मकवानपुर/कृतिम बौद्धिकताको कारण आधारभूत मानव अधिकार प्रत्याभुतमा समेत चुनौती सिर्जना भएको बताइएको छ ।
छिटोछरितो कामको लागि भित्र्याइएका प्रविधिले मानवअधिकार प्रत्याभूत गर्नमा समेत चुनौती देखिएको निक्यौल गरिएको हो । प्रविधिसँगै भित्रेका साधनका कारण मानवीय गोपनियताको हक, समानताको हक, सही सूचना प्राप्त गर्ने हक समेत हनन भएको हेटौंडामा आयोजित एक कार्यक्रमका सहभागीहरुले बताएका हुन् ।
इन्सेक बागमती प्रदेश, आई.सी.एन.एल. र सोच नेपालको आयोजनामा भएको कृतिम बौद्धिकता तथा मानव अधिकार बिषयक प्रदेश स्तरीय कार्यशाला गोष्ठीमा यस्तो चर्चा गरिएको हो ।
रोबर्टलगायतको कृतिम सामग्रीको कारण सामाजिक सुरक्षाको पाटो समेत कमजोर बन्दै आएको सहभागीहरुले बताएका हुन् । कृत्रिम बौद्धिकता भिœयाउँदा कहिलेकाँही द्वन्द्वलाई प्रोत्साहन हुने, रोजगारी प्राप्तिमा समस्या हुने जस्ता चुनौति भएको आइ.सी.एन.एल.का नेपाल प्रतिनिधि उत्तम उप्रेतीले बताए ।
प्रविधिको कारण मानिसहरुले परिश्रम गर्न छाडेको र मानवीय सोचाइ तथा परिकल्पनाको रफ्तार समेत कम हुदैं आएको उप्रेतीले बताए । ‘गलत सूचनाले समाजमा गहिरो प्रभाव पार्न थालेको छ’कार्यक्रममा कार्यपत्र प्रस्तुत गर्दै उप्रेतिले भने ।

प्रदेश राजधानी हेटौंडामा आयोजना गरिएको कार्यक्रममा अनौपचारिक क्षेत्र सेवा केन्द्र (इन्सेक) बागमती प्रदेश संयोजक कृष्ण गौतम, सिविन बाल हेल्प लाइन मकवानपुरका प्रमुख झविन्द्र ज्ञावली, अधिवक्ताहरु मनप्रसाद भट्टराइ, अप्सरा बस्नेत, सञ्चारिका समूह नेपाल, बागमती प्रदेश संयोजक सरिता दाहाल, डेक नेपालका मानबहादुर वाइवा, दलित महिला संघकी मञ्जु बिक, अधिकारकर्मीहरु कमलकुमार बिक, अर्जुन ढकाल, दीपेन्द्र ढकाल, जमुना तितु·लगायतको उपस्थिती थियो ।
कृतिम बौद्धिकता र मानव अधिकार बारे सातै वटा प्रदेशमा छलफल सकिएको र अब संघीय सरकारलाई सुझाव बुझाइने उप्रेतीले बताए ।
मकवानपुर । बागमती प्रदेशका ५ जिल्ला अस्पताललाई अाइतबार एम्बुलेन्स हस्तान्तरण गरिएकाे छ । सामाजिक विकास मन्त्रालय अन्तरगतको स्वास्थ्य आपूर्ति व्यवस्थापन केन्द्र मार्फत खरिद गरिएकाे एम्बुलेन्स मुख्यमन्त्री डोरमणि पौडेलले प्रदेशका ५ जिल्ला अस्पताललाई हस्तान्तरण गरेका हुन् ।
अाइतबार एक कार्यक्रमका बीच मकवानपुरको हेटौंडा, नुवाकोटको त्रिशुली, सिन्धुपाल्चोकको चौतारा, धादिङको धादिङबेसी र सिन्धुली जिल्लाको सिन्धुली माडी अस्पतालको प्रमुख चिकित्सक र अस्पताल विकास समितिका अध्यक्षलाई एम्बुलेन्स हस्तान्तरण गरिएकाे छ । एम्बुलेन्स हस्तान्तरण कार्यक्रममा मुख्यमन्त्री पौडेलले प्रदेश सरकारले संचालन गरेका अस्पतालले स्तरीय र गुणस्तरीय सेवा प्रदान गरिरहेकाे बताए ।

‘अस्पतालहरुको सेवा गुणस्तरीय भए विरामी रिफर गर्ने अवस्थाको अन्त्य हुनेछ’ पाैडेलले भने जिल्ला अस्पतालहरुको भवन निर्माणको क्रम जारी रहेकाे छ जनशक्ति र उपकरणको पर्याप्त उपलव्धताका लागि प्रदेश सरकारले काम गरिरहेको छ ।’
कार्यक्रममा प्रदेशका प्रमुख सचिव मानबहादुर विके, मन्त्रालयका सचिव दिपक काफ्ले, आपूर्ति व्यवस्थापन केन्द्रका निमित्त निर्देशक बसन्त अधिकारी, हेटौंडा अस्पतालका अध्यक्ष प्रकाश पौडेल लगायतको उपस्थिति रहेको थियो ।
आपूर्ति व्यवस्थापन केन्द्रले पहिलो पटक सुविधा सम्पन्न ‘ख’ बर्गको एम्बुलेन्स जिल्ला अस्पताललाई प्रदान गरेको जनाइएको छ । अहिले उपलव्ध गराइएका ५ वटा एम्बुलेन्सको लागत एक करोड ४६ लाख रुपैंया रहेको छ ।
मकवानपुर / नेपालमा सन् २०२० मा मानव अधिकार उल्लघन तथा ज्यादतीका घटनाबाट ५ हजार ५ सय ४३ जना पीडित भएका छन् । यसमध्ये २७ प्रतिशत घटना बागमती प्रदेशमा भएको पाइएको छ ।
अनौपचारीक क्षेत्र सेवा केन्द्र (इन्सेक) बागमती प्रदेश हेटौंडाले शुक्रबार यो तथ्याङ्क सार्वजनिक गरेको हो । जस अन्तरगत मानव अधिकार उल्लङ्घनका ६ सय ७५ मध्ये महिला ५८ जना रहेका छन् । ज्यादतीका ४ हजार ८ सय ६८ घटनामा ४ हजार २ सय ७१ जना महिला, ५ सय ९५ पुरुष र १ जना तेस्रो लिङ्गि रहेको इन्सेक बागमती प्रदेश संयोजक कृष्ण गौतमले बताए ।
सन् २०२० मा यस प्रदेशमा मानव अधिकार उल्लङ्घन तथा ज्यादतीका घटनामा १ हजार ४ सय ९४ जना पीडित भएको इन्सेकले अभिलेख गरेको छ । यसैगरी गिरफ्तारका घटनामा १ सय ६८ जना, अभिव्यक्ति, भेला तथा सङ्गठित हुने अधिकारमा १२ जना, जातीय विभेदका घटनामा २१ जना, महिला अधिकार उल्लङ्घनका घटनामा ७ सय ४७ जना, यातनाका घटनामा ७ जना, बाल अधिकार उल्लङ्घनका घटनामा ३ सय ७६ जना पीडित भएको अभिलेख राखिएको प्रदेशको प्रलेख अधिकृत गणेश भण्डारीले जानकारी दिए ।
इन्सेकले हरेक वर्ष प्रजातन्त्र दिवसको दिन मानव अधिकार वर्ष पुस्तक सार्वजनिक गर्दै देशको मानव अधिकारको समग्र अवस्थाबारे रिपोर्ट सार्वजनिक गर्ने गरेको छ । यसै अनुरुप शुक्रबार बागमती प्रदेशका मुख्य न्यायधिवक्त ओमप्रसाद थपलियाबाट नेपाल मानव अधिकार वर्ष पुस्तक २०२१ सार्वजनिकीकरण गरेको थियो । कार्यक्रममा मुख्य न्यायधिवक्ता थपलियाले मानव अधिकारको अवस्था कुनै पनि हालतमा संकुचित हुन नहुने बताए ।
इन्सेक बागमती प्रदेशका अनुसार बाल अधिकारका ३ सय ४० वटा, महिला अधिकार ४ सय १९ वटा, जातीय बिभेदको ४ वटा, कुटपिट २३ वटा, हत्या ४८ का वटा घटना भएको तथ्यांक सार्वजनिक भएका छन् । यसैगरी ५ जना नवजात शिशुको हत्या, २ सय ३५ बालिका बलात्कारको शिकार भएको समेत गरि ३ सय ४० वटा घटना बालबालिकामाथी भएको र २ सय १० महिला बलात्कारको सिकार भएको समेत गरि ४ सय १९ वटा घटना महिलामाथी भएको छ ।

कार्यक्रममा मुख्य न्यायधिवक्ता थपलियाले जनचेतना अभिबृद्विमा इन्सेकको भूमिका महत्वपूर्ण रहेको बताए । पुस्तकको २९ औं संस्करणमा आईपुग्दा इन्सेकले तथ्यांकको अभिलेखिकरणसँगै संघीय संरचनाका तीन तहको सरकारले गरेको महत्वपूर्ण कामबारे चर्चा गरेको उनले बताए । बालविवाह मुक्त प्रदेशको अभियान चलाईएको बेला स्थानीय तहले भोगेको समस्या चुनौती बारेका तथ्यांक पनि समेट्न उनले सुझाव दिए । “अबको दिनमा घटनाको कारण पनि खोजी गरौ” उनले भने ।
कार्यक्रममा बागमती प्रदेशबाट सूचना प्रवाहमा सर्वोत्कृष्ट प्रतिनिधि छनौट भएका चितवनको प्रतिनिधि दीपेन्द्र अधिकारीलाई सात हजार नगद सहित सम्मान गरिएको थियो । सम्मानले इन्सेकमा सूचना सम्प्रेषणमा अझै जिम्मेवारी बोध भएको अधिकारीले बताए ।

अधिकारीले आफूले पाएको पुरस्कार बजेट चितवनका राजकुमार चेपाङको परिवारलाई राहत स्वरुप प्रदान गर्ने प्रतिबद्धता व्यक्त गरे । २४ बर्षिय चेपाङको २०७६ साउन १ गते चितवन राष्ट्रिय निकुञ्ज सुरक्षामा खटिएको सेनाको कुटपिटको कारण सख्त घाइते भइ २०७६ साउन ७ गते मृत्युु भएको थियो ।
जिल्ला समन्वय समिति मकवानपुर उपप्रमुख भगवती पुडासैनी, आन्तरिक मामिला मन्त्रालयका उपसचिव नारायणप्रसाद पोखरेललगायतको उपस्थिति रहेको कार्यक्रममा बालकल्याण समाज मकवानपुरका प्रकाश खतिवडा, सेलर्डका सदस्य जगन्नाथ सुवेदी, अधिवक्ता मनप्रसाद भट्टराई, सिविन बाल हेल्पलाइनका झबिन्द्र ज्ञावली, मानव अधिकार संरक्षण तथा मानव बेचविखन विरुद्धको जिल्ला जिल्ला सञ्जाल संयोजक आरती पाठक, अधिवक्ता मुकुन्द अधिकारीलगायतले पुस्तकलाई अझै सुधार ल्याउनु पर्ने बताएका थिए । कार्यक्रम इन्सेक बागमती प्रदेश संयोजक कृष्ण गौतमको अध्यक्षतामा भएको थियो ।
मकवानपुर । शुक्रबार ७१ औं राष्ट्रिय प्रजातन्त्र दिवसको अवसरमा बागमती प्रदेश सरकारद्वारा हेटौंडामा आयोजित कार्यक्रममा मुख्यमन्त्री डाेरमणि पौडेलले सत्तारुढ दल नेकपालाई अत्याधिक बहुमत प्रदान गरेको जततालाई अहिले शान्ति–सुरक्षा, आर्थिक समृद्धि र प्रजातन्त्रको सुदृढिकरणको लागि दलहरु एकैढिक्का भएर अघि बढ्नुपर्ने चुनौती थपिएको बताएका छन् ।
मुख्यमन्त्री पौडेलले मुलुकमा राजनीति दलको नेतृत्वमा जनताले युगान्तकारी परिवर्तन गरिएको भएपनि दलका नेताहरुको सत्तास्वार्थको कारणले अहिले संसदीय प्रजातन्त्रप्रति संकट आएको बताए ।
७१ औं राष्ट्रिय प्रजातन्त्र दिवसको अवसरमा मुख्यमन्त्री डाेरमणि पौडेलले व्यक्त गरेकाे मन्तव्यकाे पूर्ण पाठ
मकवानपुर । बागमती प्रदेशको राजधानी हेटौंडामा ७१ औ प्रजातन्त्र दिवस भव्य रुपमा मनाईने भएको छ । मुख्यमन्त्री तथा मन्त्रिपरिषदको कार्यालयमा सोमबार बसेको तयारी बैठकले प्रदेश स्तरमा ७१ औं प्रजातन्त्र दिवश आगामी फागुन ६, ७ र ८ गते तीन दिन भव्य विभिन्न कार्यक्रम गरेर भव्य रुपमा मनाउने निर्णय गरेको हो ।
बैठकले प्रजातन्त्र दिवश मनाउन प्रदेशका मुख्यमन्त्री डोरमणि पौडेलको अध्यक्षतामा प्रदेश स्तरीय प्रजातन्त्र दिवस समारोह समिति गठन गरेको छ । मुख्यमन्त्री कार्यालयमा समारोह समिति गठन गर्न साेमबार बसेको बैठकले प्रजातन्त्र दिवसका अवसरमा आगामी फागुन ६, ७ र ८ गते गरिने विभिन्न कार्यक्रमको समेत तय गरेको छ ।
बैठकले दिवशका अवसरमा हेटौंडामा अन्तर मावि स्तरीय हाजिरी जवाफ प्रतियोगिता, परिसम्वाद कार्यक्रम, सरसफाई कार्यक्रम, रक्तदान कार्यक्रम, फलफुल वितरण कार्यक्रम, खुल्ला दौड प्रतियोगिता, म्यूजिकल थेरापी कार्यक्रमलगायत सार्वजनीक स्थानमा झण्डा फहराउने तथा तीनै दिन दिपावली गरेर मनाउने निर्णय गरेको छ ।
यस्तै फागुन ७ गते व्यापक जनपरिचालन सहितको ¥याली तथा दिवशका अवसरमा आयोजित विभिन्न प्रतियोगिताका बिजयीलाई पुरकार वितरण कार्यक्रम गर्ने बताईएको छ । दिवश मनाउन जनपरिचालनको जिम्मा जिल्ला समन्वय समिति मकवानपुरलाई, अन्तर मावि स्तरीय हाजिरी जवाफ प्रतियोगिताको जिम्मा सामाजिक विकास मन्त्रालयलाई, परिसंवाद कार्यक्रमको जिम्मा प्रदेश सञ्चार रजिस्टार कार्यालयलाई, सरसफाई कार्यक्रमको जिम्मा हेटौंडा उपमहानगरपालिकालाई, फलफुल वितरणको जिम्मा कृषि तथा सहकारी मन्त्रालयलाई, रक्तदान कार्यक्रमको जम्मेवारी कर्मचारी मिलन केन्द्र मकवानपुरलाई, खुल्ला दौड प्रतियोगिताको व्यवस्थापनको जिम्मा जिल्ला खेलकुद विकास समितिलाई, म्यूजिकल थेरापिको जिम्मा प्रदेश प्रहरी कार्यालयलाई दिएको छ ।
अन्तर मावि स्तरीय हाजिरी जवाफ प्रतियोगिता प्रथम, द्वितीय र तृतीय हुनेलाई क्रमश १० हजार, ७ हजार र ५ हजार र खुल्ला दौडमा विजयी हुने प्रथम, द्वितीय, तृतिय र सान्त्वना हुनेलाई क्रमश १५ हजार, १२ हजार, १० हजार र ५/५ हजार पुरस्कार प्रदान गर्ने निर्णय गरेको छ ।
दिवशकाे अन्तिम दिन भुटनदेवी माविको चौरबाट ¥याली सहित मुख्यमन्त्री तथा मन्त्रीपरिषदको कार्यालय अाएर विशेषा कार्यक्रम हुने बताईएको छ । कार्यक्रम प्रदेश प्रमुख विष्णु प्रसाद प्रसाईको प्रमुख आतिथ्यता एवम् सभामुख सानुकुमार श्रेष्ठको विशेष आतिथ्यतामा हुने छ ।
यसैबीच मुख्यमन्त्री पौडेलले सबैलाई प्रजातन्त्र दिवशको कार्यक्रममा सहभागी हुन आग्रह गरेका छन् ।
दिवश तयारी बैठकमा प्रदेशका आर्थिक मामिलामन्त्री कैलाश ढुंगेल, कृषि तथा सहकारीमन्त्री दावा दोर्जे लामा, भौतिक पुर्वार्धार मन्त्री रामेश्वर फुँयाल, जिल्ला समन्वय समिति मकवानपुरका प्रमुख रघुनाथ खुलाल, प्रमुख सचिव मान बहादुर बिकलगायत विभिन्न मन्त्रालयका सचिवहरु, सुरक्षा निकायका प्रमुखहरु, विभिन्न संघसंस्थाका प्रमुख एवम् प्रतिनिधिको सहभागिता थियो ।