मकवानपुर । हेटैडामा सुविधा सम्पन्न सभाहल निर्माण हुने भएक छ । हेटैडा उपमहानगरपालिकाक खाली रहेके जग्गामा सभाहल बागमति प्रदेश सरकारले सभाहल निर्माण सुरू गरेकाे हाे ।
शहरी विकास तथा भवन कार्यालय मकवानपुरले निर्माण गर्न लागेको सभाहलको बागमती प्रदेशका मुख्यमन्त्री डोरमणि पौडेलले बुधबार शिलान्यास गरेका छन् । सभाहल शिलान्यास कार्यक्रममा मुख्यमन्त्री पौडेलले सभाहल हेटौंडाको गहना भएको वताए । हल निर्माणको काम छिटो सक्न निर्देशन दिदै मुख्यमन्त्री पैडेलले भने‘हल बैज्ञानिक र आधुनिक तरिकाले निर्माण गर्न लागिएको छ । यसपछी प्रदेशके कार्यक्रम गर्न सहज हुने छ ।’
कार्यक्रममा प्रदेशका भौतिक पूर्वाधार विकास मन्त्री रामेश्वर फूँयालले प्रदेश सरकारले पुल, सडक, भवन निर्माणका काममा तिव्रता दिएको वताए । प्रदेशको राजधानी हेटौंडा र काठमाडाै जोड्ने सुरुङमार्ग निर्माण र अरु जिल्लासंग जोड्ने सडक निर्माणको कामले तिब्रता पाउने वताए ।
हेटौंडा उपमहानगरपालिका कार्यालयको प्रशासनिक भवन पछाडी रहेकाे खाली जग्गामा कुल ५ करोड २६ लाख ८३ हजार रुपैयाँ लागतमा सभाहल निर्माण गर्न लागिएको हो । सभाहल निर्माण भएपछी बागमती प्रदेश सरकार र उपमहानगरपालिकाले प्रयोग गर्ने उपमहानगरपालिकाले जनाएकाे छ ।
प्रदेश राजधानीमा रहेका सातवटा मन्त्रालयकाे सभाहल नरहेकाेले हेटाैडा उपमहनगरपालिकासँग समन्वय गरी सभाहल निर्माण गर्न लागिएकाे हाे । प्रदेश राजधानी रहेकाे हेटैडा उपमहानगरपालिकाको अाफ्नै सभाहल नहुँदा कार्यक्रम गर्नका लागि समस्या हुने गरेको थियो । सभाहल निर्माण पछी यस्ता खालका समस्या हट्ने र हलको स्वामित्व उपमहानगरपालिकाको हुने मेयर हरि बहादुर महतले वताए । सभाहलमा साना र ठुला कार्यक्रम गर्नका लागि सहज हुने छ । यसअघि उपमहानगरपालिकाको नगरसभा तथा अन्य कार्यक्रम र प्रदेश मन्त्रालयले कार्यक्रम गर्दा पाटी प्यालेस, विद्यालयका हल, पल्पसा सभागृहमा गरिदै आएका थिए । सभाहलमा चार सय जना अट्ने क्षमताकाे हुने बताइएकाे छ ।
सभाहल शिलान्यास हेटौंडा उपमहानगरपालिकाका मेयर हरिबहादुर महतको अध्यक्षतामा भएको हे । कार्यक्रममा प्रदेशका आर्थिक मामिला तथा योजना मन्त्री कैलाश ढुंगेल, सामाजिक विकास मन्त्री युवराज दुलाल, जिल्ला समन्वय समिति मकवानपुरका उपप्रमुख भगवती पुणासैनी, उपमहानगरपालिकाका उपप्रमुख मिना कुमारी लामा लगायतकाको आतिथ्यता रहेको थियो ।
यसै गरी बुधबार बागमती प्रदेश सभाके सभाहल समेत निर्माण गरिने गरी कार्य थालिएकाे छ । बागमती प्रदेशको राजधानी हेटौंडा ताेकिए पछी प्रदेश सभाकाे लागि सभाहलकाे अभाव थियाे । हेटैडा स्थायी राजधानी भएसंगै प्रदेशभाको सभाहल निर्माणको काम सुरु भएको हाे । कुल ४ करोड ३७ लाख २४ हजार रुपैयाँ लागतमा प्रदेशभाको हल निर्माण गर्न लागिएको बताइएकाे छ ।

हेटौंडा १० टिसिएनमा रहेको प्रदेशसभा भवनसंगै सभाहल पनि निर्माण गर्न लागिएको हो । सभाहलको बुधबार सभामुख सानुकुमार श्रेष्ठले शिलान्यास गरेका छन् । २ सय ५० जना अट्ने क्षमताकाे सभाहल एक सय ४० मिटर लम्बाइ र ८० फिट चौडाइ रहने छ । भवनको शिलान्यास गर्दै सभामुख श्रेष्ठले समय भन्दा अगाडीनै काम सक्नका लागि निर्देशन दिए । प्रदेशका सवै मन्त्रालयका भवन एकै स्थानमा बनाउने तयारी रहेको उनले वताए ।
कार्यक्रममा प्रदेशका भौतिक पूर्वाधार विकास मन्त्री रामेश्वर फूयालले तीन तहकै सरकार मिलेर काम गरेर देखाउने चरणमा लागेको वताए । हरेक विकास निर्माणका काम तीन तहका सरकार र जनसहभागितामा काम द्रुत गतिमा अगाडी वढेको उनले वताए । कार्यक्रममा बागमती प्रदेशका प्रमुख प्रतिपक्ष दलका नेता इन्द्र बहादुर बानियाँले अहिलेकै सांसदले प्रयोग गर्न सक्नेगरी छिटो सभाहल निर्माण सक्न आग्रह गरे ।
कार्यक्रममा उपसभामुख राधिका तामाङ, प्रदेशसभाका सदस्यहरु, जिल्ला समन्वय समिति मकवानपुरका उपप्रमुख मिना कुमारी लामा, हेटौंडा उपमहानगरपालिकाका मेयर हरिबहादुर महत, उपमेयर मिना कुमारी लामा लगायतकाको आतिथ्यता रहेको थियो ।
मकवानपुर । बागमती प्रदेश लोकसेवा आयोग गठन भए पश्चात मंशिर ८ गते साेमबार पहिलोपटक कर्मचारी मागकाे सूचना प्रकाशित गरेकाे छ । साेमबार प्रदेश लाेक सेवा आयाेग हेटाैडाबाट विभिन्न सेवा समूहका ४ सय ६९ जना कर्मचारी माग गरेको हाे ।
बागममती प्रदेशकाे मन्त्रालय र प्रदेश अन्तर्गतका पालिकाहरुकाे लागि सहायकस्तर चौथो तहकाे पद पूर्ति खुला र बढुवाबाट गर्ने गरी विज्ञापन गरिएको आयाेगले जनाएकाे छ । प्रदेशका दुई मन्त्रालयका २२ जना र ४४ पालिकाबाट माग भएकाे सहायक स्तर चौथो तहका ४ सय ६९ जना कर्मचारी माग गरिएको प्रदेश लोकसेवा आयोगका अध्यक्ष सुरेशमान श्रेष्ठले बताए ।
आयाेगले प्रदेश निजामती सेवा वार्षिक पदपूर्ति कार्यतालिका समेत सार्वजनिक गरिएको छ । प्रदेशका १ सय १९ वटा पालिका मध्य ४४ पालिकाले मात्र प्रदेश लोकसेवा आयोगलाई कर्मचारी मागको विवरण पठाएका हुन् । प्रदेश सरकारका ७ वटा मन्त्रालयमध्ये सामाजिक विकास मन्त्रालयले २० जना र भौतिक पूर्वाधार विकास मन्त्रालयले २ जना कर्मचारी माग गरेको छ ।
हेर्नुहाेस सूचना






बार्षिक पदपूर्ति कार्यतालिका


मकवानपुर । बागमती प्रदेश अन्तर्गत कार्यरत प्रहरी कर्मचारी र प्रदेश प्रहरी प्रमुख बीच प्रत्यक्ष टेलीफोन संवाद कार्यक्रम आज आइतबारबाट सुरु गरिएकाे छ ।
प्रहरी कर्मचारीलाइ पेशागत रुपमा जिम्मेवार बनाउन तथा तोकिएको जिम्मेवारी उच्च मनोबलका साथ सम्पादन गर्ने वातावरण सृजना गर्ने उद्धेश्यले प्रदेश अन्तर्गत कार्यरत प्रहरी कर्मचारीहरुको गुनासोलाई सम्बोधन गर्न र उचित सुझावहरुलाई कार्यान्वयनमा ल्याउन प्रदेश प्रहरी प्रमुखसंग प्रत्यक्ष टेलीफोन संवाद कार्यक्रम संचालन गरिएको हाे ।
कार्यक्षेत्रमा खटिएका प्रहरी कर्मचारीहरुले आफुले भोगेका समस्या, चुनौती तथा पिरमर्का र गुनासोका साथै प्रहरी सेवालाई थप प्रभावकारी बनाउन राय सुझाव संकलन गरी उचित सम्बोधनको लागि प्रदेश प्रहरी प्रमुखसंग टेलीफोन संवाद कार्यक्रम संचालन गरिएकाे बागमती प्रदेश प्रहरी कार्यालयका प्रवक्ता प्रहरी बरिष्ठ उपरीक्षक सुदिप गिरीले जानकारी दिए। ‘प्रहरी कार्यालय सहयोगी देखी सिनियर प्रहरी अधिकृत सम्मका कर्मचारीहरुलाई निश्चित समय र बार निर्धारण गरी टेलिफोन संवाद कार्यक्रम संचालन गरिएकाे हाे’ गिरीले भने ‘कर्मचारीको क्षमता प्रर्दशनमा मनोबल वा मनस्थितीको प्रमुख भूमिका रहने भएकोले मनोबल वा मनस्थितीलाई सकारात्मक बनाउन समस्याकाे सम्बोधन गर्नु पर्ने देखिएकाेले प्रहरी कर्मचारीहरुले गुनासो व्यक्त गर्ने सहज पहुँच स्थापित गर्न कार्यक्रम संचालन गरिएकाे छ ।’
कार्यक्रमले प्रहरी कर्मचारीहरुको गुनासो वा समस्याको मात्र सम्बोधन नगरी कार्यरत प्रहरी कर्मचारीहरुको कार्य सम्पादनको अवस्थामा सुधारको लागि राय सुझाव समेत संकलन गरिने गिरीले जानकारी दिए । प्रहरी कर्मचारीले दैनिक भोगिरहेका समस्या तथा समाधानको लागि सुझाव समेत प्राप्त हुने भएकाले प्राप्त भएको गुनासो, सल्लाह र सुझाव मार्फत संगठन सुदृढीकरण तथा कार्य सम्पादनको प्रभावकारीतामा अभिबृद्धि गर्न सकिने गिरीले बताए ।
प्रहरी कार्यालय सहयाेगी देखी प्रहरी हबल्दारसम्मका कर्मचारीकाे हप्ताकाे शुक्रबार बिहान ९ बजेदेखी १० बजेसम्म, जुनियर प्रहरी अधिकृत कर्मचारीकाे हप्ताकाे मंगलबार बिहान ९ बजे देखि १० बजेसम्म र सिनियर प्रहरी अधिकृत कर्मचारीका जुनसुकै समयमा गुनासाे सुन्ने गरी व्यवस्था गरिएकाे छ ।
यस्तै बागमती प्रदेश प्रहरी कार्यालयले कार्तिक महिनाको “महिनाको सर्वोत्कृष्ट प्रदेश प्रहरी (Best province Police Of The Month)” घोषणा गरेकाे छ । जिल्ला प्रहरी कार्यालय मकवानपुरमा कार्यरत प्रहरी सहायक निरीक्षक शिवराज गुरुङ कार्तिक महिनाको सर्बोत्कृष्ट प्रहरी घोषणा भएका हुन ।

‘महिनाको उत्कृष्ट प्रहरी छनौट कार्यबिधी २०७७’ मा उल्लेखीत व्यवस्था अनुसार महिनाको सर्वोत्कृष्ट प्रदेश प्रहरी घोषणा गरिएको प्रदेश प्रहरी कार्यालयका प्रवक्ता सुदिप गिरीले बताए । प्रदेश तथा मातहतमा कार्यरत प्रहरी कर्मचारीहरुबाट सम्पादित कार्यको उचित मुल्याङकन गरी कार्यसम्पादनको स्तरमा प्रभावकारीता एवंम् थप हौसला प्रदान गर्ने उद्देश्यले महिनाकाे उत्कष्ट प्रहरी घोषणा गरिएको गिरीले जानकारी दिए । जिल्ला प्रहरी कार्यालय मकवानपुरमा कार्यरत प्रहरी सहायक निरीक्षक शिवराज गुरुङ कार्तिक महिनाको सर्बोत्कृष्ट प्रहरी घोषणा भएका हुन ।
मकवानपुर जिल्लामा भएका बिभिन्न घटनाहरुको अनुसन्धान, लागु औषधको बरामद तथा फरार प्रतिबादी पक्राउ गर्ने कार्यमा उत्कृष्ट कार्य सम्पादन गरेको सुचककाे आधारमा छनौट समितिले गुरुङलाइ सर्वोत्कृष्ट प्रदेश प्रहरी घोषणा गरी नगद पुरस्कार द्वारा पुरस्कृत गरिएको हाे । प्रहरी सहायक निरीक्षक गुरुङ सहित कार्तिक महिनामा उत्कृष्ट कार्य गर्ने १५ जना प्रहरी कर्मचारी पुरस्कृत भएकाे गिरीले जानकारी दिए ।
यसैगरी बागमती प्रदेश अन्तर्गत स्थानीय तहमा प्रहरी कर्मचारीहरुसंग सम्बन्धित गुनासो तथा सुझाव संकलनको राखिएकाे पेटीकामा कार्तिक महिनामा गुनासो तथा सुझाव संकलन गरीएको छ । प्रदेश अन्तर्गतका ३१ वटा स्थानीय तहमा राखिएकाे गुनासो तथा सुझाव संकलन पेटीमा आम नागरिकबाट प्राप्त भएका गुनासो तथा सुझाव संकलन गरि प्रदेश प्रहरी कार्यालय ल्याइएकाे प्रवक्ता गिरीले बताए ।
प्रदेश अन्तर्गतका चितवन जिल्लाको बिभिन्न स्थानीय तहबाट २ वटा र मकवानपुर, दोलखा, सिन्धुली जिल्लाकाे स्थानीय बाट १/१ वटा गरी कार्तिक महिनामा ५ वटा गुनासो तथा सुझाव प्राप्त भएका छन् ।
“गुनासो तथा सुझाव पेटीका संचालन सम्बन्धी योजना २०७७” अनुसार प्रत्येक महिनाको १ गते उजुरी पेटीका खोली प्राप्त भएका गुनासो तथा सल्लाह सुझाव प्रदेश प्रहरी कार्यालयमा ल्याउने गरिएकाे गिरीले जानकारी दिए । गत असोज महिनामा भने मकवानपुर र धादिङमा गरी ६ वटा गुनासो प्राप्त भएकोमा कार्यान्वयन समेत भइ सकेकाे गिरीले बताए ।
बागमती प्रदेश प्रहरी कार्यालयले प्रथम चरणमा सबै महानगरपालीका, उपमहानगरपालीका, नगरपालीका र सदरमुकाम रहेको गाउँपालीका गरी ३१ वटा स्थानीय तहमा गुनासो तथा सुझाव संकलन पेटीका राखीएको थियो । प्रहरी कार्यालयका साथै प्रहरी कर्मचारीहरुबाट सम्पादन भएका कामकारबाहीको सम्बन्धमा आम नागरिकबाट प्राप्त हुने सल्लाह, सुझावका साथै गुनासोलाई उचित सम्बोधन गरी प्राप्त सल्लाह सुझाव अनुरुप प्रहरी सेवालाई परिमार्जन गर्ने उद्देश्यले बागमती प्रदेश प्रहरी कार्यालय हेटौंडाले असोज १ गते स्थानीय तहसंगको सहकार्यमा गुनासो तथा सुझाव संकलन पेटीका राखेको थियो ।
दोस्रो चरणमा ६७ वटा गाउँपालीका र तेस्रो चरणमा प्रदेश भरीका ८७४ वटा वडा कार्यालयहरुमा समेत गुनासो तथा सुझाव संकलन पेटीका राखिने गिरीले बताए ।
मकवानपुर । हाल नेपालमा बाग्मती प्रदेश र पश्चिमका प्रदेशहरुमा पश्चिमी वायुको प्रभाव रहेको देखिएकाेले देशका अधिकांश भागमा आंशिक र सामान्य माैसम वदली भइ थाेरै स्थानहरूमा वर्षा र हिमपात भइरहेकाे जल तथा माैसम विज्ञान विभाग माैसम पूर्वानुमान विभागले जनाएकाे छ ।
हाल देशको सुदूरपश्चिम प्रदेश, कर्णाली प्रदेश, लुम्बिनी प्रदेश , गण्डकी प्रदेश र बाग्मती प्रदेशमा आंशिक देखि सामान्य बदली भई थोरै स्थानहरुमा वर्षा/हिमपात भईरहेको र प्रदेश नं १ का पहाडी भु-भागमा आंशिक बदली हुनुका साथै बाँकि भू-भागमा मौसम सामान्यतया सफा रहेको विभागले जानकारी दिएकाे छ ।
मंशिर १ गते साेमबार देशभर आंशिक देखि सामान्य बदली रहेकाे सुदूरपश्चिम, कर्णाली, लुम्बिनी, गण्डकी र बागमती प्रदेशका केहि स्थानमा मेघ गर्जन र चट्याङ सहित हल्का बर्षाको सम्भावना रहेकाे विभागले जनाएकाे छ । साथै, देशको उच्च पहाडी तथा हिमाली भू-भागका केहि स्थानहरुमा हल्का देखि मध्यम हिमपातको सम्भावना रहेको छ ।
मंशिर २ गते मंगलबार देशको पहाडी भू-भागमा आंशिक बदली रही उच्च पहाडी तथा हिमाली भू-भागका थोरै स्थानहरुमा हल्का हिमपात हुने संभावना रहेको छ भने बांकी भु-भागमा मौसम सामान्यतया सफा रहने छ ।
मंशिर ३ गते बुधबार देशको पहाडी भू-भागमा आंशिक बदली रही प्रदेश नं १ र गण्डकी प्रदेशको उच्च पहाडी तथा हिमाली भू-भागका १-२ स्थानहरुमा हल्का हिमपात हुने संभावना रहेको छ भने बांकी भु-भागमा मौसम सामान्यतया सफा रहनेछ माैसम पूर्वानुमान विभागले जानकारी दिएकाे छ ।
‘देशका केहि स्थानमा मेघ गर्जन र चट्टयाङ सहित हल्का देखि मध्यम बर्षाको सम्भावना रहेकाे’ विभागले भनेकाे छ ‘ देशको उच्च पहाडी तथा हिमाली भू-भागका केही स्थानहरुमा हल्का देखि मध्यम हिमपातको सम्भावना रहेकोले आवश्यक सतर्कता अपनाउन अनुराेध छ’।
मकवानपुर । बागमती प्रदेश प्रहरी कार्यालयबाट प्रदेशकै सबै भन्दा बिकट स्थानमा अवस्थित प्रहरी चौकीकाे निरीक्षण गरिएकाे छ । प्रदेश प्रहरी प्रमुख प्रहरी नायव महानिरीक्षक बसन्त कुमार लामा सहितकाे टेलीले प्रहरी चाकी लाङटाङ, रसुवाको निरीक्षण गरेका हुन् ।
उक्त प्रहरी चौकीकाे प्रहरी नायव महानिरीक्षक दर्जाको प्रहरी कर्मचारीबाट प्रथम पटक अनुगमन भएको हो । रसुवा जिल्लाको गोसाईकुण्ड गाँउपालिका को वडा नं ४ क्षेत्राधिकार भएको प्रहरी चौकी लाङटाङ, रसुवा यस प्रदेशकै सबै भन्दा विकट स्थानमा रहेको प्रहरी ईकाईमा पर्दछ ।

२०६४ सालमा स्थापना गरीएको उक्त प्रहरी चौकीले हाल सम्म भाडाको घरबाट कार्यालय संचालन गर्दै आएको छ । बागमती प्रदेश सरकारबाट उक्त चौकी निर्माणको लागि २ करोड ६४ लाख ४८ हजार ९ सय ८ रुपैया बजेट निकासा भएपछि प्रहरी चौकीको कार्यालय भवन निर्माण शुरु भएको छ । बागमती प्रदेश सरकारबाट यस प्रदेश अन्तर्गतका ४७ वटा प्रहरी ईकाई निर्माणको लागि बजेट निकासा गरेको थियो । १३ जनाको दरबन्दी भए पनि जनशक्ति अभावका कारण हाल ४ जना मात्रै प्रहरी कर्मचारी उक्त चाैकी कार्यरत रहेको छ ।
यातायातको साधन नजाने हुँदा निर्माण सामाग्री ढुवानीमा हुने कठिनाई र वर्तमान संक्रमण जोखीमका ढिलोगरी निर्माण कार्य थालनी गरिएको उक्त प्रहरी चौकीको निर्माण कार्यलाई जतिसक्दो छिटो निर्माण सम्पन्न गर्न निर्माण सम्झौता गरिएकाे निर्माण कम्पनीका व्यक्तिका साथै स्थानीयहरुसंग अन्तरक्रिया गरिएकाे थियो ।