मकवानपुर /बागमती प्रदेशमा कोरोना संक्रमितको संख्या १ लाख नाघेको छ । यस प्रदेशमा शनिबार बिहानसम्म कोरोना संक्रमितको संख्या १ लाख ८ सय ९९ जना पुगेको प्रदेशको सामाजिक विकास मन्त्रलयले जनाएको छ । जसमध्ये २१ हजार ९ सय ७१ जना सक्रिय संक्रमित रहेका छन् भने ७८ हजार ४ सय २ जना निको भएर घर फर्केका छन् । हालसम्म नेपालमा १ हजार ७० जनाको कोरोनाको कारण मृत्यु भएकोमा ५ सय २६ जना बागमती प्रदेशको रहेको मन्त्रालयले जनाएको छ ।
यसै बिच कोरोना संक्रमित दैनिक जसो बढेता पनि बागमती प्रदेशमा सरकारी क्वारेन्टाइन र आइसोलसन वार्डहरु भने आकर्षण घटेको छ । घरैमा बसेर कोरोना जित्न सकिने र होम आइसोलेशनमा जस्तो केयर सरकारी आइसोलेशन र क्वारेन्टाइनमा नहुने भन्दै संक्रमितहरु घरै बस्न थालेका हुन् । कोरोना संक्रमितहरु सरकारी आइसोलेसन र क्वारेन्टाइनमा जान छोडेसँगै त्यहाँका वार्डहरु खालि हुँदै आएका छन् । सरकारी आइसोलेसन र क्वारेन्टीनमा भन्दा घरमै स्याहार पुग्ने र सामाजिक दृष्टिकोणले पनि उपयुक्त हुने भन्दै होम आईसोलेसनमा बढ्नेका संख्या बढेको हो । सरकारी तथ्याङ्क अनुसार बागमती प्रदेशका करिब ८० प्रतिशत संक्रमित घरमै बसेका छन् ।

आइसोलेसन वार्ड रित्तिदै गएपनि कोरोना पोजेटिभको संख्या भने घटेको छैन । प्रदेश सरकारले सबै कारोना संक्रमितको उपचार गर्ने भनेपनि घरमै बस्नेहरुको संख्या बढेपछि सरकारलाई आर्थिक भार भने कम परेको मन्त्रालयले जनाएको छ । प्रदेश राजधानी हेटौंडाको सबैजसो टोलटोलमा कोरोना संक्रमित भएपनि उनीहरुमाथि निगरानी शुन्य जस्तै छ ।
कोरोना संक्रमितहरुको पहिले जस्तो कन्ट्रयाक्ट ट्रेसिङ गरिन छाडेको छ । कोरोना संक्रमितहरु खुलेर हिँड्ने गरेकोले पनि कोरोना संक्रमण दर बढिरहेको छ । “म संक्रमित हुँदा घरैमा ठुलो ब्यानर टाँसियो, टोलवासीबाट आफूले ठुलै अपराध गरे जस्तो व्यवहार भोगियो, झण्डै डिप्रेसनको शिकार भइन, अहिले कुनै वास्तै हुन छाड्यो,” २ महिना अगाडि कोरोना संक्रमण भएकी अधिकारकर्मी सर्मिला श्रेष्ठ भन्छिन् “उबेलाको हाउबुजि र अहिलेको बेवास्ता दुबै ठिक हैन ।” पछिल्लो समय सरकारी व्यवस्था प्रति विश्वास नभएकोले संक्रमितहरु घरैमा बस्न थालेको उनको ठम्याइ छ ।
कोरोना संक्रमण भइ एकसाता अघि मात्रै निको भएकी माइति नेपाल मकवानपुरकी प्रमुख माया लामा आफू संक्रमित हुँदा घरैमा बसेको कारण राम्रो स्याहार पाएर चाँडै उठेको बताउँछिन् । “श्वास फेर्न साह्रै गाह्रो हुन्थ्यो, धेरै गाह्रो गरेर १४ दिनमा रिपोर्ट पोजेटिभ आयो, अझै राम्रो सञ्चो भएको छैन, सरकारी आइसोलेशनमा गएको भए बिजोक हुन्थ्यो मेरो” उनले भनिन् “परिवारका माया र सद्भावसँगै हिम्मत बढाउँदा कोरोना जिते ।”
सरकारी सेवा सुविधा निशुल्क भएता पनि अहिले गुणस्तरमा प्रश्न उठ्न थालेको छ । सरकारी अधिकारीहरुको काममा इमान्दारिताको कमिले पनि सरकारी आइसोलेशनमा कोरोना संक्रमितको संख्या कम भएको आइसोलेशनमा बसेर निको भएकाहरु बताउँछन् ।
हेटौंडा–६ गौरीटार आइसोलेसन वार्ड हेटौंडा इन्चार्ज सागर काफ्लेका अनुसार यहाँको आइसोलेसन वार्डमा उपचाररत कोरोना संक्रमितको संख्या हाल जम्मा ७ जना मात्रै रहेको छ । १ सय २० बेड क्षमता रहेको आइसोलेसन वार्ड रित्तिदै गएपनि कोरोना पोजेटिभको संख्या भने घटेको छैन ।
जिल्लाभर सरकारी आइसोलेसनमा बस्नेको संख्या अहिले जम्मा १७ जना रहेको छ । आइसोलेसन वार्डहरु रित्तेपनि कोरोना संक्रमितले घरहरु भरिभराउ भएको छ । मकवानपुरमा मात्र होम आइसोलेसनमा बस्नेहरुको संख्या ८ सय ६१ जना रहेका छन् । बागमती प्रदेशमामा मात्रै १८ हजार भन्दा धेरै कोरोना संक्रमित होम आईसोलेसनमा बसेका छन् ।
सामाजिक विकास मन्त्रालयको तथ्याङ्क अनुसार बागमती प्रदेशको १३ जिल्लामा शनिबारसम्म संस्थागत आइसोलेशनमा बसेकाहरुको संख्या ३ हजार ६ सय ३३ जना छन् । भने होम आइसोलेशनमा बसेकाहरुको संख्या १८ हजार ४ सय ६८ रहेका छन् । त्यस्तै होम क्वारेन्टीनमा बस्नेहरुको संख्या शनिबारसम्म १ हजार ३ सय रहेको छ भने सरकारी क्वारेन्टीनमा बस्नेहरुको संख्या जम्मा २ सय ८० जना रहेको मन्त्रालयले जनाएको छ ।
प्रदेश सरकारले सबै कारोना संक्रमितको उपचार गर्ने भनेपनि घरमै बस्नेहरुको संख्या बढेपछि सरकारलाई आर्थिक भार भने कम परेको सामाजिक विकास मन्त्रालयका सुचना अधिकारी पुरुषोत्तम सेढाँईले बताए । होम आइसोलेसनमा बस्नेहरुमा सबैभन्दा धेरै काठमाडौंमा ११ हजार ३ सय ३० जना रहेको छ । यस्तै ललितपुरमा १ हजार ८ सय ३ र भक्तपुरमा १ हजार ७ सय ५० जना रहेका छन् ।
मकवानपुर । बागमती प्रदेशका प्रदेश प्रमुख विष्णु प्रसाद प्रसाईले नेपालीहरुको महानपर्व दशै, तिहार, नेपाल सम्वत र छट पर्बको शुभकामना दिएका छन् ।
विहीबार शुभकामना सन्देश प्रकाशित गर्दै उनले सदियाैं देखि हर्षाेल्लास पूर्वक मनाउने गरिएका हाम्रा चाड पर्वहरूले भाैगाेलिक सास्कृतिक भाषिक विविधताबीच रहेकाे माैलिक सास्कृतिक एकता र अापसि मेलमिलाप सामाजिक सद्भाव र सहिष्णुता अझ सुदृढ वन्ने बताएका छन् ।
कोरोना भाइरसको संक्रमण बढ्दै गएकाले पारिवारिक सिमित घेरा भित्र रहेर चार्डपर्ब मनाउनका लागि उनले आग्रह गरेका छन् । चार्डपर्बको आशिर्बाद ग्रहण भेटघाट र पुनर्मिलन लाई प्रविधिको प्रयोग गर्न प्रदेश प्रमुख प्रसाईले आग्रह गरेका छन् । कोरोना कहरबाट सबैलाई मुक्ति मिलोस भन्दै शुभकामना व्यक्त गरेका छन् ।

मकवानपुर । बागमती प्रदेश सरकार मातहत रहेको अस्पतालहरुले कोरोना भाईरस कोभिड–१९ को उपचार निशुल्क गरिरहेकाे छ । संघीय सरकारले कोरोना भाइरसको उपचार नागरिक स्वंयमले गर्नेु पर्ने बताइ रहँदा बागमती प्रदेश सरकारले आफ्ना मातहतमा रहेका अस्पताल र आइसोलेसन खर्च सरकारले गर्ने बताएको हो ।
प्रदेश सरकार अन्तर्गत रहेका ८ वटा अस्पताल र संचालित आईसोलेशनहरुमा कोरोना संक्रमितहरुको निशुल्क उपचार भइरहेको मुख्यमन्त्री डोरमणि पौडेलका प्रेस संयोजक प्रकाश दाहालले जानकारी दिए ।
प्रदेश सरकारको मातहतमा रहेका मकवानपुरको हेटौंडा अस्पताल, सिन्धुलीको जिल्ला अस्पताल, रामेछापको जिल्ला अस्पताल, धादिङको जिल्ला अस्पताल, रसुवाको जिल्ला अस्पताल, भक्तपुरको जिल्ला अस्पताल, नुवाकोटको जिल्ला अस्पताल र ती अस्पतालद्वारा संचालित आईसोलेशन र अन्य स्थानीय तहसँगकाे सहकार्यमा संचालित थप १५ वटा आईसोलेशनमा कोरोना सङ्क्रमीतहरुको उपचार निशुल्क भैरहेको दाहाले बताए ।
प्रदेश सरकारद्वारा संचालित प्रयोगशालामा कोरोना परीक्षण समेत निशुल्क भैरहेको बताइएकाे छ । संघीय सरकारले कोरोना भाइरसको उपचार नागरिक स्वंयमले गर्ने बताए पछी केही अस्पतालले सूचना जारी गरी काेभिड १९ काे पाेजेटिभहरूकाे उपचार खर्च रकम जम्मा गरे पछी मात्र उपचार हुने जानकारी गराएका थिए ।
‘शान्ति र सुरक्षाको प्रत्याभूति दिलाउन नेपाल प्रहरीकाे भूमिका प्रशंसनीय’
Tags: No Comments
मकवानपुर । बागमती प्रदेशका मुख्यमन्त्री डोरमणि पौडेलले शान्ति र सुरक्षाको प्रत्याभुति दिलाउन नेपाल प्रहरी भूमिका प्रशंसनीय रहेकाे बताएका छन् । प्रदेश प्रहरी कार्यालय हेटौंडाको आयोजनामा ६५ औ प्रहरी दिवस हेटौंडामा आयोजित कार्यक्रमलाई संबोधन गर्दै अपराध नियन्त्रण र अनुसन्धान गरी समाजमा शान्ति, अमनचयन र सुरक्षाको प्रत्याभुति दिलाउन नेपाल प्रहरीले निर्वाह गरेको भूमिका प्रशंसनीय रहेको पाैडेलले बताएका हुन् ।
‘विषम् परिस्थितिहरुमा समेत प्रहरी संगठनले निर्वाह गरेको चुनौतिपूर्ण जिम्मेवारीहरुले समाजमा नेपाल प्रहरीप्रति आशा र भरोसा बढेको छ’ उनले भने ‘मुलुकलाई सङकट परेको बेलामा भुकम्प, महामारी, बाढी पहिरो लगायत प्राकृतिक प्रकोप तथा दुघर्टनामा उद्धार तथा अन्य मानवीय सहायताका कार्यहरु, गम्भीर अपराध अनुसन्धानमा प्रहरीले प्राप्त गरेको सफलताले नेपाल प्रहरी जिम्मेवारीबोध र उत्तरदायित्वको भावनाबाट निर्दैशित हुनुको प्रतिफल हो ।’

संगठित एवम् जघन्य अपराध, महिला तथा बालबालिकामाथि हुने अमानवीय कार्यप्रति शुन्य सहनशिलता अपनाउनु जरुरी रहेको वताउँदै उनले भने – ‘पछिल्लो समय महिला तथा बालबालिकाहरु माथि भईरहेको दुब्र्यवहार, हिंसा तथा बलात्कारका घटनाहरुलाई गम्भिरतापुर्वक लिदैं अपराधिलाई कानुनी कठघरामा ल्याउन सशक्त ढंगबाट प्रस्तुत हुन आग्रह गर्दछु ।
विश्वब्यापी फैलिएको कोरोना महामारीले विगतको भन्दा फरक र अनपेक्षित अवस्था सिर्जना भएको र हिजोका दिनमा प्रहरी संगठनले निर्वाह गरेको भूमिकालाई फरक ढंगले आवश्यक स्वास्थ्य सुरक्षाको मापदण्डलाई ख्याल गर्दै पुरा गर्नुपर्ने भएको छ भने नागरिकलाई समेत महामारिको विरुद्ध जुध्न विश्व स्वास्थ्य संगठन तथा नेपाल सरकारले तय गरेको सुरक्षात्मक उपायहरु अवलम्बन गर्न तथा गराउन प्रहरीले भुमिका निर्वाह गर्नुपरेको उनले बताए ।

कार्यक्रममा उनले अमर प्रहरी स्मारकमा रेथ चढाई श्रदान्जली समेत अर्पण गरे। कार्यक्रममा मुख्यमन्त्री पौडेलले ‘विषम परिस्थीतिमा प्रहरी परिरचालन सम्बन्धी मार्ग निर्देशन २०७७ को लोकार्पण समेत गरेका थिए। त्यसैगरी प्रहरी दिवसकाे अवसरमा उनले विभिन्न व्यक्तित्वलाई पुरस्कार तथा सम्मान गरेका छन् ।

कार्यक्रममा आन्तरिक मामिला तथा कानून मन्त्री शालिकराम जमकट्टेलले नेपाल प्रहरी समायोजन हुने क्रममा रहेको बताए । उनले अमर प्रहरी परिवारका आश्रीत परिवारजनलाई कदरपत्र प्रदान गरे । कार्यक्रम प्रदेश प्रहरी कार्यालय हेटौंडाका प्रहरी नायब महानिरीक्षक बसन्तकुमार लामाको अध्यक्षतामा भएको हो । कार्यक्रममा बागमती प्रदेशका प्रमुख सचिब मानबहादुर विके, आन्तरिक मामिला तथा कानून मनत्रालयका सचिब मदन भुजेल, हेटौंडा उपमहानगरपालिकाका उपमेयर मिना कुमारी लामा लगायतकाको आतिथ्यता रहेको थियो ।
प्रहरी दिवसकाे कार्यक्रममा मुख्यमन्त्री डाेरमणि पाैडेलकाे सम्बाेधनकाे पूर्ण पाठ
मकवानपुर । ६५ औं प्रहरी दिवस २०७७ को अवसरमा बागमती प्रदेश प्रहरी कार्यालय हेटौंडाको आयोजनामा बुधबार सार्वजनिक महत्वका धार्मिक स्थलहरुको सरसफाई गरिएको छ ।
बागमती प्रदेश प्रहरी कार्यालय साथै अन्तर्गतका १० वटै जिल्लाहरुमा एकै साथ सरसफाई कार्यक्रम भएको हो । प्रदेश भरीका १५ वटा धार्मिक स्थलहरुको सरसफाई गरीएको हो । प्रदेश भरीका ३ सय ७० जना प्रहरी कर्मचारी परिचालन गरी सरसफाई गरिएको बागमती प्रदेश प्रहरी कार्यालय हेटौंडा प्रहरी वरिष्ठ उपरीक्षक सुदिप गिरीले जानकारी दिए ।
धार्मिक स्थलको सरसफाई गर्ने कार्यक्रम अन्तर्गत बागमती प्रदेश प्रहरी कार्यालय हेटौंडाले प्रदेश प्रहरी प्रमुख प्रहरी नायव महानिरीक्षक बसन्त कुमार लामा, प्रहरी बरिष्ठ उपरीक्षक सुदिप गिरी, प्रहरी निरीक्षक रोशन थापा सहितको ४० जना प्रहरी कर्मचारीको टोलीले हेटौंडा उप महानगरपालीका १० स्थित गोरक्षेश्वर मन्दिरको सरसफाई गरेको थियो ।
प्रहरी दिवसकै अवसरमा बागमती प्रदेश प्रहरी कार्यालय हेटौंडाले विहीबार बृक्षारोपण गर्ने कार्यक्रम रहेको छ । प्रदेश अन्तर्गतका सम्पुर्ण जिल्लाहरुमा विहीबार बिहान सार्बजनिक महत्वका स्थलहरुमा बृक्षारोपण कार्यक्रम गरिने गिरीले बताए ।