगित भएको छ । सोमबार सोमबार दिउँसो साढे १ बजेको लागि लागि आह्वान गरेको बैठक दलहरुको सहमति नभए पछि बस्दै नबसी स्थगित गरिएको हो ।
यद्यपि प्रदेश सभाले भने सभाको बैठक विशेष कारण देखाइदै स्थगित गरेको छ । सभामुख भुवन कुमार पाठकले एक सूचना जारी गर्दै सोमबारको लागि तय भएको कार्यसूची हटाएर अर्को बैठक यही भदौ २० गते दिउँसो १ बजे बस्ने गरी प्रदेश सभा स्थगित भएको जानकारी गराएका हुन ।
प्रदेश सभा बैठक सन्चालन र कार्यसूची तयार गर्न सोमबार बिहान साढे ११ बजेदेखि कार्य व्यबस्था परामर्श समितिको बैठक बसेको थियो । नेकपा एमाले लगायत विपक्षी दलहरुले आफूसँग भएका सहमति कार्यान्वयन नभएको भन्दै बैठक सञ्चालन हुन नदिने अडान लिएका थिए । कार्य व्यबस्था परामर्श समिति बैठकमा प्रमुख प्रतिपक्ष नेकपा एमाले, राप्रपाका नेताहरु र सरकारबीच सहमति हुन नसकेपछि साढे १ बजेको लागि बोलाइएको बैठक दिउँसो ४ बजेसम्म बस्ने जानकारी गराइएको थियो । तर, उक्त समयमा तय गरिएको बैठक समेत सुचारु गर्न नसकिए सूचना टाँसेर स्थगित गरिएको हो ।
आर्थिक वर्ष २०८०/८१ मा बागमती प्रदेश सरकारले सार्वजनिक गरेको बजेटका विषयमा विपक्षी दलहरुले बिरोध जनाउदै आएका छन । विपक्षीको विरोधपछि बजेटमा विपक्षी दलहरुले दिएका योजना पनि समेट्ने सहमति सरकारले गरेको थियो । सरकारले गरेको सहमति समेत कार्यान्वयन नभएको भन्दै विपक्षी दलहरुले प्रदेशसभा बैठक सञ्चालन हुन नदिने अडान लिदै आएका छन ।
गत असार २१ गते बसेर स्थगित बैठक २ महिना पछि सोमबारको लागि आव्हान गरिएको थियो ।